Нүүрсний экспорт жингээр 40% буурсан ч, орлогоор 1.7%-ийн өсөлттэй гарлаа

2021-10-07 17:37

Манай улсын гадаад худалдааны нийт бараа эргэлт энэ оны эхний есөн сарын байдлаар 11.53 тэрбум ам.долларт хүрсэн тухай Гаалийн ерөнхий газар мэдээллээ. Гадаад худалдааны эргэлт өнгөрсөн оны мөн үеийнхээс 27.1%-иар өссөн байна. Мөн хугацаанд экспорт 6.4 тэрбум ам.доллар, импорт 5.13 тэрбум ам.долларт хүрсэн нь өмнөх оны мөн үеийнхтэй харьцуулахад экспорт 24.4%, импорт 30.5%-иар тус тус өссөн гэсэн үг. Гадаад худалдааны тэнцэл эхний есөн сард 1.28 тэрбум ам.долларын ашигтай гарсан нь өнгөрсөн оны мөн үеийнхээс 4.9%-иар өссөн дүнтэй гарчээ.

Улсын экспортын дийлэнхийг бүрдүүлдэг эрдсийн салбарын гадаад худалдаанд зэсийн баяжмал орлогын дүнгээр тэргүүллээ. Оны эхний есөн сарын байдлаар зэсийн баяжмалын экспорт 2.31 тэрбум ам.долларт хүрсэн нь өмнөх оны мөн үеийнхээс 97.8%-иар өсчээ. Харин зэсийн баяжмалын экспорт биет хэмжээгээр өмнөх оны мөн үетэй ижил түвшинд байна. Зэсийн ханш олон улсын зах зээлд өссөн нь экспортын орлого нэмэгдэхэд голлон нөлөөлсөн. Тунгаасан зэсийн тухайд мөн хугацаанд нийтдээ 7.8 мянган тонныг экспортолсон нь 26%-иар өссөн бол орлогын тухайд хоёр дахин нэмэгдэж 69 сая ам.доллартай тэнцжээ.

Нүүрсний экспорт эхний есөн сард 12 сая тоннд хүрч өмнөх оны мөн үеийнхээс 39.5%-иар буурсан ч, орлогын дүнгээр 1.7%-иар өсч 1.5 тэрбум ам.долларт хүрлээ. Сарын дүнгээр авч үзвэл манай улсын нүүрсний экспорт есдүгээр сард 1 сая тонноор илэрхийлэгдсэн нь өнгөрсөн оны мөн үетэй харьцуулахад 78.3%-иар буурчээ. Хэдийгээр нүүрсний экспортын биет хэмжээ огцом буурсан ч зах зээлд ханшийн өсөлт үргэлжилбэл манай улсын нүүрсний экспорт орлогын дүнгээр 2020 оны түвшинд байх боломжтой байна.

Эх сурвалж: ГЕГ

Орлогын дүнгээр төмрийн хүдэр гуравдугаарт бичигдлээ. Мөн хугацаанд манай улс нийт 5.95 сая тонн төмрийн хүдрийг гадагш нийлүүлж, 850 орчим сая долларын орлого олжээ. Энэ нь жингийн хувьд буурсан ч  орлогын дүнгээр 83%-иар өссөнийг илтгэнэ.

Алтны экспорт эхний есөн сарын байдлаар 7.9 тн буюу 460 сая ам.долларт хүрсэн бөгөөд өнгөрсөн оны мөн үеийнхээс 60.5-61.1%-иар багасчээ.  Харин Монголбанкны үнэт метал худалдан авалт оны эхний найман сарын байдлаар 12.9 тоннд хүрсэн нь өмнөх оны мөн үеийнхээс 1.9 тонноор бага дүн юм.

Газрын тосны экспорт өсөлтөөрөө эрдсийг хошуучилж байна. Учир нь энэ онд газрын тосны экспортын биет хэмжээ өссөнөөс гадна дэлхийн зах зээлд ханш өссөн. Ингэснээр газрын тосны экспортын орлого эхний есөн сард өнгөрсөн оны мөн үеийнхээс 161%-иар нэмэгдэж 224.3 сая ам.долларт хүрчээ.

Цайр, жонш, молибденийн экспорт мөн хугацаанд бүгд орлогын дүнгээр өсөлттэй гараад байна. Зах зээлд түүхий эдийн ханш өсч байгаа нь экспортын орлого өсөх гол нөхцөл боллоо.

Эх сурвалж: ГЕГ

 

Б.Төгс

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 10 цаг 13 минутын өмнө
    ​​​​​​​Хятадын нүүрсний нийт импорт өнгөрсөн арваннэгдүгээр сард 35.05 сая тоннд хүрсэн тухай тус улсын Гаалийн ерөнхий газар мэдээллээ. Нүүрсний импортын үзүүлэлт өмнөх оны мөн үед 11.67 сая тонн байсантай харьцуулахад гурав дахин, өнгөрсөн аравдугаар сард 26.94 сая тонн байсантай харьцуулахад 30.1%-иар тус тус өссөн байна. Ингэснээр Хятадын нүүрсний импорт он гарсаар хамгийн өндөр үзүүлэлтэд хүрлээ.
  • 13 цаг 47 минутын өмнө
    Баянхонгор аймагт хэрэгжүүлж буй Баян хөндий алтны үндсэн ордын төслийн Байгаль орчинд нөлөөлөх байдлын нарийвчилсан үнэлгээг БОАЖЯам баталсан тухай "Эрдэнэ Ресурс Девелопмент" компани (2021.12.07) мэдээллээ. Уг үнэлгээг “Eco Trade” ХХК дотоодын болон олон улсын стандартын дагуу боловсруулсан байна. Компанийн хувьд одоо бүтээн байгуулалтын бэлтгэл ажилдаа орох боломжтой боллоо.
  • Уржигдар 15 цаг 59 минутад
    Нүүрсний экспорт оны эхний 11 сарын байдлаар 15.2 сая тоннд хүрсэн нь өмнөх оны мөн үеийнхээс даруй 43.8%-иар буурсан боловч орлогын дүнгээр 2.6 тэрбум ам.доллартай дүйсэн нь мэдэгдэхүйц өсөлттэй байна. Ийнхүү нүүрсний экспортын орлого нэмэгдэх болсон нь зах зээл дэх үнийн өсөлттэй холбоотой. Сарын дүнгээр авч үзвэл өнгөрсөн арваннэгдүгээр сард манай улс 1.71 сая тонн нүүрс экспортолсон нь өнгөрсөн гуравдугаар сараас хойших хамгийн өндөр дүн боллоо.
  • Уржигдар 11 цаг 13 минутад
    “Build Mongolia 2022” үзэсгэлэн ирэх оны дөрөвдүгээр сарын 22-24-нд Улаанбаатар хотноо Буянт-Ухаа спортын ордонд хоёр дахь удаагаа зохион байгуулагдана. Үзэсгэлэнд дэлхийн улс орнуудын дэд бүтцийн салбар дахь шинэ шийдэл, дэвшилтэт технологи бүхий тоног төхөөрөмж, техникийг танилцуулна. Бүтээн байгуулалтын салбарын хамгийн шилдэг техник технологийг танилцуулахаар гадаадын болон дотоодын 100 гаруй аж ахуй нэгж оролцоно. Мөн үзэсгэлэнг зорин ирэх хөрөнгө оруулагч, ханган нийлүүлэгч нар болоод бусад зочдод Монголын барилга, уул уурхай, эрчим хүч, зам тээврийн салбарын мэдээллийг бүрэн хүргэх зорилгоор салбар тус бүрийн тухайн үеийн онцлог сэдвийг хөндсөн төрийн бодлогын хэлэлцүүлэг явуулна.
  • 2021-12-06 10:48
    Монгол, Францын хамтарсан “Бадрах энержи” компани Дорноговь аймгийн Улаанбадрах сумын нутаг дахь ураны Зөөвч-Овоо ордод 2021 оны долдугаар сараас үйлдвэрлэлийн туршилт хийж байна. “Бадрах энержи” компанийн Гүйцэтгэх захирал Марк Мелеардын хэлснээр  одоо өдөр­төө  25 кг уран олборлож байгаа ажээ. Үйлдвэрлэлийн туршилтыг 2022 оны эцэс хүртэл хийх бөгөөд энэ хугацаанд 20 гаруй тонн уран олборлох төлөвлөгөөтэй. Үйлдвэрлэлийн туршилтын үр дүнгээр нарийвчилсан ТЭЗҮ-д шаардлагатай өгөгдөл, мэдээллийг авахаас гадна техник, эдийн засгийн үндсэн үзүүлэлтүүлийг баталгаажуулна.