Санал асуулга дуусахад долоо хоног үлдлээ

2012-11-27
“Сахилгагүй хүмүүсээс уурхайчнаа, ухсан нүхээс уурхайгаа ялгах хэрэгтэй“ гэж Монголын шилдэг баяжуулагчдын нэг С. Давааням хэлсэн байдаг. Mining Journal Awards арга хэмжээ яг ийм зарчмаар Оны шилдгийг шалгаруулдаг. Хариуцлагатай уул уурхайн үйл ажиллагаа явуулж буй Монголын шилдэг компаниудыг нэрлэдэг энэхүү Ёслол гурав дахь жилдээ зохион байгуулагдана.

Зул сарын хүндэтгэлт уур амьсгалын эхний арга хэмжээ болон Mining Journal Awards нээгдэх гэж байна. Blue Sky цамхгийн Очир эрдэнийн танхимд арванхоёрдугаар сарын 07-ны үдэш Монголын уул уурхайн салбарын шилдгүүдийг хүндэтгэнэ.

Awards-ын жил жилийн онцлог бий. Тэрхүү онцлог нь Монголын уул уурхайн салбарын хөгжлийн зам, толь болдог. Энэ удаагийн шалгаруулалтын “Шилдэг эко уурхай”, “Уул уурхайн шилдэг технологи” номинацид хамгийн олон компани материалаа ирүүлж байна. Шалгаруулалт тун өрсөлдөөнтэй болно гэсэн үг. Түүнчлэн “Хайгуулын шилдэг компани”, “Шилдэг уурхай”, “Уул уурхайн хариуцлагатай үйл ажиллагаа” номинацид материалаа ирүүлж буй том, жижиг бүх компанийн тайланд анхаарал татах зүйл нь 2011 оны үзүүлэлтүүдээ 2012 оны дүн мэдээтэйгээ харьцуулсан маш тодорхой статистик тусгагджээ.

Хэдийгээр 2012 он түүхий эдийн зах зээлд халгаатай байж, уул уурхайн үйлдвэрлэл нийт түвшиндээ хумигдсан дүр зураг харагдаж буй боловч өмнөх жилүүдэд бэлтгэл нь хангагдсан олон ажил, бүтээн байгуулалт салбарт өрнөсөн байна. Монголын уул уурхайн гэр бүлийнхэн амсхийх завгүй хөдөлмөрлөж, хямралыг хохирол багатай давахаар хэр чадлаараа хичээн зүтгэсэн гэсэн үг.

Уул уурхайн үйл ажиллагааны шат болгоны номинацид компаниуд тайлан материалаа ирүүлж буйг тэмдэглэхэд таатай байна. Түүнчлэн олон нийтийн санал асуулга арваннэгдүгээр сарын эхний өдрөөс нээлттэй явагдаж, хариуцлагатай уул уурхайн компанийг иргэд өөрсдийн дүгнэлтээр нэрлэсээр байна. Санал асуулга эхэлснээс хойшхи 25 хоногт компаниуд  олон нийтээс ямар үнэлгээ авсныг уншигч Та www.mongolianminingjournal.com сайтаас сонирхоно уу. Та саналаа мөн www.news.mn, www.gogo.mn сайтуудаар дамжуулан өгч болно. Санал асуулга арванхоёрдугаар сарын 03-ны 18.00 цаг хүртэл үргэлжилнэ.




www.mongolianminingjournal.com
www.journalism.mn

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 12 цаг 2 мин
    Германд төвтэй “Трансперенси интернэшнл” байгууллагаас жил бүр улс орнуудын авлигын төсөөллийн индексийг дэлхий дахинд нэгэн зэрэг зарладаг. Америк, Герман, Англи, Швейцар, Хонконгод байдаг 13 байгууллагын судалгаа, үнэлгээний авлига болон түүнд холбогдох хэсгийн үзүүлэлтийг уг байгууллага сонгон авч тодорхой аргачлалын дагуу индексийг тооцдог. Тодорхойлохдоо 0-100 онооны хооронд дүгнэнэ. Бага оноо нь өндөр авлигатайг илтгэх бол 100 оноо нь  авлигагүйг тодорхойлдог.  
  • 13 цаг 17 мин
    Рио Тинто групп Баруун Австралийн цөлөөр дайран өнгөрдөг 1400 км хурдны замын дагуу “маш өндөр цацраг идэвхт” капсулаа алдсан байна. Рио Тинтогийн төмрийн хүдрийн салбарын тэргүүн Саймон Тротт ням гарагт хийсэн мэдэгдэлдээ "Бид энэ үйл явдлыг маш нухацтай авч үзэж байна" гэж мэдэгджээ. "Энэ үйл явдал нь маш их санаа зовоож байгаа бөгөөд бид Баруун Австралийн иргэдэд айдас түгшүүр төрүүлсэнд харамсаж байна." Рио Тинто болон Баруун Австралийн Засгийн газар 8 миллиметр урттай, бага хэмжээний цацраг идэвхт изотоп цезий-137 агуулсан цацрагийн үүсгүүрийг хайж байна.
  • 15 цаг 34 мин
    Зам, тээврийн хөгжлийн яамны Төрийн нарийн бичгийн дарга С.Батболд АНУ-ын Төрийн департаментын Эдийн засаг бизнесийн хэргийг хамаарсан туслах Төрийн нарийн бичгийн даргын орлогч Ричард Т.Ёнеока нар 2023 оны нэгдүгээр сарын 24-ний өдөр Агаарын тээврийн тухай хэлэлцээрийн төслийг эцэслэн тохирч, Зөвшилцөх санамж бичигт гарын үсэг зурлаа.   АНУ-ын олон улсын нисэхийн “Агаарын нээлттэй орон зай” бодлоготой нийцсэн орчин үеийн харилцааны суурийг энэхүү хэлэлцээрээр хоёр орны иргэний нисэхийн салбар хооронд байгуулж буй юм. Ингэснээр нислэгийн багтаамж болон давтамж хязгаарлалтгүй болж, чиглэл сонгох, аяллын дугаар хамтран эзэмших зэрэг боломжууд нээгдэнэ.   Хоёр тал өөрсдийн дотоод зохицуулалтуудыг гүйцэтгэж дууссанаар хэлэлцээрт гарын үсэг зурж, хэлэлцээр хүчин төгөлдөр болох юм.
  • 15 цаг 39 мин
    Монголбанкин дахь валютын нөөц 2022 оны 12 дугаар  сард 3.4 тэрбум ам.доллар болж өмнөх сараас 15.3 хувиар өссөн байна. Валютын нөөц  өнгөрсөн оны эхэнд энэ үзүүлэлт 3.9 тэрбум  ам.доллар байсан бөгөөд нөөц  22.1 хувиар буурч байсан юм.  3.4 тэрбум доллар нь манай улсын импортын таван сарын хэрэгцээг хангах хэмжээний нөөц бөгөөд манай улс сард 1 тэрбум ам.доллараар шатахуун, тослох материал авдаг бол тансаг зэрэглэлийн авто машин жин дарахуйц хэмжээний ам.доллар урсгадаг талаар Монголбанкны эдийн засагч мэдээлсэн. 
  • 2023-01-27
     Канад Улсын Гадаад хэргийн яамны санхүүжилттэй “Монгол Улс: Институцийн өөрчлөлт хийх замаар эрдэс баялгийн менежментийг сайжруулах” MERIT төсөл,  төрийн өмчит “Эрдэнэс Монгол” группийн охин компани “Эрдэнэс Силвер Ресурс” ХХК  Салхитын мөнгө, алтны ордын Хаалтын менежментийн төлөвлөгөөг жишиг байдлаар боловсруулж байгаа билээ. Салхитын уурхайн хаалтын менежментийн төлөвлөгөө боловсруулах жишиг төслийн хоёрдугаар улирал 2022 оны арванхоёрдугаар сарын 15-нд дуусч, төслийн гуравдугаар улирал эхэлсэн юм. Төслийн Үндэсний зөвлөхүүд өөрсдийн хариуцсан хаалтын төлөвлөгөөний бүх бүлгийг энэ улиралд багтааж бүрэн боловсруулж дуусгахаар ажиллаж байна.