D275A-5 бульдозер манай орны нөхцөлд тохирсон онцлог горимуудтай

2019-01-29 15:26


Сүүлийн жилүүдэд манай алт, жонш, нүүрс, төмрийн хүдрийн уурхайд олноор сонгож авсан бүтээгдэхүүн бол D275A-5 бульдозер юм. Тус бульдозер нь олон уурхайд амжилттай ашиглагдаж ажлын бүтээмж болон бэлэн байдал өндөртэй ажиллаж  байна. Хэрэглэгчдэд танил болсон шалтгаан нь манай орны нөхцөлд буюу манай дийлэнх уурхайн үйл ажиллагааны цар хүрээнд тохирсон хутганы багтаамж, хүчин чадал, онцлог горимуудтай.

Түүнчлэн D275A-5 бульдозерыг уул уурхайн компаниуд нөхөн сэргээлтэд өргөнөөр ашиглаж байна. Хутганы хажуу болон урагш налалтыг илүү сайжруулж сонголттой болгосноор гүйцэтгэх  ажлын төрлийг нэмэгдүүлсэн. “Komatsu” брэндийн тус бульдозер нь шатахуун зарцуулалт харьцангуй багаас гадна дэвшилтэт хяналтын системтэй.

ХЯНАЛТЫН СИСТЕМ

Дэлхийд төдийгүй Монголд ажиллаж байгаа “Komatsu”-ын бүхий л тоног төхөөрөмжийн үйл ажиллагааг хяналтын системээр цаг тухай бүрт ажигладаг. Энэ системийн ачаар уул уурхайн компаниуд машин болон операторт давхар хяналт тавьж, мэдээлэл боловсруулахын тулд нэмэлт хүн хүч  ажиллуулах шаардлагагүй болж байна. Япон дахь үйлдвэрээс бульдозерын хөргөлтийн шингэний хэмжээ багасах, моторын тос халах зэрэг машины үйл ажиллагаатай холбоотой ашиглалтын талаарх мэдээллийг нэмэлт төлбөргүй илгээдэг. Эвдрэл гэмтлийн шалтгааныг ингэж тодорхойлох нь илүү үр ашигтай, оновчтой төлөвлөлт гаргахад тустай. Хяналтын систем нь зөвхөн хяналтаас гадна бүтээмж, ашиглалтын хугацаанд гурвалсан нөлөө үзүүлнэ. Хэдий хугацаанд хэрэглэгч рүү мэдээлэл илгээхийг Инженерийн албатай харилцан тохиролцох бөгөөд тус албаны инженерүүд D275A-5 бульдозерын бүхий л үйл ажиллагааг хянаж байдаг.

ТЕХНОЛОГИЙН ДЭВШИЛ

D275A-5 бульдозерын шинэчлэлт сайжруулалт:

Засвар үйлчилгээ
Төвлөрсөн үйлчилгээний цэг
Хамгаалалтай гидравлик хоолойнууд
Тосны даралт шалгах оролтууд
Түлш татуулах цахилгаан насос
Хутга 
Хагас U хэлбэрийн хутга 13,7 м3 багтаамжтай
Бүтэн U хэлбэрийн хутга 16,6 м3 багтаамжтай
Сигма Z хэлбэрийн хутга 14,6 м3 багтаамжтай

Явах анги 
Гинжний пальцны  эргэлтийг сайжруулсан
Гинжний пальцны дахин ашиглалтыг сайжруулснаар  засварын зардлыг бууруулсан.

K-bogie систем
Зүтгэх хүчийг нэмэгдүүлсэн
Эд ангийн ашиглалтын хугацааг уртасгасан
Операторын тухыг хангасан

Гидр удирдлагат хөргөлтийн сэнс
Автоматаар удирддагдаг
Түлшний зарцуулалтыг бууруулсан
Дуу чимээний түвшинг багасгасан


СЭЛБЭГ ХЭРЭГСЭЛ

Уул уурхайн тоног төхөөрөмжүүд нийлүүлэгдэхээс эхлэн “Komatsu” брэндийн Монгол дахь албан ёсны дистрибьютер “Трансвест Монголиа” ХХК нь тоног төхөөрөмжийн бэлэн байдлыг өндөр байлгах үүднээс сэлбэг хэрэгслийн нөөцийг хангалттай бүрдүүлж ажилладаг. 


Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 2021-09-24 14:39
    Хилээр нэвтрэх нүүрс тээврийн автомашины тоо сүүлийн өдрүүдэд нэмэгдэж байна. Гашуунсухайт, Шивээхүрэн, Ханги боомтоор (2021.09.22) нүүрс тээврийн 345 машин, 23-ны өдөр дээрх боомтоор 315 машин тус тус хил нэвтэрчээ. Монгол Улсын Засгийн газар, УУХҮЯ-аас нүүрсний экспортын хэмжээг нэмэгдүүлэх зорилгоор хилийн боомт, улсын хилийн бүс, зурвас газруудад чингэлэгт тээврийн терминал байгуулах ажлыг шуурхай хэрэгжүүлсний үр дүнд 2 сарын хугацаанд Гашуунсухайт дахь чингэлэгт тээврийн терминалыг төр-хувийн хэвшлийн хамтын ажиллагааны хүрээнд байгуулж ашиглалтад оруулсан. 
  • 2021-09-24 12:33
    Дэлхий дахины анхаарлын төвд буй Хятадын үл хөдлөх хөрөнгийн “China Evergrande” групп нь хувьцаа эзэмшигчтэй тохиролцоонд хүрсэн талаар (2021.09.23) мэдэгдсэнээр төмрийн хүдрийн ханш ялимгүй өсөхөд нөлөөллөө. Өчигдрийн байдлаар, Даляны түүхий эдийн бирж дээр тонн тутамдаа төмрийн хүдрийн ханш 120 орчим ам.доллар байна. Хятадын үл хөдлөх хөрөнгийн хоёр дахь том компани дампуурах тухай мэдээлэлтэй холбоотой даваа гаригт (2021.09.20) төмрийн хүдрийн ханш 100 ам.доллараас доош орж буурсан юм. Өнгөрсөн тавдугаар сард 62%-ийн агуулгатай төмрийн баяжмалын үнэ 218.38 ам.доллар хүрч түүхэн дээд амжилт тогтоосон билээ.
  • 2021-09-24 11:55
    Монгол Улсын Үндсэн хууль, Төрөөс эрдэс баялгийн салбарт баримтлах, Монгол Улсын Засгийн газрын 2020-2024 оны үйл ажиллагааны хөтөлбөрт “Баялгийн шударга хуваарилалтын зарчмыг хэрэгжүүлэх, уул уурхайн бүтээгдэхүүний гадаад, дотоодын зах зээл дээрх борлуулалтыг нээлттэй, оновчтой, өндөр үр ашигтай, зах зээлийн зарчимд нийцсэн аргаар хийх, шударгаар үнэ тогтоох, дотоодын хөрөнгийн зах зээлийг хөгжүүлэх, уул уурхайн салбараас орох орлогыг нэмэгдүүлэх бодлогын хүрээнд экспортыг нэгдсэн бодлогоор зохицуулах” асуудлыг тусгасан.
  • 2021-09-24 11:46
    “Worldsteel”-ийн мэдээллээр, оны эхний найман сард дэлхийн хэмжээнд нэг тэрбум 321 сая тонн ган үйлдвэрлэжээ. Өнгөрсөн оны мөн үетэй (нэг тэрбум 195 сая тонн) харьцуулахад 10.62%-иар нэмэгдсэн байна.  Мөн хугацаанд 733.02 сая тонн (5.28%-ийн өсөлт)ган үйлдвэрлэсэн хэмжээгээр БНХАУ тэргүүлж буй. Тус улс нь дэлхийн гангийн үйлдвэрлэлийн 55%-ийг бүрдүүлж байна. 
  • 2021-09-24 10:16
    Хятад улс наймдугаар сард 394 мянган тонн зэс импортолсныг тус улсын Гаалийн ерөнхий газрын мэдээлжээ. Өнгөрсөн оны мөн үетэй харьцуулахад Хятадын зэсийн импорт 41%-иар буурч, 2019 оноос хойших хамгийн бага үзүүлэлтээр тооцогдож байна. Энэ оны эхний найман сард нийт 3.6 сая тонн зэс хилийн чанадаас худалдан авсан нь 2020 оны мөн үеийнхээс 15.3%-ийн буурсан аж. 2020 оны аравдугаар сард Хятадын зэсийн импорт оргил хэмжээндээ хүрсэн бөгөөд тухайн үеэс тус улсын зэсийн импорт буурч иржээ. Хятад улсын дотоодын үйлдвэрлэл нэмэгдэж буй нь тодорхой хэмжээгээр зэсийн импорт буурахад нөлөөлж байгаа гэж олон улсын шинжээчид үзэж байна.