Ертөнц
Дэлхийд сэргээгдэх эрчим хүч 2022 онд 9.6%-иар өсөж, дээд амжилт тогтоолоо
Олон улсын сэргээгдэх эрчим хүчний агентлаг (IRENA)-ийн мэдээлснээр 2022 оны эцэст дэлхийн сэргээгдэх эрчим хүч үйлдвэрлэх хүчин чадал 295 ГВт буюу 9.6%-иар өсөж, 3,372 гигаватт (ГВт) болсон.
Өнгөрсөн жил нэмэгдсэн нийт эрчим хүчний 83%-ийг сэргээгдэх эрчим хүч эзэлж байна. IRENA-аас гаргасан Сэргээгдэх эрчим хүчний 2023 оны статистик тоо баримтаас харахад олон улсын харилцааны тодорхойгүй байдлаас үл хамааран сэргээгдэх эрчим хүч түүхэн дээд хэмжээнд хүртэл өссөн нь чулуужсан түлшний хэрэглээ буурах хандлагыг үзүүлж байна.
Ирэх онд нүүрсний хэрэглээ дээд цэгтээ хүрэх төлөвтэй байна
Дэлхийн эдийн засгийн өсөлт, цаг уурын өөрчлөлтийн нөлөөгөөр улс орнуудын баримталж буй стратегийн бодлого илүү цэвэр эрчим хүч рүү чиглэж байна. Гэвч ирэх жил дэлхийн нүүрсний хэрэглээ дээд цэгтээ хүрнэ. Харин гарч ирэх гэнэтийн хэд хэдэн нөхцөл байдлын улмаас дэлхийн улс орнууд чулуужсан түлшийг хэр удаан ашиглах нь нөлөөлж магадгүй гэж BloombergNEF мэдээлэв.
Африкийн алтны уурхайд зэвсэгт этгээдүүд халдаж, хятад иргэд амиа алджээ
Төв Африкийн Бүгд Найрамдах Улс (ТАБНУ) дахь БНХАУ-ын Элчин сайдын яам нийслэл Бангуй хотоос гадна байрладаг алтны уурхайд зэвсэгт этгээдүүдийн халдлагад өртөн есөн хятад иргэн амиа алдсаны дараа иргэддээ хандан нийслэл Бангуй хотоос гадагш зорчихгүй байхыг уриалав.
Элчин сайдын яамнаас ням гарагт хийсэн мэдэгдэлдээ тус бүс нутагт гадаадын уурхайн ажилчдын аюулгүй байдалд заналхийлсэн олон хэрэг гарсан бөгөөд Бангуй хотын гадна байгаа хятад иргэдийг нэн даруй аюулгүй бүс рүү нүүхийг хүссэн байна.
Банкны хямрал намжиж, зэсийн үнэ өслөө
Нью-Йоркийн Comex зах зээл дээр тавдугаар сард нийлүүлэх зэсийн үнэ пүрэв гарагаас 2.3%-иар өсч, нэг фунт нь 3.95 ам.долларт (тонн нь 8690 ам.доллар) хүрсэн байна.
Томоохон бүлэг банкууд АНУ-ын First Republic Bank-ны санхүүжилт нэмэгдэж, Швейцарийн Үндэсний банк Credit Suisse банкинд санхүүгийн тусламж үзүүлж байгаа тухай мэдээг хөрөнгө оруулагчид талархан хүлээж авлаа.
Ойрхи Дорнод ногоон устөрөгчийн зах зээлд ноёрхохыг эрмэлзэж байна
Ойрхи Дорнодын олон улс орон газрын тос, байгалийн хий олборлож, борлуулж байгаа ч тус бүс нутгийн хэд хэдэн улс сэргээгдэх эрчим хүчний салбарт их хэмжээний хөрөнгө оруулж байна. Саудын Араб, Арабын Нэгдсэн Эмират (АНЭУ) зэрэг олон орны хувьд газрын тос, байгалийн хий нь эдийн засгаа дэмжих, Үндэсний баялгийн сангаа арвижуулах орлогын гол эх үүсвэр хэвээр байна.
Хятад улс Австралийн нүүрсний импортод тавьсан бүх хоригоо цуцаллаа
Хятад улс дотоодын бүх компаниуддаа Австралиас нүүрс импортлохыг зөвшөөрч байгаа нь 2020 оны сүүлээр тогтоосон худалдааны хязгаарлалт зогсож байгаагийн дохио юм.
Мөн далайн боомт, гаалийн албад Австралиас ачаа тээвэр нэвтрүүлэхийг зөвшөөрч эхэлсэн байна. Энэ оны эхээр Хятадын эрх баригчид томоохон дөрвөн импортлогч компанид Австралиас нүүрс худалдаж авах зөвшөөрөл олгосон.
Рио Тинтогийн хувьцаа даваа гарагийн өглөө Нью-Йоркийн биржид 1%-иар өссөн байна
"Рио Тинто" даваа гарагт Монгол дахь Оюутолгойн зэсийн гүний уурхайн олборлолтоо эхлүүлснээ мэдэгдлээ.
2022 оны нэгдүгээр сард Монгол Улсын Засгийн газар, "Рио Тинто" компани харилцаагаа сэргээж, Оюутолгойн гүний уурхайн төслийг урагшлуулах тухай гэрээ байгуулснаас хойш гүний уурхайд 30 удаа тэсэлгээ хийж, уурхайгаас зэсийн хүдэр олборлож эхэллээ.
Рио Тинто Симандоу уурхайтай холбоотой авлигын асуудлыг шийдэв
"Рио Тинто" групп Гвиней улстай холбоотой авлигын асуудлыг шийдвэрлэхийн тулд 15 сая ам.долларын торгууль төлөхөөр болжээ. Зургаа гаруй жилийн өмнө Баруун Африкт оршдог тус улсын төмрийн хүдрийн аварга том ордтой холбоотой авлигын хэргийн улмаас "Рио Тинто" компани хоёр дээд албан тушаалтнаа ажлаас халж байсан.
Перугийн иргэд нэн чухал “уул уурхайн коридор”-ыг дахин хаана
Перугийн Андын нурууны уугуул иргэд зэсийн томоохон үйлдвэрлэгчдийн ашигладаг гол хурдны замыг ирэх долоо хоногт дахин хаах болно гэж орон нутгийн иргэдийн хоёр удирдагч өнгөрсөн бямба гарагт мэдэгдэв. Өмнө нь нутгийн иргэд уул уурхайн компаниудадтай түр эвлэрч, уул уурхайн үйлдвэрлэлийг дахин сэргээх боломж олгож байсан билээ.
ОХУ-ын газрын тос, байгалийн хийн орлого хоёр дахин буурчээ
ОХУ-ын газрын тос, байгалийн хийн орлого өнгөрсөн оны хоёрдугаар сард бараг хоёр дахин буурч (46%-иар) 521 тэрбум рубль болсон гэж Bloomberg агентлаг Оросын Сангийн яамны мэдээлэлд үндэслэн тооцоолжээ.
Газрын тос, нефтийн бүтээгдэхүүний татварын орлого 48%-иар буурч, 361 тэрбум рубль болжээ. Оросын экспортын гол нэрийн бүтээгдэхүүн Urals нефтийн үнэ буурсантай холбоотойгоор тус улсын орлого эрс багассан. Өнгөрсөн сард нэг баррель дунджаар 49.56 ам.доллар байв.
Дэлхийн алтны нөөц 31 тонноор нэмэгдлээ
Төв банкуудын алтны эрэлт 2022 оноос үргэлжлэн өсөж, өнгөрсөн сард дэлхийн алтны нөөц 31 тонноор нэмэгдлээ гэж Дэлхийн Алтны Зөвлөл (ДАЗ) пүрэв гарагт мэдэгдэв.
Алтны нэг сарын худалдан авалт 16%-иар өссөн гэж Европ, Ойрхи Дорнод, Африкийг хариуцсан ахлах шинжээч Кришан Гопаул тэмдэглэв. Сүүлийн 10 сар дараалан төв банкууд 20-60 тонны хүрээнд алт худалдан авч байгаа бөгөөд өнгөрсөн сарын алтны худалдан авалт энэхүү хязгаарт нийцэж байна.
Их Британийн автомашин үйлдвэрлэгчид аажмаар цахилгаан машин руу шилжиж байна
Их Британийн олон мянган хэрэглэгч цахилгаан автомашин руу шилжсэнээр цахилгаан тээврийн хэрэгслийн үйлдвэрлэл 50% орчим өсч, автомашины үйлдвэрлэл өнгөрсөн сард бага зэрэг буурчээ.
Дэлхийн эдийн засгийн тогтворгүй байдлыг үл харгалзан автомашины үйлдвэрлэл өнгөрсөн сард ердөө 0.3%-иар буурсан нь зах зээл тогтвортой байгаагийн илрэл хэмээн салбарынхан сайшааж байна.
Азийн эдийн засаг харилцан адилгүй сэргэж байна
Азийн хамгийн том эдийн засагтай хоёр улсын үйлдвэрлэгчид цар тахлын дараа тэс өөр хурдтай сэргэж байна.
Хятадын үйлдвэрлэл өнгөрсөн сард сүүлийн арав гаруй жилийн хугацааны хамгийн өндөр хурдтай өссөнийг албан ёсны тоо харуулж байна.
Харин Японд үйлдвэрлэл хоёрдугаар сард сүүлийн хоёр жил гаруйн хугацаанд байгаагүй хурдтай буурчээ. Ковидийн хязгаарлалтууд дэлхий даяар суларснаар компаниудын үйл ажиллагаа дахин сэргэж эхэлсэн ч цахилгааны үнээс ажилчдын цалин хүртэл бүх зүйлийн зардал нэмэгдэж байна.
Индонез олон арван жил түүхий эдийн экспортод түшиглэж ирсэн эдийн засгийн бодлогоо өөрчилнө
Никель металл худалдан авагчдын шаардлагаар Индонезид боловсруулах үйлдвэр байгуулахаар болсны дараа никелийн экспорт таван жилийн дотор арав дахин өссөн байна.
Зүүн Өмнөд Азийн хамгийн том эдийн засагтай тус улс зэсийн баяжмалаас загас агнуур хүртэл бүх төрлийн түүхий эдийг боловсруулах үйлдвэр байгуулж, өндөр хөгжилтэй улсуудтай эн зэрэгцэхийн тулд эдийн засгийн хөгжлийн энэхүү загварыг сонгож байна.
Уул уурхайн салбарт ажиллагсдын дундаж нас нэмэгдэж байна
Уул уурхай, металлын салбарт боловсон хүчний дундаж нас нэмэгдэж, туршлагатай ажилтнуудын ихэнх нь тэтгэвэрт гарах нь ойртож, тус салбарт шинээр ажилд орж байгаа хүмүүсийн тоо цөөрч байгаа нь салбарын хувьд тулгамдсан асуудал болж байна гэж Deloitte компанийн тайланд дурджээ.
