Монгол Улсын банкны салбарын цэвэр гадаад хөрөнгө 6 дугаар сард 60.2%-иар буурчээ

Т.Бямбанаран

Монгол Улсын банкны салбарын цэвэр гадаад хөрөнгө 2025 оны 6 дугаар сард өмнөх оны мөн үетэй харьцуулахад 60.2%-иар буурч, 3.9 их наяд төгрөг буюу ойролцоогоор 1.08 тэрбум ам.доллар болсон талаар Монгол Улсын Засгийн газраас Лхагва гарагт /2025.07.23/ нийтэлжээ.

Харин Үндэсний Статистикийн Хорооноос (ҮСХ) мэдээлснээр дээрх хугацаанд Монголын банкнуудын цэвэр дотоод хөрөнгө 39.1 их наяд төгрөг (10.90 тэрбум ам.доллар) болж, 23.6%-иар өссөн байна.

Түүнчлэн, Монгол Улсын арилжааны банкнуудад хуримтлагдсан нийт хадгаламж тогтвортой өсөж, энэ оны 6 дугаар сарын эцэс гэхэд 22.6 их наяд төгрөгт (ойролцоогоор 6.30 тэрбум ам.доллар) хүрээд байгаа юм.

ҮСХ-ны мэдээллээр америк долларын хадгаламж 16.9%-иар огцом өссөн бол төгрөгийн хадгаламж түүнтэй харьцуулахад арай бага буюу 15%-иар нэмэгдсэн аж.

Эх сурвалж: thestar.com