Монгол улсад өрийн хямралыг шийдэх ямар сонголтууд байна вэ?

2017-01-30 18:30

Байгалийн баялгийн засаглалын хүрээлэн /Natural Resource Governance Institute/-гээс 11 дүгээр сарын 23-нд Монгол улсын макро эдийн засгийн нөхцөл байдлын талаар бодлогын хэлэлцүүлэг зохиов. Эдийн засагчдын дунд өрнөсөн уг хэлэлцүүлгээр “Монголын макро эдийн засгийн загвар ба үр дагавар”, “Засгийн газрын өрийн хямралын талаарх дэлхийн туршлага” сэдвээр санал солилцсон. 

Оролцогчид ББЗХ-гийн эдийн засгийн ахлах шинжээч Андрю Бауэрийн “Засгийн газрын өрийн хямралын талаарх дэлхийн туршлага” илтгэлд ихээхэн анхаарал хандуулж, санал бодлоо солилцсон юм. Андрю Бауэр илтгэлдээ өрийн хямралаас гарах бодлогын сонголтууд, бусад улсуудын туршлагын талаар онцолсон. Өрийн хямралд орсон Засгийн газруудад өрийг дахин санхүүжүүлэх, мөнгөжүүлэх, орлогыг нэмэгдүүлэх, зардлаа хасах, төрийн өмчийг хувьчлах, ОУВС-ийн хөтөлбөрт хамрагдах, хоёр талын зээл, байгалийн баялгаа барьцаалан зээл авах зэрэг 9 сонголт байдаг аж.

Эдгээрээс өөрийн улсад тохирсон сонголтуудыг хийх нь Засгийн газрын эрх юм. Тухайлбал, Мексик улс 1995 онд АНУ-аас 23.4 тэрбум долларын зээл болон 2 тэрбум долларын буцалтгүй тусламж авч байсан бол Тайланд улс 1997 онд Япон тэргүүтэй Азийн орнуудаас 7.4 тэрбум долларын зээл, буцалтгүй зээл авч өрийн хямралаас гарч байжээ. Харин Гана улс газрын тосны орлогоо барьцаалж, Хятадаас 3 тэрбум долларын зээл авч байжээ. Энэ мэт олон сонирхолтой жишээг Андрю Бауэр илтгэлдээ дурдаж байв. Түүний илтгэлийг The Mongolian Mining Journal англи, монгол хэл дээр бүрэн эхээр нь хүргэж байна.

Монгол Улсад тулгараад буй өрийн хямрал
Бодлогын баримт





Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 2021-09-24 14:39
    Хилээр нэвтрэх нүүрс тээврийн автомашины тоо сүүлийн өдрүүдэд нэмэгдэж байна. Гашуунсухайт, Шивээхүрэн, Ханги боомтоор (2021.09.22) нүүрс тээврийн 345 машин, 23-ны өдөр дээрх боомтоор 315 машин тус тус хил нэвтэрчээ. Монгол Улсын Засгийн газар, УУХҮЯ-аас нүүрсний экспортын хэмжээг нэмэгдүүлэх зорилгоор хилийн боомт, улсын хилийн бүс, зурвас газруудад чингэлэгт тээврийн терминал байгуулах ажлыг шуурхай хэрэгжүүлсний үр дүнд 2 сарын хугацаанд Гашуунсухайт дахь чингэлэгт тээврийн терминалыг төр-хувийн хэвшлийн хамтын ажиллагааны хүрээнд байгуулж ашиглалтад оруулсан. 
  • 2021-09-24 12:33
    Дэлхий дахины анхаарлын төвд буй Хятадын үл хөдлөх хөрөнгийн “China Evergrande” групп нь хувьцаа эзэмшигчтэй тохиролцоонд хүрсэн талаар (2021.09.23) мэдэгдсэнээр төмрийн хүдрийн ханш ялимгүй өсөхөд нөлөөллөө. Өчигдрийн байдлаар, Даляны түүхий эдийн бирж дээр тонн тутамдаа төмрийн хүдрийн ханш 120 орчим ам.доллар байна. Хятадын үл хөдлөх хөрөнгийн хоёр дахь том компани дампуурах тухай мэдээлэлтэй холбоотой даваа гаригт (2021.09.20) төмрийн хүдрийн ханш 100 ам.доллараас доош орж буурсан юм. Өнгөрсөн тавдугаар сард 62%-ийн агуулгатай төмрийн баяжмалын үнэ 218.38 ам.доллар хүрч түүхэн дээд амжилт тогтоосон билээ.
  • 2021-09-24 11:55
    Монгол Улсын Үндсэн хууль, Төрөөс эрдэс баялгийн салбарт баримтлах, Монгол Улсын Засгийн газрын 2020-2024 оны үйл ажиллагааны хөтөлбөрт “Баялгийн шударга хуваарилалтын зарчмыг хэрэгжүүлэх, уул уурхайн бүтээгдэхүүний гадаад, дотоодын зах зээл дээрх борлуулалтыг нээлттэй, оновчтой, өндөр үр ашигтай, зах зээлийн зарчимд нийцсэн аргаар хийх, шударгаар үнэ тогтоох, дотоодын хөрөнгийн зах зээлийг хөгжүүлэх, уул уурхайн салбараас орох орлогыг нэмэгдүүлэх бодлогын хүрээнд экспортыг нэгдсэн бодлогоор зохицуулах” асуудлыг тусгасан.
  • 2021-09-24 11:46
    “Worldsteel”-ийн мэдээллээр, оны эхний найман сард дэлхийн хэмжээнд нэг тэрбум 321 сая тонн ган үйлдвэрлэжээ. Өнгөрсөн оны мөн үетэй (нэг тэрбум 195 сая тонн) харьцуулахад 10.62%-иар нэмэгдсэн байна.  Мөн хугацаанд 733.02 сая тонн (5.28%-ийн өсөлт)ган үйлдвэрлэсэн хэмжээгээр БНХАУ тэргүүлж буй. Тус улс нь дэлхийн гангийн үйлдвэрлэлийн 55%-ийг бүрдүүлж байна. 
  • 2021-09-24 10:16
    Хятад улс наймдугаар сард 394 мянган тонн зэс импортолсныг тус улсын Гаалийн ерөнхий газрын мэдээлжээ. Өнгөрсөн оны мөн үетэй харьцуулахад Хятадын зэсийн импорт 41%-иар буурч, 2019 оноос хойших хамгийн бага үзүүлэлтээр тооцогдож байна. Энэ оны эхний найман сард нийт 3.6 сая тонн зэс хилийн чанадаас худалдан авсан нь 2020 оны мөн үеийнхээс 15.3%-ийн буурсан аж. 2020 оны аравдугаар сард Хятадын зэсийн импорт оргил хэмжээндээ хүрсэн бөгөөд тухайн үеэс тус улсын зэсийн импорт буурч иржээ. Хятад улсын дотоодын үйлдвэрлэл нэмэгдэж буй нь тодорхой хэмжээгээр зэсийн импорт буурахад нөлөөлж байгаа гэж олон улсын шинжээчид үзэж байна.