Мэдээ
АЛТНЫ КОМПАНИУДАД ТӨГРӨГӨӨР ЗЭЭЛ ОЛГОЖ, АЛТААР ТООЦНО
Зах зээл дээр 1 унц буюу 31.5 гр алт 3000 ам.долларт хүрсэн нь түүхэн дээд ханш байсан бол улам өсөж, 3 дугаар сарын сүүлийн 7 хоногт 3300 ам.долларт хүрээд байна. Дэлхийн эдийн засагт тааварлашгүй нөхцөл байдал үүсгэсэн Трампын тарифын бодлого, худалдааны дайны нөлөө Монголд хэдийн мэдрэгдэж эхэлжээ.
О.Батнайрамдал: Оюу толгойн бүлэг ордын хоёр лицензийг эзэмшигч Онтрэтэй Засгийн газар хэлэлцээр хийх хэрэгтэй
Оюу толгой нь таван бүлэг ордтой, таван тусгай зөвшөөрөлтэй. Үүний хоёрыг “Оюу толгой” бус Онтрэ гэх Канадын хөрөнгийн биржид бүртгэлтэй компани эзэмшдэг. 2024 оны 12-р сарын 19-нд Канадын Арбитрын шүүх нэгэн шийдвэр гаргасан. Тэр нь “Оюу толгой”, “Онтрэ”-тэй 2005 онд хийсэн гэрээг албажуулах үүрэг хүлээсэн. Онтрэн эзэмшлийн хоёр лицензэд Оюутолгойн бүлэг ордын 30 гаруй хувь нь хамаардаг. Монгол Улс хувь эзэмшлийн хүрээнд энэ хоёр лицензийн нөөц баялгийн хэдэн хувийг эзэмшиж байгаа вэ гэдэг дээр тодорхой хариулт авахыг хүсч байна.
АНУ-ын нүүрсний компаниуд хүнд байдалд байна
АНУ, БНХАУ-ын хооронд өрнөж буй “Худалдааны дайн” олон улсын хөрөнгийн зах зээлийг төдийгүй уул уурхайд ч сөргөөр нөлөөлж байна. “Spglobal”-д мэдээлснээр татварын нэмэгдэлтэй холбоотойгоор Бээжин АНУ-ын бараанд 34 хувийн нэмэлт татвар ногдуулах бол 4-р сарын 10-наас эхлэн АНУ-аас Хятад руу экспортолж буй нүүрсэнд 52 хувийн татвар ногдуулах аж. Үнэ тарифын зөрчилдөөн эцэстээ дэлхийн ган үйлдвэрлэлийн салбарын тэргүүлэгч болох Хятадад нийлүүлэх нүүрсний урсгалыг гацаана гэж таамаглаж байна. Дагаад Америкийн нүүрсний компаниуд өөрсдөө ч алдагдал хүлээх нь тодорхой болж хүнд байдалд ороод байгаа юм.
“Kinross Gold” олборлолтоо нэмэгдүүлнэ
Алт олборлолтын дэлхийн тэргүүлэх компанийн нэг “Kinross Gold” энэ жил олборлолтоо нэмэгдүүлэх зорилго тавьсныг “Globe Newswire”-д онцолжээ. Тус компанийн гүйцэтгэх захирал Ж.Пол Роллинсонb ”Өнгөрсөн жил Kinross-ийн хувьд ололт амжилтаар дүүрэн байлаа. Бид хөрөнгө оруулалтын 800 сая долларын өрийг төлж, ашиг орлогоо 37 хувиар өсгөж чадсан. Энэ жилийн хувьд уурхайнуудын ашигт үйл ажиллагаанд онцгой анхаарч олборлолтоо нэмэгдүүлнэ. Ингэснээр компанийн санхүүгийн найдвартай байдлыг хангах төдийгүй хувьцаа эзэмшигчдын итгэлийг сэргээнэ. Түүнчлэн ашиг өгч болохуйц уурхайнуудад хөрөнгө оруулсан хэвээр байх болно” хэмээн ярьжээ.
Төмрийн хүдрийн үнэ буурсантай холбоотойгоор “BHP”-ийн ашиг 23 хувиар буурчээ
Үнэ тарифтай холбоотой “Худалдааны дайн” уул уурхайн аварга компаниудын үйл ажиллагаа, ашиг орлогод сөргөөр нөлөөлж байна. Тодруулбал, төмрийн хүдэр болон гангийн нүүрсний үнэ буурсан нь уул уурхайн тэргүүлэх компани болох “BHP”-гийн хагас жилийн ашиг 23 хувиар буурсан талаар “ABC”-д мэдээлжээ. Ялангуяа төмрийн хүдрийн орлого өнгөрсөн оны мөн үетэй харьцуулахад 26 хувиар буурсан байна.Түүнчлэн “BHP” нэгж хувьцаанд 50 центийн ногдол ашиг зарласан нь сүүлийн найман жилийн хамгийн бага үзүүлэлт болоод байна.
Индонезийн зэс экспортлогчид Засгийн газрын хоригийг дахин харж үзэхийг хүсэв
Дэлхийн уул уурхайн томоохон компанид тооцогддог Индонезийн “Amman Mineral” Засгийн газрынхаа баримталж байгаа бодлогоос шалтгаалан зэс олборлолтоо нэмэгдүүлэх төлөвлөгөөгөө хэрэгжүүлж чадахгүй байгаа аж. Учир нь, тус улсын Засгийн газар түүхий эрдэс баялгийн дотоод боловсруулалтыг дэмжих өргөн хүрээний бодлогын хүрээнд 2025 оны нэгдүгээр сарын 1-нээс эхлэн зэсийн баяжмал экспортлохыг хориглосон юм. Харин дэлхийн зах зээлд зэсийн үнэ нэмэгдэж байгаа энэ цаг үеийн боломжийг ашиглах хэрэгтэй гэдэгт компанийн удирдлага санал нэгдээд байгаа ажээ. Тиймээс “Amman Mineral”-ын гүйцэтгэх захирал Рахмат Маккасау Засгийн газрыг энэ асуудалд уян хатан хандаж зэсийн баяжмалыг экспортлоход анхаарч үзнэ гэдэгт найдаж байгаагаа парламентад илгээсэн захидалдаа онцолсон байна.
“Айвенхоу Майнз”-ын зэс, цайрын олборлолт эрчимжиж байна
“Айвенхоу Майнз”-ын бас нэг томоохон төсөл болох Кипуши уурхай энэ оны нэгдүгээр сард 16,063 тонн цайр үйлдвэрлэж дээд амжилт тогтоожээ. Үйлдвэрлэлийн хэмжээ жил бүр өсч байгаа бөгөөд 2025 онд 180,000-240,000 тонн цайр олборлох зорилго тавьсан байна. Шинэ он гарснаас хойш баяжуулах үйлдвэрийн олборлолт дунджаар 88 хувь орчим байгаа бол баяжмалын агуулга нь 53 хувьтай байгаа ажээ. Харин 2026 онд 250,000 гаруй тонн баяжмал дахь цайр тогтмол үйлдвэрлэх зорилт тавьсан байна.
Трампын зарлиг “Nike” болон “Apple”-ийн хувьцааны ханш буурахад хүргэв
АНУ-ын Ерөнхийлөгч Дональд Трамп хилийн чанадаас нийлүүлж буй бүх бараанд 10 хувийн суурь татвар ногдуулах зарлиг гаргасан билээ. Энэ нь олон улсад дэгдээд байгаа “Худалдааны дайн”-ыг улам өдөөж байгаа төдийгүй дэлхий даяар худалдааны бодлогын шинэ чиг хандлагыг тодорхойлох чухал алхам болж байгаа талаар эдийн засагчид онцолж байна. Ерөнхийлөгч Трамп өөрийн гаргасан шийдвэрийг “дэлхийн бүх улс оронд харилцан татвар ногдуулахыг зохицуулсан түүхэн зарлиг” гэж дүгнэсэн ч энэ нь хөрөнгийн зах зээлд том цохилт болоод байгаа юм. “CNBC”-д бичсэнээр АНУ-ын эдийн засагт гол нөлөөтэй “Dow”, “S&P 500” болон “Nasdaq” индексийн ханш буурч 2020 оноос хойших хамгийн их уналтад орсон байна. “Dow Jones” индекс 1,679.39 нэгж буюу 3.98 хувиар унажээ.
