ГЕГ: Төмрийн хүдрийн экспорт сэргэх хандлагатай байна

2022-05-12

Энэ оны эхний дөрвөн сарын байдлаар манай улсын гадаад худалдааны нийт бараа эргэлт 5.15 тэрбум орчим ам.долларт хүрсэн тухай Гаалийн ерөнхий газар мэдээллээ. Энэ нь өнгөрсөн оны мөн үетэй харьцуулахад 15.5%-иар өссөн дүн боллоо. Тодруулбал экспорт мөн хугацаанд 2.8 тэрбум орчим ам.доллар, импорт 2.35 тэрбум орчим ам.доллартай тэнцжээ. Экспортын тухайд өнгөрсөн оны мөн үетэй харьцуулахад 12.1%, импорт 19.8%-иар тус тус өссөн байна. Ингэснээр гадаад худалдааны тэнцэл 450 сая ам.долларын ашигтай гарсан ч уг үзүүлэлт өнгөрсөн оны мөн үеийнхээс 16%-иар буурчээ. 

Улсын нийт экспортын 89.4%-ийг нүүрс, зэсийн баяжмал, алт, төмрийн хүдрийн экспорт бүрдүүлсэн байна.

Оны эхний дөрвөн сарын байдлаар нүүрсний экспорт орлогын дүнгээр зэсийн баяжмалын урд бичигдэв. Тодруулбал мөн хугацаанд манай улс нүүрсний экспортоос 1.06 тэрбум ам.доллар олсон нь өнгөрсөн оны мөн үеийнхээс даруй 40%-иар өндөр дүнтэй гарчээ. Харин нүүрсний экспортын биет жин 48%-иар буурсан дүнтэй байгаа боловч сарын дүнгээр худалдаа өсөх хандлагатай байна. Дөрөвдүгээр сард манай улс 1.27 сая тонн орчим нүүрс экспортолсон нь сүүлийн таван сарын хугацаан дахь хамгийн их дүн боллоо.

Эх сурвалж: ГЕГ, ҮСХ

Зэсийн баяжмалын экспортын орлого нүүрснийхээс ялимгүй доогуур буюу 1.01 тэрбум ам.доллараар бичигдсэн өнгөрсөн оны мөн үеийнхээс 30%-иар өсөлттэй гарлаа. Оны эхний дөрвөн сарын хугацаанд манай улс нийт 470 орчим мянган тонн зэсийн баяжмал экспортолсон нь өнгөрсөн оны мөн үеийнхээс 20%-иар дээшилсэн дүн юм. Өмнөх оны гурваас тавдугаар сард манай улсын зэсийн баяжмалын экспорт бууралттай байсан юм. Харин энэ оны тухайд нэгдүгээр сард зэсийн баяжмалын худалдаа буурсан бол дараагийн гурван сар дараалан экспорт харьцангуй хэвийн явцтай байгаа нь худалдаа өсөлттэй гарахад нөлөөллөө. "Эрдэнэт үйлдвэр"-ийн тухайд баяжмалын хуримтлагдсан үлдэгдэл нөөцийг ойрын хугацаанд бүрэн экспортлох төлөвлөгөөтэй ажиллаж байна.

Алтны экспорт он гарсаар огцом өсөлттэй байгаа бөгөөд өмнөх оны мөн үетэй харьцуулахад орлого болон биет жингээр ойролцоогоор зургаа дахин өссөн дүнтэй байна. Оны эхний дөрвөн сарын байдлаар манай улс нийтдээ 5.44 тонн алтыг 327 сая ам.доллараар экспортолсон бөгөөд сарын дүнгээр дөрөвдүгээр сард 0.6 тонн алт гадагш худалдаалжээ.

Төмрийн хүдрийн экспорт он гарсаар 60-70%-ийн бууралттай байна. Оны эхний дөрвөн сарын байдлаар манай улс 1 сая тонн төмрийн баяжмалыг 102 сая ам.доллараар экспортолжээ. Гэхдээ дөрөвдүгээр сард 401.3 мянган тонн төмрийн баяжмал экспортолсноос үзэхэд худалдаа сэргэх аястай байгаа бөгөөд аажимдаа хэвийн хэмжээнд очих төлөв харагдана.

Эх сурвалж: ГЕГ, ҮСХ

Бусад эрдсийн тухайд цайрын баяжмал, молибденийн баяжмалын экспортын орлогын өсөлтийг эс тооцвол бууралттай гарлаа. Түүнчлэн газрын тосны экспорт он гарсаар зогсонги байдалтай хэвээр байна.

Эх сурвалж: ГЕГ

 

Б.Төгс

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 14 цаг 52 мин
    ТОП-100 ААН-ийн эхний байруудад “Эрдэнэт үйлдвэр” ТӨҮГ, “Оюутолгой” ХХК, “Эрдэнэс Тавантолгой” ХК эхний гурван байрыг эзэлсэн байна. Энэ жил уул уурхай салбарын 22 компани Топ-100-д багтжээ. “Энержи ресурс” 10-т, “Монголын Алт” ХХК 11-т, “Болдтөмөр Ерөө Гол” ХХК 12-т, “Монголросцветмет нэгдэл”15-д, “Петрочайна Дайчин Тамсаг” ХХК 17-д, Бүрдэл майнинг 23, “Эрдэнэс Монгол” ХХК 26-д, “Хишиг арвин индустриал” ХХК 32-т “Багануур” ХК 34-т, “Шин шинь”ХХК 41-т, “Цайрт минерал”ХХК 49-д, “Ачит ихт” ХХК 59-д, Монполимет ХХК 60-д, “Алтайн хүдэр” ХХК 62-т, “Бороо гоулд” ХХК 67-д,Тавантолгой ХК 74-т, “Саусгоби сэндс” ХХК 84-т, Баян Айраг Эксплорэйшн ХХК 91-т, “Шивээ Овоо” ХК 94-д эрэмбэлэгдсэн байна. Уул уурхай салбарын эдгээр компанийн борлуулалтын орлого 2021 онд 14618 тэрбум төгрөгт хүрч, ДНБ-ий 41 хувийг эзэлж байна.
  • 2022-05-20
    Фитч агентлаг Монгол Улсын зээлжих зэрэглэлийн үнэлгээг “B”, төлөвийг “Тогтвортой” хэвээр үлдээснээ (2022.05.18) зарлалаа. Дунд хугацаандаа гадаад худалдааны тасалдал, Украйн дахь дайны улмаас үүссэн сөрөг нөлөө буурч, экспортын гол түүхий эдийг худалдан авах Хятадын эрэлт тогтвортой хэвээр байх тул Фитчээс Монгол Улсын ДНБ-ий өсөлтийг 2023 онд 6.3%, 2024 онд 6.8% хүртэл өснө гэж төсөөлж байна.
  • 2022-05-19
    ОҮИТБС-ын хүрээнд манай улсын эцсийн өмчлөгчийн мэдээлэл нэг үеэ бодвол ил гарч, бага багаар ахиж байгаа гэдэг нь ОҮТБИС-ын тайлан мэдээнээс харагдаж байна. 2013 онд 215 компани тайлан мэдээллээ ирүүлж байсан бол 2020 онд 687 компани мэдээллээ ирүүлжээ. Ялангуяа уул уурхай болон стратегийн салбарын эцсийн өмчлөгчийг ил тод болгон тайлагнах нь авлигыг багасган, олон нийт өгөөжийг тэгш хүртэх боломж бүрдүүлэх сайн талтай
  • 2022-05-19
    “Туркойз Хилл Ресурс” болон “Рио Тинто” компани Оюутолгой төслийн санхүүжилтийн төлөвлөгөөний гэрээний нөхцөлийг өөрчилсөн талаар (2022.05.18) мэдээллээ. Тус гэрээг талууд өнгөрсөн нэгдүгээр сарын 24-нд байгуулж байсан юм. Харин одоо санхүүжилтийн гэрээний нөхцөлийг өөрчилснөөр хувьцааны арилжаагаар хөрөнгө босгох хугацааны товыг хойшлуулахаар болжээ. Тодруулбал энэ оны наймдугаар сарын 31-н гэхэд “Туркойз Хилл” хамгийн багадаа 650 сая ам.доллар хүртэлх санхүүжилтийг хувьцааны арилжаагаар босгох байсныг энэ оны төгсгөл хүртэл сунгаж өгчээ.
  • 2022-05-18
    Засгийн газрын ээлжит хуралдаанаар газрын тосны бүтээгдэхүүн хуваах гэрээ, газрын тос олборлолт, газрын тос боловсруулах үйлдвэрийг түүхий эдээр хангах тухай салбарын сайд Г. Ёндон танилцуулсан байна. Цаашид Засгийн газрын зүгээс газрын тосны хайгуул, олборлолтыг эрчимжүүлэх чиглэлд Шадар сайдаар ахлуулсан Ажлын хэсэг гарч ажиллах юм байна. Энэ дагуу газрын тосны нөөц тогтоогдох боломж бүхий аймгуудын Засаг дарга нарт Ерөнхий сайдын захирамж, албан даалгаврыг хүргүүлэх ажээ.