Зэсийн ханш 2011 оны оргил түвшинд ойртлоо

2021-04-27 15:50

Лондоны металын бирж дээр лхагва гаригт тонн зэсийн үнэ 9730 ам.долларын ханштай хаагдсан нь 2011 оны наймдугаар сараас хойших хамгийн өндөр үзүүлэлт боллоо. Он гарсаар тус бирж дээр зэсийн ханш 26%-иар өсчээ. Дэлхийн эдийн засаг цар тахлын дараах сэргэлтийн горимд шилжиж буй нь зэсийн ханшийн өсөлтийг авчирч байна. Мөн Нью-Йоркийн түүхий эдийн бирж дээр тонн зэсийн ханш өчигдөр 9795 ам.долларт хүрчээ.

Эх сурвалж: investing.com

Нөгөөтэйгүүр, өчигдрөөс (2021.04.26) эхлэн Чили улсад боомтын ажилтнууд ажил хаялт зарласан байна. Ажил хаялт тус улсын боомтын нийт терминалуудын дөрөвний нэгийг хамарчээ. Цар тахлын үед хувийн тэтгэврийн сан дахь мөнгөө (10%-ийг) урьдчилж авах хуулийн төслийг батлуулахын төлөө ажил хаясан байна. Тухайн хуулийн төслийг тус улсын Конгресс баталсан ч Ерөнхийлөгч хориг тавих чиглэлтэй байгаа аж. Учир нь ийм арга хэмжээг өнгөрсөн оны долоо болон арванхоёрдугаар сард хэдийнэ хэрэгжүүлжээ. Одоо гурав дахь удаагаа хэрэгжүүлэх нь улсын эдийн засгийг эрсдэлд оруулна гэж Чилийн төв банк мэдэгдсэн байна. Уг арга хэмжээг хэрэгжүүлсэн тохиолдолд маш олон ахмад бага тэтгэвэртэй хоцрох эрсдэл бий ажээ.

Өмнө нь 2008-2009 оны дэлхийн санхүүгийн хямралын дараа буюу 2011 оны хоёрдугаар сард зэсийн ханш 10148 ам.долларт хүрч өнөөг хүртэл түүхэн дээд үзүүлэлтэд тооцогдож байна.

Аливаа хямралын дараа сэргэлтийн үед эрдэс түүхий эдийн үнэ ханш өсдөг зарчимтай. Тэгвэл энэ удаад гагцхүү хямралын дараах сэргэлт бус, уур амьсгалын эсрэг бодлогын нөлөөгөөр зэсийн ханш улам бүр өсөх төлөвтэйг шинжээчид тайлбарлаж байна. АНУ-ын Ерөнхийлөгч Жо Байден дэд бүтцийг хөгжүүлэх 2.25 их наяд ам.долларын хөтөлбөр зарласан билээ. Зэрэгцээд Хятадын эдийн засаг ч хурдацтай өсөх төлөв тодроод буй

Голдман Сакс банк 2025 он гэхэд зэсийн ханш тонн тутамдаа 15 мянган ам.долларт хүрнэ гэж төсөөлсөн бол Сити банк ойрын хугацаанд зэс 10500 ам.долларын үнэтэй болох тооцооллыг дэвшүүлж байна.

Гэхдээ цар тахлын дэгдэлтийг бүрэн хумих талаар ярихад хараахан эрт юм. Хэд хэдэн улс оронд КОВИД-19-ийн тархалт өндөр хэвээр байгаа нь эдийн засаг бүрэн сэргэх замдаа орох болоогүйг харуулж байна.

Б.Төгс

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 11 цаг 15 минутын өмнө
    Есдүгээр сар гарснаас хойш ураны ханш ойролцоогоор 40%-иар нэмэгдэж фунт тутамд 49.4 ам.доллар байна. Энэ нь 2015 оноос хойшхи хамгийн хамгийн өндөр үнэд тооцогдож байгаа юм. Өнгөрсөн онд фунт уран 30 ам.долларын үнэтэй байв. “World Nuclear Association”-ийн сүүлд гаргасан тайланд, ирэх 10 жилд дэлхийн ураны эрэлт 26%-иар өснө. Өнөөгийн байдлаар, дэлхийн хэмжээнд шинээр төлөвлөгдсөн цөмийн энергийн 100 реактороос 53 нь барилга угсралтын шатандаа байгаа бол хэрэгжихэд бэлтгэгдсэн 320 төсөл байна.
  • 12 цаг 12 минутын өмнө
    Засгийн газрын ээлжит хуралдаанаар нүүрсний экспортын боомтууд дахь халдвар хамгааллыг сайжруулах чиглэлээр дараах арга хэмжээг авахаар шийдвэрлэжээ. Гашуунсухайт боомт, Цагаан хадны суурьшлын бүсийн халдвар хамгааллыг сайжруулах зорилгоор ПГУ молекул, биологийн лаборатори байгуулж, лаборатори, тандалт судалгаа хийх эмч, эмнэлгийн ажилтан, эргүүл хамгаалалтад шаардлагатай цагдаа, дотоодын цэргийн алба хаагчдыг батлагдсан төсвийн хүрээнд шилжүүлэн ажиллуулна. Мөн Нарийнсухайтын бүлэг ордын үйл ажиллагааг дэмжиж, нүүрсний экспортыг хэвийн явуулах нөхцөлийг хангах зорилгоор ПГУ-ын шинжилгээ хийх молекул биологийн лаборатори, аппарат, тоног төхөөрөмжийг Засгийн газрын нөөц сангаас гаргана.
  • Уржигдар 17 цаг 50 минутад
    Засгийн газрын өнөөдрийн (2021.09.22) хуралдаанаар, Монгол Улсад шатахууны хомсдол үүсч болох нөхцөл байдалтай уялдуулан авч хэрэгжүүлэх арга хэмжээг УУХҮЯ-аас танилцуулжээ. Энэ талаар УУХҮ-ийн сайд Г.Ёндон мэдээлэл хийсэн юм. Монголын 5 аж ахуйн нэгжийн төлбөрөө хийгээд байгаа шатахууныг Хятад улсаас яаралтай татах ажлыг танилцууллаа. Тус ажлын хүрээнд УУХҮЯ, ГХЯ, ЗТХЯ-аас Улаанбаатар дахь Элчин сайдын яамдтай уулзалт (2021.09.21) хийсэн. Өнөөдөр Бээжин хотноо Монгол Улсын Онц бөгөөд Бүрэн эрхт Элчин сайд нот бичгүүдийг БНХАУ-ын Гадаад хэргийн яам, Худалдааны яам болон төмөр замын төв компанид хүргүүлэн, уулзалтын цагийн хуваарийг тогтсон байна.
  • Уржигдар 16 цаг 27 минутад
    “Mongolia Mining-2021” олон улсын уул уурхайн үзэсгэлэн “Буянт-Ухаа” спорт цогцолборт өнөөдөр /2021.09.22/ нээгдлээ. Энэхүү үзэсгэлэн нь уул уурхайн салбарын текник тоног төхөөрөмж үйлдвэрлэгчид, ханган нийлүүлэгчид, засвар сэлбэгийн үйлчилгээ үзүүлэгчдийг нэг дор цуглуулдаг уламжлалт арга хэмжээ юм. 2011 онд анх зохиогдсоноос хойш жил бүр тасралтгүй зохиогдож ирсэн ч өнгөрсөн 2020 онд цар тахлаас шалтгаалан зохиогдоогүй юм. 
  • Уржигдар 16 цаг 24 минутад
    “Mongolia Mining-2021” олон улсын уул уурхайн үзэсгэлэн “Буянт-Ухаа” спорт цогцолборт өнөөдөр /2021.09.22/ нээгдлээ. Энэхүү үзэсгэлэн нь уул уурхайн салбарын текник тоног төхөөрөмж үйлдвэрлэгчид, ханган нийлүүлэгчид, засвар сэлбэгийн үйлчилгээ үзүүлэгчдийг нэг дор цуглуулдаг уламжлалт арга хэмжээ юм. 2011 онд анх зохиогдсоноос хойш жил бүр тасралтгүй зохиогдож ирсэн ч өнгөрсөн 2020 онд цар тахлаас шалтгаалан зохиогдоогүй юм.