Монголын зэс, нүүрсний экспортын алдагдсан боломж 200 сая долларт хүрэв

2021-04-12 17:43


2021 оны эхний улирлын байдлаар манай улсын гадаад худалдааны нийт бараа эргэлт 3.52 тэрбум ам.долларт хүрсэн тухай Гаалийн ерөнхий газар мэдээллээ. Энэ нь өнгөрсөн оны мөн үеийнхээс 60.4%-иар өссөн дүн юм. Харин нийт гадаад худалдаанд экспорт 2 тэрбум ам.доллар, импорт 1.52 тэрбум ам.долларыг тус тус эзэлжээ. Тодруулбал эхний улиралд экспорт өмнөх оны мөн үеийнхээс 93.1%-иар, импорт 31.2%-иар тус тус өссөн байна.

Улсын нийт экспортын 89%-ийг эрдэс бүтээгдэхүүн эзэллээ. Тодруулбал, эрдсийн гадаад худалдаа дундаа орлогоор тэргүүлэгч нүүрсний экспорт оны эхний гурван сард 6.67 сая тонн, мөнгөн дүнгээр 689 сая ам.доллартай тэнцсэн байна. Энэ нь биет хэмжээгээр өнгөрсөн оны мөн үетэй харьцуулахад 113.7%, орлогын дүнгээр даруй 173%-иар өссөн үзүүлэлт юм.

Хэдийгээр өсөлттэй өөдрөг дүр зураг ажиглагдаж байгаа ч бодит байдал дээр 2020 оны хоёр, гуравдугаар сард манай улсын нүүрсний гол боомтууд бараг бүрэн хаалттай байсан үетэй харьцуулсан үзүүлэлт болохыг онцлоё.


 

Эх сурвалж: ГЕГ


Сарын дүнгээр, гуравдугаар сард Монгол Улс 2.14 сая тонн нүүрс экспортолжээ. Гэвч тухайн сарын хоёрдугаар хагасаас эхлэн манай улсын Гашуунсухайт боомтын нэвтрэлт илт удаашрах болсон. Энэ нь Хятадын талаас цар тахлаас урьдчилан сэргийлэх хүрээнд арга хэмжээ авсантай холбоотой. Ингэснээр өнгөрсөн сард манай улсын нүүрсний экспортын хэмжээ 3 сая тоннд хүрэн боломжоо алдсан юм. Доорх графикт сарын хоёрдугаар хагаст нүүрсний экспорт сарын эхний хагастайгаа харьцуулахад 45%-иар буурсныг харж болно.


 

Эх сурвалж: ҮСХ, ГЕГ


Зэсийн баяжмалын тухайд оны эхний улирлын байдлаар биетээр 316.3 мянган тонн, орлогын дүнгээр 621 сая ам.долларт хүрлээ. Энэ нь өмнөх оны мөн үеийнхээс жингээр 3.2%, орлогоор 76.9%-иар тус тус өссөнийг харуулна. Гэвч өнгөрсөн сард Оюутолгой уурхайд КОВИД-19-ийн батлагдсан тохиолдол илэрч сарын хоёрдугаар хагаст тээвэрлэлт зогссон. Улмаар гуравдугаар сард манай улс нийт 90.4 мянган тонн зэсийн баяжмал экспортолжээ. Тухайн сарын эхний хагаст нийт 62.6 мянган тонн, хоёрдугаар хагаст 27.8 мянган тонн баяжмал тус тус экспортолсон байна.  

Эх сурвалж: ҮСХ, ГЕГ
 
Мөнгөн дүнгээр авч үзвэл, өнгөрсөн сард хил нэвтрэлт мэдэгдэхүйц удааширсантай холбоотойгоор манай улс нүүрс, зэсийн баяжмалын экспортоос 200 сая ам.долларын орлого бүрдүүлэх боломжоо алдсан байна. Өөрөөр хэлбэл нүүрсний салбар 100 сая ам.доллар, зэсийн баяжмалын худалдаанаас мөн 100 сая ам.долларын экспортын боломжоо тус тус алджээ. 

Экспортын орлогын хэмжээгээр зэсийн баяжмалын ард төмрийн хүдэр бичигдэж байна. Төмрийн хүдрийн экспорт эхний улиралд жингээр 1.91 сая тонн, орлогоор 238.5 сая ам.долларт хүрлээ. Энэ нь жингээр өмнөх оны мөн үеийнхээс 7.24%-иар буурсан ч, үнийн дүнгээр 69%-иар өссөнийг илтгэнэ. 

Газрын тосны экспорт оны эхний улиралд биет болон орлогын дүнгээр 300 гаруй хувийн өсөлтийг харууллаа. Мөн хугацаанд цайрын хүдрийг эс тооцвол бусад эрдсийн экспортын орлого өсөлттэй гарлаа. 

Б.Төгс
 

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 13 цаг 20 минутын өмнө
    Төсөл санаачлагчийг төлөөлж, “Эрдэнэс-тавантолгой” ХК төслийн нийт санхүүжилтийн 30 хүртэлх хувийг санхүүжүүлэх, тендерт оролцогч үлдэгдэл санхүүжилтийг Засгийн газрын баталгааг үндэслэн өөрөө санхүүжүүлэх (EPC+F) хувилбар санал ирүүлэх олон улсын нээлттэй тендер сонгон шалгаруулалтыг энэ оны аравдугаар сарын 21-ний өдөр зарлаж, 90 хоногийн хугацаанд гүйцэтгэгчийг сонгон шалгаруулна.
  • 15 цаг 34 минутын өмнө
    “Баян зам” тээвэрчдийн холбооноос өнөөдөр /2021.10.20/ мэдээлэл хийж, Зам тээврийн хөгжлийн сайд Л.Халтарыг иргэдэд буруу мэдээлэл өгсөн гэх үндэслэлээр шүүхэд өгч байгаагаа мэдэгдлээ. Төрийн тогтворгүй үйл ажиллагаанаас үүдэн нүүрс тээврийн үйл ажиллагаа зогссон гэж үзээд тус холбооны 2000 тээвэрчдийг  шланзтай нь хотод авчирна гэлээ. “Баян зам” тээвэрчдийн холбооны Удирдах зөвлөлийн дарга П.Баярхүү: -Зам тээврийн хөгжлийн сайд Л.Халтар мэдээлэл хийхдээ хэд хэдэн баримтаар тээвэрчдийг, тээвэрчдийн холбоог гүжирдлээ. Тодруулбал, “Баянзүрх” тээвэрчдийн холбоо нь тээвэрчдийн эрх ашгийг хамгаалах ёстой атлаа бизнес хийж байна гэж ярьсан. Мөн энэ холбоонд 100 гаруй компани байдаг байтал 31 компани гэсэн. Холбоог замын хураамжаа өг, үгүй бол тээвэрт явуулахгүй гэж дарамталдаг гэлээ. Ийм буруу мэдээлэл хийж, нэр төрд халдсан гэх үндэслэлээр өнөөдөр /2021.10.20/ түүнийг шүүхэд өгч байна.
  • 15 цаг 51 минутын өмнө
    Лондоны металын бирж дээр өчигдөр (2021.10.19) нэг тонн зэсийн шууд худалдааны үнэ 7.2%-иар өсч 11299.5 ам.долларт хүрснээр шинэ дээд амжилт тогтоосон байна. Мөн Нью-Йоркийн түүхий эдийн бирж дээр 10572 ам.доллар/тонн-д хүрсэн нь тус биржийн түүхэн дэх хамгийн өндөр ханшаар тэмдэглэгдлээ. Хаалтын ханшийн тухайд Лондоны металын бирж дээр өчигдөр зэсийн шууд худалдааны үнэ 10652 ам.доллар/тонн, гурван сарын гэрээт үнэ 10270 ам.доллар/тонн-оор тогтжээ. Ханш өсөхөд зэсийн нийлүүлэлт буурч буй мэдээлэл нөлөөлсөн байна.
  • 17 цаг 44 минутын өмнө
    Уул уурхайн салбарын төрийн зохицуулалтын нэгэн хэлбэр болгон Уул уурхайн бүтээгдэхүүний биржийг байгуулахаар зэхэж байна. Холбогдох хуулийн төслийг УУХҮЯ цахим хуудастаа нийтлэн танилцуулжээ. Эрдэс баялгийн бирж хэмээн өмнөх хэлэлцүүлгүүдийн үеэр нэрлэж байсан боловч хуулийн танилцуулгад Уул уурхайн бүтээгдэхүүний бирж хэмээн нэрийг нь өөрчлөв. Уул уурхайн салбар нь Монгол Улсын эдийн засгийн зонхилох салбар болоод удаж байна. Сүүлийн 15 жилд уул уурхайн салбарын улсын төсөвт төвлөрүүлэх орлого тогтвортой нэмэгдсээр ирсэн. 2021 оны эхний долоон сарын гүйцэтгэлээр Монгол Улсын нэгдсэн төсвийн орлогын 32.5%-ийг бүрдүүлж байна. Уул уурхайн бүтээгдэхүүний биржийг байгуулах шаардлага, үндсэн зорилгыг улсын эдийн засагт үзүүлж байгаа салбарын үр өгөөжийг улам нэмэгдүүлэх, салбарын орлогыг ил тод болгох, уул уурхайн экспортын бүтээгдэхүүний стандартыг хангах юм.
  • Уржигдар 10 цаг 48 минутад
    Хөдөлмөрийн аюулгүй байдал, эрүүл ахуйн үндэсний тогтолцоог төгөлдөржүүлэх, хүний аюулгүй байдлын соёлыг нэмэгдүүлэхэд тодорхой хувь нэмэр оруулж буй “Нэн түрүүнд ХАБ” (Хөдөлмөрийн аюулгүй байдал) бага хурал нь “Аюулгүй байдал ба Ковид-19” уриан дор 2021 оны 10-р сарын 21, 22-ны өдрүүдэд цахимаар зохион байгуулагдах гэж байна.