Тээвэрчдийн холбоо: Тээвэрчдээ 2000 шланзтай нь хотод авчирна

2021-10-20 12:43

“Баян зам” тээвэрчдийн холбооноос өнөөдөр /2021.10.20/ мэдээлэл хийж, Зам тээврийн хөгжлийн сайд Л.Халтарыг иргэдэд буруу мэдээлэл өгсөн гэх үндэслэлээр шүүхэд өгч байгаагаа мэдэгдлээ. Төрийн тогтворгүй үйл ажиллагаанаас үүдэн нүүрс тээврийн үйл ажиллагаа зогссон гэж үзээд тус холбооны 2000 тээвэрчдийг шланзтай нь хотод авчирна гэлээ.


ТЭЭВЭР ЗОГССОНООС ҮҮДЭЛТЭЙ  ХОХИРЛЫГ ХЭН БАРАГДУУЛАХ ВЭ?


“Баян зам” тээвэрчдийн холбооны Удирдах зөвлөлийн дарга П.Баярхүү:
-Зам тээврийн хөгжлийн сайд Л.Халтар мэдээлэл хийхдээ хэд хэдэн баримтаар тээвэрчдийг, тээвэрчдийн холбоог гүжирдлээ. Тодруулбал, “Баянзүрх” тээвэрчдийн холбоо нь тээвэрчдийн эрх ашгийг хамгаалах ёстой атлаа бизнес хийж байна гэж ярьсан. Мөн энэ холбоонд 100 гаруй компани байдаг байтал 31 компани гэсэн. Холбоог замын хураамжаа өг, үгүй бол тээвэрт явуулахгүй гэж дарамталдаг гэлээ. Ийм буруу мэдээлэл хийж, нэр төрд халдсан гэх үндэслэлээр өнөөдөр /2021.10.20/ түүнийг шүүхэд өгч байна.

Л.Халтар сайд мэдээлэл хийхдээ манай холбоог 14 тэрбум төгрөгийг аж ахуйн нэгжүүдээс авсан гэж ярьсан. Аж ахуйн нэгжүүдээс авсан мөнгө санд төвлөрч, замд зориулагддаг юм. Нүүрс худалдан авагч аж ахуйн нэгжүүд замын хураамж 120 сая төгрөгөө өгдөггүй болохоор яаж ч тооцсон 14 тэрбум төгрөг болохгүй.Үүнийг бид шүүх дээр нотолно. Зам тээврийн яамны санхүүгийн аудит нь Л.Халтар сайдыг мэдээлэл хийхээс хоёр хоногийн өмнө манай төслийн санхүүгийн нэгж дээр ажиллаад дүгнэлтээ гаргасан байдаг. Энэ дүгнэлт дээр хууль ёсны дагуу зарцуулсан байна гээд 75 оноо өгсөн байгаа. Гэтэл сайд өөрөө буруу тооцоолж маш өндөр дүнтэй тоо хэлж биднийг харлуулахыг оролдлоо.

Чойрын замын нүүрс тээврийг зогсоосноор хэсэг бүлэг хүмүүст л давуу байдал үүснэ.  Ийм байхад төрийн сайд нь нэг талыг барьсан шийдвэр гаргаад баймааргүй байна. Тээвэр зогссоноос үүдэлтэй  хохирлыг хэн барагдуулах вэ. Ажилгүй болсон, уурхай дээр байгаа 2000 жолоочоо шланзтай нь хот руу авчраад, сайдуудад шланзуудаа өгнө.


ТӨРИЙН ЭРГЭЖ, БУЦСАН ШИЙДВЭРЭЭС БОЛООД ТЭЭВЭРЧИД ХОХИРЧ БАЙНА

“Харгуйн тал транс” компанийн захирал Г.Пүрэвжав:
-Хятадууд нүүрс авъя гэж байхад бид дотооддоо хэрүүл маргаан гаргаж, нүүрс тээврийг гацаанд оруулаад байна. Нүүрс тээвэр нь улсын төсөвт өдөрт нэг сая орчим ам.долларын орлого оруулдаг. Экспортоо нэмэгдүүлье, дотоодын тээврээ дэмжье гэж ярьдаг  ч салбарын сайд нь бидний ажлыг гацаанд оруулаад байгаад бид үнэхээр харамсаж байна. Сайд ярихдаа тээвэрчдийн холбоо нь аж ахуйн нэгжүүдийг дарамталж мөнгө авдаг, нэг тонн тутамд 11 мянган төгрөг, аж ахуйн нэгж болгоноос 120 сая төгрөг авдаг гэж ярьсан. Аж ахуйн нэгж бид замаа сайжруулъя, экспортоо нэмэгдүүлье, орлогоо нэмэгдүүлье гэж хоорондоо ярилцаад замын хураамжийн 5000 төгрөгийг нэмэгдүүлэх саналыг Тээвэрчдийн холбоо болон санд тавьсан юм. Тиймээс аж ахуйн нэгжүүдэд дарамт шахалт үзүүлсэн гэдэг нь худал мэдээлэл. Асар их бэлтгэл ажил хийж ажиллаж эхэлсэн тээврийн үйл ажиллагаа төрийн бодлогын тогтворгүй байдлаас болоод 20 хүрэхгүй хоногийн дараа дахиад хаагдаж байна. Төрийн эргэж, буцсан шийдвэрээс болоод аж ахуйн нэгжүүд хохирч, тээвэрчид ажилгүй, орлогогүй болж байна.

 

Р. Ренчиндулам
 

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 9 цаг 17 минутын өмнө
    ​​​​​​​Хятадын нүүрсний нийт импорт өнгөрсөн арваннэгдүгээр сард 35.05 сая тоннд хүрсэн тухай тус улсын Гаалийн ерөнхий газар мэдээллээ. Нүүрсний импортын үзүүлэлт өмнөх оны мөн үед 11.67 сая тонн байсантай харьцуулахад гурав дахин, өнгөрсөн аравдугаар сард 26.94 сая тонн байсантай харьцуулахад 30.1%-иар тус тус өссөн байна. Ингэснээр Хятадын нүүрсний импорт он гарсаар хамгийн өндөр үзүүлэлтэд хүрлээ.
  • 12 цаг 51 минутын өмнө
    Баянхонгор аймагт хэрэгжүүлж буй Баян хөндий алтны үндсэн ордын төслийн Байгаль орчинд нөлөөлөх байдлын нарийвчилсан үнэлгээг БОАЖЯам баталсан тухай "Эрдэнэ Ресурс Девелопмент" компани (2021.12.07) мэдээллээ. Уг үнэлгээг “Eco Trade” ХХК дотоодын болон олон улсын стандартын дагуу боловсруулсан байна. Компанийн хувьд одоо бүтээн байгуулалтын бэлтгэл ажилдаа орох боломжтой боллоо.
  • Уржигдар 15 цаг 59 минутад
    Нүүрсний экспорт оны эхний 11 сарын байдлаар 15.2 сая тоннд хүрсэн нь өмнөх оны мөн үеийнхээс даруй 43.8%-иар буурсан боловч орлогын дүнгээр 2.6 тэрбум ам.доллартай дүйсэн нь мэдэгдэхүйц өсөлттэй байна. Ийнхүү нүүрсний экспортын орлого нэмэгдэх болсон нь зах зээл дэх үнийн өсөлттэй холбоотой. Сарын дүнгээр авч үзвэл өнгөрсөн арваннэгдүгээр сард манай улс 1.71 сая тонн нүүрс экспортолсон нь өнгөрсөн гуравдугаар сараас хойших хамгийн өндөр дүн боллоо.
  • Уржигдар 11 цаг 13 минутад
    “Build Mongolia 2022” үзэсгэлэн ирэх оны дөрөвдүгээр сарын 22-24-нд Улаанбаатар хотноо Буянт-Ухаа спортын ордонд хоёр дахь удаагаа зохион байгуулагдана. Үзэсгэлэнд дэлхийн улс орнуудын дэд бүтцийн салбар дахь шинэ шийдэл, дэвшилтэт технологи бүхий тоног төхөөрөмж, техникийг танилцуулна. Бүтээн байгуулалтын салбарын хамгийн шилдэг техник технологийг танилцуулахаар гадаадын болон дотоодын 100 гаруй аж ахуй нэгж оролцоно. Мөн үзэсгэлэнг зорин ирэх хөрөнгө оруулагч, ханган нийлүүлэгч нар болоод бусад зочдод Монголын барилга, уул уурхай, эрчим хүч, зам тээврийн салбарын мэдээллийг бүрэн хүргэх зорилгоор салбар тус бүрийн тухайн үеийн онцлог сэдвийг хөндсөн төрийн бодлогын хэлэлцүүлэг явуулна.
  • 2021-12-06 10:48
    Монгол, Францын хамтарсан “Бадрах энержи” компани Дорноговь аймгийн Улаанбадрах сумын нутаг дахь ураны Зөөвч-Овоо ордод 2021 оны долдугаар сараас үйлдвэрлэлийн туршилт хийж байна. “Бадрах энержи” компанийн Гүйцэтгэх захирал Марк Мелеардын хэлснээр  одоо өдөр­төө  25 кг уран олборлож байгаа ажээ. Үйлдвэрлэлийн туршилтыг 2022 оны эцэс хүртэл хийх бөгөөд энэ хугацаанд 20 гаруй тонн уран олборлох төлөвлөгөөтэй. Үйлдвэрлэлийн туршилтын үр дүнгээр нарийвчилсан ТЭЗҮ-д шаардлагатай өгөгдөл, мэдээллийг авахаас гадна техник, эдийн засгийн үндсэн үзүүлэлтүүлийг баталгаажуулна.