Газрын тос боловсруулах үйлдвэрийг дэмжих тухай хууль батлагдав 

2021-01-29 11:02

Газрын тос боловсруулах үйлдвэрийг дэмжих тухай хуулийн төслийг (2021.01.20) өргөн мэдүүлсэн юм. Уг хуулийн төсөл нь Газрын тос боловсруулах үйлдвэрийг төлөвлөсөн хугацаанд багтаан барьж байгуулах, төслийн үйл ажиллагааг эрчимжүүлэх, төрөөс үзүүлэх дэмжлэгийг тодорхойлох, эрхзүйн зохицуулалтыг бий болгох зорилготой. Хуулийн төсөл батлагдсанаар хөрөнгө оруулалтын зардлыг богино хугацаанд нөхөж, БНЭУ-тай хийсэн зээлийн санхүүжилтийг хугацаанд нь эргэн төлөх боломж бүрдэх ач холбогдолтойг УИХ-ын чуулганы нэгдсэн хуралдаанаар (2021.01.22)Газрын тос боловсруулах үйлдвэрийг дэмжих тухай хуулийн төслийг хэлэлцэх эсэхийг хэлэлцэх үеэр УУХҮ-ийн сайд Г.Ёндон мэдэгдэв.

УИХ-ын чуулганы нэгдсэн хуралдаанаар (2021.01.28) Газрын тос боловсруулах үйлдвэрийг дэмжих тухай хуулийн төслийг хэлэлцсэн бөгөөд УИХ-ын гишүүн Н.Наранбаатар ҮББХ-ны санал дүгнэлтийг танилцууллаа. Газрын тос боловсруулах үйлдвэрийг дэмжих тухай хуулийн төслийн хэлэлцүүлгийг (2021.01.27) Үйлдвэржилтийн бодлогын байнгын хороо хийсэн байна. Хуулийн төслийг чуулганы болон байнгын хорооны хэлэлцүүлэгт бэлтгэх, санал дүгнэлт боловсруулах Ажлын хэсгийн зүгээс хуулийн төслийн хэлэлцүүлэгт бэлтгэх явцдаа зарчмын зөрүүтэй 13 санал, найруулгын 1 саналыг боловсруулж ҮББХ-оор хэлэлцэж дэмжжээ. 

Газрын тос боловсруулах үйлдвэрийн түүхий эдийг тогтвортой байлгах зорилгоор хайгуул, ашиглалтын үйл ажиллагаа явуулахад давуу эрх олгох асуудлыг Засгийн газар шийдвэрлэх, мөн үйлдвэрийн барилга угсралтад шаардагдах машин механизм, техник тоног төхөөрөмж, түүхий эд, бараа материалыг хилээр нэвтрүүлэхдээ гаалийн түргэвчилсэн бүрдүүлэлт хийх. Газрын тос боловсруулах үйлдвэр болон түүхий тос дамжуулах хоолойн ашиглалтын үйл ажиллагаанд шаардагдах олон улсын норм, стандартыг монгол хэлнээ орчуулж, бүртгүүлэх зэрэг асуудлыг багтаасан байна.

УИХ-ын чуулганы нэгдсэн хуралдаанаар хуулийн төслийг хэлэлцүүлж “Хуулийн нэгдүгээр зүйлийн 1.1-д хуулийн зорилт нь Дорноговь аймгийн Алтанширээ сумын нутаг дэвсгэрт дотоодын түүхий эдэд түшиглэсэн газрын тос боловсруулах төрийн өмчит үйлдвэр байгуулах болон түүхий тос дамжуулах хоолойд гарах үйл ажиллагаанд төрөөс дэмжлэг үзүүлэхтэй холбогдсон харилцааг зохицуулахад оршино” гэж өөрчлөн найруулах, үүнтэй холбоотойгоор төсөлд тусгагдсан нэр, томьёог “Газрын тос боловсруулах үйлдвэр” гэж жигдлэх саналыг нэгдсэн хуралдаанд оролцсон гишүүдийн 90% дэмжив. Ийнхүү төслийн талаарх найруулгын чанартай 4 саналаар санал хураалт явуулж шийдвэрлэжээ.

Хуулийн төсөлтэй холбогдуулан гишүүд асуулт асууж, санал хэлсэн байна. Тухайлбал,  УИХ-ын гишүүн Т.Энхтүвшин “Газрын тос боловсруулах үйлдвэрийг дэмжих тухай хуулийн төслийг дэмжиж байна. Монгол Улсын Засгийн газрын томоохон бүтээн байгуулалт, түлш шатахуун бол ямар ч улсын стратегийн чухал бүтээгдэхүүн байдаг. Нефть боловсруулах үйлдвэрийн дагалдах дэд бүтцийн ажил 2 жилийн хугацаанд хийсэн байна. (27 км салаа төмөр зам, 17.5 км хүнд даацын авто зам, орон сууц, 18.2 км цахилгаан дамжуулах  агаарын шугам зэргийг бариж ашиглалтад оруулсан юм) Удахгүй Энэтхэгийн талаас хоолой татах, ус татах төхөөрөмжөө оруулж ирэх гэж байна. Тиймээс бид хууль, эрх зүйн орчныг бүрдүүлэх шаардлагатай” гэлээ. Хуулийн төсөлд найруулгын шинжтэй саналын томьёоллоор санал хураалт явуулсан ба эцсийн хэлэлцүүлэгт бэлтгэхээр ҮББХ-нд шилжүүлсэн. 

Тэгвэл ҮББХ эцсийн хэлэлцүүлгийг хийж УИХ-ын нэгдсэн чуулганаар (2021.01.29) хэлэлцэж, санал хураалт явуулж олонх гишүүд дэмжсэнээр хууль батлагдав.

Мөн байнгын хорооноос Газрын тосны тухай хуульд нэмэлт оруулах тухай, Барилгын тухай хуульд нэмэлт оруулах тухай хуулийг төслүүдийг доорх шалтгаанаар нэмэлт өөрчлөлт оруулах шаардлага үүссэн байна.

1. Хуулийн төсөлд ажлын хэсэг болон байнгын хорооны гишүүдээс гаргасан зарчмын зөрүүтэй саналууд болох төслийн 5.1 болон 5.2 дах хэсгүүд дэмжигдсэнтэй холбогдуулан Газрын тос боловсруулах төрийн өмчит үйлдвэр болон түүхий тос дамжуулах хоолой тэдгээрийн үндсэн технологийн ба дагалдах, туслах байгууламжийн зураг төслийг боловсруулах, баталгаажуулах, барилгын ажилд ашиглах олон улсын норм, дүрэм, стандарт, барилгын ажлын зөвшөөрөл олгохтой холбогдсон зохицуулалтыг Барилгын тухай хуульд нэмж оруулах,

2. Хуулийн төслийн 6.4, 6.5, 6.6 дах хэсэгт ажлын хэсэг болон байнгын хорооны гишүүдээс гаргасан зарчмын зөрүүтэй саналууд дэмжигдсэнтэй холбоотойгоор газрын тос боловсруулах төрийн өмчит үйлдвэрт Засгийн газраас давуу эрхээр талбай олгох, тус талбайд газрын тосны хайгуул, ашиглалтын үйл ажиллагаа явуулахтай холбогдсон харилцааг зохицуулах шаардлагаар Газрын тосны тухай хуульд нэмэлт оруулах тухай хуулийн төслүүдийг тус тус шинээр боловсруулж хуулиудыг эцэслэн баталсан тухай УИХ-ын Хэвлэл, мэдээлэл, олон нийтийн харилцах хэлтсээс мэдээлэв.
 

Л.Номинцэцэг 

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 13 цаг 35 минутын өмнө
    Төсөл санаачлагчийг төлөөлж, “Эрдэнэс-тавантолгой” ХК төслийн нийт санхүүжилтийн 30 хүртэлх хувийг санхүүжүүлэх, тендерт оролцогч үлдэгдэл санхүүжилтийг Засгийн газрын баталгааг үндэслэн өөрөө санхүүжүүлэх (EPC+F) хувилбар санал ирүүлэх олон улсын нээлттэй тендер сонгон шалгаруулалтыг энэ оны аравдугаар сарын 21-ний өдөр зарлаж, 90 хоногийн хугацаанд гүйцэтгэгчийг сонгон шалгаруулна.
  • 15 цаг 49 минутын өмнө
    “Баян зам” тээвэрчдийн холбооноос өнөөдөр /2021.10.20/ мэдээлэл хийж, Зам тээврийн хөгжлийн сайд Л.Халтарыг иргэдэд буруу мэдээлэл өгсөн гэх үндэслэлээр шүүхэд өгч байгаагаа мэдэгдлээ. Төрийн тогтворгүй үйл ажиллагаанаас үүдэн нүүрс тээврийн үйл ажиллагаа зогссон гэж үзээд тус холбооны 2000 тээвэрчдийг  шланзтай нь хотод авчирна гэлээ. “Баян зам” тээвэрчдийн холбооны Удирдах зөвлөлийн дарга П.Баярхүү: -Зам тээврийн хөгжлийн сайд Л.Халтар мэдээлэл хийхдээ хэд хэдэн баримтаар тээвэрчдийг, тээвэрчдийн холбоог гүжирдлээ. Тодруулбал, “Баянзүрх” тээвэрчдийн холбоо нь тээвэрчдийн эрх ашгийг хамгаалах ёстой атлаа бизнес хийж байна гэж ярьсан. Мөн энэ холбоонд 100 гаруй компани байдаг байтал 31 компани гэсэн. Холбоог замын хураамжаа өг, үгүй бол тээвэрт явуулахгүй гэж дарамталдаг гэлээ. Ийм буруу мэдээлэл хийж, нэр төрд халдсан гэх үндэслэлээр өнөөдөр /2021.10.20/ түүнийг шүүхэд өгч байна.
  • 16 цаг 6 минутын өмнө
    Лондоны металын бирж дээр өчигдөр (2021.10.19) нэг тонн зэсийн шууд худалдааны үнэ 7.2%-иар өсч 11299.5 ам.долларт хүрснээр шинэ дээд амжилт тогтоосон байна. Мөн Нью-Йоркийн түүхий эдийн бирж дээр 10572 ам.доллар/тонн-д хүрсэн нь тус биржийн түүхэн дэх хамгийн өндөр ханшаар тэмдэглэгдлээ. Хаалтын ханшийн тухайд Лондоны металын бирж дээр өчигдөр зэсийн шууд худалдааны үнэ 10652 ам.доллар/тонн, гурван сарын гэрээт үнэ 10270 ам.доллар/тонн-оор тогтжээ. Ханш өсөхөд зэсийн нийлүүлэлт буурч буй мэдээлэл нөлөөлсөн байна.
  • 17 цаг 59 минутын өмнө
    Уул уурхайн салбарын төрийн зохицуулалтын нэгэн хэлбэр болгон Уул уурхайн бүтээгдэхүүний биржийг байгуулахаар зэхэж байна. Холбогдох хуулийн төслийг УУХҮЯ цахим хуудастаа нийтлэн танилцуулжээ. Эрдэс баялгийн бирж хэмээн өмнөх хэлэлцүүлгүүдийн үеэр нэрлэж байсан боловч хуулийн танилцуулгад Уул уурхайн бүтээгдэхүүний бирж хэмээн нэрийг нь өөрчлөв. Уул уурхайн салбар нь Монгол Улсын эдийн засгийн зонхилох салбар болоод удаж байна. Сүүлийн 15 жилд уул уурхайн салбарын улсын төсөвт төвлөрүүлэх орлого тогтвортой нэмэгдсээр ирсэн. 2021 оны эхний долоон сарын гүйцэтгэлээр Монгол Улсын нэгдсэн төсвийн орлогын 32.5%-ийг бүрдүүлж байна. Уул уурхайн бүтээгдэхүүний биржийг байгуулах шаардлага, үндсэн зорилгыг улсын эдийн засагт үзүүлж байгаа салбарын үр өгөөжийг улам нэмэгдүүлэх, салбарын орлогыг ил тод болгох, уул уурхайн экспортын бүтээгдэхүүний стандартыг хангах юм.
  • Уржигдар 10 цаг 48 минутад
    Хөдөлмөрийн аюулгүй байдал, эрүүл ахуйн үндэсний тогтолцоог төгөлдөржүүлэх, хүний аюулгүй байдлын соёлыг нэмэгдүүлэхэд тодорхой хувь нэмэр оруулж буй “Нэн түрүүнд ХАБ” (Хөдөлмөрийн аюулгүй байдал) бага хурал нь “Аюулгүй байдал ба Ковид-19” уриан дор 2021 оны 10-р сарын 21, 22-ны өдрүүдэд цахимаар зохион байгуулагдах гэж байна.