Үйл явдал

Шатахууны импортыг гаалийн албан татвараас чөлөөлнө Монгол Улсын Их Хурлын дарга Н.Учралд Улсын Их Хурлын гишүүн, Засгийн газрын гишүүн, Аж үйлдвэр, эрдэс баялгийн сайд Г.Дамдинням “Импортын барааны гаалийн албан татварын хувь, хэмжээ батлах тухай” Улсын Их Хурлын 1999 оны 27 дугаар тогтоолд нэмэлт оруулах тухай Улсын Их Хурлын тогтоолын төслийг (2026.03.19) өргөн мэдүүлэв.

"Баялагтаа эзэн Монгол"-ын хүрээнд Зөвлөлдөх зөвлөлийн гишүүдийг сонгон томиллоо Газрын хэвлийн баялгийн өгөөжийг Үндэсний баялгийн санд төвлөрүүлэх, хөрөнгийг арвижуулах, зүй зохистой зарцуулах асуудлыг шийдвэрлэх арга замын талаар иргэдтэй зөвлөлдөх, зөвшилцлийг хангах зорилгоор “БАЯЛАГТАА ЭЗЭН МОНГОЛ” зөвлөлдөх санал асуулга зохион байгуулахаар Засгийн газар шийдвэрлэсэн.

"Уул уурхайн бүтээгдэхүүний биржийн арилжааны журам"-д нэмэлт, өөрчлөлт оруулах төслийн хэлэлцүүлэг боллоо “Монголын хөрөнгийн бирж" ХК нь “Уул уурхайн бүтээгдэхүүний биржийн арилжааны журам”-ын нэмэлт өөрчлөлтийн төслийг уул уурхайн бүтээгдэхүүний худалдагч болон худалдан авагч компаниудын төлөөлөлд танилцуулах уулзалт, хэлэлцүүлгийг (2026.03.17) зохион байгууллаа.

"Эрчист Монгол" компанийг татан буулгалаа "Эрчист Монгол" төрийн өмчит хязгаарлагдмал хариуцлагатай компанийг татан буулгалаа. Тус компани эрчим хүчний салбарын төрийн өмчит хувьцаат компаниудын нийт хувьцааны 34%-ийн төлөөллийг, мөн “МИАТ” ТӨХК, “Монголын төмөр зам” ТӨХК, “Авто замын засвар арчлалтын нэгтгэл” ТӨХК, “Автоимпекс” ХК, “Мэдээлэл холбооны сүлжээ” ХХК, “Төрийн орон сууцны корпораци” ХХК зэрэг зургаан компанийн төрийн эзэмшлийн хувьцаа эзэмшигчийн эрхийг хэрэгжүүлэн ажиллаж байсан юм.

Гашуунсухайт–Ганцмодны хил дамнасан төмөр замын ажлын явц удаашралтай байгааг анхааруулав Монгол Улсын Засгийн газрын гишүүн, Зам, тээврийн сайд Б.Дэлгэрсайхан Гашуунсухайт-Ганцмод боомтод “Хятадын төмөр замын барилгын гүүрийн инженерингийн товчоо групп” ХХК-ийн Намын хорооны дарга, ТУЗ-ийн дарга Жоу Гауньнань тэргүүтэй төлөөлөгчидтэй (2026.03.13) уулзлаа.

Оюутолгой төслийн менежментийн төлбөрийг бууруулах хэлэлцээг энэ сард эцэслэхээр ажиллаж байна Монгол Улсын Ерөнхий сайдын 68 дугаар захирамжаар байгуулагдсан Оюутолгой төслийн менежментийн төлбөрийн хувь хэмжээг бууруулах үүрэг бүхий ажлын хэсэг хөрөнгө оруулагч тал “Рио Тинто”-тай 2026 оны гуравдугаар сарын 12-ны өдөр хуралдаж хоёр талаас ажил хэргийн шугамаар тавьсан саналуудаа үргэлжлүүлэн хэлэлцлээ.

Оюутолгойн зээлийн хүү бууруулах хэлэлцээ үргэлжилж байна Оюу толгой төслийн хувь нийлүүлэгчдийн зээлийн хүүг бууруулах асуудлаар байгуулагдсан ажлын хэсгийн ахлагч, Сангийн сайд Б.Жавхлан “Рио Тинто” группийн төлөөлөгчидтэй 2026 оны 03 дугаар сарын 12-ны өдөр дахин уулзаж, хэлэлцээг үргэлжлүүллээ.

Оюутолгой уурхайн талбайд хэлэлцээрийн баг болон салбарын яамны төлөөлөл ажиллаж байна Монгол Улсын Ерөнхий сайдын 68 дугаар захирамжаар байгуулагдсан УИХ-ын 2021 оны 103 дугаар тогтоолыг хангах чиглэлд хөрөнгө оруулагчидтай уулзах ажлын хэсгийн бүрэлдэхүүн Оюутолгойн уурхайд ажиллаж байна.

“Оюу Толгой” төслийн Монголд ногдох өгөөжийг 60%-иас дээш нэмэгдүүлэх, ногдол ашгийг энэ оноос олгох шаардлага тавив “Рио Тинто” компанийн Зэсийн группийн захирал Кейти Жаксон тэргүүтэй албаны хүмүүс Монголд ирээд байгаа бөгөөд менежментийн төлбөр, хувь нийлүүлэгчдийн зээлийн хэт өндөр хүү зэрэг асуудлаар тодорхой саналтай ирснээ Монгол Улсын Ерөнхий сайд Г.Занданшатартай хийсэн уулзалтынхаа үеэр танилцуулсан юм. “Рио Тинто” групп Монгол Улсын Засгийн газартай хийж буй хэлэлцээрийг хүндэтгэж, тодорхой дэвшилтэт саналтай хүрэлцэн ирсэн нь талархууштай боловч тавьсан саналууд учир дутагдалтай байгаа учир хүлээн авах боломжгүйг Ерөнхий сайд Г.Занданшатар хэлэв.

Шивээ-Овоогийн 660МВт-ын станцын төслийн хүрээнд санамж бичиг байгууллаа Эрчим хүчний яам, “Шивээ-Овоо” ХК болон “Ар И Си Си Эм Жи” ХХК хооронд “Нүүрсийг урт хугацаанд худалдах, худалдан авах тухай гурван талт харилцан ойлголцлын санамж бичиг” (2026.03.06) байгууллаа.

Гашуунсухайт боомт, улсын хилийн зурваст хууль зөрчиж олгосон 66 га газрыг төрд буцаан авлаа Засгийн газрын хуралдаанаас гарсан шийдвэрүүдийг (2026.03.04) танилцууллаа. Монгол Улсын Үндсэн хуулийн хууль дээдлэх төрийн үйл ажиллагааны үндсэн зарчим болон Монгол Улсын хилийн тухай хуулийг зөрчсөн тул “Газар ашиглах эрх олгох тухай” Байгаль орчин, уур амьсгалын өөрчлөлтийн сайдын үүрэг гүйцэтгэгчийн 2025 оны зургаадугаар сарын 13-ны өдрийн А/618 дугаар тушаалыг хүчингүй болголоо.

PDAC-2026: “Монголын өдөр” арга хэмжээ амжилттай зохион байгуулагдлаа Канад Улсын Торонто хотноо үргэлжилж буй дэлхийн уул уурхайн салбарын хамгийн том чуулган болох PDAC-2026-ийн хүрээнд “Монголын өдөр” арга хэмжээг зохион байгууллаа.

Хууль бусаар ашигт малтмал олборлогчдын үйл ажиллагааг зогсоох арга хэмжээний талаар хэлэлцэв Аж үйлдвэр, эрдэс баялгийн яамны Төрийн нарийн бичгийн дарга бөгөөд ажлын хэсгийн дарга Б.Дашпүрэвээр ахлуулсан хууль бусаар ашигт малтмал олборлогчдын үйл ажиллагааг таслан зогсоох, эвдрэлд орсон, орхигдсон талбайг нөхөн сэргээх, байгаль орчинд учруулсан хохирлыг буруутай этгээдээр төлүүлэх, төрийн байгууллага хоорондын мэдээлэл солилцох, ажлын уялдаа холбоог сайжруулах зорилготой Ажлын хэсгийн хурал (2026.02.28) боллоо.

Геологийн суурь мэдээллийг хөгжүүлэх чиглэлээр хамтран ажиллахаар тохиролцов Салбарын сайд Г.Дамдинням Британийн Геологийн судалгааны хүрээлэнгийн Үндэсний геологийн шинжлэх ухааны захирал Жонатан Форд, Чухал ашигт малтмалын судалгааны багийн ахлагч Эймар Дийди нартай Лондон хотноо (2026.02.25) уулзлаа.

Уул уурхайн аж ахуйн нэгжүүдэд аюултай хог хаягдлын менежментийн зөрчил нийтлэг байна Төрийн хяналт шалгалтын тухай хуулийн 51 дүгээр зүйл, 9 дүгээр зүйлийн 9.1.3 дахь хэсэг, Засгийн газрын 2025 оны 12 дугаар сарын 03-ны өдрийн А/184 дүгээр тогтоолоор батлагдсан хяналт шалгалтын төлөвлөгөөний дагуу төлөвлөгөөт хяналт шалгалтад хамрагдах уул уурхайн төсөл хэрэгжүүлэгчдэд хууль тогтоомжийн хэрэгжилтийг хангуулах, мэргэжил арга зүйн зөвлөгөө өгөх, зөрчлөөс урьдчилан сэргийлэх чиглэлээр уг арга хэмжээг 2026 оны 02 дугаар сарын 13-ны өдөр зохион байгууллаа.

ДАВОСЫН ЧУУЛГАН: ЗЭС, ГАЗРЫН ХОВОР ЭЛЕМЕНТТЭЙ УЛС ОРНУУДАД БОЛОМЖ ИХ БАЙНА Дэлхийн эдийн засгийн 56 дугаар чуулга уулзалт 2026 оны 1 дүгээр сарын 19-23-ны өдрүүдэд Швейцарын Холбооны Улсын Давос хотноо "Яриа хэлэлцээний амин сүнсийг сэргээх нь (A Spirit of Dialogue)" сэдвийн дор болов.

Бортээгийн хөрөнгө оруулагчийн нээлттэй сонгон шалгаруулалтыг зарлав Тавантолгой бүлэг ордын ашиглагдаагүй Бортээг хэсгийг эдийн засгийн эргэлтэд оруулах, хөрөнгө оруулж, хамтран ажиллах сонирхолтой дотоод, гадаадын аж ахуйн нэгжүүдээс санал авах, нээлттэй сонгон шалгаруулалтыг зарлалаа.

Оюу толгой төслийн өгөөжийг нэмэгдүүлэх асуудлаар Засгийн газар, Рио Тинтогийн хэлэлцээ эрчимжинэ Пүрэв гарагт /2026.02.12/ Рио Тинто группийн Монгол дахь үйл ажиллагаа эрхэлсэн захирал Х.Амаржаргал, Оюу толгой ХХК-ийн Гүйцэтгэх захирал С.Мөнхсүх, Санхүү эрхэлсэн дэд захирал Б.Дуламсүрэн, Үйл ажиллагаа эрхэлсэн захирал Эндрью Лая нар Монгол Улсын Ерөнхий сайд Гомбожавын Занданшатар-тай уулзаж, Рио Тинто Зэсийн группийн Гүйцэтгэх захирал Кейти Жаксоны хариу захидлыг гардууллаа.

Гашуунсухайт боомтод хууль бусаар газар эзэмшиж, төрийн мэдлийн зам ашиглаж байсан “Смарт Эко Транс” компанитай холбоотой тогтоолыг хүчингүй болгоно Засгийн газрын 2022 оны 95, 349 дүгээр тогтоолын дагуу автомат удирдлагатай чингэлэг тээврийн терминал байгуулах зорилгоор “Смарт Эко Транс” ХХК-тай байгуулсан гэрээ болон Гашуунсухайт боомтод газар ашиглах гэрээний хэрэгжилтэд хяналт шалгалт хийсэн дүнг Засгийн газрын хуралдаанд (2026.02.11) танилцууллаа.

Стратегийн болон үүсмэл ордуудын 60%-ийн өгөөжийг ард түмэнд ногдуулах тохиролцоонд хүрлээ Засгийн газраас уул уурхай, эрдэс баялгийн салбарт эхлүүлсэн цэгцрэх хөдөлгөөний хүрээнд стратегийн болон үүсмэл ордын төрийн эзэмшлийн хувь, хэмжээг тодорхойлох, түүнийг хэрхэн эзэмших, хэрэгжүүлэх асуудлаар урьдчилан тохирч, “Ачит Ихт”, “Энержи ресурс”, “Хангад Эксплорейшн”, “Өсөх зоос” ХХК-тай өнөөдөр хэлцэлд гарын үсэг (2026.02.10) зурлаа.