World copper 2021:  Зэсийн алтан үе 

2021-05-28 11:59

Э.Оджаргал


Чилийн Сантьяго хотоос CRU байгууллагын зохион байгуулсан “World copper 2021” чуулганд дэлхийн өнцөг булан бүрээс цахимаар холбогдон оролцсон уул уурхайн үйлдвэрлэгчид, хөрөнгө оруулагчид, салбарын шинжээчид “зэсийн алтан үе” айсуйг тодорхойлов.

Эдүгээ дэлхийн зах зээл дээр зэсийн үнэ өсч 2011 оны дээд үзүүлэлтийг шинэчиллээ. Ханш 10 мянган ам.доллар даваад буй энэ цагт зэсийн чуулган уул уурхайн хөрөнгө оруулагчдын анхаарлын төвд байв. Мэдээж, Монгол Улс дахь гадаадын хөрөнгө оруулалттай зэсийн хамгийн том төсөл Оюутолгойн гэрээг өөрчлөн шинэчлэх хэлэлцээрийг өрнүүлээд байгаа үед тун онцлог юм. Чуулган нээгдсэн 12-ны өдөр Улаанбаатар хотноо Монгол Улсын Засгийн газрын Ажлын хэсэг, “Рио Тинто” компанийн төлөөлөл Оюутолгой төсөлтэй холбоотой хэлэлцээрийг эхлүүлсэн. Хэлэлцээрийн дараа “Рио Тинто”-ийн Зэсийн группын Гүйцэтгэх захирал Б.Болд “World copper 2021” чуулганд илтгэгчээр оролцсон нь Оюутолгой дэлхийн зэсийн үйлдвэрлэлд чухал төсөл болохын илрэл юм.

Ирээдүйд бөмбөрцгийн “ногоон” хөгжилд тэргүүлэх үүрэг гүйцэтгэх түүхий эдээр тодорсон   зэсийн эрэлтийн чиг хандлагын талаарх чуулганы олон янзын байр сууриудад КОВИД-19-ийн нөлөө, ESG зорилт, цэвэр эрчим хүчний шилжилт зэрэг сэдвүүд голлов.

CRU: 2023 ОНД ЗЭСИЙН ОЛБОРЛОЛТ ОРГИЛДОО ХҮРНЭ

2021 онд дэлхийн зэсийн олборлолт 2.5%-иар өсөх хүлээлттэй байна. Гэхдээ ирэх хоёр жилдээ цар тахлын нөхцөл уул уурхайн үйлдвэрлэлд нөлөөлсөн хэвээр байхыг CRU-ийн Зэсийн зах зээлийн судалгааны захирал Ванесса Дэвидсон санууллаа. Зах зээл тогтворгүй, эрсдэлтэй жилүүдэд үйлдвэрлэлийн хүчин чадлыг нэмэх, шинэ төсөл эхлүүлэх, хөрөнгө оруулах компаниуд цөөн байж мэднэ. Улмаар одоогийн уурхайнуудын олборлолт 2023 онд оргилдоо хүрч эрэлт нийлүүлэлтийг давж болзошгүй. Шинээр төслүүд хэрэгжихгүй тохиолдолд 2030 он гэхэд 5.9 сая тонн зэсийн хомсдол үүсэх төсөөллийг CRU-ийн Зэсийн ахлах шинжээч Эрик Хеймлих хэлж байна. Адил төлөвийг дэвшүүлсэн “Goldman Sachs” банкны “өөдрөг бус” тооцооллоор, 2025 оноос дэлхийн цэвэр эрчим хүчний хэрэглээний үлэмж өсөлт зэсийн эрэлтэд ачаалал үүсгэх аж. “Ногоон” хөгжлийн хувьсгалд зэс тэргүүлнэ гэж тус банк үзэж байна. Цэвэр эрчим хүчийг бий болгох, хадгалах, тээвэрлэхэд шаардлагатай физик шинж чанараараа зэс нь цахилгаан машин, зай хураагуур, сэргээгдэх эрчим хүчний үйлдвэрлэлийн гол түүхий эд болохыг онцолсон юм. Тухайлбал, стандарт цахилгаан машинд 83кг зэс ордог. Дотоод шаталтад хөдөлгүүртэй ердийн машин дахь зэсийн орцтой харьцуулахад 4 дахин илүү юм. Сэргээгдэх эрчим хүчний дэд бүтцэд тав дахин илүү зэс ашиглагддаг. Тиймээс нүүрсхүчлийн хийн ялгаруулалтыг бууруулах өнөөгийн эрчимтэй хандлагаар өсөн нэмэгдэх зэсийн хэрэгцээг үйлдвэрлэгчид хангаж гүйцэхгүй байх магадлалтай байна.

Зэсийн эрэлтийн хэт ачаалалтай үе эхэлж буйг ч хоёр байгууллагын шинжээч  анхаарууллаа. Сүүлийн нэг жил зэсийн үнэ бараг 80%-иар өссөн хэдий ч ирээдүйд нэмэгдэх эрэлтэд өнөөгийн зах зээл бэлэн бус. Зөвхөн зэс гэлтгүй гол түүхий эдүүдийн ханш өсөлтөө хадгалсан энэ үед ч олборлох салбар идэвхжих дорвитой шинж тэмдэг ажиглагдахгүй байгааг банкны стратегич Николас Сноудон өгүүлсэн юм. Зэсийн зах зээлд одоо ч нийлүүлэлт эрэлтээсээ хомс тул ханш өндрөө авчээ. Тиймдээ ирэх дөрвөн жилд зэсийн үнэ 60%-иар нэмэгдэж 15 мянган ам.доллар хүрэх таамгийг тэрээр дэвшүүлж байна. Хэрэв зэсийн ханш 9000 ам.долларт хэлбэлзэх аваас хоёр жилийн дараагаас зах зээлд хомсдол бодитой мэдрэгдэнэ гэв. 

“GOLDMAN SACHS”: ХӨРӨНГӨ ОРУУЛАЛТЫН “БУМ” ТОХИОНО

CRU-ийн  судалгаагаар, таамаглаж байгаа зэсийн хомсдлыг хангахуйц хэмжээний үйлдвэрлэлийг бий болгоход 100 гаруй тэрбум ам.долларын хөрөнгө оруулалт шаардлагатай аж. Харин шинэ төслүүдэд хөрөнгө оруулах сонирхлыг өдөөх “супер цикл” айсуйг “Goldman Sachs” банкны стратегич тодотголоо. Зэс бол урт хугацааны мөчлөгийг илтгэх метал бөгөөд түүхий эдийн зах зээлд өөдрөг мөчлөг тохиох нөхцөл бүрдсэн 3 хүчин зүйлийг Сноудон нэрлэсэн юм. 

Нэгт, урт хугацаанд уул уурхай, дэд бүтэц, аж үйлдвэрлэл болоод “хуучин эдийн засаг”-т хангалттай бус хөрөнгө оруулалтын байдал ужгирсан. Хоёрт, КОВИД-19  нөхцөл байдал “тулгасан” дахин хуваарилалтын бодлогоор ашигт малтмалын ашиглалтыг санхүүгийн тогтвортой байдал гэхээсээ илүү нийгмийн хэрэгцээг хангахад чиглүүлэх. Гуравт, улс орнууд, ялангуяа АНУ-ын Засгийн газрын зардал огцом нэмэгдэж байна. Дэлхий дахинаа нэгэнт эрчээ авсан байгаль орчны зорилтын чиг хандлага нь энэ арван жилд хөрөнгө оруулалтын “бум” өдөөж 1970, 2000 оны үетэй дүйцэхүйц хэмжээний  өсөлтийг бий болгох гэнэ. Хүлээмжийн хийн ялгаруулалтаас ангижрах зорилтод хүрэхийн тулд “ногоон” дэд бүтцэд 16 их наяд ам.доллар шаардлагатайг “Goldman Sachs” банк тооцсон байна. Сүүлийн “супер цикл”-ийн үед ийм чиглэлийн бүтээн байгуулалтдаа Хятад улс 10 их наяд ам.долларын хөрөнгө оруулжээ. Уур амьсгалын өөрчлөлтийн эсрэг Парисын хэлэлцээрт эргэн нэгдсэн АНУ-ын Ерөнхийлөгч Жо Байден цэвэр эрчим хүчний технологи, дэд бүтцийн шинэ төслүүдийг дэмжих замаар эдийн засгаа шинэчлэх 2.25 их наяд ам.долларын хөтөлбөр хэрэгжүүлэхээр төлөвлөснөө энэ сарын эхээр зарласан билээ. Уг хөтөлбөрөөр, дотооддоо цахилгаан машин болоод цэнэглэх станцыг түлхүү нэвтрүүлж, бүх америкчууд өндөр хурдны интернет ашиглах боломжийг бүрдүүлэх, зөвхөн эрчим хүчний сүлжээний дэд бүтцэд 100 тэрбум ам.доллар зарцуулахаар тусгажээ. 2060 онд гэхэд Хятад, Япон, Өмнөд Солонгос, мөн Европын холбоо хүлэмжийн хийн ялгаруулалтаа тэглэхээ мэдэгдэж, “ногоон” хөгжил рүү бодлогоо чиглүүлж байгаа улс орнуудын эгнээ тэлсээр байна.  

 

Нийтлэлийн үргэлжлэлийг The Mongolian Mining Journal сэтгүүлийн 2021  оны

дөрөвдүгээр сарын дугаараас сонирхоно уу.

/April 2021. № 004 (149).  Since 2008/
 

Сэтгэгдэл (1)

  • DR. PRADHAN (197.210.65.69)
    БҮГДЭЭРЭЭ САЙН УУ!!!!!Бид олон нийтэд мэдээлэхийг хүсч байна;Та бөөрийг худалдахыг хүсч байна уу? Та санхүүгийн хямралын улмаас бөөрийг зарж борлуулах боломжийг эрэлхийлж байна уу, юу хийхээ мэдэхгүй байна уу? Дараа нь бидэнтэй холбоо бариад DR.PRADHAN.UROLOGIST.LT.COL@GMAIL.COM хаягаар бид танд бөөрнийх нь хэмжээгээр санал болгох болно. Яагаад гэвэл манай эмнэлэгт бөөрний дутагдалд орж, +91424323800802.имэйл: DR.PRADHAN.UROLOGIST.LT.COL@GMAIL.COMYнэ: $780, 000 (Долоон зуун, Наян мянган доллар) Намайг ТУНГАЛАГ гэдэг би Монгол гаралтай. Би 1 бөөрөө Монголд яаж зарж баяжсан, би ядуу, эр хүн байсан тухай интернэтэд прадхан сурталчилгаатай тааралдаж байхдаа интернетэд Праданы эмч нарын имэйлээр дамжуулан өргөдөл гаргаад, дэлхий дахинд гэрчлэлээ хуваалцмаар байна. тэдний хандивлагч. Би тэдний эмнэлэгт 1 бөөрөө мөнгөний төлөө хандивласан бөгөөд хандив өгсний дараа ч эрүүл саруул хэвээр байна. Тэд надад бөөрнийхөө төлөө 780,000 доллар төлсөн. Одоо би бөөрөнд төлсөн 780,000 доллараар өөрийн компанийг байгуулж, би баян, аз жаргалтай хүн болжээ. Хэрэв та санхүүгийн бэрхшээл / бэрхшээлийг даван туулж байгаа эсвэл баян байхыг хүсч байвал имэйлээр холбоо барина уу: DR.PRADHAN.UROLOGIST.LT.COL@GMAIL.COM.
    2021 оны 06 сарын 06 | Хариулах
Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 2021-09-24 14:39
    Хилээр нэвтрэх нүүрс тээврийн автомашины тоо сүүлийн өдрүүдэд нэмэгдэж байна. Гашуунсухайт, Шивээхүрэн, Ханги боомтоор (2021.09.22) нүүрс тээврийн 345 машин, 23-ны өдөр дээрх боомтоор 315 машин тус тус хил нэвтэрчээ. Монгол Улсын Засгийн газар, УУХҮЯ-аас нүүрсний экспортын хэмжээг нэмэгдүүлэх зорилгоор хилийн боомт, улсын хилийн бүс, зурвас газруудад чингэлэгт тээврийн терминал байгуулах ажлыг шуурхай хэрэгжүүлсний үр дүнд 2 сарын хугацаанд Гашуунсухайт дахь чингэлэгт тээврийн терминалыг төр-хувийн хэвшлийн хамтын ажиллагааны хүрээнд байгуулж ашиглалтад оруулсан. 
  • 2021-09-24 12:33
    Дэлхий дахины анхаарлын төвд буй Хятадын үл хөдлөх хөрөнгийн “China Evergrande” групп нь хувьцаа эзэмшигчтэй тохиролцоонд хүрсэн талаар (2021.09.23) мэдэгдсэнээр төмрийн хүдрийн ханш ялимгүй өсөхөд нөлөөллөө. Өчигдрийн байдлаар, Даляны түүхий эдийн бирж дээр тонн тутамдаа төмрийн хүдрийн ханш 120 орчим ам.доллар байна. Хятадын үл хөдлөх хөрөнгийн хоёр дахь том компани дампуурах тухай мэдээлэлтэй холбоотой даваа гаригт (2021.09.20) төмрийн хүдрийн ханш 100 ам.доллараас доош орж буурсан юм. Өнгөрсөн тавдугаар сард 62%-ийн агуулгатай төмрийн баяжмалын үнэ 218.38 ам.доллар хүрч түүхэн дээд амжилт тогтоосон билээ.
  • 2021-09-24 11:55
    Монгол Улсын Үндсэн хууль, Төрөөс эрдэс баялгийн салбарт баримтлах, Монгол Улсын Засгийн газрын 2020-2024 оны үйл ажиллагааны хөтөлбөрт “Баялгийн шударга хуваарилалтын зарчмыг хэрэгжүүлэх, уул уурхайн бүтээгдэхүүний гадаад, дотоодын зах зээл дээрх борлуулалтыг нээлттэй, оновчтой, өндөр үр ашигтай, зах зээлийн зарчимд нийцсэн аргаар хийх, шударгаар үнэ тогтоох, дотоодын хөрөнгийн зах зээлийг хөгжүүлэх, уул уурхайн салбараас орох орлогыг нэмэгдүүлэх бодлогын хүрээнд экспортыг нэгдсэн бодлогоор зохицуулах” асуудлыг тусгасан.
  • 2021-09-24 11:46
    “Worldsteel”-ийн мэдээллээр, оны эхний найман сард дэлхийн хэмжээнд нэг тэрбум 321 сая тонн ган үйлдвэрлэжээ. Өнгөрсөн оны мөн үетэй (нэг тэрбум 195 сая тонн) харьцуулахад 10.62%-иар нэмэгдсэн байна.  Мөн хугацаанд 733.02 сая тонн (5.28%-ийн өсөлт)ган үйлдвэрлэсэн хэмжээгээр БНХАУ тэргүүлж буй. Тус улс нь дэлхийн гангийн үйлдвэрлэлийн 55%-ийг бүрдүүлж байна. 
  • 2021-09-24 10:16
    Хятад улс наймдугаар сард 394 мянган тонн зэс импортолсныг тус улсын Гаалийн ерөнхий газрын мэдээлжээ. Өнгөрсөн оны мөн үетэй харьцуулахад Хятадын зэсийн импорт 41%-иар буурч, 2019 оноос хойших хамгийн бага үзүүлэлтээр тооцогдож байна. Энэ оны эхний найман сард нийт 3.6 сая тонн зэс хилийн чанадаас худалдан авсан нь 2020 оны мөн үеийнхээс 15.3%-ийн буурсан аж. 2020 оны аравдугаар сард Хятадын зэсийн импорт оргил хэмжээндээ хүрсэн бөгөөд тухайн үеэс тус улсын зэсийн импорт буурч иржээ. Хятад улсын дотоодын үйлдвэрлэл нэмэгдэж буй нь тодорхой хэмжээгээр зэсийн импорт буурахад нөлөөлж байгаа гэж олон улсын шинжээчид үзэж байна.