Эрдсийг эрдэнэст
Ирээдүйг өндөр хөгжилд
Mining The Resources
Minding the future
Ертөнц

Хятад улс Омантай шингэрүүлсэн байгалийн хий (ШБХ) нийлүүлэх анхны гэрээ байгууллаа

Ч.Сансар

Хятадын Unipec  компани Оманы LNG-тай дөрвөн жилийн хугацаанд нэг сая тонн хөргөсөн хийн түлш нийлүүлэх гэрээ байгуулжээ. Энэ бол Оман LNG компанийн хувьд Хятадын худалдан авагчтай хийсэн анхны гэрээ бөгөөд шинэ зах зээл рүү орох ажлын нэг хэсэг юм. Нийлүүлэлт 2025 онд эхэлнэ гэж Оманы компани твиттер хуудсандаа мэдэгдэв.

Өнгөрсөн сард 10 жилийн хугацаанд жил бүр 1.4 тэрбум шоо метр хий нийлүүлэх гэрээг Оманы LNG компани Туркийн BOTAS компанитай байгуулсан. Энэ оны эхээр Оманы компани мөн Францын TotalEnergies болон Тайландын PTT компаниудтай тус бүр жилд 800,000 тонн ШБХ нийлүүлэх гэрээ байгуулжээ. 

JERA, Mitsui & Co, Itochu Corp зэрэг Японы эрчим хүчний томоохон компаниуд 2025 оноос эхлэн 10 жилийн хугацаанд жил бүр нийт 2.35 сая тонн ШБХ нийлүүлэх гэрээ саяхан байгуулсан.

Ристад Энержи (Rystad Energy) дөрвөн жилийн өмнө Оманы хийн үйлдвэрлэл энэ онд газрын тосны олборлолтоо давна гэж таамаглаж байсан. Энэ нь байгалийн хийг эрчим хүчний эх үүсвэр болгон ашиглах явдал нэмэгдэж байгааг нотолж байна.

Түүнээс хойш шингэрүүлсэн байгалийн хийн төлөөх өрсөлдөөн ширүүсч, Катар, АНУ, Австрали зэрэг томоохон ШБХ үйлдвэрлэгчид үйлдвэрлэлээ өргөжүүлж эхэлсэн. 

Хятад улс асар том эдийн засагтай, аж үйлдвэржилтийн түвшин өндөр тул ШБХ үйлдвэрлэгчдийн жам ёсны зах зээл юм. Хятад хэдийгээр өнгөрсөн жил дэлхийн хамгийн том ШБХ импортлогчийн статусаа Японд алдсан ч, хийн хамгийн том худалдан авагчдын нэг хэвээр байна. Хятад Европын орнуудаас ялгаатай нь тогтвортой нийлүүлэлтийг хангах, үнийн огцом хэлбэлзлээс хамгаалахын тулд урт хугацааны хэлэлцээр хийхийг эрхэмлэдэг.