Брэнт газрын тосны ханш 86 доллар хүрч өсөв

2022-01-17

Брэнт маркийн газрын тосны ханш өнөөдрийн (2022.01.17) байдлаар 86.47 ам.доллар/баррель болж өсөөд байна. Энэ нь сүүлийн гурван жил гаруй хугацаан дахь хамгийн дээд ханшид тооцогдоно. Зах зээлд голлох олборлогч орнуудын нийлүүлэлт дорвитой хэмжээгээр нэмэгдэхгүй болов уу гэсэн таамаг давамгайлсан нь үнэ өсөх гол шалтгаан болж байна. Нөгөөтэйгүүр цар тахлын шинэ хувилбарын тархалт газрын тосны эрэлтэд төдийлөн нөлөөлөхгүй гэж ОПЕК тооцоолсон байна. Цар тахлын шинэ хувилбарын болгоомжлол намжиж, улс орнуудад хязгаарлалтууд цуцлагдаж, зэрэгцээд газрын тосны нийлүүлэлт бага байх аваас ханш олон жилийн дээд түвшинд хүрч болзошгүйг шинжээчид сануулж байна.

Эх сурвалж: investing.com

Энэ сарын 4-нд болсон нефть экспортлогч орнуудын байгууллага буюу ОПЕК болон түнш орнуудын уулзалтаар (OPEC+) ирэх хоёрдугаар сард тус байгууллагын гишүүн орнууд газрын тосны гарцаа 400 мянган баррель/өдөр-өөр нэмэгдүүлэхээр болсон юм. Гэхдээ шинжээчдийн хувьд газрын тос үйлдвэрлэгч жижиг орнууд гарцаа зорилтот хэмжээнд хүргэж өсгөж чадахгүй байх магадлалтай төдийгүй тос олборлогч томоохон орнууд цар тахлын шинэ хувилбарын тархалтаас үүдэн нийлүүлэлтээ төдийлөн өсгөхгүй байх бодлого баримтлах хувилбарыг үгүйсгэхгүй байна. Тус байгууллагын хувьд өнгөрсөн арав болон арваннэгдүгээр сард олборлолтоо зорилтот хэмжээгээр нэмэгдүүлж чадаагүйг Олон улсын эрчим хүчний агентлаг анхааруулжээ.

Үүний зэрэгцээ АНУ болон ОХУ-ын хооронд Украины асуудлаар хурцадмал байдал үүсээд байгаа нь цаашид газрын тос, байгалийн хийн нийлүүлэлт буурч болзошгүй нөхцөл байдлыг бүрдүүлж байна.

Гэхдээ АНУ, Хятад тэргүүтэй томоохон хэрэглэгч улс орнууд газрын тосны ханшийг бууруулах чиглэлд хөдөлж эхлээд байгаагийн нэг илрэл нь улсын нөөцөөс нийлүүлж эхлэх явдал юм. Гэсэн ч яг одоогийн байдлаар газрын тосны ханш өссөн хэвээр байна.

Олон улсын банк санхүүгийн байгууллагуудын дунд ханшийн таамаглалын хамгийн өндөр дүнг дэвшүүлж буй төлөөлөл бол JPMorgan, Morgan Stanley юм. Тодруулбал JPMorgan энэ онд газрын тосны ханш 125 ам.доллар/баррель-д хүрэх боломжтой гэж үзжээ. Morgan Stanley банкны тухайд энэ оны гуравдугаар улиралд газрын тосны ханш 90 ам.долларт хүрч болзошгүй гэж таамаглажээ.

Дэлхий дахинд үнийн өсөлт дээд хэмжээнд хүрээд байгаа энэ үед газрын тосны ханш дээшлэх үзэгдэл нь байдлыг бүр дордуулах нь тодорхой юм. Гэхдээ олонхи судалгааны байгууллагуудын тооцоолж буйгаар энэ онд Брэнт тосны дундаж ханш баррель тутамдаа 70 гаруй ам.долларт хэлбэлзэхээр байгаа юм.

 

Б. Төгс

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 7 цаг 58 мин
    УИХ-ын хаврын чуулганы хаалтын өдрийн хуралдаанаар Газрын тосны бүтээгдэхүүний тухай хуульд нэмэлт оруулах тухай хуулийн төслийн хэлэлцэх эсэх асуудлыг (2022.07.06) хэлэлцлээ. Эдийн засгийн байнгын хорооны санал, дүгнэлтийг УИХ-ын гишүүн Х.Ганхуяг танилцуулсан. Байнгын хорооны хуралдаанаар хуулийн төслийг хэлэлцэх үед УИХ-ын гишүүн Б.Баттөмөр Монгол Улсад үр ашигтай өөрчлөлт авчрах сайн талтай тул дэмжиж байгаа, боломж нээхийн хэрээр хараат байдал нэмэгдэх эрсдэл байгааг анхаарах, хуурамч шатахууны асуудал дээр бусад шатахуунтай татварын ижил нөхцөл, шаардлага тавих, УИХ-ын гишүүн М.Оюунчимэг хуулинд нэмэлт оруулахдаа олон улсын нөхцөл байдлыг анхаарч, сөрөг нөлөөлөл үүсэхээс сэргийлэх, дотоодын зах зээлээ болон аж ахуйн нэгжүүдээ хамгаалж, зах зээлийн зарчмаар явуулан гэрээ, хэлэлцээрээ сайн хийвэл тийзний үнэ буурах эерэг нөлөөтэй гэсэн саналыг хэлсэн гэлээ.
  • 11 цаг 22 мин
    Тулгар төрийн 2230, 2231, Их Монгол Улс байгуулагдсаны 815, 816, Үндэсний эрх чөлөө, тусгаар тогтнолоо сэргээн мандуулсны 110, 111, Ардын хувьсгалын 100, 101 жилийн ойг тохиолдуулан Монгол Улсын Ерөнхийлөгч Ухнаагийн Хүрэлсүх зарлиг гарган нэр бүхий хүмүүсийг төрийн дээд цол, одон, медалиар шагнасан юм. Уул уурхайн салбараас “Эрдэнэт үйлдвэр” ТӨҮГ-ын Ерөнхий захирал Х.Бадамсүрэн Хөдөлмөрийн баатар боллоо. “Уул уурхайн технологи, эдийн засаг, экологи” эрдэм судлалын цогц долоон боть бүтээлд Монгол улсын Төрийн шагнал хүртээжээ. 
  • 11 цаг 37 мин
    Монгол Улсын Ерөнхий сайд Л.Оюун-Эрдэнэ Бүгд Найрамдах Сингапур Улсад хийж буй албан ёсны айлчлалынхаа хүрээнд энэ сарын 7-ны өдөр Сингапурын Темасек олон улсын санд зочилж, тус сангийн үйл ажиллагаатай танилцан Гүйцэтгэх захирал Нг Бүн Хонг, орлогч захирал Бенедикт Чеонг нартай уулзав.
  • 12 цаг 35 мин
    “Mongolia Mining” Олон улсын уул уурхайн үзэсгэлэнгийн 11 дэх удаагийн арга хэмжээ 2022 оны есдүгээр сарын 21-23-ны өдрүүдэд гурван өдрийн турш Степпе Арена буюу Мөсөн Өргөөнд зохион байгуулагдана. Энэ удаагийн үзэсгэлэнд уул уурхайн салбарын дэлхийд тэргүүлэх технологийг гурван өдрийн турш дэлгэн харуулахаас гадна, эрдэс баялгийн салбарт төрөөс баримтлах бодлого, холбогдох хуулиуд, Монгол улсад хэрэгжих уул уурхай дэд бүтцийн төслүүд сэдвээр семинарууд болон тоног төхөөрөмжийн үзүүлэх тоглолтууд зохион байгуулагдана.
  • Уржигдар 11 цаг 58 мин
    Дэлхийн Уул уурхайн конгресс (ДУУК)-ын Олон улсын зохион байгуулах хороо (ОУЗБХ)-ны 103 дугаар хуралдаан 2022 оны долдугаар сарын 12-нд Монгол улсад зохион байгуулагдах гэж байна. Дэлхийн уул уурхайн Конгресс нь уул уурхайн техник, технологийн хөгжлийн чиг хандлагыг тодорхойлдог НҮБ-д бүртгэлтэй олон улсын мэргэжлийн байгууллага юм. 1958 онд Польшийн профессор Б.Крупински санаачлан байгуулсан энэ байгууллагад 1967 оноос Монголын төлөөлөгчид Конгрессын хуралдаануудад оролцож ирсэн.