Туркойз Хилл: Оюутолгой оны эхний улиралд 403 сая долларын орлоготой ажиллав

2022-05-13

“Оюутолгой”-н хяналтын багцыг эзэмшдэг “Туркойз Хилл Ресурс” компани энэ оны нэгдүгээр улирлын санхүүгийн үр дүнгээ танилцууллаа. Энэ оны эхний улиралд тус компанийн борлуулалтын орлого 402.7 сая ам.доллартай тэнцсэн нь өнгөрсөн оны мөн үеийнхээс (526.5 сая ам.доллар) 23.5%-иар буурсан байна. Гэхдээ энэ хугацаанд зэсийн ханш 17.9%, алтны үнэ 4.3%-иар тус тус өссөн нь орлогын бууралтыг тодорхой хэмжээнд хазаарлах нөлөө үзүүлжээ. Үйлдвэрлэлийн гарц доошилсон нь баяжмал дахь металын агуулга, тэр дундаа алтны хэмжээ мэдэгдэхүйц буурсантай холбоотой. Энэ онд агуулга багатай хүдрийн хэсэгт олборлолт хийх тул баяжмал дахь металын хэмжээ буурч, орлого ч доошлохоор байгаа юм. Тус компанийн зэс олборлолт мөн улиралд 33.3%, алтны үйлдвэрлэл 59.6%-иар тус тус буурчээ. Тодруулбал оны эхний улиралд баяжмал дахь цэвэр металын агуулгаар, 30.3 мянган тонн зэс, 59 мянган унц алт, 211 мянган унц мөнгө үйлдвэрлэсэн бөгөөд компани энэ онд олборлолтын төлөвлөгөөгөө биелүүлэх бүрэн боломжтой гэж үзэж байна. Энэ оны тухайд уурхайгаас нийттдээ 110-150 мянган тонн зэс, 135-165 мянган унц алт олборлохоор төлөвлөсөн.

Оны эхний улиралд Оюутолгойн баяжуулах үйлдвэрт 9.6 сая тонн хүдэр боловсруулсан байна. Компанийн үйл ажиллагааны зардал эхний улиралд 13.8%-иар нэмэгдэж 228.9 сая ам.долларт хүрсэн нь түлш, эрчим хүч, тэсэлгээний бодис, ган бөмбөлгийн зардал нэмэгдсэнтэй холбоотой ажээ. Энэ онд үйл ажиллагааны зардал нийт 800-875 сая ам.долларт хэмжигдэнэ гэж тооцоолж байгаа бөгөөд инфляцын үр нөлөөгөөр зардлын бодит хэмжээ одоогийн төсөөллийн дээд утга хавьцаа очино гэж компани үзжээ.

Оны эхний улиралд Оюутолгой уурхайн олборлолтын зардал өмнөх оны мөн үеийнхээс 14.2%-иар өссөн байна.

“Туркойз Хилл” ирэх оны эхний хагаст багтааж далд уурхайн олборлолтын жигд үйл ажиллагааг эхлүүлнэ гэж мэдээлжээ. 

“Туркойз Хилл” далд уурхайн бүтээн байгуулалтад ашиглалтад оруулах нэмэлт зардлыг 3.4 тэрбум ам.доллар гэж үзэж байгаа бөгөөд хэрэв зээлийн үндсэн төлөлтийн хуваарийг төлөвлөгөөний дагуу хойшлуулбал уг үзүүлэлтийг 1.7 тэрбум хүртлэх ам.доллараар бууруулах боломжтой юм байна. Тус компани далд уурхайг ашиглалтад оруулах нийт зардлыг 7.06 тэрбум ам.доллар болно гэж тооцоолж буй юм. Санхүүжилтийн эцсийн тооцооллыг хараахан боловсруулж дуусаагүй байгаа ажээ.

Энэ оны эхний улирлын эцэс гэхэд, “Туркойз Хилл” компанийн бэлэн мөнгөний нөөц 0.6 тэрбум ам.доллар байгаа нь ирэх аравдугаар сар хүртэл ил болон далд уурхайн үйл ажиллагааг санхүүжүүлж хангалттай хүрэлцэнэ гэж үзэж байна. “Оюутолгой” ХХК-ийн зээлийн хэмжээ энэ оны эхний улирлын байдлаар 8.4 тэрбум ам.доллар байгаагийн 2.3 тэрбум ам.доллар нь хуримтлагдсан хүү байна. Энэ зээл нь LIBOR+6.5%-ийн хүүтэй тухай “Туркойз Хилл”-ийн мэдээнд тэмдэглэжээ. 

Оюутолгойн баяжмалын экспорт оны эхний улиралд харьцангуй сайжирсны үр дүнд уурхайн талбай дахь баяжмалын агуулах дахь нөөц 30%-иар буурчээ.

 

Б. Төгс

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 11 цаг 18 мин
    Германд төвтэй “Трансперенси интернэшнл” байгууллагаас жил бүр улс орнуудын авлигын төсөөллийн индексийг дэлхий дахинд нэгэн зэрэг зарладаг. Америк, Герман, Англи, Швейцар, Хонконгод байдаг 13 байгууллагын судалгаа, үнэлгээний авлига болон түүнд холбогдох хэсгийн үзүүлэлтийг уг байгууллага сонгон авч тодорхой аргачлалын дагуу индексийг тооцдог. Тодорхойлохдоо 0-100 онооны хооронд дүгнэнэ. Бага оноо нь өндөр авлигатайг илтгэх бол 100 оноо нь  авлигагүйг тодорхойлдог.  
  • 12 цаг 33 мин
    Рио Тинто групп Баруун Австралийн цөлөөр дайран өнгөрдөг 1400 км хурдны замын дагуу “маш өндөр цацраг идэвхт” капсулаа алдсан байна. Рио Тинтогийн төмрийн хүдрийн салбарын тэргүүн Саймон Тротт ням гарагт хийсэн мэдэгдэлдээ "Бид энэ үйл явдлыг маш нухацтай авч үзэж байна" гэж мэдэгджээ. "Энэ үйл явдал нь маш их санаа зовоож байгаа бөгөөд бид Баруун Австралийн иргэдэд айдас түгшүүр төрүүлсэнд харамсаж байна." Рио Тинто болон Баруун Австралийн Засгийн газар 8 миллиметр урттай, бага хэмжээний цацраг идэвхт изотоп цезий-137 агуулсан цацрагийн үүсгүүрийг хайж байна.
  • 14 цаг 50 мин
    Зам, тээврийн хөгжлийн яамны Төрийн нарийн бичгийн дарга С.Батболд АНУ-ын Төрийн департаментын Эдийн засаг бизнесийн хэргийг хамаарсан туслах Төрийн нарийн бичгийн даргын орлогч Ричард Т.Ёнеока нар 2023 оны нэгдүгээр сарын 24-ний өдөр Агаарын тээврийн тухай хэлэлцээрийн төслийг эцэслэн тохирч, Зөвшилцөх санамж бичигт гарын үсэг зурлаа.   АНУ-ын олон улсын нисэхийн “Агаарын нээлттэй орон зай” бодлоготой нийцсэн орчин үеийн харилцааны суурийг энэхүү хэлэлцээрээр хоёр орны иргэний нисэхийн салбар хооронд байгуулж буй юм. Ингэснээр нислэгийн багтаамж болон давтамж хязгаарлалтгүй болж, чиглэл сонгох, аяллын дугаар хамтран эзэмших зэрэг боломжууд нээгдэнэ.   Хоёр тал өөрсдийн дотоод зохицуулалтуудыг гүйцэтгэж дууссанаар хэлэлцээрт гарын үсэг зурж, хэлэлцээр хүчин төгөлдөр болох юм.
  • 14 цаг 55 мин
    Монголбанкин дахь валютын нөөц 2022 оны 12 дугаар  сард 3.4 тэрбум ам.доллар болж өмнөх сараас 15.3 хувиар өссөн байна. Валютын нөөц  өнгөрсөн оны эхэнд энэ үзүүлэлт 3.9 тэрбум  ам.доллар байсан бөгөөд нөөц  22.1 хувиар буурч байсан юм.  3.4 тэрбум доллар нь манай улсын импортын таван сарын хэрэгцээг хангах хэмжээний нөөц бөгөөд манай улс сард 1 тэрбум ам.доллараар шатахуун, тослох материал авдаг бол тансаг зэрэглэлийн авто машин жин дарахуйц хэмжээний ам.доллар урсгадаг талаар Монголбанкны эдийн засагч мэдээлсэн. 
  • 2023-01-27
     Канад Улсын Гадаад хэргийн яамны санхүүжилттэй “Монгол Улс: Институцийн өөрчлөлт хийх замаар эрдэс баялгийн менежментийг сайжруулах” MERIT төсөл,  төрийн өмчит “Эрдэнэс Монгол” группийн охин компани “Эрдэнэс Силвер Ресурс” ХХК  Салхитын мөнгө, алтны ордын Хаалтын менежментийн төлөвлөгөөг жишиг байдлаар боловсруулж байгаа билээ. Салхитын уурхайн хаалтын менежментийн төлөвлөгөө боловсруулах жишиг төслийн хоёрдугаар улирал 2022 оны арванхоёрдугаар сарын 15-нд дуусч, төслийн гуравдугаар улирал эхэлсэн юм. Төслийн Үндэсний зөвлөхүүд өөрсдийн хариуцсан хаалтын төлөвлөгөөний бүх бүлгийг энэ улиралд багтааж бүрэн боловсруулж дуусгахаар ажиллаж байна.