“Говийн ус – Ногоон хөгжил”-ийн асуудлаар Өмнөговь аймагт чуулж байна

2020-09-10 14:41

Говийн усны асуудлуудыг шийдвэрлэх боломж, шинжлэх ухааны үндэслэлтэй үр дүн гаргах, иргэдийн дуу хоолойг дамжуулах зорилготой “Говийн ус- Ногоон хөгжил” эрдэм шинжилгээний инновацийн анхдугаар чуулган Өмнөговь аймгийн Даланзадгад хотноо болж байна. Чуулганыг нээж Өмнөговь аймгийн Иргэдийн Төлөөлөгчдийн Хурлын төлөөлөгч Ч.Жаргалсайхан “2017 онд Гадаргын усыг алсын зайнд дамжуулах усан цогцолборын төсөл хэрэгжүүлэх шийдэлд хүрсэн ч шийдвэр болж биеллээ олоогүй хэвээр байна. Улсын эдийн засагт их нөлөө үзүүлж байгаа уул уурхайг бүрэн хүчин чадлаар нь ачаалахад усны хангамж нэн чухалд тооцогддог. Говийн бүсийн усны асуудлын гарц шийдэл олохоор уг чуулганыг зохион байгуулахаар болсон юм” гэдгийг хэлсэн үгэндээ тэмдэглэлээ.

Монгол Улсын Ерөнхийлөгч Х.Баттулга “Усны нөөц, түүний ашиглалтын асуудал дэлхий дахины асуудал боллоо. 2021 оноос эхлэн 20 жилийн хугацаанд хур бороо татрах үе явагдаж дэлхийн уур амьсгалын дулаарал ихээр мэдэгдэхийг эрдэмтэн, судлаачид анхааруулж байна. Усны хомсдол бүхий говийн бүсийн гадаргын усыг хуримлуулан дамжуулах төсөл ажлуудыг эрчимжүүлэх, уул уурхайн компаниуд үйл ажиллагаандаа гүний усыг ашиглахыг хориглох, гадаргын усны хэрэглээг 67 хувь хүртэл нэмэгдүүлэх, Ус үндэсний хөтөлбөрийн хэрэгжилтийг дэмжих ажлуудыг хийхээ илэрхийлсэн” илгээлтээ усны асуудал хариуцсан зөвлөх Ц.Сосорбарамаар чуулганд оролцогчдод уламжлав.

Эрдэм шинжилгээ инновацийн чуулганы хөтөлбөрийн дагуу, усны асуудлаар өмнөх жилүүдэд авч хэрэгжүүлсэн бодлого болоод үр дүн, уул уурхайн бүс нутаг дах усны асуудлууд илтгэлийг Өмнөговь аймгийн ИТХ-ийн төлөөлөгчид, говийн усны тулгамдсан асуудлууд ба хэрэгжих боломжтой төслүүдийн талаар Ерөнхийлөгчийн усны асуудал хариуцсан зөвлөх доктор Ц.Сосорбарам нар танилцууллаа.

Уг чуулганыг ШУТИС, “Говийн ус ногоон хөгжил” ТББ, “Монголын ус түншлэл” ТББ, Өмнөговь аймгийн ИТХ хамтран зохион байгуулж байгаа юм. Чуулганд Өмнөговь аймгийн иргэдийн төлөөлөл, усны салбарын мэргэжилтнүүд болон уул уурхай үйлдвэрлэлийн компаниудын төлөөллүүд оролцож байна.

Уул уурхайн үйлдвэрлэл хурдацтай өсч улс орны эдийн засаг тэлэх томоохон хүчин зүйл болоод байгаа билээ. Уул уурхайн түүхий эдийг боловсруулах үйлдвэр олшрохын хэрээр нэмүү өртгийг эх орондоо шингээж, ажлын байр нэмэгдүүлэх олон талын ач холбогдолтой. Гэвч уул уурхайн бүс нутаг цөлжих, усны нөөц багасах асуудал тулгарч байна. Тиймээс говийн бүсийн усны нөөцийг нэмэгдүүлэх, гадаргын усыг хуримтлуулж урсцын тохируулга хийх замаар усны нөөц багатай бүс нутаг руу дамжуулах, усыг дахин ашиглах, ус хэмнэх шинэ дэвшилтэт технологи нэвтрүүлэх, хур борооны усыг хуримтлуулж нуур цөөрөм барих аргуудыг судлан шинэлэг санааг дэвшүүлэх, гарц шийдлийг тодорхойлох, улсын бодлогын хэмжээнд авч үзэх нь чухал юм.

Л.Номинцэцэг (Өмнөговь аймаг Даланзадгад хот)
 
 

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 16 цаг 12 минутын өмнө
    Хурлын эхний хэлэлцүүлэг “Хөрөнгө оруулалтын орчныг сайжруулах нь: Хуулийн томоохон өөрчлөлтүүд ба ил тод байдал” сэдвээр өрнөлөө. Хэлэлцүүлэгт Уул уурхай, хүнд үйлдвэрийн сайд Г.Ёндон “Хайгуулын үйл ажиллагааг эрчимжүүлж, ашигт малтмалын боловсруулалтын түвшинг нэмэгдүүлэх, орон нутгийн иргэдэд уул уурхайн боловсрол олгох чиглэлд идэвхтэй ажиллах болно. Мөн УИХ-ын намрын чуулганаар Ашигт малтмалын тухай хууль, Газрын тосны тухай хууль болон бусад холбогдох хуульд өөрчлөлт оруулах төслийг УИХ-д өргөн барина” гэдгээ илэрхийллээ. Эдгээр хуулийн өөрчлөлтөөр салбарын хуулиудын уялдаа холбоог сайжруулж, давхардал, хийдлийг нэг мөр шийдвэрлэж, эргээд хөрөнгө оруулагч нарт таатай орчин бүрдэнэ гэж сайд үзэж байна.
  • Уржигдар 10 цаг 44 минутад
    Монгол Улсын төсвийн жилийн орлогын 20 гаруй хувийг дангаар  бүрдүүлдэг уул уурхайн салбарын үйл ажиллагааны үр дүн нь улсын үйлдвэрлэл, эдийн засаг, нийгэмд бодитой, жинтэй, тогтвортой байдлаар эерэг нөлөөлөл үзүүлдэг. Тэр нь үйлдвэрлэлийн бүтэц, гадаад худалдааны тэнцэл, улсын нэгдсэн төсөв,  санхүү,  хэрэглээний үнэ, төгрөгийн ханш, хүн амын амьжиргаа, нутагшилт суурьшилд шууд хамааралтай боллоо.  2019 оны эцсийн байдлаар манай улсын дотоодын нийт бүтээгдэхүүний (ДНБ) хэмжээ 36897.6 тэрбум төгрөгт хүрсний дотор уул уурхайн олборлох салбарын бүтээгдэхүүний хэмжээ 8779.2 тэрбум төгрөг буюу 23.8%, аж үйлдвэрийн бүтээгдэхүүний (АҮБ) 73%, экспортын 90 орчим хувийг эзэлж байна.
  • 2020-10-28 11:30
    Дэлхий дахинд дэгдсэн цар тахлын нөлөөгөөр сүүлийн 100 жилд байгаагүй эдийн засгийн хямрал тохиож байна. Нийт улс орны 90%-д эдийн засаг удааширч, 70%-д нь эдийн засаг агшжээ. Мөн адил Монгол Улсын ДНБ 9.7%-иар буурсан нь эхний хагас жилийн үзүүлэлт юм. Эдийн засгийн идэвхжлийг дагаад эрэлтийн инфляци нам доор түвшин байгаа бөгөөд 2020 оны наймдугаар сарын байдлаар 1.7% болж буурсан байна. Энэ нь иргэдийн орлого, худалдан авах чадвараас шууд хамааралтай. Дэлхийн зах зээлд газрын тосны үнэ буурснаар дотоодын шатахууны үнэ 300 орчим төгрөгөөр хямдарсан нь нийлүүлэлтээс хамаарах инфляцад чухал нөлөөтэй. Жилийн хоёрдугаар хагаст хөл хорио аажим суларч, экспорт нэмэгдэж, эрэлт алгуур өсөх хандлагатай болжээ. Тиймээс 2020 оны гүйцэтгэлээр инфляци 3.2% хүрэх төсөөллийг Монголбанк гаргасан байна.
  • 2020-10-26 10:30
    Оюутолгой төслийн далд уурхайн бүтээн байгуулалт ид дундаа хэрэгжиж байгаа энэ үед тус компани 2020 оны шинэчилсэн ТЭЗҮ-ээ боловсруулж дууссан тухай долдугаар сард зарласан. Оюутолгой төслийн 66%-ийг эзэмшдэг “Туркойз Хилл Ресурс” компанийн цахим хуудсанд (2020.08.28) Оюутолгойн 2020 оны техникийн тайланг нийтэлсэн байна. Уг тайланг “AMC Consultants” болон “Туркойз Хилл Ресурс” компани хамтран боловсруулжээ. Уг тайланг бэлтгэхэд Оюутолгойн 2020 оны шинэчилсэн техник, эдийн засгийн үндэслэл (ТЭЗҮ) болон бусад холбогдох судалгаа тайланг ашиглажээ. Нэг үгээр техникийн тайлангаас Оюутолгой төслийн үйл ажиллагааны зураглалыг хамгийн сүүлийн үеийн байдлаар харж болно гэсэн үг. Гэхдээ энэ тайланд цар тахлын нөлөөллийг оруулаагүй болохыг Туркойз Хилл онцолсон. 
  • 2020-10-24 12:30
    Санхүүгийн хориг арга хэмжээ авах байгууллага (ФАТФ)-ын 2020 оны аравдугаар сарын 23-ны өдөр зохион байгуулагдсан чуулганаар Монгол Улсыг ФАТФ-ын саарал жагсаалт буюу мөнгө угаах, терроризмыг санхүүжүүлэхтэй тэмцэх стратегийн дутагдалтай улс орнуудын жагсаалтаас гаргах талаар хэлэлцлээ. Уг чуулганд 130 гаруй улс орон болон олон улсын байгууллагын төлөөлөгчид оролцож, ФАТФ-ын Ерөнхийлөгч Доктор Маркус Плейер удирдаж явуулав. Монгол Улсыг ФАТФ-ын саарал жагсаалтаас гаргах асуудлыг хуралд оролцсон төлөөлөгчид санал нэгтэйгээр дэмжлээ.