Үйл явдал
Геологийн судалгаа шинжилгээний төв ТӨҮГ-ын дэргэдэх “Ховор металлын судалгааны төв” нээлтээ хийлээ
Тус судалгааны төвийг Геологийн судалгаа шинжилгээний төв ТӨҮГ-ын дэргэд байгуулж, газрын ховор элемент болон ховор металлын хүдрийг баяжуулах технологийг хамтран судлах, Солонгосын дэвшилтэт баяжуулах технологийг нутагшуулах, хүний нөөцийн чадавхыг бэхжүүлэх, хоёр орны аж ахуйн нэгжүүдийн хамтын ажиллагааг өргөжүүлж, инновац, технологийн солилцоог дэмжих, судалгаа шинжилгээний шинэ боломжийг нээх өндөр ач холбогдолтой юм.
Салбарын сайд “Онтре ресурс” компанийн удирдлагатай уулзлаа
Салбарын сайд Г.Дамдинням “Онтре ресурс” компанийн Ерөнхийлөгч бөгөөд Гүйцэтгэх захирал Степен Скоттой (2025.12.10) уулзав. Уулзалтын үеэр Салбарын сайд Г.Дамдинням Монгол Улсын Ерөнхий сайдын захирамжаар хэлэлцээр хийх ажлын хэсэг байгуулагдсаныг дуулгаад Онтре компани нь Оюутолгойн бүлэг ордын зарим ашиглалтын тусгай зөвшөөрөл эзэмшигчийн хувьд Монголын талд хүндэтгэлтэй хандаж хэлэлцээрээ нэн даруй эхлүүлэхийг сануулав.
Оюу толгойн асуудлаарх нотлох баримтыг шинжлэн судлах сонсгол эхэллээ
Улсын Их Хурлын 2025 оны 62 дугаар тогтоолоор байгуулагдсан Оюутолгойн бүлэг ордын ашиглалтад Монгол Улсын эрх ашгийг хангуулах, хүртэх өгөөжийг нэмэгдүүлэхтэй холбоотой баримт бичиг, үйл ажиллагаанд хяналт шалгалт хийх Улсын Их Хурлын хянан шалгах түр хорооны нотлох баримтыг шинжлэн судлах сонсгол (2025.12.08) эхэллээ.
Ерөнхий сайд Г.Занданшатар ОХУ-ын Ерөнхийлөгч В.В.Путинд бараалхлаа
Ерөнхий сайд Г.Занданшатар өнгөрсөн 9 дүгээр сард Дорнын эдийн засгийн 10 дугаар чуулга уулзалтад оролцох үеэрээ ОХУ-ын Ерөнхийлөгч В.В.Путинд бараалхсан бол мягмар гарагт (2025.11.18) ШХАБ-ын гишүүн орнуудын Засгийн газрын тэргүүн нарын зөвлөлийн өргөтгөсөн хуралдаанд оролцох үеэр дахин бараалхлаа.
PDAC 2026 оны шагналын эздийг зарлалаа
Канадын хайгуулч, олборлогчдын холбоо (Prospectors & Developers Association of Canada буюу PDAC) 2026 оны PDAC шагналын эздийг зарлалаа. PDAC шагналыг анх 1977 онд олгож эхэлсэн бөгөөд Канад болон дэлхийн уул уурхайн салбарт онцгой хувь нэмэр оруулсан хувь хүн, компани уг шагналыг хүртдэг.
Бөөрөлжүүтийн станц төвийн системд 300МВт эрчим хүч нийлүүлж эхэллээ
Улаанбаатар хот анх удаа дотоодын хөрөнгийн зах зээлд 500 тэрбум төгрөгийн бонд арилжаалж, үүний 300 тэрбум төгрөгийг Бөөрөлжүүт цахилгаан станцад хөрөнгө оруулсан. Улмаар тус станцын 150МВт хүчин чадалтай эхний блокийг 2024 оны 12 дугаар сард ашиглалтад оруулж, төвийн нэгдсэн системд эрчим хүч нийлүүлж эхэлсэн. Тус станцын 150МВт хүчин чадалтай II блок ашиглалтад орж, өнөөдрөөс төвийн нэгдсэн системд эрчим хүч нийлүүлж эхэллээ.
Оюутолгойн хэлэлцээрээр зээлийн хүүг бууруулж, нийлмэл хүүний асуудлыг засна
Монгол Улсын Засгийн газрын Оюутолгойн хөрөнгө оруулагчтай хийх хэлэлцээр ирэх долоо хоногт эхлэхээр болсон байна. Уг хэлэлцээрийн хүрээнд төслийн зээлийн хүүг бууруулах, Монголын талын ногдол ашиг хүртэх хугацааг наашлуулах асуудлыг голлон хэлэлцэх юм. Хэлэлцээрт манай талаас зээлийн хүүг бууруулахаас гадна нийлмэл хүү буюу хүүнээс хүү тооцож байгаа бүдүүлэг байдлыг засах, мөн долоон жилийн хугацааг гурван жил болгож бууруулах саналыг тавих ажээ.
Оюутолгойн зээлийн хүүг бууруулахаар хэлэлцэх саналаа хүргүүллээ
Монгол Улсын Ерөнхий сайдын 2025 оны 67 дугаар захирамжаар байгуулагдсан, Оюутолгойн төслийн хувь нийлүүлэгчдийн зээлийн хүүгийн зохистой байдлыг хянан үзэж, өөрчлөх, хөрөнгө оруулагч талтай хэлэлцээ хийж, санал боловсруулах үүрэг бүхий ажлын хэсэг (2025.10.13) хоёр дахь хуралдаанаа хийв. Хөрөнгө оруулагч талд хэлэлцээрийг эхлүүлэх албан ёсны саналыг хүргүүлээд байна.
Г.Дамдинням: ЗГ-ын 55 дугаар тогтоол хууль зөрчөөгүй, төсөвт алдагдал бус орлого нэмж байна
Салбарын сайд Г.Дамдинням Засгийн газрын баталсан 55 дугаар тогтоолын үр дүнтэй холбоотой мэдээлэл хийлээ. Уг тогтоолоор экспортын эрдэс түүхий эдэд ашигт малтмалын нөөц ашигласны төлбөр ногдуулахдаа жишиг үнийн аргачлалаар бус биржийн үнийг баримтлахаар болсон. Уг зохицуулалт нь төсвийн орлогыг мэдэгдэхүйц бууруулах үр дагавартай гэсэн байр суурийг УИХ-ын зарим гишүүд баримталж буй юм. Салбарын сайд Засгийн газар экспортыг нэмэгдүүлэх чиглэлд идэвхийлэн ажиллаж буйг тэмдэглээд уурхайн амны гэрээгээр экспортлох нүүрс нийт экспортын 80 орчим хувь байсныг 50%, биржээр арилжаалагдсан нүүрсний экспортыг 50% байхаар шийдвэрлэж ажилласан. Үүний үр дүнд биржээр арилжаалагдсан нүүрсний экспорт шат дараатайгаар нэмэгдэх болсон байна. Биржээр арилжаалагдсан нүүрсний экспортод ногдох АМНАТөлбөрийн орлого улсын төсөвт шууд орж ирдгээрээ ихээхэн давуу талтайг сайд тайлбарлалаа.
Монгол улс Онтрэ-тэй тусад нь ХөОГэрээ байгуулна
Салбарын сайд Хянан шалгах түр хорооны хуралдаанд Оюутолгойн хэлэлцээрийн асуудлаар мэдээлэл хийлээ (2025.10.01). Тэрбээр "Онтрэ гоулд” компани дээр байгаа хоёр лиценз тус компани руу шилжих боломжгүй. Манай ажлын хэсгийн үзэж байгаагаар, эхний ээлжинд асуудлуудаа тодорхой шийдэж явтал гэрээнүүд хийгдэхгүй. Хоёрдугаарт, Онтрэ-тэй холбоотой асуудалд Монгол улс тусад нь хөрөнгө оруулалтын гэрээ хийх ёстой гэсэн хатуу байр суурьтай байна."
“Газпром” компани Монгол Улстай эрчим хүчний салбарт хамтын ажиллагааны санамж бичиг байгууллаа
Оросын “Газпром” компани болон Монгол Улсын Засгийн газар газрын тос, байгалийн хийн салбарт хамтран ажиллах санамж бичигт гарын үсэг зурлаа гэж “Газпром” Мягмар гарагт мэдэгдлээ. “Газпром” Нийтийн хувьцаат нийгэмлэгийн Удирдах зөвлөлийн дарга Алексей Миллер Монголд айлчилж, Монгол Улсын Ерөнхийлөгч У.Хүрэлсүх, Ерөнхий сайд Г.Занданшатар, Шадар сайд С.Амарсайхан нартай Улаанбаатар хотноо уулзсан байна.
БИЗНЕСИЙН ХОЛБООДЫН НЭГДСЭН ЗӨВЛӨЛ БАЙГУУЛАГДЛАА
Монголын эдийн засгийн голлох салбаруудыг төлөөлөх бизнесийн холбоод нэгдсэн зөвлөл байгуулж, бизнесийн эрхзүйн орчныг сайжруулах, хамтарсан тогтолцоог бүрдүүлэх чиглэлээр хамтран ажиллах санамж бичгийг өнөөдөр /2025.06.27/ байгуулав.
Их Британи улс критикал минералын салбарт Монгол Улстай хамтран ажиллахад бэлэн
Монголын Чухал ашигт малтмалын ассоциаци (МЧАМА) өнгөрсөн долоо хоногт /2025.05.29/ “Чухал ашигт малтмал: Монголын болон Глобал чиг хандлага” сэдэвт ээлжит семинарыг “Монголын критикал минералын хөгжлийн төлөвлөгөө: Дэлхийн шилжилтэд Монгол Улсын үүргийг тодорхойлох нь” гэсэн ерөнхий сэдвийн дор гурав дахь удаагаа амжилттай зохион байгууллаа.
