Эхний улиралд нүүрсний экспорт 61%, зэсийнх 30%-иар буурав

2020-04-10 16:27

Оны эхний улирлын байдлаар гадаад худалдааны нийт бараа эргэлт 2.2 тэрбум орчим ам.долларт хүрч өнгөрсөн оны мөн үеэс 860 сая ам.доллар буюу 28.1%-иар буурсан тухай Гаалийн ерөнхий газар мэдээллээ.

Тэр дундаа экспорт 1 тэрбум 36 орчим сая ам.доллартай тэнцсэн нь өнгөрсөн оны мөн үеийнхээс 41.5%-иар буурчээ. Импортын хувьд 1.16 тэрбум ам.доллартай тэнцсэн нь экспортын дүнгээс 125.8 сая ам.доллараар давж, гадаад худалдааны тэнцэл алдагдалтай гарлаа. Импортын хэмжээ өнгөрсөн оны мөн үетэй харьцуулахад 124.2 сая ам.доллараар буюу 9.7%-иар буурчээ.

Эхний улиралд улсын нийт экспортын 91%-ийг ашигт малтмалын түүхий эдийн экспорт бүрдүүлсэн байна. Энэ дундаа зэсийн баяжмалын экспорт улсын нийт экспортын 34%, нүүрс 24.4%, төмрийн хүдэр 13.6%-ийг тус тус эзлэв.

Зэсийн баяжмал эрдсийн экспортод орлогын дүнгээр нэгдүгээрт эрэмбэлэгдэж байгаа хэдий ч экспортын мөнгөн дүн нь эхний улиралд өнгөрсөн мөн үеийнхээс даруй 150 сая ам.доллараар буюу 30%-иар буурлаа. Энэ нь зэсийн баяжмалын экспортын биет хэмжээ оны эхний улирлын байдлаар 15%-иар буюу 55 мянган тонноор буурсантай холбоотой. Гуравдугаар сарын дунд үеэс эхлэн зах зээлд зэсийн ханшийн бууралт эрчимтэй явагдах болсон. Харин энэ долоо хоногоос эхлэн Лондоны металын бирж дээр зэсийн ханш бага зэрэг өсөх хандлагатай болж, 5000 ам.доллар/тонн-ын түвшинд хүрсэн байна. Катодын зэс буюу цэвэр зэсийн экспорт эхний улиралд 3082.5 тоннд хүрч 17.3 сая ам.доллартай тэнцсэн нь жингээр 35%, үнийн дүнгээр 26%-ийн өсөлтийг харууллаа.

Нүүрсний экспорт оны эхний улирлын байдлаар жингээр 3.12 сая тоннд хүрч үнийн дүнгээр 252 сая ам.доллартай тэнцлээ. Өмнөх оны мөн үетэй жишихэд нүүрсний экспорт жингээр 60%, үнийн дүнгийн хувьд 61%-иар тус тус буурсан гэсэн үг. Хэдийгээр гуравдугаар сарын 23-нд Гашуунсухайт боомт, үүнээс долоо хоногийн дараа Шивээхүрэн боомтын экспорт албан ёсоор эхэлсэн ч нүүрсний худалдаа мэдэгдэхүйц өсөлттэй гарсангүй. Өнгөрсөн хоёрдугаар сард манай улс 354.9 мянган тонн нүүрс экспортолсон бол гуравдугаар сард ердөө 341 мянган тонн нүүрс гадагш нь худалдаалж, 23.5 сая ам.долларын орлого олжээ. Энэ нь COVID-19-ийн нөлөөгөөр Монголын нүүрсний экспорт хэрхэн буурч байгааг тод харуулж байна. Зөвхөн оны эхний улирлын байдлаар манай улсын нүүрсний орлого өнгөрсөн оны мөн үетэй харьцуулахад 389 сая ам.доллараар буураад байгаа юм.

 

Гэхдээ төмрийн хүдрийн экспорт орлогын хувьд 32%-ийн өсөлттэй байна. Тодруулбал оны эхний улирлын байдлаар манай улс нийтдээ 2 сая 61 мянган тонн төмрийн хүдэр экспортолж, 141 сая ам.долларын орлого олжээ. Энэ нь жингийн хувьд ялимгүй бууралттай ч, орлогын дүн багагүй өссөнийг харуулна.

Цайр, молибден, жоншны хувьд экспортын орлого бүгд буурсан дүнтэйгээр оны эхний улирлыг өндөрлүүлж байна. Алтны экспортын тухайд хоёрдугаар сард 1.6 тонн үнэт метал гадагш нь худалдаалсан ч гуравдугаар сард нэмж экспортлоогүй байна. Гэхдээ Монголбанкны алт худалдан авалт оны эхний улиралд 3.6 тоннд хүрсэн.

Газрын тосны хувьд өнгөрсөн гуравдугаар сард 34.6 мянган баррель нефть экспортолж 785 мянган ам.долларын орлого олсон. Зогсонги байдалд ороод байсан газрын тосны экспорт сэргэж эхэлсэн ч оны эхний улирлын нийт дүнгээр авч үзвэл өмнөх оны мөн үеийнхээс 70 сая ам.доллараар буюу 80%-иар буурсан дүнтэй гарлаа.

2020 оны эхний улиралд экспортолсон ашигт малтмалын түүхий эдийг авч үзвэл газрын тос, төмрийн хүдэр, зэсийн баяжмал болон цайрын баяжмалыг 100%, чулуун нүүрсний 96.3%-ийг БНХАУ-д нийлүүлсэн байна. Харин экспортолсон жоншны 71.5%-ийг БНХАУ-д, 27.5%-ийг ОХУ-д, алтны тухайд 60%-ийг Их Британи руу, үлдсэнийг Швейцар руу нийлүүлжээ.

Эрдсийн экспорт

(2020.03.31-ний байдлаар)

Экспортын эрдэс бүтээгдэхүүн

Нэгж

Биет хэмжээ

Өсөлт бууралт 2020.03/

2019.03(%)

Орлого

(сая ам.доллар)

Өсөлт бууралт 2020.03/

2019.03(%)

Зэсийн баяжмал

мян.тн

306.6

-15%

351.2

-30.3%

Нүүрс

мян.тн

3,121.6

-60%

252.4

-61%

Төмрийн хүдэр

мян.тн

2,061.8

-0.5%

141.1

+32.4%

Алт

тн

1.6

-67%

80.4

-59%

Цайрын хүдэр, баяжмал

мян.тн

36.9

-16%

48.3

-23%

Жоншны хүдэр, баяжмал

мян.тн

137.1

+24%

35.3

-13%

Газрын тос

мян.бар

322.3

-80%

17.7

-79.8%

Цэвэр зэс

мян.тн

3.08

+35%

17.3

+26.5%

Молибденийн баяжмал

мян.тн

1.55

+11%

11.2

-6%

Б.Төгс

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 15 цаг 7 минутын өмнө
    Монголбанкны алт худалдан авалт 2019 онд 15.2 тонн болж буурсан ч  он гарсаар есдүгээр сарын 22-ны байдлаар 15 тоннд хүрээд байна. Энэ онд алт худалдан авалт 2018 оны хэмжээнд хүрэх эсвэл давах хүлээлттэй байгаа юм. Өнгөрсөн 2018 онд төв банкны алт худалдан авалт 22 тонн хүрч дээд амжилт тогтоосон. Харин нүүрсний экспорт долдугаар сараас эхлэн өсч цаашид тогтворжих хандлагатай байна. Монголын эдийн засаг оны эхний хагаст маш хүнд байдлыг даван туулсан бол долдугаар сараас эхлэн эерэг өөрчлөлтүүд ажиглагдаж эхэлсэн байна. Энэ тухай Монголбанк (2020.09.23) “Ханшийн тогтвортой байдал” сэдэвт уулзалтын үеэр мэдээллээ. Америк долларын ханш долдугаар сард 20.81 төгрөгөөр чангарсан нь сарын дүнгээр энэ оны хамгийн их өсөлт болсон ч төгрөгийн ам.доллартай харьцах ханш найм, есдүгээр сараас харьцангуй тогтворжиж эхэллээ. Монголбанкнаас зарласан ханшаар нэг ам.доллар (2020.09.22-нд) 2,854 төгрөгтэй тэнцэж байна.
  • 18 цаг 0 минутын өмнө
    Засгийн газрын ээлжит хуралдаанаар Тавантолгой-Гашуунсухайт чиглэлийн төмөр замыг Тавантолгой-Зүүнбаян чиглэлтэй холбох 22 км төмөр замын суурь бүтцийн барилгын ажлын зөвшөөрлийг “Тавантолгой төмөр зам” компанид олгохоор шийдвэрлэв. Инженерийн нарийвчилсан зураг төсөл, байгаль орчны нөлөөллийн үнэлгээ хийлгэж, ажлаа энэ онд багтаан эхлүүлэхийг холбогдох сайд нарт даалгалаа. Шаардагдах хөрөнгийг зураг төслийн магадлал хийсэн дүнгээр “Эрдэнэс Тавантолгой” компани санхүүжүүлэх юм. Дээрх хоёр чиглэлийг холбосноор төмөр замын гол магистраль шугамтай шууд холбогдоно. Үүний зэрэгцээ Тавантолгойн нүүрсний бүлэг орд, Цагаан суварга, Адуунчулуун, Чандгана, Талбулаг, Хөөт зэрэг зэс, нүүрс, вольфрам, цайр, жоншны ордыг ашигласнаар экспортод гаргах бүтээгдэхүүний хэмжээ жилд дунджаар 50 орчим сая тонн болж, төмөр замаар тээвэрлэх ачаа 3.5 дахин нэмэгдэнэ гэж тооцоолж байна.
  • 23 цаг 4 минутын өмнө
    Монголын нутгаар дайруулан байгуулахаар “Сибирийн хүч 2” хоолойн төслийн яриа хэлэлцээр хоёр улсын Засгийн газрын түвшинд өрнөж байна. 2019 онд Монгол Улсын Ерөнхий сайд Москвад хийсэн айлчлалаар Засгийн газар Оросын “Газпром” компанитай харилцан ойлголцлын санамж бичиг үзэглэж байсан бол үүнээс хойш талуудын төлөөлөл багтсан Ажлын хэсэг гарч, төслийн ТЭЗҮ-ийг боловсруулах Монгол, Оросын хамтарсан компанийг байгуулав. Дараагийн шатанд “Эрдэнэс Монгол” болон “Газпром” компани хооронд нууцлалын гэрээ байгуулж, харилцан мэдээлэл солилцох, холбогдох бичиг баримтаа бүрдүүлэн ажиллана гэдгийг Монголын төрийн өмчит компанийн Гүйцэтгэх захирал П.Ганхүү (2020.09.02) мэдэгдлээ.
  • 2020-09-21 11:03
    Заамарын хөндийд үйл ажиллагаа явуулж байгаа Тосонгийн үйлдвэрийн нөхөн сэргээлт Монголдоо жишиг гэдэгтэй маргах хүн гарахгүй биз ээ. Хүний гараар бүтээгдсэн анхны цэнгэг устай хиймэл нуурыг 16 га талбайд байгуулж, 5.5 км урттай дөрвөн тусдаа ойн төгөл энд бий болжээ. Тосон Заамар шороон Заамар боллоо хэмээн яригддаг байсан үе бий. Тэгвэл “Ногоон Заамар” болох цаг айсуй гэдгийг Тосонгийн уурхайн нөхөн сэргээлтээс бэлхнээ харж болно. Уурхайн үйлдвэрлэлийн хамгийн том үр дүн нь  нөхөн сэргээлт.  Тиймдээ ч “Монполимет” групп нөхөн сэргээлтийг  олон улсын жишиг стандартын дагуу бодит утгаар нь хийж буйг газар дээр нь очиж танилцсан хүмүүс  үнэлдэг.  Энэ удаагийн зочид нь “Вагнер Ази”-ийхан байлаа. Учир нь, “Монполимет”, “Вагнер Ази” компанийн хамтын ажиллагааны  20 жилийн ой тохиож байна.
  • 2020-09-18 17:13
    “Дэлхийн эдийн засгийн чуулган”-аас (World Economic Forum /WEF/) Бүгд Найрамдах Ардчилсан Конго улс дахь кобальтын олборлолтод хөдөлмөрийн нөхцөл, хүний эрхийг сайжруулах шаардлагатай тухай “Уул уурхайг аюулгүй, шударга болгох нь: БНАКонго дахь гар аргаар кобальт олборлолт” тайлан гаргажээ. Кобальт нь цахилгаан машин болон ухаалаг гар утас, зөөврийн компьютерын зай хураагуурын үйлдвэрлэлд үндсэн чухал түүхий эд болдог. Энэхүү тайланд дурдсанаар дэлхийн кобальтын хэрэглээ 2030 он гэхэд одоогийнхоос 4 дахин нэмэгдэх хандлагатай ажээ. Одоогийн байдлаар дэлхийн нийт кобальтийн нийлүүлэлтийн 70% нь БНАКонго улсад ногдож байна. Харин тус улсын нийт олборлолтын 30 хүртэлх хувь нь бичил уурхайгаас эх үүсвэртэй юм. Гэвч Конго дахь кобальтын бичил уурхайнуудад хөдөлмөрийн аюулгүй байдал, хөдөлмөрийн шударга үнэлэмж орхигдох байдал түгээмэл байна. Ийм нөхцөлд дэлхийн кобальтийн нийлүүлэлтийн сүлжээнд олборлолтыг хариуцлагатай болгоход бэрхшээл учрах нь гарцаагүй юм.