Далд уурхайн зардлын эцсийн тооцооллыг танилцууллаа

2020-12-17 12:38

Оюутолгой төслийг хэрэгжүүлэгч “Рио Тинто” компани төслийн өргөтгөл шат буюу далд уурхайн санхүүжилт болон тогтвортой үйлдвэрлэл эхлэх хуваарийн нарийвчилсан тооцооллыг (2020.12.16) танилцуулжээ. Ингэснээр далд уурхайн ашиглалтад орох хугацаа 2022 оны аравдугаар сард тохиох нь тодорхой болж байна. Цар тахлын одоо мэдэгдэж буй болон цаашид гарч болзошгүй нөлөөллийг энэхүү тооцоололд оруулсныг компани онцолжээ.

Оюутолгой төслийн 66%-ийг эзэмшдэг “Туркойз Хилл Ресурс”-ийн гуравдугаар улирлын тайланд танилцуулснаар төслийн ашиглалтад орох хугацаа 2022 оны аравдугаар сараас 2023 оны зургадугаар сарын хооронд тохиох дүр зурагтай байсан юм. Өөрөөр хэлбэл ашиглалтад орох хугацааг хамгийн эрт байдлаар тооцоолжээ. Тодруулбал 2022 оны аравдугаар сард “Хюго Дамметын хойд бүсийн Лифт/Давхарга 1”-ийн Панел 0 хэсгийн олборлолт жигд горимоор эхлэхээр байна. Харин Панел 1, Панел 2 хэсгүүдийн олборлолтын талаарх судалгааг ирэх оны дунд үе гэхэд эцэслэн боловсруулахаар ажиллаж байгаа ажээ. Далд уурхайг бүрэн хүчин чадлаар нь ажиллуулах үед өдөрт 95 мянган тонн хүдэр гүний уурхайгаас олборлох юм.

“Рио Тинто”-ийн тооцоолсноор, “Хюго Дамметын хойд бүсийн Лифт/Давхарга 1” ашиглалтад оруулах нийт зардал 6.75 тэрбум ам.доллар ба анх тооцоолсон 5.3 тэрбум ам.долларын зардал дээр 1.4 тэрбум гаруй ам.доллар нэмэгдэх дүн гарсан байна. Өмнө нь далд уурхайн нийт өртөг 6.6-7.1 тэрбум ам.долларын хооронд хэлбэлзэх төлөвтэйг Туркойз Хилл танилцуулсан.  

“Рио Тинто”-ийн Зэс, очир эрдэнийн группийн Гүйцэтгэх захирал Арнауд Суарат “Бид одоо Оюутолгойн хамгийн баялаг хэсэг болох далд уурхайг олборлолтын шатанд хүргэхээр ажиллаж байна. Төслийг урагшлуулах ажлуудын шаардлагатай зөвшөөрлүүдийг авах, эрчим хүч, санхүүжилтийн шийдэлд хүрэх чиглэлд Засгийн газар, “Туркойз Хилл Ресурс” компанитай хамтран ажиллах болно” гэж мэдэгджээ.

Оюутолгой төсөлд одоогийн байдлаар ил болон далд уурхайд нийтдээ 11 тэрбум ам.долларын хөрөнгө оруулалт хийсний 4 тэрбум ам.долларыг гүний уурхайн төсөлд зарцуулжээ.

Далд уурхай ашиглалтад орсноос хойш 2028-2036 онд жил бүр дунджаар (цэвэр металын агуулгаар) 480 мянган тонн зэс олборлох юм. Энэ нь 2019 онд олборлолт 146.3 мянган тонн зэс байсантай харьцуулахад 228%-иар өндөр дүн болно. Ийнхүү олборлолт нэмэгдэх нь далд уурхайн хүдрийн агуулга ил уурхайнхтай харьцуулахад 3 дахин өндөр байгаатай холбоотойг “Рио Тинто” тайлбарлажээ. 2030  он гэхэд Оюутолгой уурхай нь дэлхийн зэсийн дөрөв дэх том уурхай болох төлөвтэй байгааг компани тэмдэглэлээ.

Оюутолгой төслийн хяналтын багцыг эзэмшдэг “Туркойз Хилл Ресурс” компанийн 50.8%-ийг “Рио Тинто” эзэмшдэг. Иймд Оюутолгой төслийн 33.5%-ийг “Рио Тинто” нь шууд бусаар эзэмшдэг бөгөөд 2010 оноос хойш төслийн менежментийг хариуцаж байна.

Ил уурхайн олборлолт 2013 онд эхэлснээс хойш нийт 240 гаруй сая тонн хүдрийг баяжуулах үйлдвэрт боловсруулж, нэг сая гаруй тонн зэс борлуулжээ.

Б. Төгс

 

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 2 цаг 40 минутын өмнө
    Ковид-ийн  халдварыг Монгол Улс дотооддоо алдсан нь  эдийн засгийн засгийн гол  тулгуур  болсон  уул уурхайн салбарыг  ч  маш эмзэг байдалд оруулаад байна. Салбарыг хэвийн горимоор ажиллуулахын тулд  ашигт малтмалын экспортын гол бүс нутаг Өмнөговь аймагт  Засгийн газар бүхий л анхаарлаа хандуулан ажиллаж байгаа юм. Засгийн газрын 183 дугаар тогтоолоор “Ногоон бүс”, мөн Засгийн газрын 64 дүгээр тэмдэглэлээр “Аюулгүйн бүс”-ийг байгуулан цар тахлын эрсдэлээс хамгаалах, урьдчилан сэргийлэх зорилгоор тодорхой орд газруудад халдвар хамгааллын дэглэмийг чанд сахиулах ажлыг Уул уурхай, хүнд үйлдвэрийн яам  удирдаж, салбарын дэд сайд О.Батнайрамдалаар ахлуулсан Ажлын хэсэг  уул уурхайн бүсэд    томилолтоор ажиллалаа.
  • Уржигдар 16 цаг 43 минутад
    “Европын Холбооны хар жагсаалт” гэж нэрлэгддэг мөнгө угаах, терроризмыг санхүүжүүлэхтэй тэмцэх стратегийн дутагдалтай, өндөр эрсдэлтэй гуравдагч улс орнуудын жагсаалтаас Монгол Улсыг хассан тогтоолыг Европын Холбооны “Official Journal of the European Union” сэтгүүлд (2021.01.18) нийтэлжээ.  Энэхүү тогтоол нь тус сэтгүүлд нийтлэгдсэнээс хойш 20 дахь хоногоос эхлэн хүчин төгөлдөр мөрдөгдөх аж.  Монгол Улсыг 2019 онд Санхүүгийн хориг арга хэмжээ авах байгууллага (ФАТФ)-ын мөнгө угаах, терроризмыг санхүүжүүлэхтэй тэмцэх стратегийн дутагдалтай улс орнуудын жагсаалт буюу саарал жагсаалтад орсонтой холбогдуулан (2020.10.01) Европын Холбооны өндөр эрсдэлтэй гуравдагч улс орнуудын жагсаалтад оруулсан юм.
  • Уржигдар 16 цаг 39 минутад
    Монгол Улсын Засгийн газрын гишүүн, Шадар сайд Я.Содбаатар Газрын тос боловсруулах үйлдвэрийг дэмжих тухай хуулийн төслийг (2021.01.20) УИХ-ын дарга Г.Занданшатарт өргөн мэдүүлэв. Газрын тос боловсруулах үйлдвэрийн бүтээн байгуулалтын ажилд тулгамдаж буй асуудлуудыг ҮАБЗ-ийн (2020.07.17) хуралдаанаар хэлэлцэж, газрын тос боловсруулах үйлдвэрийн бүтээн байгуулалтын ажлыг эрчимжүүлэх зорилгоор Газрын тос боловсруулах үйлдвэрийг дэмжих бие даасан хуулийн төслийг боловсруулж батлуулахыг Засгийн газарт даалгасан юм. Энэ дагуу 7 зүйл бүхий хуулийн төслийг боловсруулсан байна. Хуульд заасан харилцааг “Газрын тос боловсруулах үйлдвэрийг дэмжих, төрөөс үзүүлэх үйлчилгээг хялбаршуулах горим”-ын тухай журмаар нарийвчлан зохицуулахаар тусгажээ.
  • 2021-01-19 14:27
    Монгол Улсад газрын тосны салбар үүсч хөгжсөний 80 жил, газрын тосны инженер бэлтгэж эхэлсний 25 жилийн ой энэ жил тохиож байна. Уг ойг угтан  салбарын яам Ажлын хэсэг байгуулан ажиллаж эхлээд байгаа бөгөөд тодорхой ажлуудыг хийхээр төлөвлөжээ. Хэдхэн хоногийн өмнө   салбарын яамны зүгээс газрын тосны ашиглалт, олборлолт, экспортын үйл ажиллагаа эрхэлдэг шилдэг компаниудыг тодруулан өргөмжилсөн. Тэгвэл энэ сарын 21-нд ШУТИС-ийн Геологи, уул уурхайн сургуулиас “Газрын тос 2020” эрдэм шинжилгээ, онол практикийн XXVI хурлыг зохион байгуулахаар болжээ.
  • 2021-01-18 11:38
    Дэлхий дахины амьдралын хэмнэл орвонгоороо өөрчлөгдөж, хүн төрөлхтний хөгжил олон сорилттой тулгарсан  2020 он улирч байна. Ирээдүйд асар их үр дагавар дагуулах олон үйл явдлын эхлэл тавигдсан энэ оныг  халдварт вирусын хамт дэлхий нийт угтсан юм. Коронавирус  дэгдсэнээр  улс орнууд хорио цээрийн дэглэмд  шилжиж, эдийн засаг, худалдаа үйлдвэрлэл, аялал жуулчлал, ложистик, зар сурталчилгаа, спорт, соёл урлагийн гээд бүхий л салбар асар их алдагдал хүлээж байна.  Сорилт, бэрхшээл Монголыг ч тойроогүй. Цар тахлын бодит аюултай нүүр тулсан улс орнуудын иргэдээ хамгаалсан, эдийн засгаа идэвхжүүлсэн туршлага бүр Монгол Улсыг алдаа гаргахаас сэргийлж, оновчтой бодлого хэрэгжүүлэх зүг чиг болох учиртай.