Монгол Улс шатахууныхаа 95 хувийг ОХУ-аас импортолдог

Монгол Улсын шатахууны нийлүүлэлт, хангамж хэвийн үргэлжилж, нөөц бүрдүүлэлт эрчимжиж байгааг АҮЭБЯ-аас мэдээллээ. Манай улс шатахууныхаа 95 хувийг ОХУ-аас, үлдсэнийг нь БНХАУ-аас импортолж байгаа бөгөөд энэ нь 2024 онд ОХУ-ын Ерөнхийлөгч В.Путины Улаанбаатарт хийсэн айлчлалын үеэр байгуулсан хэлэлцээрийн хүрээнд хэрэгжиж байна.

Яамны зүгээс 2026 оны нэгдүгээр сарын захиалгыг аль хэдийн баталгаажуулжээ. Энэ сард нийт 145 мянган тонн АИ-92 автобензин, 150 мянган тонн дизель түлш худалдан авахаар төлөвлөсөн байна.

Ерөнхий сайд Г.Занданшатар болон салбарын сайд нар ОХУ, БНХАУ-ын талтай тогтмол мэдээлэл солилцож байгаа бөгөөд Орос-Монголын Засгийн газар хоорондын хэлэлцээрийн дагуу ОХУ-аас жилд 1.8–1.9 сая тонн шатахуун, 60,000 тонн агаарын хөлгийн түлшийг харилцан ашигтай нөхцөлөөр нийлүүлж байхаар тусгасан байна.

Эх сурвалж: tass.com