“Колмар” компани шинээр баяжуулах үйлдвэр, нүүрсний терминал ашиглалт орууллаа

2020-09-11 14:27

Оросын коксжих нүүрсний экспортод төвлөрч буй “Колмар” компани өнөөдөр (2020.09.11) Ванино боомтод нүүрсний шинэ терминалаа нээж байна. “Ванинотрансуголь“ терминал нь Ванино боомтоос 8 км зайд байршдаг бөгөөд жилд 12 сая тонн нүүрс нэвтрүүлэх хүчин чадалтай. 2023 он гэхэд терминалыг бүрэн хүчин чадалд буюу 24 сая тоннд хүргэж Оросын нүүрсний тэргүүлэх таван терминалын нэг болгохоор зорьжээ. Терминал байгуулахад нийт хөрөнгө оруулалт 40 тэрбум рублиэр үнэлэгдэж байна.

Тэгвэл “Колмар” компани нь өчигдөр (2020.09.10) баяжуулах үйлдвэрийн 6 сая тонн хүчин чадалтай эхний ээлжийг ашиглалтад оруулсан юм. Үйлдвэрийн хоёрдугаар ээлжийг 2022 онд ашиглалтад оруулна гэдгийг нээлтийн ёслол дээр Ерөнхий захирал Артем Левин мэдэгдсэн байна. Ингэснээр жилд 12 сая тонн хүчин чадалд хүрч Оросын нүүрсний хамгийн өндөр хүчин чадалтай Уулын Баяжуулах Үйлдвэрт (УБҮ) тооцогдох аж. Хоёр модуль бүхий баяжуулах үйлдвэрийг байгуулах нийт хөрөнгө оруулалт 85 тэрбум рубль бөгөөд үүнээс 25 тэрбумыг зарцуулжээ. Уг төслийг Хятадын AVIC корпорацитай хамтран хэрэгжүүлж байгаа юм.

Нүүрсний терминал болоод баяжуулах үйлдвэрийн эхний ээлжийг 2020 оны тавдугаар сард ашиглалтад оруулахаар төлөвлөж байсан ч коронавирусын нөхцөл байдлын улмаас ийн хойшлуулжээ.

Тус компани өнгөрсөн оны дөрөвдүгээр сард Өмнөд Якутын Нюренгийн бүсэд 6 сая тонн нүүрс баяжуулах хүчин чадалтай “Денисовская” үйлдвэрээ ашиглалт оруулсан юм. Энэхүү  үйлдвэрийг байгуулахад 15 тэрбум рублийн хөрөнгө оруулсан байна.

“Колмар” компани Инаглинский болоод Денисковский уурхайнуудыг эзэмшиж байна. Хоёр уурхайн нийт нүүрсний нөөц 1.5 тэрбум тонн ба 1 тэрбум нь коксжих нүүрс юм. 2018 онд 6.5 сая тонн нүүрс олборлосон бол 2019 онд 8.5 сая тонн болж нэмэгдүүлжээ. Компанийн стратегийн зорилтоор 2022 онд нүүрсний олборлолтын хэмжээг 22 сая тоннд хүргэх аж. Компанийн хувьд Ази-Номхон далайн орнуудад коксжих нүүрсний экспортоо нэмэгдүүлэхэд анхаарч байгаа юм. Тус компани дотоодын зах зээлд хүрэн нүүрс нийлүүлдэг бол коксжих нүүрсийг Хятад болон Японы зах зээлд экспортолж байна. Экспортын 75%-ийг Хятадад нийлүүлдэг.

Экспортоо нэмэгдүүлэх зорилтын дагуу Өмнөд Якутын нутгаас нүүрсээ төмөр замаар тээвэрлэх гэрээг РЖД компанитай 2018 оны арваннэгдүгээр сард байгуулсан юм. 2020 он гарснаар дэлхий дахинд COVID-19 цар тахал дэгдсэн хэдий ч Орос улсын хувьд Хятад руу нүүрсний экспортоо 3%-иар нэмэгдүүлж чаджээ.

Оны эхний долоон сарын байдлаар тус улсын нүүрсний экспорт тасралтгүй өссөөр байна. Өнгөрсөн онд 190 гаруй сая тонн нүүрс экспортолсноос 27 сая тонн нь коксжих нүүрс юм. Энэ оны сарын дүнгээр Оросын коксжих нүүрсний экспорт хэмжээ Монголынхтой эн тэнцүү байгаа юм. Тухайлбал, www.sxcoal.com мэдээлдээр, өнгөрсөн зургаадугаар сард тус улс 2.56 сая тонн коксжих нүүрс Хятад руу экспортолжээ.  

Э.Од

 

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 16 цаг 38 минутын өмнө
    Хурлын эхний хэлэлцүүлэг “Хөрөнгө оруулалтын орчныг сайжруулах нь: Хуулийн томоохон өөрчлөлтүүд ба ил тод байдал” сэдвээр өрнөлөө. Хэлэлцүүлэгт Уул уурхай, хүнд үйлдвэрийн сайд Г.Ёндон “Хайгуулын үйл ажиллагааг эрчимжүүлж, ашигт малтмалын боловсруулалтын түвшинг нэмэгдүүлэх, орон нутгийн иргэдэд уул уурхайн боловсрол олгох чиглэлд идэвхтэй ажиллах болно. Мөн УИХ-ын намрын чуулганаар Ашигт малтмалын тухай хууль, Газрын тосны тухай хууль болон бусад холбогдох хуульд өөрчлөлт оруулах төслийг УИХ-д өргөн барина” гэдгээ илэрхийллээ. Эдгээр хуулийн өөрчлөлтөөр салбарын хуулиудын уялдаа холбоог сайжруулж, давхардал, хийдлийг нэг мөр шийдвэрлэж, эргээд хөрөнгө оруулагч нарт таатай орчин бүрдэнэ гэж сайд үзэж байна.
  • Уржигдар 10 цаг 44 минутад
    Монгол Улсын төсвийн жилийн орлогын 20 гаруй хувийг дангаар  бүрдүүлдэг уул уурхайн салбарын үйл ажиллагааны үр дүн нь улсын үйлдвэрлэл, эдийн засаг, нийгэмд бодитой, жинтэй, тогтвортой байдлаар эерэг нөлөөлөл үзүүлдэг. Тэр нь үйлдвэрлэлийн бүтэц, гадаад худалдааны тэнцэл, улсын нэгдсэн төсөв,  санхүү,  хэрэглээний үнэ, төгрөгийн ханш, хүн амын амьжиргаа, нутагшилт суурьшилд шууд хамааралтай боллоо.  2019 оны эцсийн байдлаар манай улсын дотоодын нийт бүтээгдэхүүний (ДНБ) хэмжээ 36897.6 тэрбум төгрөгт хүрсний дотор уул уурхайн олборлох салбарын бүтээгдэхүүний хэмжээ 8779.2 тэрбум төгрөг буюу 23.8%, аж үйлдвэрийн бүтээгдэхүүний (АҮБ) 73%, экспортын 90 орчим хувийг эзэлж байна.
  • 2020-10-28 11:30
    Дэлхий дахинд дэгдсэн цар тахлын нөлөөгөөр сүүлийн 100 жилд байгаагүй эдийн засгийн хямрал тохиож байна. Нийт улс орны 90%-д эдийн засаг удааширч, 70%-д нь эдийн засаг агшжээ. Мөн адил Монгол Улсын ДНБ 9.7%-иар буурсан нь эхний хагас жилийн үзүүлэлт юм. Эдийн засгийн идэвхжлийг дагаад эрэлтийн инфляци нам доор түвшин байгаа бөгөөд 2020 оны наймдугаар сарын байдлаар 1.7% болж буурсан байна. Энэ нь иргэдийн орлого, худалдан авах чадвараас шууд хамааралтай. Дэлхийн зах зээлд газрын тосны үнэ буурснаар дотоодын шатахууны үнэ 300 орчим төгрөгөөр хямдарсан нь нийлүүлэлтээс хамаарах инфляцад чухал нөлөөтэй. Жилийн хоёрдугаар хагаст хөл хорио аажим суларч, экспорт нэмэгдэж, эрэлт алгуур өсөх хандлагатай болжээ. Тиймээс 2020 оны гүйцэтгэлээр инфляци 3.2% хүрэх төсөөллийг Монголбанк гаргасан байна.
  • 2020-10-26 10:30
    Оюутолгой төслийн далд уурхайн бүтээн байгуулалт ид дундаа хэрэгжиж байгаа энэ үед тус компани 2020 оны шинэчилсэн ТЭЗҮ-ээ боловсруулж дууссан тухай долдугаар сард зарласан. Оюутолгой төслийн 66%-ийг эзэмшдэг “Туркойз Хилл Ресурс” компанийн цахим хуудсанд (2020.08.28) Оюутолгойн 2020 оны техникийн тайланг нийтэлсэн байна. Уг тайланг “AMC Consultants” болон “Туркойз Хилл Ресурс” компани хамтран боловсруулжээ. Уг тайланг бэлтгэхэд Оюутолгойн 2020 оны шинэчилсэн техник, эдийн засгийн үндэслэл (ТЭЗҮ) болон бусад холбогдох судалгаа тайланг ашиглажээ. Нэг үгээр техникийн тайлангаас Оюутолгой төслийн үйл ажиллагааны зураглалыг хамгийн сүүлийн үеийн байдлаар харж болно гэсэн үг. Гэхдээ энэ тайланд цар тахлын нөлөөллийг оруулаагүй болохыг Туркойз Хилл онцолсон. 
  • 2020-10-24 12:30
    Санхүүгийн хориг арга хэмжээ авах байгууллага (ФАТФ)-ын 2020 оны аравдугаар сарын 23-ны өдөр зохион байгуулагдсан чуулганаар Монгол Улсыг ФАТФ-ын саарал жагсаалт буюу мөнгө угаах, терроризмыг санхүүжүүлэхтэй тэмцэх стратегийн дутагдалтай улс орнуудын жагсаалтаас гаргах талаар хэлэлцлээ. Уг чуулганд 130 гаруй улс орон болон олон улсын байгууллагын төлөөлөгчид оролцож, ФАТФ-ын Ерөнхийлөгч Доктор Маркус Плейер удирдаж явуулав. Монгол Улсыг ФАТФ-ын саарал жагсаалтаас гаргах асуудлыг хуралд оролцсон төлөөлөгчид санал нэгтэйгээр дэмжлээ.