“MINING JOURNAL AWARDS -2010” - ЫН ЭЗЭД ТОДОРЛОО

2010-12-25 15:39

 Уул уурхайн салбар хөгжлийн тулгуур болж буй энэ үед энэ салбарыг олон улсын стандартын дагуу хөгжүүлэх, энэ салбарт хүчээ сорьж, эрсдэлийг үүрч яваа компаниудыг хөхиүлэн дэмжих үүднээс уул уурхай, эдийн засгийн Mongolian Mining Journal сэтгүүлээс Mining Journal Awards-2010 шагнал гардуулах ёслолын ажиллагааг анх удаа зохион байгуулж байгаа билээ.

Өнгөрсөн баасан гаригт “Central Tower”-ын “Monet” ресторанд “Mining Journal Awards-2010” ёслолын арга хэмжээ амжилттай болж өнгөрлөө. Уг арга хэмжээг нээж Mongolian Mining Journal Сэтгүүлийн Ерөнхий эрхлэгч Л.Болормаа хэлсэн үгэндээ, “Mining Journal Awards-ийн нэг онцлог нь оны уул уурхайн шилдэг үйл ажиллагааг шалгаруулах ажлыг олон нийтийн байгууллага, тухайлбал Mining Journal сэтгүүлийн газар анхлан зохион байгуулж буйгаараа онцлог юм. Нэг үгээр энэ бол хараат бус, хөндлөнгийн бодитой үнэлэлт гарч ирэх дүүрэн боломж гэсэн үг юм. Уул уурхайн салбарыг мөнгө хэмээн хардаг эрүүл бус хандлагыг өөрчлөхийг бид хүсч байна. Уул уурхайн салбараас баялаг хүртэхийн тулд энэ салбарыг юуны түрүүнд дэмжих ёстой юм. Уул уурхайн салбарын онцлогийг, түүний бэрхшээлийг, өндөр эрсдэлийг үнэлж харах эрүүл үнэлэмж өдгөө хурцаар үгүйлэгдэж байна. Тиймээс Mining Journal жишиг болохыг хүслээ. Уул уурхайн салбарын 2010 оны шилдэг үйл ажиллагааг зарлахдаа бид зөвхөн өөрсдийн хүч бололцоогоор энэхүү арга хэмжээг зохион байгуулж байна. Манай ёслолын эрхэм зочид, шалгаруулалтад оролцохыг хүссэн бүх байгууллага ямар нэг төлбөр төлөөгүй, ингэх ч ёсгүй юм. Уул уурхайн компаниуд зөвхөн хийсэн ажлын нарийн шалгуур үзүүлэлтүүдээрээ өрсөлдлөө” хэмээн онцолсон.

Ёслолын арга хэмжээнд УИХ-ын гишүүн ЭБЭХ-ний сайд Д.Зоригт, УИХ-ын гишүүн, Сангийн сайд С.Баярцогт, УИХ-ын гишүүн З.Алтай, О.Чулуунбат, Х.Наранхүү гээд төр засгийн түшээд болоод Монголын томоохон компаниудын захирлууд, хэвлэл мэдээллийн төлөөлөгчид оролцсон юм.

“Шилдэг үйл ажиллагаа”, “Шилдэг олборлогч”, “Шилдэг эко уурхай” “Шилдэг дэвшилтэт технологи”, “Уул уурхайг дэмжигч хувь хүн, байгууллага” гэсэн номинациар Mining Journal Awards-2010-н эзэд тодорсон. Энэхүү шалгаруулалтыг мэргэжлийн түвшинд явуулахын тулд уул уурхайн салбарын мэргэжлийн байгууллагуудаар явуулын санал асуулга ажиллуулж 300 гаруй санал, мөн онлайн хуудсаар дамжуулан олон нийтээс 1000 гаруй санал авчээ. Мөн уул уурхай, байгаль орчны салбарын эрдэмтэн судлаачид болон иргэний нийгмийн төлөөллөөс сонгогдсон MINING JURNAL COUNCIL-ийн бүрэлдэхүүн мэргэжлийн түвшинд шүүн явууллаа. УИХ-ын гишүүн Х.Наранхүү, Монгол Улсын Ерөнхий сайдын эдийн засгийн бодлогын зөвлөх Н.Энхбаяр, Монголын уул уурхайн үндэсний ассоциацийн Гүйцэтгэх захирал Н.Алгаа, Ашигт малтмалын газрын Уул уурхай судалгааны хэлтсийн дарга Ц.Даваацэрэн, ШУТИС-ийн харьяа Уул уурхайн хүрээлэнгийн захирал, доктор, профессор Б.Пүрэвтогтох, Маркшейдерийн холбооны тэргүүн, ШУТИС-ийн зөвлөх, аж үйлдвэрийн гавьяат ажилтан, доктор, профессор Д.Дондов, БОЯ-ны Хүрээлэн буй орчин, байгалийн нөөцийн газрын дарга Д.Энхбат, МХЕГ-ын Байгаль орчин, Аялал жуулчлал, Геологи, Уул уурхайн хяналтын газрын дарга Н.Батбаяр, Компанийн засаглалын хөгжлийн төвийн Гүйцэтгэх захирал Ж.Үнэнбат нарын хүмүүс MINING JOURNAL COUNCIL-ийн бүрэлдэхүүнд багтсан юм.

“Mining Journal Awards-2010”-т оролцоно уу хэмээн уул уурхайн 148 компанид шалгуур үзүүлэлт бүхий урилгыг илгээснээс 26 компани дөрвөн номинацид өрсөлдөхөөр өөрсдийн хийсэн ажлынхаа тайланг ирүүлжээ. “Энержи Ресурс”, “Оюу толгой”, “МАК”, “Мо Эн Ко”, “Саусгоби Сэндс”, “Бороо Гоулд” зэрэг өнөө цагийн уул уурхайн хөгжлийг тодорхойлж байгаа компаниудаас гадна “Эрдэнэт” УБҮ, “Монполимет”, “Багануур” зэрэг олон арван жил Монголын уул уурхайн хөгжлийн нүүр царай болж явсан томоохон компаниуд ч нэрээ дэвшүүлсэн. Мөн “Таван Талст”, “Булган Гангат”, “Танан Импекс”, “Шижир Алт” зэрэг орчин үеийн дэвшилтэт технологийг үйл ажиллагаандаа нэвтрүүлж буй шинэ компаниуд ч оролцсон нь “Mining Journal Awards-2010”-ыг ямар чанар чансаатай, өрсөлдөөнтэй болгосныг илтгэнэ.


Ийнхүү эдгээр компаниудаас шилдгийн шилдгийг шалгарууллаа. “Шилдэг олборлогч” номинацийн эзнээр “МАК” тодорч, ЭБЭХ-ний сайд Д.Зоригт шагналыг нь гардуулж өгөв. Тус компани энэ оны 12 дугаар сарын 17-ны байдлаар нийт 5.1 сая гаруй тонн нүүрс олборлосон үзүүлэлтээрээ Монгол Улсын уул уурхайн салбарын 86 жилийн түүхэн дэх нүүрс олборлолт, борлуулалт, экспортын дээд амжилтыг эвдсэн аж.

“Шилдэг дэвшилтэт технологи” номинацийн ялагчаар “Эрдэнэт” УБҮ шалгарсан. Баяжуулах фабрикийн Нунтаглан баяжуулах хэсэг дэх Хөвүүлэн баяжуулалтын 3-р ээлждээ хийсэн технологийн шинэчлэлтээр жилд 4 сая тонн хүдэр авдаг байсан үзүүлэлтийг 6 сая тонн болтол өсгөж, баяжуулалтын метал авалтаа зэсээр 88 хувь, молибденоор 59 хувьд хүргэж, улмаар 3 сая орчим ам.долларын эдийн засгийн үр ашгийг авчирсан үзүүлэлт нь тус компанийг “Шилдэг дэвшилтэт технологи” номинацийн эзэн болгожээ.

Харин уг шалгаруулалтын хамгийн өрсөлдөөнтэй болсон номинаци “Шилдэг Эко уурхай” номинацийн эзнээр “Багануур” ХК тодорчээ. 1997 оноос өнөөг хүртэл нийт 137.5 га талбайд техникийн нөхөн сэргээлт, 119,2 га газарт биологийн нөхөн сэргээлтийн ажил хийж гүйцэтгэсэн, 2010 онд биологийн нөхөн сэргээлт хийхээр төлөвлөсөн ажлаа 100 хувь биелүүлсэн, уурхайн ойролцоох Бага Гүн нуур хийгээд ан амьтан хамгаалах үйлс нь тус компанийг “Шилдэг Эко уурхай” болгосон байна.

 “Mining Journal Awards 2010”-ын хамгийн нэр хүндтэй шагнал болох “Шилдэг үйл ажиллагаа” номинацийн ялагчаар “Энержи Ресурс” компани шалгарчээ. Тус компанийн өөрийнхөө хүчээр хийж хэрэгжүүлсэн авто зам, цахилгаан станц зэрэг олон ажлыг шүүгчдийн бүрэлдэхүүн болоод олон нийт үнэлж, дээрх номинацийн эзнээр тодруулсан юм.

 



Уул уурхайн салбарыг дэмжигч байгууллага, хувь хүнийг шалгаруулсан. Энэ шалгаруулалтыг шүүгчдийн бүрэлдэхүүн биш зөвхөн мэргэжлийн байгууллагууд болон олон нийтийн санал асуулгын дүнгээр тодруулсан байна. “Уул уурхайг Дэмжигч байгууллага”-аар Уул уурхайн үндэсний ассоциаци шалгарч, тус байгууллагын Гүйцэтгэх захирал Н.Алгаа шагналаа гардаж авсан.

 

 



Харин дэмжигч хувь хүнээр төрийн зүтгэлтнүүд болоод эрдэмтэн судлаачид, иргэний нийгмийн байгууллагын төлөөлөгчид дундаас Сангийн сайд С.Баярцогт “Уул уурхайг дэмжигч хувь хүн” шагналыг хүртсэн юм. Санал асуулгад оролцсон нийт хүмүүсийн 29 хувь нь түүнийг нэрлэсэн байна. Түүний араас судлаач, эрдэмтэн Н.Болор 16 хувь, геологи эрдэс зүйн шинжлэх ухааны доктор Ч.Хурц 14 хувь, Монгол Улсын анхны Ерөнхийлөгч П.Очирбат 10 хувь, “Нээлттэй нийгэм” форумын менежер, судлаач Н.Дорждарь 9 хувийн саналыг авчээ.

 

 

С.БОЛД-ЭРДЭНЭ

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 2021-09-15 12:39
    Үндэсний аюулгүй байдлын зөвлөл (2021.09.02) хуралджээ. Цар тахлын үеийн эдийн засгийг сэргээх хуулийн төслийг уг зөвлөлөөр хэлэлцээд  дэмжсэн байна. Удахгүй Засгийн газар УИХ-ын намрын чуулганд өргөн мэдүүлж, хэлэлцүүлнэ. Хуулийн төсөлд  гадаадын хөрөнгө оруулалтыг нэмэгдүүлэх заалтыг оруулсан хэмээн Ерөнхий сайд Л.Оюун-Эрдэнэ тодотгов. Тэрээр Цар тахлын үеийн эдийн засгийг эрчимжүүлэх, экспортыг нэмэгдүүлэх, импортыг орлох үндэсний үйлдвэрлэлийг дэмжих, төр, хувийн хэвшлийн түншлэлийг бэхжүүлэх, хөрөнгө оруулалтыг нэмэгдүүлэх Үндэсний хороог ахалдаг билээ. “Урт” нэртэй уг хорооны гол ажил ийнхүү хуулиар дамжин хэрэгжиж байж биеллээ олох юм.   
  • 2021-09-14 12:14
    ...Супер циклийг март, түүнээс ч цараатай хэмээн эрдсийн зах зээлийн хандлагын талаар Роберт Фридланд ярьжээ. Урьд хожид үзээгүй томоохон хувьсгал гэж “ногоон” эдийн засгийн шилжилтийг тэр тодорхойлов. Тэрээр “Цэвэр эрчим хүчний дэд бүтэц, цахилгаан машин цэнэглэх станцуудын сүлжээ гэх мэт бүтээн байгуулалтыг санхүүжүүлэх хэрэгцээ өмнөх супер циклийн үеийн хөрөнгө оруулалтаас ч давах нь гарцаагүй. Энэ нь уул уурхайн төслүүд, хөрөнгө оруулагчдад асар их боломжийг нээнэ” гэдэгт итгэлтэй байна.
  • 2021-09-13 10:56
    Ердөө дөрвөн сарын өмнө (2021.03 сар) Сангийн сайд Б.Жавхлан  “Төсөвт тодотгол хийх эсэхийг хэлэхэд эрт байна. Тодотгол хийе гэж иргэд шаардаж байгаа ч энэ бол миний шийддэг асуудал биш. Төсвийн зардал тасалдаагүй, хөрөнгө оруулалт зогсоогүй” хэмээн  мэдэгдэж байлаа. Гэвч цар тахлын халдварын нөхцөл байдал хүндэрч, хилийн боомтууд  хаагдан  улсын эдийн засаг  улам ч эрсдэлд оров. Арга буюу улсын баяр наадмын өмнөхөн (07.08) УИХ төсвөө яаравчлан тодотголоо. 2021 оны макро эдийн засгийн төсөөлөл өнөөдөр анх тооцон төсөвт тусгаснаас өөрөөр “эргэжээ”. Өөрөөр хэлбэл, төсвийн алдагдал  энэ оны Төсвийн тухай хуульд баталсан түвшнээс нэмэгдэхээр байгаа нь төсөвт өөрчлөлт оруулахаас өөр гарцгүй байдалд оруулсан юм. Төсвийн алдагдлын хэмжээ бүр ДНБ-ий  8.8%-д хүрч нэмэгдэхээр байна.
  • 2021-09-09 10:57
    Олборлох үйлдвэрлэлийн ил тод байдлын санаачилгын (ОҮИТБС) Олон улсын нарийн бичгийн газар, “Нээлттэй өмчлөл” байгууллага, BHP сангийн түншлэлийн хүрээнд “Олборлох салбарыг нээлттэй болгох нь” хөтөлбөрийн цахим хурал өчигдөр боллоо. Энэхүү хөтөлбөрийг байгалийн баялагтай орнуудад хэрэгжүүлснээр олборлох салбарын орлогыг  цөөнхид, тэднийг баяжуулахын төлөө бус хөгжлийн төлөө  л зарцуулагдах нь ач холбогдолтой хэмээн ОҮИТБС-ын Олон улсын нарийн бичгийн газрын гүйцэтгэх захирал Марк Робинсон цахим форумын нээлтийн үгэндээ онцоллоо. “Энэхүү хөтөлбөр нь улс орнуудын татварын орлогыг нэмэгдүүлж авилгын эсрэг үйл ажиллагааг сайжруулна. Ингэснээр олборлох салбарт зөрчил сөргөлдөөн багасаж, Засгийн газрын орлогыг хөгжлийн төлөө зарцуулах нөхцөлийг бүрдүүлж, байгалийн баялгаас хамааралтай улс орнуудын  ард иргэдийн амьдралын чанар сайжирна” хэмээн тэрээр онцолсон.
  • 2021-09-08 18:11
    Монголын уул уурхайн салбарын хамгийн шилдэг компаниудыг нэгтгэдэг “Mongolia Mining 2021” олон улсын уул уурхай, газрын тосны үзэсгэлэн 10 дахь жилдээ зохион байгуулагдах гэж байна. Энэ үзэсгэлэнгийн Ерөнхий ивээн тэтгэгч “ГРАНД МАЙНИНГ ЭКЮПМЕНТ” ХХК-ийн захирал Ж. Эрдэнэбилэгээс тус арга хэмжээнд хэрхэн оролцох талаар нь тодруулсан юм.