БНАКонго улсын кобальт олборлолтод хүний эрх зөрчигдөж байна

2020-09-18 17:13

“Дэлхийн эдийн засгийн чуулган”-аас (World Economic Forum /WEF/) Бүгд Найрамдах Ардчилсан Конго улс дахь кобальтын олборлолтод хөдөлмөрийн нөхцөл, хүний эрхийг сайжруулах шаардлагатай тухай “Уул уурхайг аюулгүй, шударга болгох нь: БНАКонго дахь гар аргаар кобальт олборлолт” тайлан гаргажээ.

Кобальт нь цахилгаан машин болон ухаалаг гар утас, зөөврийн компьютерын зай хураагуурын үйлдвэрлэлд үндсэн чухал түүхий эд болдог.

Энэхүү тайланд дурдсанаар дэлхийн кобальтын хэрэглээ 2030 он гэхэд одоогийнхоос 4 дахин нэмэгдэх хандлагатай ажээ. Одоогийн байдлаар дэлхийн нийт кобальтийн нийлүүлэлтийн 70% нь БНАКонго улсад ногдож байна. Харин тус улсын нийт олборлолтын 30 хүртэлх хувь нь бичил уурхайгаас эх үүсвэртэй юм. Гэвч Конго дахь кобальтын бичил уурхайнуудад хөдөлмөрийн аюулгүй байдал, хөдөлмөрийн шударга үнэлэмж орхигдох байдал түгээмэл байна. Ийм нөхцөлд дэлхийн кобальтийн нийлүүлэлтийн сүлжээнд олборлолтыг хариуцлагатай болгоход бэрхшээл учрах нь гарцаагүй юм.

Цаашид кобальт олборлодог бичил уурхайнуудыг албажуулснаар уурхайчдын хөдөлмөрийн нөхцөл, цалин хөлсийг нэмэгдүүлэх, хүүхэд ажиллуулдаг байдлыг таслан зогсоох гол арга зам болохыг тайланд онцолжээ. Нөгөөтэйгүүр, энэ нь тухайн уурхайн бүтээмжийг нэмэгдүүлж, орлого өсөх давхар давуу талтай.  

WEF нь БНАКонго улсаас кобальт олборлодог компаниудад, тус улсын хууль тогтоомжид нийцүүлсэн хөдөлмөрийн стандартыг боловсруулж, түүнийг мөрдөх тухай зөвлөмж гаргажээ.

Одоогоор тус улсад кобальтийн бичил уурхайн үйл ажиллагааг албажуулах гурван төсөл хэрэгжиж байна. Хэдий бичил уурхайн нөхцөл хүнд хэцүү болов ч бичил уурхай нь нутгийн иргэдийн амьжиргаагаа залгуулдаг гол ажил юм.

БНАКонго улс нь Африк тивийн төв хэсэгт оршдог бөгөөд нийт 86.7 сая хүн амтай. Өнгөрсөн оны байдлаар тус улсын ДНБ 48.9 тэрбум ам.доллартай тэнцсэн байна. Гэвч нэг хүнд оногдох ДНБ нь 564 ам.доллар аж. Боловсрол, эрүүл мэндийн чиглэлд хөрөнгө оруулалт дутмаг, хүнсний аюулгүй байдал, өлсгөлөн зэрэг тулгамдсан асуудал бий.

Ухаалаг утасны томоохон үйлдвэрлэгчид Apple, SamsungLG, Sony, Microsoft, автомашин үйлдвэрлэгч Mercedes, Volkswagen зэрэг компанийг Конго улсаас хүүхдийн хөдөлмөрийн мөлжлөгөөр олборлосон кобальт авдаг байж болзошгүй гэж 2016 онд Англид төвтэй “Эмнести Интернэшнл” байгууллага анхааруулж байсан юм.

Кобальт нь стратегийн асар чухал эдээр нэрлэгддэг. Гэхдээ тухайн түүхий эдийг хариуцлагатай зарчмаар олборлож гэмээнэ нь жинхэнэ “ногоон хөгжлийн” метал болох юм.  

Тус улсад төрийн өмчийн кобальт олборлолтын “Gecamines” компаниас гадна “Гленкор”China MolybdenumFleuretteFreeport Cobalt” болон бусад компани кобальт олборлолтын чиглэлд ажиллаж байна.  

Цар тахлаас үүдэн 2020 он болон ирэх онд Конго улсын эдийн засагт бууралт тохиох төлөвтэй байгаа юм. Тус улсад орших “Гленкор” компанийн эзэмшлийн зэс болон кобальтын уурхай Mutanda ойрын жилүүдэд хаагдахаар байгаа ч “Айвенхоу Майнз” компани нь зэсийн үлэмж орд Камоа-Какула-ыг ашиглалтад оруулахаар ажиллаж байна.

Б.Төгс

 

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • Уржигдар 16 цаг 34 минутад
    Үндэстэн дамнасан уул уурхайн худалдааны “Glencore” групп нь зэсийн “Mopani” төслийн 90%-ийн эзэмшлээ Замби улсад эргүүлэн өгөх буюу төрийн өмчит ZCCM компанид худалдах “бэлгэ тэмдгийн” гэрээ байгуулжээ. Харин үүний хариуд ZCCM компани нь “Glencore”-ийн 1.5 тэрбум ам.долларын өрийг төлж барагдуулахаар болсон байна. Албан ёсоор, “Glencore” группын 81.2%-ийн эзэмшилтэй “Carlisa Investments” корпорацид “Mopani” төслийн  90%, үлдсэн 10% нь ZCCM компанийх байсан юм.
  • Уржигдар 16 цаг 33 минутад
    QMX Gold” (TSX-V: QMX) компанийг 132 сая канад доллараар (105 сая ам.доллар) худалдан авах тухайгаа Канадын “Eldorado Gold” (TSX: ELD) (NYSE: EGO) корпораци мэдээлжээ.Энэхүү худалдан авалтын үр дүнд алтны “Lamaque” ордын олборлолтын талбай өргөжиж, үйлдвэрлэл нэмэгдэнэ гэдгийг “Eldorado Gold”-ийн Гүйцэтгэх захирал Жорж Бернс мэдэгдсэн байна. Учир нь тус корпорацийн Канад дахь ганц төсөл “Lamaque” ордтой зэрэгцээ “QMX Gold” компанийн тусгай зөвшөөрлийн талбайнууд байршилтай аж.
  • Уржигдар 11 цаг 49 минутад
    Ковид-ийн  халдварыг Монгол Улс дотооддоо алдсан нь  эдийн засгийн засгийн гол  тулгуур  болсон  уул уурхайн салбарыг  ч  маш эмзэг байдалд оруулаад байна. Салбарыг хэвийн горимоор ажиллуулахын тулд  ашигт малтмалын экспортын гол бүс нутаг Өмнөговь аймагт  Засгийн газар бүхий л анхаарлаа хандуулан ажиллаж байгаа юм. Засгийн газрын 183 дугаар тогтоолоор “Ногоон бүс”, мөн Засгийн газрын 64 дүгээр тэмдэглэлээр “Аюулгүйн бүс”-ийг байгуулан цар тахлын эрсдэлээс хамгаалах, урьдчилан сэргийлэх зорилгоор тодорхой орд газруудад халдвар хамгааллын дэглэмийг чанд сахиулах ажлыг Уул уурхай, хүнд үйлдвэрийн яам  удирдаж, салбарын дэд сайд О.Батнайрамдалаар ахлуулсан Ажлын хэсэг  уул уурхайн бүсэд    томилолтоор ажиллалаа.
  • 2021-01-20 16:43
    “Европын Холбооны хар жагсаалт” гэж нэрлэгддэг мөнгө угаах, терроризмыг санхүүжүүлэхтэй тэмцэх стратегийн дутагдалтай, өндөр эрсдэлтэй гуравдагч улс орнуудын жагсаалтаас Монгол Улсыг хассан тогтоолыг Европын Холбооны “Official Journal of the European Union” сэтгүүлд (2021.01.18) нийтэлжээ.  Энэхүү тогтоол нь тус сэтгүүлд нийтлэгдсэнээс хойш 20 дахь хоногоос эхлэн хүчин төгөлдөр мөрдөгдөх аж.  Монгол Улсыг 2019 онд Санхүүгийн хориг арга хэмжээ авах байгууллага (ФАТФ)-ын мөнгө угаах, терроризмыг санхүүжүүлэхтэй тэмцэх стратегийн дутагдалтай улс орнуудын жагсаалт буюу саарал жагсаалтад орсонтой холбогдуулан (2020.10.01) Европын Холбооны өндөр эрсдэлтэй гуравдагч улс орнуудын жагсаалтад оруулсан юм.
  • 2021-01-20 16:39
    Монгол Улсын Засгийн газрын гишүүн, Шадар сайд Я.Содбаатар Газрын тос боловсруулах үйлдвэрийг дэмжих тухай хуулийн төслийг (2021.01.20) УИХ-ын дарга Г.Занданшатарт өргөн мэдүүлэв. Газрын тос боловсруулах үйлдвэрийн бүтээн байгуулалтын ажилд тулгамдаж буй асуудлуудыг ҮАБЗ-ийн (2020.07.17) хуралдаанаар хэлэлцэж, газрын тос боловсруулах үйлдвэрийн бүтээн байгуулалтын ажлыг эрчимжүүлэх зорилгоор Газрын тос боловсруулах үйлдвэрийг дэмжих бие даасан хуулийн төслийг боловсруулж батлуулахыг Засгийн газарт даалгасан юм. Энэ дагуу 7 зүйл бүхий хуулийн төслийг боловсруулсан байна. Хуульд заасан харилцааг “Газрын тос боловсруулах үйлдвэрийг дэмжих, төрөөс үзүүлэх үйлчилгээг хялбаршуулах горим”-ын тухай журмаар нарийвчлан зохицуулахаар тусгажээ.