“Белшина”: Евро стандартын “шинэ эриний”дугуйг Монголын зах зээлд нийлүүлнэ

2019-05-14 11:19

Машины дугуй үйлдвэрлэлээр Европт тэргүүлэгч “Белшина” үйлдвэрийн уул уурхайн зориулалтын дугуйг Монголын зах зээлд нийлүүлэх боломж, эрэлт хэрэгцээний талаар тус үйлдвэрийн Экспорт, худалдааны албаны дарга Москалёв Евгенийтэй ярилцав.

Юуны өмнө, сэтгүүлийн уншигчдад “Белшина” үйлдвэрийн талаар танил­цуулна уу?
“Белшина” нь Беларусийн улсын үйлдвэр  юм. Суудлын авто машинаас эхлээд хөдөө аж ахуй, уул уурхайн хүнд техник хүртэлх 300 гаруй нэр төрлийн дугуй үйлдвэрлэдэг. Уул уурхайн зориулалтын дугуйны тухайд, Австрали, Тайланд, Вьетнам, Индонез, Канад, Бразил, Чили, Африк болоод Хойд Америк орнуудад нийлүүлж байна. Уул уурхай өндөр хөгжсөн тус орнуудад “Белшина” дугуй хэдийн танигдсан бүтээгдэхүүн юм. Сүүлийн гурван жилд манай үйлдвэр 90 гаруй сая еврогийн хөрөнгө оруулалтаар үйлдвэрлэлийн техник, технологийн бүрэн шинэчлэл хийсэн. Ингэснээр үйлдвэрлэлийн технологи дэлхийн түвшинд хүрч, евро стандарт бүхий “шинэ эриний” дугуйг үйлдвэрлэж байна. Дэвшилтэд технологийн шинэ бүтээгдэхүүн маань гадаадын зах зээлд экспортлогдож эхэлсэн.
Манай үйлдвэр дотооддоо “БелАЗ”, МАЗ (Минскийн авто машин, тракторын үйлдвэр), КАМАЗ, ОХУ-ын ГАЗ зэрэг үйлдвэрүүдэд нийлүүлэхийн зэрэгцээ уул уурхайн дугуйны хувьд “Мечел”, “Металоинвест”, Кузбасс, СУЭК гэх мэт томоохон түншүүдийг нэрлэж болно. Барууны уул уурхайн гигант “Xstrata” компани ч “Белшина” дугуйны хэрэглэгч юм.  

Монгол дахь диллер “Белшина Монголиа” компани хэзээнээс үйл ажиллагаа явуулж эхэлсэн бэ?
Манай үйлдвэр дэлхийн 70 гаруй оронд диллер компанитай. Монголын түншүүдтэй 2018 оноос хамтран ажиллаж байна. “Белшина Монголиа” компани нь шинэ технологиор үйлдвэрлэсэн евро стандартын дугуйг шууд Монголын зах зээл, хэрэглэгчдэд нийлүүлэх зорилттой. “Белшина” үйлдвэрийн бүтээгдэхүүнийг эцсийн хэрэглэгчдэд найдвартай, түргэн шуурхай нийлүүлэхээс гадна худалдааны дараах бүтээгдэхүүний аюулгүй ажилла­гааг бүрэн хянах үндсэн үйл ажиллагаатай. Манай үйлдвэр Монголын түншүүдтэйгээ хамтран “Mongolia Mining” үзэсгэлэнд анх удаа оролцож, уул уурхайн машинд зориулсан бүтээгдэхүүнээ сурталчиллаа.

Үзэсгэлэнд ямар бүтээгдэхүүнээ танилцуул­сан бэ? “Белшина” дугуйг сонирхох хэрэглэгч­дийн хандлага ямар байв?
Хүлээж байснаас ч илүү сонирхож байгаа нь анзаарагдсан шүү. Зөвхөн уул уурхайн бус суудлын машины дугуйг ч нэлээд сонирхож байсан. Манай үйлдвэр уурхайн зориулалттай самосвалын 130 тоннын даацтай дугуйг жишээ болгон үзэсгэлэнд авчирсан. Өнөөдөр Монгол Улсад зөвхөн нүүрс гэлтгүй ашигт малтмалын олборлолт болоод экспортын тээвэрт ачааны маш олон тооны машинууд явж байна. Эдгээр машинд 1200R20 загварын дугуй хамгийн их хэрэглэж байгаа юм. Тиймээс бид “Белшина” үйлдвэрийн 1200R20 загварын дугуйг мөн үзэсгэлэнгээр танилцууллаа. Ойрын жилүүдэд Монголын зах зээлд ачааны машины сайн чанарын дугуйны эрэлт хэрэгцээ өндөр байх болов уу. “Белшина” үйлдвэрийн дугуйны чанарыг таниулах үүднээс Монголын зарим уурхайн техникүүдэд дугуйнуудаа тавьж туршисан.

Дэлхийд тэргүүлэгч дугуйны үйлдвэрлэгчид цөөнгүй бүтээгдэхүүн Монголын зах зээлд нийлүүлж байна. Тэдгээ­рээс ялгарах “Белшина” дугуйны онцлог чухам юу вэ?
Дугуй гэдэг нэн түрүүнд аюулгүй байдлыг хангах ёстой. Тиймээс дугуйны бүтэц, технологийг анхаарах нь чухал. Түрүүнд хэлсэнчлэн, үйлдвэрлэлийн технологи, техникийн шинэчлэлийн үр дүнд “Белшина” дугуйны бүх бие нь төмөр каркасан бүтэцтэй хийгдэх болсон. Үүнийг “шинэ эриний” дугуй гэж хэлээд байгаа юм. Төмөр сүлжмэл бүтэцтэй учир “Белшина” дугуй цүлхийж, шалчийх асуудал гарахгүй гэсэн үг. Энэ нь эргээд машины шатахууны зарцуулалтад ч хэмнэлттэй. Хятадын үйлдвэрийн ижил төрлийн дугуйны бүтэц 18,20 тросстой байх жишээтэй. Бас нэг онцлог бол дугуйны томоохон үйлдвэрүүдээс одоогоор ганц “Белшина” нь 450 тонн хүртэлх буюу ажлын жин 820 тоннын даацтай дугуй үйлдвэрлэж байна. Ажлын жин гэдэг тухайн машины өөр дээрээ тээвэрлэх ачааны нийт жинг оролцуулж тооцсон хэмжээ юм. Өнөөгийн байдлаар дэлхийд тэргүүлэгч үйлдвэрүүд 300 тонн хүртэл даацтай дугуй үйлдвэрлэж буй.    

Монголын уул уурхайн салбар дахь боломж, уул уурхайн машин техникийн дугуйны эрэлт хэрэгцээг Та хэрхэн харж байна вэ?
“Белшина” үйлдвэрийн төлөөлөгчид Монголын Тавантолгой, Заамар, Шивээ-Овоо гэсэн уурхайнуудад зочилж уурхайн соёл, цаг агаарын нөхцөл байдал, уурхайн зам зэрэгтэй танилцсан. Өнөөдөр Монголын зах зах зээл, тэр дундаа эдийн засгийн гол салбар уул уурхай эрчимтэй хөгжиж байна. Ашигт малтмалын баялаг нөөцтэй орон учир цаашдаа ч уул уурхайн салбар илүү хурдацтай хөгжих нь дамжиггүй. Тиймээс энэ зах зээлд “Белшина” бүтээгдэхүүнийг нийлүүлэх орон зай бий гэж харж байгаа юм. Монголд төрөл бүрийн ашигт малтмалын олборлолтоос хамаараад уурхай бүр харилцан адилгүй. Уурхай бүрийн онцлогт тохирсон бүтээгдэхүүнийг бид нийлүүлэхээр сонирхож байна. Хамгийн сүүлийн үеийн технологи бүхий дугуй маань өвлийн улиралд цас мөстэй, гулгаатай нөхцөлд тохирсон бүтээгдэхүүн бөгөөд Монголын хэрэглэгчдийн эрэлтэд нийцнэ гэж бодож байна. Нөгөөтэйгүүр, “Белшина” үйлдвэрийн дугуй нь дэлхийд тэргүүлэгч, бренд болсон ижил төстэй бүтээгдэхүүнтэй өрсөлдөхүйц чанартай.

Бүтээгдэхүүнээ худалдсаны дараа   үзүүлэх үйлчилгээнд хэрэглэгчид ихээхэн анхаардаг шүү дээ?  
Техникийн туслалцаа үзүүлэх үйлчилгээ гэж бий. Том, жижиг гэлтгүй бүх хэрэглэгчдийнхээ бүтээгдэхүүнд техникийн мониторинг байнга хийдэг бөгөөд тэрхүү мониторингийн тайланг танилцуулж тодорхой зөвлөгөө, зөвлөмжийг тогтмол өгдөг юм. Үүнд бүтээгдэхүүн ашиглалт, арчилгаа, замын нөхцөл байдлын онцлог, аюулгүй байдлын заавчирлгаа зэрэг багтана. Манай үйлдвэрийн Монгол дахь түнш “Белшина Монголиа” компани техникийн туслалцаа үзүүлэх өөрсдийн тусгай мэргэжилтнүүдтэй. Толгой компаниас мэргэжилтнүүдээ тогтмол сургалт явуулж мэргэшүүлж байдаг. Худалдааны дараах техникийн тусламж, үйлчилгээг зөвхөн диллер хариуцна гэж үлдээлгүй толгой компаниас ч анхаарна гэдгийг онцлон хэлмээр байна.

“Белшина” үйлдвэр дугуйндаа ямар баталгааг олгодог вэ?
Манай үйлдвэр бүх дугуйндаа таван жилийн баталгаа олгодог. Гэхдээ бүтээгдэхүүн бүр харилцан адилгүй, өөр өөрийн ашиглалтын онцлогтой. Тухайн уурхайн нөхцөл байдлын онцло­гоос шалтгаалан дугуйнд олгогддог баталгааны км, мото/цагийн хэмжээ янз бүр байдаг.

Танд баярлалаа. 


 

Сэтгэгдэл (1)

  • DR. PRADHAN (197.210.65.69)
    БҮГДЭЭРЭЭ САЙН УУ!!!!!Бид олон нийтэд мэдээлэхийг хүсч байна;Та бөөрийг худалдахыг хүсч байна уу? Та санхүүгийн хямралын улмаас бөөрийг зарж борлуулах боломжийг эрэлхийлж байна уу, юу хийхээ мэдэхгүй байна уу? Дараа нь бидэнтэй холбоо бариад DR.PRADHAN.UROLOGIST.LT.COL@GMAIL.COM хаягаар бид танд бөөрнийх нь хэмжээгээр санал болгох болно. Яагаад гэвэл манай эмнэлэгт бөөрний дутагдалд орж, +91424323800802.имэйл: DR.PRADHAN.UROLOGIST.LT.COL@GMAIL.COMYнэ: $780, 000 (Долоон зуун, Наян мянган доллар) Намайг ТУНГАЛАГ гэдэг би Монгол гаралтай. Би 1 бөөрөө Монголд яаж зарж баяжсан, би ядуу, эр хүн байсан тухай интернэтэд прадхан сурталчилгаатай тааралдаж байхдаа интернетэд Праданы эмч нарын имэйлээр дамжуулан өргөдөл гаргаад, дэлхий дахинд гэрчлэлээ хуваалцмаар байна. тэдний хандивлагч. Би тэдний эмнэлэгт 1 бөөрөө мөнгөний төлөө хандивласан бөгөөд хандив өгсний дараа ч эрүүл саруул хэвээр байна. Тэд надад бөөрнийхөө төлөө 780,000 доллар төлсөн. Одоо би бөөрөнд төлсөн 780,000 доллараар өөрийн компанийг байгуулж, би баян, аз жаргалтай хүн болжээ. Хэрэв та санхүүгийн бэрхшээл / бэрхшээлийг даван туулж байгаа эсвэл баян байхыг хүсч байвал имэйлээр холбоо барина уу: DR.PRADHAN.UROLOGIST.LT.COL@GMAIL.COM.
    2021 оны 06 сарын 06 | Хариулах
Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 2021-09-24 14:39
    Хилээр нэвтрэх нүүрс тээврийн автомашины тоо сүүлийн өдрүүдэд нэмэгдэж байна. Гашуунсухайт, Шивээхүрэн, Ханги боомтоор (2021.09.22) нүүрс тээврийн 345 машин, 23-ны өдөр дээрх боомтоор 315 машин тус тус хил нэвтэрчээ. Монгол Улсын Засгийн газар, УУХҮЯ-аас нүүрсний экспортын хэмжээг нэмэгдүүлэх зорилгоор хилийн боомт, улсын хилийн бүс, зурвас газруудад чингэлэгт тээврийн терминал байгуулах ажлыг шуурхай хэрэгжүүлсний үр дүнд 2 сарын хугацаанд Гашуунсухайт дахь чингэлэгт тээврийн терминалыг төр-хувийн хэвшлийн хамтын ажиллагааны хүрээнд байгуулж ашиглалтад оруулсан. 
  • 2021-09-24 12:33
    Дэлхий дахины анхаарлын төвд буй Хятадын үл хөдлөх хөрөнгийн “China Evergrande” групп нь хувьцаа эзэмшигчтэй тохиролцоонд хүрсэн талаар (2021.09.23) мэдэгдсэнээр төмрийн хүдрийн ханш ялимгүй өсөхөд нөлөөллөө. Өчигдрийн байдлаар, Даляны түүхий эдийн бирж дээр тонн тутамдаа төмрийн хүдрийн ханш 120 орчим ам.доллар байна. Хятадын үл хөдлөх хөрөнгийн хоёр дахь том компани дампуурах тухай мэдээлэлтэй холбоотой даваа гаригт (2021.09.20) төмрийн хүдрийн ханш 100 ам.доллараас доош орж буурсан юм. Өнгөрсөн тавдугаар сард 62%-ийн агуулгатай төмрийн баяжмалын үнэ 218.38 ам.доллар хүрч түүхэн дээд амжилт тогтоосон билээ.
  • 2021-09-24 11:55
    Монгол Улсын Үндсэн хууль, Төрөөс эрдэс баялгийн салбарт баримтлах, Монгол Улсын Засгийн газрын 2020-2024 оны үйл ажиллагааны хөтөлбөрт “Баялгийн шударга хуваарилалтын зарчмыг хэрэгжүүлэх, уул уурхайн бүтээгдэхүүний гадаад, дотоодын зах зээл дээрх борлуулалтыг нээлттэй, оновчтой, өндөр үр ашигтай, зах зээлийн зарчимд нийцсэн аргаар хийх, шударгаар үнэ тогтоох, дотоодын хөрөнгийн зах зээлийг хөгжүүлэх, уул уурхайн салбараас орох орлогыг нэмэгдүүлэх бодлогын хүрээнд экспортыг нэгдсэн бодлогоор зохицуулах” асуудлыг тусгасан.
  • 2021-09-24 11:46
    “Worldsteel”-ийн мэдээллээр, оны эхний найман сард дэлхийн хэмжээнд нэг тэрбум 321 сая тонн ган үйлдвэрлэжээ. Өнгөрсөн оны мөн үетэй (нэг тэрбум 195 сая тонн) харьцуулахад 10.62%-иар нэмэгдсэн байна.  Мөн хугацаанд 733.02 сая тонн (5.28%-ийн өсөлт)ган үйлдвэрлэсэн хэмжээгээр БНХАУ тэргүүлж буй. Тус улс нь дэлхийн гангийн үйлдвэрлэлийн 55%-ийг бүрдүүлж байна. 
  • 2021-09-24 10:16
    Хятад улс наймдугаар сард 394 мянган тонн зэс импортолсныг тус улсын Гаалийн ерөнхий газрын мэдээлжээ. Өнгөрсөн оны мөн үетэй харьцуулахад Хятадын зэсийн импорт 41%-иар буурч, 2019 оноос хойших хамгийн бага үзүүлэлтээр тооцогдож байна. Энэ оны эхний найман сард нийт 3.6 сая тонн зэс хилийн чанадаас худалдан авсан нь 2020 оны мөн үеийнхээс 15.3%-ийн буурсан аж. 2020 оны аравдугаар сард Хятадын зэсийн импорт оргил хэмжээндээ хүрсэн бөгөөд тухайн үеэс тус улсын зэсийн импорт буурч иржээ. Хятад улсын дотоодын үйлдвэрлэл нэмэгдэж буй нь тодорхой хэмжээгээр зэсийн импорт буурахад нөлөөлж байгаа гэж олон улсын шинжээчид үзэж байна.