“Говийн ус-Ногоон хөгжил” анхдугаар чуулган болно

2020-09-04 12:04


Говь нутагт уул уурхайн үйлдвэрлэл эрчимтэй хөгжиж эхэлсэн тэр цагаас усны нөөцийн асуудал чухлаар тавигдаж, орон нутгийн иргэдийн зүгээс ч дуу хоолойгоо хүчтэй илэрхийлж ирсэн. 2025 он гэхэд говь нутагт усны хомсдол нүүрлэж, уул уурхай байтугай жирийн иргэдийн амьдралд хүндрэлтэй зүйлүүд тулгарч болзошгүй байгааг салбарын эрдэмтэд анхааруулдаг. Монгол орны усны нөөцийн 80%-ийг гадаргын ус, 20%-ийг газрын доорх ус эзэлдэг. Тиймээс хамгийн бага нөөцтэй гүний усаа уул уурхайд хайр гамгүй ашиглаж, ирээдүйд усгүй болох эрсдлийг бий болгож байгаа хэмээн тэд байр сууриа илэрхийлсээр байна.

Энэ бүхнийг нэг цэгт төвлөрүүлж, гарц  шийдэл хайх зорилгоор “Говийн ус-Ногоон хөгжил” эрдэм шинжилгээ, инновацийн анхдугаар чуулганыг Өмнөговь аймгийн ИТХ дахь АН-ын бүлэг санаачлан зохион байгуулахаар болжээ. Есдүгээр сарын 10-нд Даланзадгад хотноо “Шинэ спорт” цогцолборт болох тус чуулганд усны салбарын мэргэшсэн эрдэмтэн судлаачид, аймгийн Иргэдийн төлөөлөгчдийн хурлын төлөөлөгчид оролцож, олон чухал илтгэл тавихаар төлөвлөсөн байна.

Чуулганы хөтөлбөрийн дагуу Өмнөговь аймгийн ИТХ-ын төлөөлөгч Ч.Жаргалсайхан хуралдааныг нээж үг хэлэх бөгөөд Монгол Улсын Ерөнхийлөгч Х.Баттулга, УИХ-ын гишүүн Д.Бат-Эрдэнэ нарын илгээлтийг танилцуулна гэдгийг зохион байгуулагчид тодотголоо. Өмнөговь аймгийн Засаг даргын үүрэг гүйцэтгэгч С.Мөнхбаяр чуулганд оролцогчдод хандан баяр хүргэж үг хэлснээр салбарын судлаач, эрдэмтдийн илтгэлүүд тавигдах аж.

Өмнөговь аймгийн ИТХ-ын төлөөлөгч Р.Сэддорж “Өмнөх жилүүдэд усны асуудлаар авч хэрэгжүүлсэн бодлого, үр дүн” сэдвээр эхний илтгэлийг  тавьж хэлэлцүүлэх юм. Уул уурхайн ус ашиглалтын талаар  тус аймгийн ИТХ-ын төлөөлөгч Л.Батчулуун “Уул уурхайн бүс нутаг дахь усны хэрэгцээ, тулгамдсан асуудал” илтгэлийг танилцуулахаар бэлтгэжээ. Мөн “Говийн хөдөө аж ахуй, мал аж ахуйн усны хангамж, эрүүл ахуй, өнөөгийн байдал” сэдвээр Даланзадгад сумын 6-р багийн Засаг дарга Б.Дэндэвсамба, “Хот суурин газрын усны хангамж, эрүүл ахуй, өнөөгийн байдал” сэдвээр Даланзадгад сумын 6 дугаар багийн Засаг дарга Ц.Дэнээдорж нар сонирхолтой илтгэл тавина хэмээн чуулганыг зохион байгуулагчид онцолсон.

Гадаргын усыг говь руу татаж, уул уурхайн үйлдвэрлэлийн хэрэгцээг хангах асуудлаар олон жил яригдаж байгаа. Тэгвэл Усны агентлагийн дарга Ш.Мягмар “Төрийн усны бодлого ба “Хөх морь” төслийн танилцуулгыг хийх аж. Түүнчлэн доктор Ц.Сосорбарам ”Говийн усны тулгамдсан асуудлууд ба хэрэгжих боломжтой төсөл” хөтөлбөрүүд,  усны салбарын нэртэй эрдэмтдийн нэг Н.Жадамбаа “Говийн усны нөөц, гидрогеологийн зураглал”, Д.Басандорж “Саарал усны технологи, ус цэвэрлэгээний инновацийн технологи”-ийн талаар танилцуулах аж.

“Монголд хамгийн чухал хувилбар бол хангайн бүсэд усаа хуримтлуулж, говийн бүсийн усан хангамжийг сэлбэн, уул уурхайн үйлдвэрлэлд ашиглах. Энэ нь эдийн засагт хамгийн ашигтай. Учир нь, гадаргын ус 14 хоногийн дотор сэргээгддэг. Газрын доорх ус 10 мянган жилээс цааш хугацаанд нөхөн сэргээгддэг учраас  усны асуудал нь  Монгол Улсын хөгжлийн тэргүүн зэргийн асуудал юм” хэмээн доктор Ц.Сосорбарам байр сууриа илэрхийлжээ. 

“Говийн эрчим хүчний ирээдүй” сэдэв чуулганы үндсэн илтгэлүүдийн нэг байх болно хэмээн чуулганы зохион байгуулагчид тодотгов. Энэ талаар доктор Д.Пүрэвбаяр илтгэхээр бэлтгэжээ.  Төгсгөлд нь, чуулганаас гарах шийдвэрийг танилцуулах аж.

Чуулганыг  хамтран зохион байгуулагчаар “Говийн ус-Ногоон хөгжил” ТББ, “Монголын усны түншлэл” ТББ, “Нүхэн жорлонгүй ногоон хот” ТББ ажиллаж байгаа юм.

Г.Идэрхангай

 

 

 

 

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 2 цаг 25 минутын өмнө
    Ковид-ийн  халдварыг Монгол Улс дотооддоо алдсан нь  эдийн засгийн засгийн гол  тулгуур  болсон  уул уурхайн салбарыг  ч  маш эмзэг байдалд оруулаад байна. Салбарыг хэвийн горимоор ажиллуулахын тулд  ашигт малтмалын экспортын гол бүс нутаг Өмнөговь аймагт  Засгийн газар бүхий л анхаарлаа хандуулан ажиллаж байгаа юм. Засгийн газрын 183 дугаар тогтоолоор “Ногоон бүс”, мөн Засгийн газрын 64 дүгээр тэмдэглэлээр “Аюулгүйн бүс”-ийг байгуулан цар тахлын эрсдэлээс хамгаалах, урьдчилан сэргийлэх зорилгоор тодорхой орд газруудад халдвар хамгааллын дэглэмийг чанд сахиулах ажлыг Уул уурхай, хүнд үйлдвэрийн яам  удирдаж, салбарын дэд сайд О.Батнайрамдалаар ахлуулсан Ажлын хэсэг  уул уурхайн бүсэд    томилолтоор ажиллалаа.
  • Уржигдар 16 цаг 43 минутад
    “Европын Холбооны хар жагсаалт” гэж нэрлэгддэг мөнгө угаах, терроризмыг санхүүжүүлэхтэй тэмцэх стратегийн дутагдалтай, өндөр эрсдэлтэй гуравдагч улс орнуудын жагсаалтаас Монгол Улсыг хассан тогтоолыг Европын Холбооны “Official Journal of the European Union” сэтгүүлд (2021.01.18) нийтэлжээ.  Энэхүү тогтоол нь тус сэтгүүлд нийтлэгдсэнээс хойш 20 дахь хоногоос эхлэн хүчин төгөлдөр мөрдөгдөх аж.  Монгол Улсыг 2019 онд Санхүүгийн хориг арга хэмжээ авах байгууллага (ФАТФ)-ын мөнгө угаах, терроризмыг санхүүжүүлэхтэй тэмцэх стратегийн дутагдалтай улс орнуудын жагсаалт буюу саарал жагсаалтад орсонтой холбогдуулан (2020.10.01) Европын Холбооны өндөр эрсдэлтэй гуравдагч улс орнуудын жагсаалтад оруулсан юм.
  • Уржигдар 16 цаг 39 минутад
    Монгол Улсын Засгийн газрын гишүүн, Шадар сайд Я.Содбаатар Газрын тос боловсруулах үйлдвэрийг дэмжих тухай хуулийн төслийг (2021.01.20) УИХ-ын дарга Г.Занданшатарт өргөн мэдүүлэв. Газрын тос боловсруулах үйлдвэрийн бүтээн байгуулалтын ажилд тулгамдаж буй асуудлуудыг ҮАБЗ-ийн (2020.07.17) хуралдаанаар хэлэлцэж, газрын тос боловсруулах үйлдвэрийн бүтээн байгуулалтын ажлыг эрчимжүүлэх зорилгоор Газрын тос боловсруулах үйлдвэрийг дэмжих бие даасан хуулийн төслийг боловсруулж батлуулахыг Засгийн газарт даалгасан юм. Энэ дагуу 7 зүйл бүхий хуулийн төслийг боловсруулсан байна. Хуульд заасан харилцааг “Газрын тос боловсруулах үйлдвэрийг дэмжих, төрөөс үзүүлэх үйлчилгээг хялбаршуулах горим”-ын тухай журмаар нарийвчлан зохицуулахаар тусгажээ.
  • 2021-01-19 14:27
    Монгол Улсад газрын тосны салбар үүсч хөгжсөний 80 жил, газрын тосны инженер бэлтгэж эхэлсний 25 жилийн ой энэ жил тохиож байна. Уг ойг угтан  салбарын яам Ажлын хэсэг байгуулан ажиллаж эхлээд байгаа бөгөөд тодорхой ажлуудыг хийхээр төлөвлөжээ. Хэдхэн хоногийн өмнө   салбарын яамны зүгээс газрын тосны ашиглалт, олборлолт, экспортын үйл ажиллагаа эрхэлдэг шилдэг компаниудыг тодруулан өргөмжилсөн. Тэгвэл энэ сарын 21-нд ШУТИС-ийн Геологи, уул уурхайн сургуулиас “Газрын тос 2020” эрдэм шинжилгээ, онол практикийн XXVI хурлыг зохион байгуулахаар болжээ.
  • 2021-01-18 11:38
    Дэлхий дахины амьдралын хэмнэл орвонгоороо өөрчлөгдөж, хүн төрөлхтний хөгжил олон сорилттой тулгарсан  2020 он улирч байна. Ирээдүйд асар их үр дагавар дагуулах олон үйл явдлын эхлэл тавигдсан энэ оныг  халдварт вирусын хамт дэлхий нийт угтсан юм. Коронавирус  дэгдсэнээр  улс орнууд хорио цээрийн дэглэмд  шилжиж, эдийн засаг, худалдаа үйлдвэрлэл, аялал жуулчлал, ложистик, зар сурталчилгаа, спорт, соёл урлагийн гээд бүхий л салбар асар их алдагдал хүлээж байна.  Сорилт, бэрхшээл Монголыг ч тойроогүй. Цар тахлын бодит аюултай нүүр тулсан улс орнуудын иргэдээ хамгаалсан, эдийн засгаа идэвхжүүлсэн туршлага бүр Монгол Улсыг алдаа гаргахаас сэргийлж, оновчтой бодлого хэрэгжүүлэх зүг чиг болох учиртай.