Гацууртын ордыг УИХ-аар хэлэлцэхээр боллоо

УИХ-ын Эдийн засгийн байнгын хорооны өнөөдрийн хуралдаанаар Гацууртын ордыг Стратегийн ордод хамруулах тухай асуудлыг хэлэлцэж, олонхийн саналаар УИХ-ын чуулганаар хэлэлцүүлэх нь зүйтэй хэмээн шийдвэрлэлээ. Гацууртын ордыг эзэмшигч “Сентерра гоулд Монголиа” компанийн зүгээс өнгөрсөн 5 дугаар сард Гацууртын ордыг Стратегийн ордод хамруулах хүсэлтээ УУЯ-нд тавьсаны дагуу уг асуудлыг Засгийн газраас УИХ-д өргөн мэдүүлсэн юм.

Гацууртын орд нь 50 тонн алтны нөөцтэй бөгөөд нийт 3 их наяд төгрөгийн борлуулалт хийж, эдийн засагт тодорхой хэмжээний дэмжлэг болно хэмээн УУЯ-наас мэдээлсэн юм. Стратегийн ордод хамруулсаны дараа “Сентеррагоулд Монголиа” компанитай Орд ашиглах гэрээ байгуулах талаар хэлэлцээр хийх юм байна.

С.Болд