Монгол Улс 2020–2025 оны хооронд алтны нөөцөө 15.9 тонноор бууруулсан

Т.Бямбанаран

Гол дүгнэлт:

• 2020–2025 оны хооронд Хятад, Польш, Туркийн төв банкууд хамгийн их алт худалдан авсан.
• Энэ хугацаанд алтны үнэ 230%-иас давж өссөн.
• Зарим улс алтны нөөцөө бууруулсан нь нөөцийн бодлогын ялгаатай стратегиудыг харуулж байна.

2020 оноос хойш алтны үнэ 265%-иар өссөн бөгөөд дэлхийн төв банкууд алтыг хамгийн ихээр худалдан авсан нь онцлог юм.

Олон улсын хувьд алт нь зүгээр нэг эрсдэлээс хамгаалах аюулгүй хөрөнгө оруулалтын хэрэгсэл байхаа больж, геополитикийн хурцадмал байдал, валютын савлагаа, мөн ам.доллароос хамааралтай байдлыг бууруулах зорилгын хүрээнд стратегийн нөөц хөрөнгө болж хувирсан. Гэвч бүх улс ижил бодлого баримтлаагүй. Зарим нь алтны нөөцөө эрчимтэй нэмэгдүүлсэн бол, зарим нь бууруулжээ.

Хятад ба Зүүн Европ алтны худалдан авалтаар тэргүүлж байна

Энэхүү жагсаалтын ТОП 15 улс нийлээд дээрх хугацаанд ойролцоогоор 2,000 тонн цэвэр худалдан авсан байна. Хятад улс хамгийн өндөр үзүүлэлтийг харуулсан нь барууны орнуудын санхүүгийн системээс хамаарлаа бууруулах Бээжингийн урт хугацааны бодлоготой нийцэж байна. Польш Хятадын дараа бичигдэж, 300 тонноос дээш алт нэмсэн нь мөнгөний аюулгүй байдлыг бэхжүүлэх урт хугацааны бодлогын нэг хэсэг юм. Турк болон Энэтхэг мөн тэргүүлэх худалдан авагчдын тоонд багтсан. 

Хөгжиж буй орнууд алтны хуримтлалаа нэмэгдүүлж байна. 2020-2025 оны хооронд Бразил улс 100 тонноос дээш алт нэмсэн. Азербайжан улс Төрийн газрын тосны сангаараа дамжуулан алт худалдан авчээ. Мөн Япон, Тайланд, Унгар, Сингапур зэрэг улсууд нөөцөө нэмэгдүүлсэн нь эдийн засгийн тодорхойгүй нөхцөл байдалд алтны үүрэг асар их болохыг харуулж байна.

Харин эсрэгээрээ өгөгдсөн хугацаанд зарим улсууд алтны нөөцөө бууруулжээ. Тухайлбал, Филиппин улс хамгийн их хэмжээгээр буюу ойролцоогоор 65 тонн алт худалджээ. Монгол Улс 2020–2025 оны хооронд алтны нөөцөө 15.9 тонноор бууруулжээ. 

Эх сурвалж: Visual Capitalist