Монгол, Их Британи эрдэс баялгийн салбарт хүч нэгтгэнэ

Монгол Улс болон Их Британи, Умард Ирландын Нэгдсэн Хаант Улс эрдэс баялгийн салбарт хамтран ажиллах замын зураглалдаа гарын үсэг зурлаа.

Энэхүү баримт бичигт Монгол Улсын Аж үйлдвэр, эрдэс баялгийн яамны Төрийн нарийн бичгийн дарга С.Жавхланбаатар, Их Британи, Умард Ирландын Нэгдсэн Хаант Улсаас Монгол Улсад суугаа Элчин сайд хатагтай Фиона Блайт нар гарын үсэг зурж хоёр талын хамтын ажиллагааны шинэ шат эхэлж байна.

Хамтын ажиллагааны баримт бичигт дараах чиглэлүүдэд хамтран ажиллахаар тохиролцжээ:

• Геологийн судалгаа,
• Геофизик, геохимийн болон геологийн зураглалын ажлыг орчин үеийн технологиор гүйцэтгэх,
• Монголын Үндэсний геологийн алба болон Британийн геологийн албаны хамтын ажиллагааг хөгжүүлэх,
• Ашигт малтмалын салбар дахь сургалт, семинар, туршлага солилцох хөтөлбөрүүдийг хэрэгжүүлэх.

Энэхүү хамтын ажиллагаа нь хоёр улсын геологийн судалгаа, шинжилгээний түвшинг ахиулж, салбарын хөгжилд бодитой хувь нэмэр оруулах хүлээлттэй байна.