Индонез нүүрсний экспортын хоригоо эргэн харж магадгүй

2022-01-06


Дэлхийн эрчим хүчний нүүрсний хамгийн том экспортлогч Индонез улс энэ оны нэгдүгээр сарыг дуустал нүүрсний экспортод хориг тавих тухай (2021.12.31) зарласан билээ. Энэ нь дотоодын эрчим хүчний нүүрсний нийлүүлэлтийг баталгаажуулах зорилготой байв.

Уг шийдвэрийг дотоодын олборлогчид нэлээд шүүмжлэлтэй хүлээж авсан. Учир нь тус улсын хилийн чанад дахь худалдан авагчдын дунд найдвартай нийлүүлэгч гэсэн нэр хүндийг нь унагасан үйлдэл болно гэж анхааруулжээ. Тэгвэл уг шийдвэрийг эргэн хянах уулзалт өнөөдөр (2022.01.06) болох юм байна. Зах зээлийн тоглогчид уг уулзалтын үр дүнг анхааралтай ажиглаж сууна. Хориг заавал нэг сар үргэлжлэхгүй байж мэдэх тухай таамгийг хэд хэдэн шинжээч өгч байна.

Уг хоригийн шийдвэрийн хянан хэлэлцэх уулзалтыг нэгдүгээр сарын 5-нд зохион байгуулах тухай өмнө нь тус улсын салбарын яам мэдэгдэж байсан нь нэг өдрөөр хойшлоод байгаа юм.

Тус улсын Эрчим хүч, эрдэс баялгийн яамнаас гаргасан мэдэгдэлд цахилгааны өсөн нэмэгдэж буй хэрэглээ нь нүүрсний нийлүүлэлтийг нэмэгдүүлэх зайлшгүй шаардлагыг бүрдүүлж байна гэж өгүүлжээ. Нүүрсний экспортод түр хугацааны хориг тавьснаар нийтдээ 10.9 ГВт бүхий станцуудыг зогсохоос нь сэргийлсэн алхам болно гэж яам тэмдэглэжээ. Өөрөөр хэлбэл цар тахлын дараах сэргэлтийн нөлөөгөөр тус улсын эрчим хүчний эрэлт хэрэгцээ нэмэгдэж байгаа ажээ. Нөгөөтэйгүүр экспортын хоригийг ийнхүү тавих болсон нь уурхайнууд станцуудад нийлүүлэх ёстой хэмжээгээ барихгүй байгаатай холбоотой. Тодруулбал уурхайнууд олборлосон нүүрснийхээ 25-аас доошгүй хувийг дотоодын зах зээлд борлуулах үүрэгтэй байдаг. Гэхдээ дотоодын уурхайнууд станцуудад нүүрсээ тонн тутмыг нь 70 ам.доллараар тооцож борлуулдаг нь зах зээлийн бодит ханшаас хэт доогуур байгаа ажээ.

Энэ шийдвэр нь Хятадын зах зээлд нийлүүлэлт талаасаа төдийлөн нөлөө үзүүлэхгүй гэж шинжээчид тайлбарлаж байна. Учир нь Хятадын сүүлд тохиосон эрчим хүчний хямралын улмаас дотоодын уурхайнуудын олборлолтыг дээд цэгт хүргэж нэмэгдүүлсэнээр станцуудын агуулах дахь нөөц ч хангалттай хэмжээнд очжээ. Гэхдээ Хятад улсын дотоодын зах зээлд эрчим хүчний нүүрсний үнэ хоригийн тухай шийдвэр гарснаас хойш 7.8%-иар нэмэгджээ. Хятад нь Индонезийн нүүрсний хамгийн том худалдан авагч бол Индонез нь Хятадын импортын нүүрсний хамгийн том нийлүүлэгчээр нэрлэгддэг. Хамгийн сүүлд Хятадын эрчим хүчний олон тооны компаниуд (CHN Energy, Huadian болон Datang) Индонезээс нүүрс импортлох гэрээ хэлэлцээрүүдийг байгуулаад байгаа юм. Цаашид Хятадын Индонезээс импортлох нүүрсний хэмжээ улам бүр нэмэгдэх төлөвтэй. Хятадын Гаалийн ерөнхий газрын мэдээллээр тус улс өнгөрсөн оны эхний 11 сард Индонезээс нийт 178 сая тонн нүүрс импортолсон дүн мэдээ гарчээ. Энэ нь хоёр улсын хувьд нүүрсний худалдаан дээр ямар том түншүүд болохыг харуулж байна.

Харин Япон улсын хувьд Индонезээс сар бүр дунджаар 2 сая тонн нүүрс импортолдог бөгөөд уг хоригийг цуцлах хүсэлт тавьжээ.

Эхний тооцооллоор Индонез улсын станцууд нэгдүгээр сард 5.1 сая тонн нүүрсний нийлүүлэлтийн хомсдолд орох төлөвтэй байсан бол одоо уг аюул арилсан тухай хэвлэлүүд мэдээлжээ. Нэгдүгээр сарын 5-ны байдлаар Индонезийн төрийн өмчийн эрчим хүчний компани PLN нийтдээ 13.9 сая тонн нүүрсний худалдааны гэрээг байгуулсан тухай CNBC мэдээлсэн байна. Гэхдээ шаардлагатай хэмжээ нь 20 өдрийн хэрэгцээг хангахуйц хэмжээ буюу дор хаяж 20 сая тонны нийлүүлэлтийг баталгаажуулах ёстой ажээ.

Өнгөрсөн оны нэгдүгээр сард Индонез улсын нүүрсний нийт экспорт 30 сая тоннд хүрч байжээ. 2020 оны хэмжээнд тус улс нийтдээ 400 сая тонн нүүрс экспортолжээ.

 

Б. Төгс

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 7 цаг 59 мин
    УИХ-ын хаврын чуулганы хаалтын өдрийн хуралдаанаар Газрын тосны бүтээгдэхүүний тухай хуульд нэмэлт оруулах тухай хуулийн төслийн хэлэлцэх эсэх асуудлыг (2022.07.06) хэлэлцлээ. Эдийн засгийн байнгын хорооны санал, дүгнэлтийг УИХ-ын гишүүн Х.Ганхуяг танилцуулсан. Байнгын хорооны хуралдаанаар хуулийн төслийг хэлэлцэх үед УИХ-ын гишүүн Б.Баттөмөр Монгол Улсад үр ашигтай өөрчлөлт авчрах сайн талтай тул дэмжиж байгаа, боломж нээхийн хэрээр хараат байдал нэмэгдэх эрсдэл байгааг анхаарах, хуурамч шатахууны асуудал дээр бусад шатахуунтай татварын ижил нөхцөл, шаардлага тавих, УИХ-ын гишүүн М.Оюунчимэг хуулинд нэмэлт оруулахдаа олон улсын нөхцөл байдлыг анхаарч, сөрөг нөлөөлөл үүсэхээс сэргийлэх, дотоодын зах зээлээ болон аж ахуйн нэгжүүдээ хамгаалж, зах зээлийн зарчмаар явуулан гэрээ, хэлэлцээрээ сайн хийвэл тийзний үнэ буурах эерэг нөлөөтэй гэсэн саналыг хэлсэн гэлээ.
  • 11 цаг 23 мин
    Тулгар төрийн 2230, 2231, Их Монгол Улс байгуулагдсаны 815, 816, Үндэсний эрх чөлөө, тусгаар тогтнолоо сэргээн мандуулсны 110, 111, Ардын хувьсгалын 100, 101 жилийн ойг тохиолдуулан Монгол Улсын Ерөнхийлөгч Ухнаагийн Хүрэлсүх зарлиг гарган нэр бүхий хүмүүсийг төрийн дээд цол, одон, медалиар шагнасан юм. Уул уурхайн салбараас “Эрдэнэт үйлдвэр” ТӨҮГ-ын Ерөнхий захирал Х.Бадамсүрэн Хөдөлмөрийн баатар боллоо. “Уул уурхайн технологи, эдийн засаг, экологи” эрдэм судлалын цогц долоон боть бүтээлд Монгол улсын Төрийн шагнал хүртээжээ. 
  • 11 цаг 38 мин
    Монгол Улсын Ерөнхий сайд Л.Оюун-Эрдэнэ Бүгд Найрамдах Сингапур Улсад хийж буй албан ёсны айлчлалынхаа хүрээнд энэ сарын 7-ны өдөр Сингапурын Темасек олон улсын санд зочилж, тус сангийн үйл ажиллагаатай танилцан Гүйцэтгэх захирал Нг Бүн Хонг, орлогч захирал Бенедикт Чеонг нартай уулзав.
  • 12 цаг 36 мин
    “Mongolia Mining” Олон улсын уул уурхайн үзэсгэлэнгийн 11 дэх удаагийн арга хэмжээ 2022 оны есдүгээр сарын 21-23-ны өдрүүдэд гурван өдрийн турш Степпе Арена буюу Мөсөн Өргөөнд зохион байгуулагдана. Энэ удаагийн үзэсгэлэнд уул уурхайн салбарын дэлхийд тэргүүлэх технологийг гурван өдрийн турш дэлгэн харуулахаас гадна, эрдэс баялгийн салбарт төрөөс баримтлах бодлого, холбогдох хуулиуд, Монгол улсад хэрэгжих уул уурхай дэд бүтцийн төслүүд сэдвээр семинарууд болон тоног төхөөрөмжийн үзүүлэх тоглолтууд зохион байгуулагдана.
  • Уржигдар 11 цаг 58 мин
    Дэлхийн Уул уурхайн конгресс (ДУУК)-ын Олон улсын зохион байгуулах хороо (ОУЗБХ)-ны 103 дугаар хуралдаан 2022 оны долдугаар сарын 12-нд Монгол улсад зохион байгуулагдах гэж байна. Дэлхийн уул уурхайн Конгресс нь уул уурхайн техник, технологийн хөгжлийн чиг хандлагыг тодорхойлдог НҮБ-д бүртгэлтэй олон улсын мэргэжлийн байгууллага юм. 1958 онд Польшийн профессор Б.Крупински санаачлан байгуулсан энэ байгууллагад 1967 оноос Монголын төлөөлөгчид Конгрессын хуралдаануудад оролцож ирсэн.