“Шивээ-Овоо” ХК-ийн ТУЗ-ийн даргыг томиллоо

2020-05-01 11:06

“Шивээ-Овоо” ХК-ийн Төлөөлөн удирдах зөвлөлийн ээлжит хурал болж, нийт гишүүний олонхын саналаар ТУЗ-ийн даргаар “Эрдэнэс Монгол” ХХК-ийн Стратеги, төлөвлөлт хариуцсан дэд захирал Э.Дөлгөөнийг томилжээ. Тэрээр “Шивээ-Овоо” ХК-ийн удирдлагуудтай уулзаж, 2020 оны бизнес төлөвлөгөөний биелэлтийн явцтай танилцсан байна. Цаашид төвийн бүсийн эрчим хүчний нүүрсний хэрэглээний тодорхой хувийг хангадаг Шивээ-Овоогийн уурхайн хэвийн, найдвартай үйл ажиллагааг хангах хүрээнд техник, технологийн шинэчлэлийн ажлыг эрчимжүүлэх чиглэл өгчээ.

Өнөөдөр түлш эрчим хүчний үнийн төрийн хатуу зохицуулалтын улмаас эрчим хүчний компаниуд өрийн дарамтад орж хөрөнгө оруулалт, техник технологийн шинэчлэл хийх боломжгүй байдалд орсон. Үүнийг цаг алдалгүй шийдэх шаардлагатайг  “Шивээ-Овоо” ХК-ийн удирдлагууд ярьдаг. Тиймээс Эрчим хүчний тухай хуульд өөрчлөлт оруулах, түлш эрчим хүчний үнийн хатуу зохицуулалт, хяналтыг сулруулах зэрэг чиглэлээр тодорхой арга хэмжээ авах шаардлагатай байгаа юм.

Нүүрсний үнийн төрийн зохицуулалтаас гадна уурхайд төсвийн хөрөнгө оруулалт, татаас гэсэн 2 хэлбэрээр хөрөнгө оруулалтыг эрчимжүүлэх ёстой гэж компанийн удирдлага үздэг.  Үүнээс гадна компанийн зүгээс эрх зүй, татварын орчинтой холбоотой хэд хэдэн зүйлийг санал болгон дэвшүүлдэг. Тухайлбал, Монгол Улсын түлш, эрчим хүчний салбарын болон уул уурхайн бодлого зэрэг нэгдмэл бодлогын хүрээнд компанийн үйл ажиллагаа, компанийн хөгжлийн бодлого зохицуулагдаж урт хугацаатай хэрэгжиж байх шаардлага бий. Ингэж байж “Шивээ Овоо” компанийн үйл ажиллагаа илүү сайжрах боломжтой аж.

“Шивээ Овоо” ХК-ийн эрчим хүчний нүүрсний уурхайг түшиглүүлэн хэд хэдэн цахилгаан станцын төслийн судалгаа, тооцоо хийгдсээр байна. Тухайлбал, 200 МВт (320 сая ам.доллар)270 МВт (350-400 сая ам.доллар), 450 МВт  (1.1 тэрбум ам.доллар), 5280 МВт (6.6 тэрбум ам.доллар)-ын  хүчин чадалтай Цахилгаан станцын төслүүд хэрэгжиж байгаа юм. 2018 оны сүүлээр 270 МВт-ын хүчин чадалтай цахилгаан станцын төслийн нээлт болж, хамтын ажиллагааны гэрээнд гарын үсэг зурах ёслол болсон. Өмнөд  бүсийг эрчим хүчээр хангах томоохон төслийг БНСУ, АНУ, БНХАУ-ын хамтарсан мэргэжлийн компаниуд эхлүүлэх болжээ.  Шивээ Овоогийн нүүрсний ордыг түшиглэн цахилгаан станц байгуулах талаар үе үеийн Засгийн газар, УИХ дамжин яригдсан ч ажил хэрэг болж чадахгүй өдийг хүргэсэн. Харин энэ удаагийн төслийг төр засаг өргөн цар хүрээтэй бодлогоор дэмжвэл Шивээ Овоогийн уурхайд цахилгаан станц босгоход ямар ч саадгүй болох юм.

Одоогоор тус компани нүүрснээс газ, дизель түлш гаргаж авах төслүүдийг хэрэгжүүлэхээр судалгааны ажлууд явагдаж байна. Хүрэн нүүрснээс түлш гаргаж авах төсөл туршилтын шатандаа явж байгаа бөгөөд өртөг, боловсруулалт дээр шийдлээ сайжруулах шаардлага бий. Хэрэв хүрэн нүүрснээс дизель түлш гаргаж авбал дотоодын уул уурхайн компаниудад борлуулах боломж байгаа юм. 

 

Г.Идэр

 

Сэтгэгдэл байхгүй байна

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 17 цаг 54 минутын өмнө
    Орон нутгийн банкуудаас жижиг, дунд бизнест олгосон зээлийг худалдаж авах тухайгаа Хятадын Төв банк мэдэгджээ. COVID-19 цар тахлын хүндрэлийг даван туулахад жижиг, дунд бизнес эрхлэгчдийг дэмжих үүднээс банкууд 1 их наяд юань буюу 140 тэрбум ам.долларын нэмэлт зээл олгохоор тус улсын Засгийн газраас шийдвэрлэсэн байна. 2020 оны гуравдугаар сарын 1-нээс арванхоёрдугаар сарын 31-ныг хүртэл арилжааны болон хувийн банкуудаас жижиг, дунд бизнест олгох зээлийг Төв банк худалдан авахдаа 400 тэрбум юань буюу 56 тэрбум ам.доллар зарцуулах аж. Гэхдээ тухайн банкууд нэг жилийн дараа эргээд зээлүүдээ худалдан авах юм  байна.
  • 18 цаг 10 минутын өмнө
    Энэ долоо хоногийн даваа гаригт (2020.06.01) Даляны түүхий эдийн бирж дээр төмрийн хүдрийн фьючерс тонн тутамдаа 108.92 ам.долларт хүрч өсчээ. Энэ нь тус бирж 2013 оноос эхлэн төмрийн хүдэр арилжаалах болсноос хойших дээд амжилт болж байна. Өнгөрсөн гуравдугаар сараас Хятадын гангийн нөөц буурч тус улсын гангийн үйлдвэрлэл нэмэгдсэнээр түүхий эдийн эрэлт өсч, үүнийгээ дагаад үнэ нь ч дээшлэхэд нөлөөлжээ. Өнөөдрийн байдлаар Даляны түүхий эдийн бирж дээр төмрийн 62%-ийн агуулгатай баяжмал нэг тонн нь 102.5 ам.доллараар борлуулагдаж байна.
  • 19 цаг 20 минутын өмнө
    Монголын эдийн засаг, нийгмийн амьдрал улам хүндэрсээр байна. Оны өмнөхөн  улсын төсвөө өөдрөгөөр төсөөлж баталсан. Өнөөдөр асуудал тооцоолсноос өөрөөр эргэж, хямралд тэвдэцгээж байна. Та  нөхцөл байдлыг хэрхэн харж, дүгнэж байна вэ? Улсын төсвийг анх хэлэлцэж байхдаа л хэт өөдрөг төсөөлсөн зүйлүүд нэлээд харагдаж байсан. Наад зах нь аймгуудад хуваарилсан төсөв харилцан адилгүй. Говийн аймгуудад  нэлээд өндөр төсөв хуваарилсан. Татаас авдаг, орлогын түвшнээр доогуур эрэмбэлэгддэг аймгууд эсрэгээрээ бага төсөвтэй байх жишээтэй. Нөгөө талдаа, төсвийн орлогыг өөр өөрөөр төсөөлсөн. Тухайлбал нүүрсний экспортыг  энэ жил 42 сая тонноор тооцоолсон. 2019 оны төсөвт ингэж суулгаад хэмжээндээ хүргэж чадаагүй шүү дээ. Татвараар орж ирэх орлогуудыг  төсөвт мөн суулгасан.
  • 2020-05-29 14:56
    Монгол Улс Санхүүгийн хориг арга хэмжээ авах байгууллага (ФАТФ)-ын мөнгө угаах, терроризмыг санхүүжүүлэхтэй тэмцэх стратегийн дутагдалтай орнуудын жагсаалтад 2019 оны аравдугаар сард орсноор нийт 4 шууд хэрэгжилтийн зөвлөмж дээр 6 үүрэг даалгавар авсан. Монгол Улсын Засгийн газраас байгуулагдсан ажлын хэсэг, Үндэсний зөвлөл, Хамтын ажиллагааны зөвлөлийн гишүүн байгууллагууд, хувийн хэвшил болон мэргэжлийн холбоодын хамтарсан ажлын хэсгүүд ФАТФ-ын стратегийн дутагдалтай орнуудын жагсаалтаас гарах чиглэлээр эрчимтэй ажиллаж, төлөвлөгөөнд тусгасан ажлуудтай холбоотой тайланг ФАТФ-ын Ази, Номхон Далай бүс хариуцсан хамтарсан бүлэгт цаг тухайд нь хүргүүлж ажиллалаа.
  • 2020-05-25 13:53
    Цар тахлын тархалтаас урьдчилан сэргийлэх үүднээс Засгийн газраас хөл хорио тогтоох арга хэмжээ авч хэрэгжүүлж байна. Өвчний тархалтаас сэргийлэх талаар амжилттай боловч хөл хорионы сөрөг нөлөөнөөс уул уурхайн салбарын үйлдвэрлэл, экспорт буурах, худалдааны салбарын идэвх сулрах, аялал жуулчлал, тээвэр, үйлчилгээний салбар орлогогүй болоход хүрч, улмаар бусад салбаруудад нөлөөлж байна. Энэ  гинжин холбоогоор банкны салбарт ч тодорхойгүй байдал, эрсдэл, сөрөг нөлөөг үзүүлж байгаа. Монголбанкны судалгаагаар коронавирусын нөлөөлөлд 54 мянган зээлдэгчийн 3.5 их наяд төгрөгийн зээл өртөж байгаа гэсэн тооцоо бий. Манай улсын хувьд санхүүгийн зах зээлийн 90 орчим хувийг банкны систем бүрдүүлдэг. Иргэд, аж ахуйн нэгж хямралд өртөн орлогогүй болж, зээлээ эргэн төлөхөд хүндрэл үүссэнээр банкуудын өөрийн хөрөнгө, ашигт ажиллагаа буурч, эрсдэлийн сангаа нэмэгдүүлэх шаардлагатай тулгарна.