Бороогоулд ХХК Хархорум хотын ногоон байгууламжид 20 мянган мод тарилаа

Монгол Улсын Ерөнхийлөгчийн гаргасан “Шинэ Хархорум” хотыг сэргээн байгуулах зарлигийн хүрээнд 2025 оны 6 дугаар сарын 15-нд Орхоны хөндийд байрлах “Их хаадын цэцэрлэгт хүрээлэн”-д Төрийн далбаа мандуулж, Хархорум хотын бүтээн байгуулалт албан ёсоор эхэллээ.

Нээлтийн арга хэмжээний үеэр Монгол Улсын Ерөнхийлөгч У.Хүрэлсүх Бороогоулд ХХК-ийн мод тарьж, арчилж буй талбайтай танилцав. Тус компани Хархорум хотын ногоон байгууламжийн хүрээнд 31 га талбайд нийт 20,000 мод тарьжээ. Үүнд:

• 13,490 ширхэг навчит мод – улиас, хайлаас, өрөл, шар хуайс, агч

• 6,510 ширхэг шилмүүст мод – нарс, гацуур

Бүх моддыг тарьж, арчилгаа, усалгааг тогтмол хийж байна.

Хархорум хотын ногоон байгууламжийг цогц байдлаар хөгжүүлэх хүрээнд нийт 1,500 га талбайд 1 сая гаруй мод, сөөг тарих ажлыг эхлүүлсэн бөгөөд уг ажилд 40 гаруй байгууллага, аж ахуйн нэгж идэвхтэй оролцож байна.