Credit Suisse банкны хувьцааны ханш унаж, газрын тосны үнэ 70 ам.доллараас доош буурлаа

Ч.Сансар

Лхагва гарагт дахин нэг банкны хямралын улмаас зах зээл тогтворгүй болж, түүхий нефтийн үнэ үргэлжлэн буурлаа.
 
WTI маркийн нефть 4.21%-иар буурч, 2021 оны 12 дугаар  сараас хойш анх удаа нэг баррель 70 ам.доллараас доош унаж, 68.33 ам.долларт хүрлээ. Брент маркийн нефтийн үнэ 3.94%-иар буурч, 74.40 ам.долларт хүрлээ.
Credit Suisse банкны хамгийн том дэмжигч Саудын Үндэсний банк зохицуулалтын хязгаарлалтын улмаас банкинд дахин тусламж үзүүлэхгүй гэж мэдэгдсэн. 

Саудын Арабын Үндэсний банк нь Credit Suisse-ийн 10%-ийг эзэмшдэг. Энэхүү мэдээ Credit Suisse банкны хувьцааны ханшийг улам унагаж, тус банкны зах зээлийн үнэлгээ нийт 25%-иар буурлаа.

Өмнө нь Silicon Valley Bank (SVB) дампуурч долоо хоногийн эхээр нефтийн үнэ улам доошилсон.  SVB банк баасан гарагт гэнэт дампуурч, АНУ-ын Үнэт цаас, биржийн хороо (SEC) арилжаагаа зогсоохоос өмнө хувьцааны ханш 60%-иар унасан. Лхагва гарагт тус банк тайлан балансаа засах, нэмэлт хөрөнгө босгох зорилгоор 2.25 тэрбум ам.долларын шинэ хувьцаа худалдана гэж мэдэгдэв.  Пүрэв гаригт хувьцааны үнэ буурч, баасан гарагт АНУ-ын Хадгаламжийн Даатгалын Корпораци (FDIC) тус банкийг хяналтандаа авсан.

SVB болон Signature Bank-ийн уналт нь банкны хямрал санхүүгийн зах зээлд тархах вий гэсэн болгоомжлолыг төрүүлэв. Одоо WTI маркийн нефтийн үнэ долоо хоногийн дотор 10.3%-иар буурсан бол Brent-ийн үнэ мөн хугацаанд 9.8%-иар буурчээ.