Оюутолгой төслийн Монголын 34%-д ногдох өрийг бүрэн тэглэнэ

2021-12-13

Оюутолгойн төслийн асуудлаар Ерөнхий сайд Л.Оюун-Эрдэнэ өнөөдөр /2021.12.13/ мэдээлэл хийлээ.

“Рио Тинто” болон “Туркойз Хилл” компанийн гүйцэтгэх удирдлагаас Монгол Улсын Ерөнхий сайдын нэр дээр албан бичиг ирүүллээ. Уг албан бичигт таван саналыг тусгасан байна. Үүнд,

Нэгд, Оюутолгойн төслийн Монголын талын 34%-д ногдох 2.3 тэрбум ам.долларын өрийг 100% тэглэнэ. Ингэснээр цаашид өр үүсэхгүй. Ингэснээр 34%-ийг Монголын ард түмэн үнэгүй авч байна гэсэн агуулгатай.

Хоёрт, Дубай хотноо зурагдсан Далд уурхайн бүтээн байгуулалт, санхүүжилтийн төлөвлөгөөг цуцалж, дуусгавар болгоход бэлэн байгаагаа мэдэгдсэн.

Гурав, Оюутолгойн далд уурхайн бүтээн байгуулалтын санхүүжилтэд зарцуулагдсан дүнд Монгол Улсын Засгийн газар хөндлөнгийн аудит оруулж, зөрүү үүсвэл “Рио Тинто” хариуцаж төлөхөд бэлэн буйгаа илэрхийлсэн.

Дөрөвт, Гүний уурхайг 2023 оны нэгдүгээр хагаст ашиглалтад оруулахаар тооцож байгаа бөгөөд энэ хүртэлх хөрөнгийг хөрөнгө оруулагч тал 100% хариуцна.

Тавд, байгаль орчин, эрчим хүчний салбарт хамтарч ажиллахаа илэрхийлсэн.

Мөн УИХ-ын 92 дугаар тогтоолыг хэрэгжүүлсэн гэж “Рио Тинто” үзэж байгааг Ерөнхий сайд хэллээ. Гүний уурхайг ашиглалтад оруулах асуудал ажлын хэсгийн түвшинд шийдэгдвэл 2022 оны нэгдүгээр улиралд бүтээн байгуулалтын ажлыг эхлүүлэхэд бэлэн гэдгээ албан захидалдаа дурджээ.

АЖЛЫН ХЭСЭГ, ТҮР ХОРОО, ЗАСГИЙН ГАЗАР НЭГ ТАЛД БАЙСНААР ЭНЭ ҮР ДҮНД ХҮРЛЭЭ

Энэ үеэр УИХ-ын гишүүн Ц.Даваасүрэн “Олон жил энэ асуудлаар маргалдсан. Ажлын хэсэг, Түр хороо, Засгийн газар нэг талд байснаар ийм үр дүнд хүрлээ. Ямартай ч Монголын ард түмэн 34%-д ногдох өрөө тэглүүлж чадлаа. Дубайн төлөвлөгөөг цуцалж чадлаа. Гуравт, дахиад зээл авч байж далд уурхайн бүтээн байгуулалтыг эхлүүлэхээр байсан бол хөрөнгө оруулагч тал уг хөрөнгийг гаргахаар боллоо. Мөн засаглалыг сайжруулахаар боллоо. Маш том алхам хийлээ. Цаашид хоёр тал харилцан бие биендээ хүндэтгэлтэй хандах нөхцөл бүрдлээ” гэлээ.   

ЯРИА ХЭЛЭЛЦЭЭ ҮРГЭЛЖИЛНЭ

Хууль зүй, дотоод хэргийн дэд сайд Б.Солонго “Хэлэлцээ үргэлжилж байна. Өнгөрөгч аравдугаар сарын 21-нд Хууль зүй, дотоод хэргийн сайд, Ажлын хэсгийн ахлагч Х.Нямбаатарын нэр дээр “Рио Тинто” компанийн зүгээс албан бичиг ирж байсан. Тухайн үед ирүүлсэн саналд 34%-д ногдох өрийн 70%-ийг буюу 1.6 тэрбум ам.долларыг тэглэх санал байсан. Манай зүгээс арваннэгдүгээр сард яриа хэлэлцээг үргэлжлүүлж өрийг 100% тэглэх шаардлага тавьсан. Манай саналыг хүлээн авлаа. Гэхдээ яриа хэлэлцээ үргэлжилнэ. Цаашид говийн бүсэд гүний ус ашиглах болон байгаль орчны нөлөөлөл зэрэг асуудлыг хэлэлцэнэ. Түүнчлэн далд уурхайн бүтээн байгуулалт, санхүүжилтийн буюу Дубайн төлөвлөгөөг ямар нөхцөлөөр цуцлах, Хөрөнгө оруулалтын гэрээ, Хувь нийлүүлэгчдийн гэрээнд ямар өөрчлөлт оруулснаар цаашид маргаан үүсэхгүй байх зэргийг хэлэлцэнэ” гэлээ.

Р.Ренчиндулам

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 16 цаг 8 мин
    ТОП-100 ААН-ийн эхний байруудад “Эрдэнэт үйлдвэр” ТӨҮГ, “Оюутолгой” ХХК, “Эрдэнэс Тавантолгой” ХК эхний гурван байрыг эзэлсэн байна. Энэ жил уул уурхай салбарын 22 компани Топ-100-д багтжээ. “Энержи ресурс” 10-т, “Монголын Алт” ХХК 11-т, “Болдтөмөр Ерөө Гол” ХХК 12-т, “Монголросцветмет нэгдэл”15-д, “Петрочайна Дайчин Тамсаг” ХХК 17-д, Бүрдэл майнинг 23, “Эрдэнэс Монгол” ХХК 26-д, “Хишиг арвин индустриал” ХХК 32-т “Багануур” ХК 34-т, “Шин шинь”ХХК 41-т, “Цайрт минерал”ХХК 49-д, “Ачит ихт” ХХК 59-д, Монполимет ХХК 60-д, “Алтайн хүдэр” ХХК 62-т, “Бороо гоулд” ХХК 67-д,Тавантолгой ХК 74-т, “Саусгоби сэндс” ХХК 84-т, Баян Айраг Эксплорэйшн ХХК 91-т, “Шивээ Овоо” ХК 94-д эрэмбэлэгдсэн байна. Уул уурхай салбарын эдгээр компанийн борлуулалтын орлого 2021 онд 14618 тэрбум төгрөгт хүрч, ДНБ-ий 41 хувийг эзэлж байна.
  • 2022-05-20
    Фитч агентлаг Монгол Улсын зээлжих зэрэглэлийн үнэлгээг “B”, төлөвийг “Тогтвортой” хэвээр үлдээснээ (2022.05.18) зарлалаа. Дунд хугацаандаа гадаад худалдааны тасалдал, Украйн дахь дайны улмаас үүссэн сөрөг нөлөө буурч, экспортын гол түүхий эдийг худалдан авах Хятадын эрэлт тогтвортой хэвээр байх тул Фитчээс Монгол Улсын ДНБ-ий өсөлтийг 2023 онд 6.3%, 2024 онд 6.8% хүртэл өснө гэж төсөөлж байна.
  • 2022-05-19
    ОҮИТБС-ын хүрээнд манай улсын эцсийн өмчлөгчийн мэдээлэл нэг үеэ бодвол ил гарч, бага багаар ахиж байгаа гэдэг нь ОҮТБИС-ын тайлан мэдээнээс харагдаж байна. 2013 онд 215 компани тайлан мэдээллээ ирүүлж байсан бол 2020 онд 687 компани мэдээллээ ирүүлжээ. Ялангуяа уул уурхай болон стратегийн салбарын эцсийн өмчлөгчийг ил тод болгон тайлагнах нь авлигыг багасган, олон нийт өгөөжийг тэгш хүртэх боломж бүрдүүлэх сайн талтай
  • 2022-05-19
    “Туркойз Хилл Ресурс” болон “Рио Тинто” компани Оюутолгой төслийн санхүүжилтийн төлөвлөгөөний гэрээний нөхцөлийг өөрчилсөн талаар (2022.05.18) мэдээллээ. Тус гэрээг талууд өнгөрсөн нэгдүгээр сарын 24-нд байгуулж байсан юм. Харин одоо санхүүжилтийн гэрээний нөхцөлийг өөрчилснөөр хувьцааны арилжаагаар хөрөнгө босгох хугацааны товыг хойшлуулахаар болжээ. Тодруулбал энэ оны наймдугаар сарын 31-н гэхэд “Туркойз Хилл” хамгийн багадаа 650 сая ам.доллар хүртэлх санхүүжилтийг хувьцааны арилжаагаар босгох байсныг энэ оны төгсгөл хүртэл сунгаж өгчээ.
  • 2022-05-18
    Засгийн газрын ээлжит хуралдаанаар газрын тосны бүтээгдэхүүн хуваах гэрээ, газрын тос олборлолт, газрын тос боловсруулах үйлдвэрийг түүхий эдээр хангах тухай салбарын сайд Г. Ёндон танилцуулсан байна. Цаашид Засгийн газрын зүгээс газрын тосны хайгуул, олборлолтыг эрчимжүүлэх чиглэлд Шадар сайдаар ахлуулсан Ажлын хэсэг гарч ажиллах юм байна. Энэ дагуу газрын тосны нөөц тогтоогдох боломж бүхий аймгуудын Засаг дарга нарт Ерөнхий сайдын захирамж, албан даалгаврыг хүргүүлэх ажээ.