“Эрдэнэс Тавантолгой”: 2018 онд хоёр их наяд төгрөгийн орлоготой ажилласан

2019-01-09 14:37





















*
Төлөвлөгөөнөөс 2.1 дахин давж биелсэн

Эх сурвалж: Эрдэнэс Тавантолгой ХК 

“Эрдэнэс Тавантолгой” компанийн мэдээлж буйгаар УИХ-аас өгсөн чиглэлийн дагуу компанийн 30 хүртэлх хувийг эхний ээлжинд Хонконгийн хөрөнгийн биржид гаргаж, улмаар Нью-Йоркийн хөрөнгийн биржид давхар бүртгэлтэй болгох хувилбарыг дэвшүүлжээ. Хоёрдугаар сарын 10-наас өмнө хөрөнгө оруулалтын 5 банк болон аудитын компаниудаа сонгохоор төлөвлөсөн байна. Түүнчлэн, IPO буюу анхдагч зах зээлд хувьцаа гаргах бэлтгэл ажлын хүрээнд орд ашиглах техник, эдийн засгийн үндэслэлийг (ТЭЗҮ) боловсруулж, дэд бүтцийн төслүүд болох баяжуулах үйлдвэр, усан хангамж, авто болон төмөр зам, цахилгаан станцын судалгааг хийж дуусчээ. Мөн олон улсын зөвлөх 4 компани, нэмэлтээр санхүүгийн байгууллага, шинжээчидтэй хамтрах ажлуудыг зохион байгуулах зэргээр эхний шатны ажлын тайлангаа УИХ-д танилцуулахад бэлэн болсныг компани онцоллоо.

Компанийн хувьд, Тавантолгой ордын нөөцийг Эрдэс баялгийн мэргэжлийн зөвлөлөөр баталгаажуулж /2018.08.26/, блокийн аргачлалаар хуучин 5.1 тэрбум тонн байсан нөөцийг 6.3 тэрбум тоннд хүргэж нэмэгдүүлсэн төдийгүй ЖОРК стандартын нөөцийг 7.3 тэрбум тонн болгож өсгөсөн.   

“Эрдэнэс Тавантолгой” компани үйл ажиллагаагаа эхлүүлснээс хойш нийтдээ 45.8 сая тонн нүүрс олборлож, 4.6 их наяд төгрөгийн борлуулалтын орлоготой ажилласан байна. Нэн ялангуяа сүүлийн хоёр жилд зах зээл сайжирсантай холбоотойгоор онцгой ашигтай ажилласан төдийгүй 2018 оныг ямар ч өр төлбөргүй болсон амжилтаар үдсэн. Тиймээс дэд бүтцийн болон нийгмийн чанартай төслүүдэд онцгойлон анхаарах боломж бүрдээд байгаа юм.

Дэд бүтцийн тухайд, одоогоор 70 гаруй хувийн хэрэгжилттэй Тавантолгой-Гашуунсухайт чиглэлийн төмөр замын бүтээн байгуулалтыг энэ онд санхүүжүүлж ажиллахаа компани мэдэгдлээ. Мөн Тавантолгой – Гашуунсухайт чиглэлийн хос авто замын үйл ажиллагаанд хамтран оролцохын сацуу баяжуулах үйлдвэрийн ТЭЗҮ-ийг бүрэн шинэчилж, барилгын ажлыг эхлүүлэхээр төлөвлөсөн байна. Тавантолгой-Зүүнбаян төмөр зам, Тавантолгой-Ханги чиглэлийн авто замын төсөл, цахилгаан станц зэрэг төсөл дээр компани онцгой анхаарал хандуулан ажиллаж буй бөгөөд санхүүжилтийг гурван хэлбэрээр шийдэх аж. Үүнд өөрийн хөрөнгө, хувьцааны арилжаагаар босгох хөрөнгө, мөн хөрөнгө оруулагчтай хамтран ажиллах хувилбарууд багтана.

“Эрдэнэс Тавантолгой” компани дэд бүтцийн төслүүдэд 2-3 тэрбум ам.долларын хөрөнгө шаардагдана гэж тооцоолж, уг хөрөнгийг хувьцааны арилжаагаар босгож чадна гэж үзэж байгаа юм.

Иргэдэд олгосон 1072 хувьцааг энэ онд “амилуулна” гэж компани төсөөлж байгаа бөгөөд иргэдийн гарт тус компанийн 15 орчим хувьтай тэнцэх хувьцаа хуваарилагдсан байгаа юм. 

 


Б. Төгс

 

 

 

 

 

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 2021-09-24 14:39
    Хилээр нэвтрэх нүүрс тээврийн автомашины тоо сүүлийн өдрүүдэд нэмэгдэж байна. Гашуунсухайт, Шивээхүрэн, Ханги боомтоор (2021.09.22) нүүрс тээврийн 345 машин, 23-ны өдөр дээрх боомтоор 315 машин тус тус хил нэвтэрчээ. Монгол Улсын Засгийн газар, УУХҮЯ-аас нүүрсний экспортын хэмжээг нэмэгдүүлэх зорилгоор хилийн боомт, улсын хилийн бүс, зурвас газруудад чингэлэгт тээврийн терминал байгуулах ажлыг шуурхай хэрэгжүүлсний үр дүнд 2 сарын хугацаанд Гашуунсухайт дахь чингэлэгт тээврийн терминалыг төр-хувийн хэвшлийн хамтын ажиллагааны хүрээнд байгуулж ашиглалтад оруулсан. 
  • 2021-09-24 12:33
    Дэлхий дахины анхаарлын төвд буй Хятадын үл хөдлөх хөрөнгийн “China Evergrande” групп нь хувьцаа эзэмшигчтэй тохиролцоонд хүрсэн талаар (2021.09.23) мэдэгдсэнээр төмрийн хүдрийн ханш ялимгүй өсөхөд нөлөөллөө. Өчигдрийн байдлаар, Даляны түүхий эдийн бирж дээр тонн тутамдаа төмрийн хүдрийн ханш 120 орчим ам.доллар байна. Хятадын үл хөдлөх хөрөнгийн хоёр дахь том компани дампуурах тухай мэдээлэлтэй холбоотой даваа гаригт (2021.09.20) төмрийн хүдрийн ханш 100 ам.доллараас доош орж буурсан юм. Өнгөрсөн тавдугаар сард 62%-ийн агуулгатай төмрийн баяжмалын үнэ 218.38 ам.доллар хүрч түүхэн дээд амжилт тогтоосон билээ.
  • 2021-09-24 11:55
    Монгол Улсын Үндсэн хууль, Төрөөс эрдэс баялгийн салбарт баримтлах, Монгол Улсын Засгийн газрын 2020-2024 оны үйл ажиллагааны хөтөлбөрт “Баялгийн шударга хуваарилалтын зарчмыг хэрэгжүүлэх, уул уурхайн бүтээгдэхүүний гадаад, дотоодын зах зээл дээрх борлуулалтыг нээлттэй, оновчтой, өндөр үр ашигтай, зах зээлийн зарчимд нийцсэн аргаар хийх, шударгаар үнэ тогтоох, дотоодын хөрөнгийн зах зээлийг хөгжүүлэх, уул уурхайн салбараас орох орлогыг нэмэгдүүлэх бодлогын хүрээнд экспортыг нэгдсэн бодлогоор зохицуулах” асуудлыг тусгасан.
  • 2021-09-24 11:46
    “Worldsteel”-ийн мэдээллээр, оны эхний найман сард дэлхийн хэмжээнд нэг тэрбум 321 сая тонн ган үйлдвэрлэжээ. Өнгөрсөн оны мөн үетэй (нэг тэрбум 195 сая тонн) харьцуулахад 10.62%-иар нэмэгдсэн байна.  Мөн хугацаанд 733.02 сая тонн (5.28%-ийн өсөлт)ган үйлдвэрлэсэн хэмжээгээр БНХАУ тэргүүлж буй. Тус улс нь дэлхийн гангийн үйлдвэрлэлийн 55%-ийг бүрдүүлж байна. 
  • 2021-09-24 10:16
    Хятад улс наймдугаар сард 394 мянган тонн зэс импортолсныг тус улсын Гаалийн ерөнхий газрын мэдээлжээ. Өнгөрсөн оны мөн үетэй харьцуулахад Хятадын зэсийн импорт 41%-иар буурч, 2019 оноос хойших хамгийн бага үзүүлэлтээр тооцогдож байна. Энэ оны эхний найман сард нийт 3.6 сая тонн зэс хилийн чанадаас худалдан авсан нь 2020 оны мөн үеийнхээс 15.3%-ийн буурсан аж. 2020 оны аравдугаар сард Хятадын зэсийн импорт оргил хэмжээндээ хүрсэн бөгөөд тухайн үеэс тус улсын зэсийн импорт буурч иржээ. Хятад улсын дотоодын үйлдвэрлэл нэмэгдэж буй нь тодорхой хэмжээгээр зэсийн импорт буурахад нөлөөлж байгаа гэж олон улсын шинжээчид үзэж байна.