“Багануур” ХК экскаваторын 4 дэх шанагаа үйлдвэрлэжээ

2021-11-19 14:33

“Багануур” ХК нь автомашины хуучин кузовыг ашиглан экскаваторын 4 дэх шанагаа үйлдвэрлэж, ашиглалтад оруулжээ. 2017 онд анхны шанагаа үйлдвэрлэсэн бөгөөд ингэхдээ ОХУ-ын загвараар хийсэн бол 2018 онд үйлдвэрлэсэн 2 дахь шанагыг америк загвараар үйлдвэрлэсэн аж. Эдгээр шанагыг одоо ч ашигласаар байгаа юм.

Дотооддоо техникийн тоног төхөөрөмж үйлдвэрлэснээр цар тахлын улмаас хил гааль хаалттай, бэлдэц төмрийн олдоц муу, дээр нь техник хэрэгсэл нь үнэтэй байгаа энэ үед дотоод нөөц боломжоо ашиглаж хэмнэлт гаргасан ажилд тооцогдож буй юм. Тухайлбал, “Багануур” ХК-д ашиглагдаж буй ЭШ-10/70 маркийн дөрөв алхагч экскаватор нь жилд дунджаар 7 сая шоо метр уулын цулын ажил гүйцэтгэдэг аж. Ийм хэмжээний ажил гүйцэтгэхэд жилд хоёр ширхэг шанага худалдан авах шаардлагатай болдог байна. Импортын шанага нь зах зээлд тус бүр 250-300 сая төгрөгийн үнэтэй байдаг юм. Харин дотоод нөөц бололцоогоо ашиглаж өөрсдөө үйлдвэрлэхэд ердөө 90 сая төгрөг зарцуулж байгаа ажээ.

Нэг шанагыг 3 сарын хугацаанд үйлдвэрлэдэг

Экскаваторын шанага үйлдвэрлэхэд ямар асуудал тулгамддаг, цаашид захиалга ирвэл үйлдвэрлэх хүчин чадлын талаар “Багануур” ХК-ийн төслийн багийн удирдагч Г.Соронзонболдоос тодрууллаа.

Танай компани урьд нь жилд экскаваторын хэдэн шанага худалдаж авдаг байсан бэ? 

Бид одоогоор 4 дэх шанагаа хийгээд байна. Урьд нь ОХУ-аас бэлдэц авч үйлдвэрлэдэг байсан бол хил гаалийн нөхцөлөөс үүдээд энэ удаад хуучин машины кузов ашиглаж хийж үзлээ. Манайх жилд дунджаар ийм төрлийн 1-2 шанага худалдаж авдаг байсан.

Бусад газраас захиалга өгвөл танайх хэр хугацаанд үйлдвэрлэх вэ. Үйлдвэрийн хүчин чадал, тулгамддаг асуудлын талаар ярихгүй юу?  

Манайд шанаганы зураг, загвар, дизайнаа гаргаад өгвөл бид захиалгыг гүйцэтгэх бүрэн боломжтой. Манайд мэргэжлийн баг хамт олон бий. Бид бүтээгдэхүүнээ патентжуулсан. Тиймээс захиалга аваад үйлдвэрлэл явуулахад ямар нэгэн асуудал алга. Нэг шанагыг 3 сарын хугацаанд үйлдвэрлэж байгаа. Захиалгаа урьдчилаад өгсөн тохиолдолд бид цаг тухайд нь үйлдэрлэж, ашиглалтад оруулна.

Танай баг экскаваторын шанаганаас гадна өөр ямар төхөөрөмж үйлдвэрлэж байна вэ?

Бид дотооддоо экскаватор, ковшийн шанага, уул уурхайн техникийн араа, шүднээс эхлээд ойр зуурын зүйлсээ боломжоороо үйлдвэрлэж байгаа.

Р. Ренчин

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 9 цаг 25 минутын өмнө
    ​​​​​​​Хятадын нүүрсний нийт импорт өнгөрсөн арваннэгдүгээр сард 35.05 сая тоннд хүрсэн тухай тус улсын Гаалийн ерөнхий газар мэдээллээ. Нүүрсний импортын үзүүлэлт өмнөх оны мөн үед 11.67 сая тонн байсантай харьцуулахад гурав дахин, өнгөрсөн аравдугаар сард 26.94 сая тонн байсантай харьцуулахад 30.1%-иар тус тус өссөн байна. Ингэснээр Хятадын нүүрсний импорт он гарсаар хамгийн өндөр үзүүлэлтэд хүрлээ.
  • 12 цаг 59 минутын өмнө
    Баянхонгор аймагт хэрэгжүүлж буй Баян хөндий алтны үндсэн ордын төслийн Байгаль орчинд нөлөөлөх байдлын нарийвчилсан үнэлгээг БОАЖЯам баталсан тухай "Эрдэнэ Ресурс Девелопмент" компани (2021.12.07) мэдээллээ. Уг үнэлгээг “Eco Trade” ХХК дотоодын болон олон улсын стандартын дагуу боловсруулсан байна. Компанийн хувьд одоо бүтээн байгуулалтын бэлтгэл ажилдаа орох боломжтой боллоо.
  • Уржигдар 15 цаг 59 минутад
    Нүүрсний экспорт оны эхний 11 сарын байдлаар 15.2 сая тоннд хүрсэн нь өмнөх оны мөн үеийнхээс даруй 43.8%-иар буурсан боловч орлогын дүнгээр 2.6 тэрбум ам.доллартай дүйсэн нь мэдэгдэхүйц өсөлттэй байна. Ийнхүү нүүрсний экспортын орлого нэмэгдэх болсон нь зах зээл дэх үнийн өсөлттэй холбоотой. Сарын дүнгээр авч үзвэл өнгөрсөн арваннэгдүгээр сард манай улс 1.71 сая тонн нүүрс экспортолсон нь өнгөрсөн гуравдугаар сараас хойших хамгийн өндөр дүн боллоо.
  • Уржигдар 11 цаг 13 минутад
    “Build Mongolia 2022” үзэсгэлэн ирэх оны дөрөвдүгээр сарын 22-24-нд Улаанбаатар хотноо Буянт-Ухаа спортын ордонд хоёр дахь удаагаа зохион байгуулагдана. Үзэсгэлэнд дэлхийн улс орнуудын дэд бүтцийн салбар дахь шинэ шийдэл, дэвшилтэт технологи бүхий тоног төхөөрөмж, техникийг танилцуулна. Бүтээн байгуулалтын салбарын хамгийн шилдэг техник технологийг танилцуулахаар гадаадын болон дотоодын 100 гаруй аж ахуй нэгж оролцоно. Мөн үзэсгэлэнг зорин ирэх хөрөнгө оруулагч, ханган нийлүүлэгч нар болоод бусад зочдод Монголын барилга, уул уурхай, эрчим хүч, зам тээврийн салбарын мэдээллийг бүрэн хүргэх зорилгоор салбар тус бүрийн тухайн үеийн онцлог сэдвийг хөндсөн төрийн бодлогын хэлэлцүүлэг явуулна.
  • 2021-12-06 10:48
    Монгол, Францын хамтарсан “Бадрах энержи” компани Дорноговь аймгийн Улаанбадрах сумын нутаг дахь ураны Зөөвч-Овоо ордод 2021 оны долдугаар сараас үйлдвэрлэлийн туршилт хийж байна. “Бадрах энержи” компанийн Гүйцэтгэх захирал Марк Мелеардын хэлснээр  одоо өдөр­төө  25 кг уран олборлож байгаа ажээ. Үйлдвэрлэлийн туршилтыг 2022 оны эцэс хүртэл хийх бөгөөд энэ хугацаанд 20 гаруй тонн уран олборлох төлөвлөгөөтэй. Үйлдвэрлэлийн туршилтын үр дүнгээр нарийвчилсан ТЭЗҮ-д шаардлагатай өгөгдөл, мэдээллийг авахаас гадна техник, эдийн засгийн үндсэн үзүүлэлтүүлийг баталгаажуулна.