ҮСХ: Нүүрсний экспорт 2.6 сая тонноор буурчээ

2020-03-20 16:30

Үндэсний статистикийн хорооны мэдээлснээр, гуравдугаар сарын дунд үеийн байдлаар манай улсын гадаад худалдааны нийт бараа эргэлт 1.8 тэрбум ам.долларт хүрч өмнөх оны мөн үеийнхээс 29.3%-иар буурчээ. Энэ дотроо экспорт 898.8 сая ам.доллар, импорт 918.7 сая ам.долларыг эзэлсэн нь экспорт 44.2%, импорт 11.4%-иар тус тус буурсныг илтгэнэ. Монголын гадаад худалдаа оны эхний хоёр сард багахан ашигтай гарсаар ирсэн ч гуравдугаар сарын дунд үеийн байдлаар 19.9 сая ам.долларын алдагдалтай болж эхэлснийг статистик тоон үзүүлэлтээс харж байна.

Үүнд экспортын дийлэнхийг бүрдүүлдэг эрдсийн экспортын бууралт шууд нөлөө үзүүлжээ. Тэр дундаа нүүрсний экспортын мэдээгээр, гуравдугаар сарын дунд үеийн байдлаар 2.9 сая тонн (мөнгөн дүнгээр 237 сая ам.доллар) нүүрс экспортолсон нь өнгөрсөн оны мөн үеийнхээс 47%-иар бага буюу 2.58 сая тонноор доошилсон дүн юм. Энэ нь хоёрдугаар сарын 10-наас эхлэн коронавирусын тархалтаас сэргийлэх зорилгоор нүүрсний экспортыг зогсоосонтой холбоотой. Хэдийгээр ариутгал, халдваргүйжүүлэлтийн байдлыг хангаж гуравдугаар сарын 5-наас Замын-Үүд боомтоор нүүрс экспортолж эхэлсэн ч энэ нь нүүрсний худалдааны гол суваг биш. Гагцхүү Гашуунсухайт, Шивээхүрэн боомт нээгдэх хүртэл манай улсын нүүрсний экспортод дорвитой ахиц гарахгүй юм. Оны эхний хоёр сарын байдлаар Монгол Улс нийт 2.78 сая тонн нүүрс экспортолсон бөгөөд гуравдугаар сар гарснаас хойш нүүрсний экспорт төдийлөн нэмэгдээгүй нь харагдаж байгаа юм.

Одоо нүүрсний экспорт ийнхүү буурч эхэлснээр эрдсийн экспортын тэргүүлэгчийн байр сууриа зэсийн салбарт алдаж байна. Зэсийн экспорт энэ оны гуравдугаар сарын дунд үеийн байдлаар жингээр 250 мянган тонн, үнийн дүнгээр 286 сая ам.доллартай тэнцлээ. Гэсэн ч экспортын хэмжээ өнгөрсөн оны мөн үеийнхтэй харьцуулахад жингээр 13%, үнийн дүнгээр 28 орчим хувиар буурсан дүнтэй гарлаа. Коронавирусын дэгдэлттэй холбоотойгоор зэсийн үнэ гуравдугаар сараас эхлэн аажмаар буурах хандлагатай байсан бол энэ долоо хоног гарсаар огцом доошиллоо. Өчигдрийн байдлаар (2020.03.19) Лондоны металын бирж дээр зэс 4685 ам.доллар/тонн-ын ханштай хаагдсан нь оны эхэн үетэй харьцуулахад 24%-иар буурсан төдийгүй 2016 оны аравдугаар сараас хойших хамгийн доод үнэ юм.

Он гарсаар өсөлтөө хадгалж байгаа түүхий эдийн хувьд төмрийн хүдэр нэрлэгдэж байна. Гуравдугаар сарын дунд үеийн байдлаар манай улсын төмрийн хүдрийн экспорт 1.73 сая тоннд хүрч, 119.6 сая ам.долларын орлого олсон нь өмнөх оны мөн үетэй харьцуулахад жингээр 10%, орлогын дүнгээр даруй 61%-иар нэмэгдсэн үзүүлэлт боллоо.

Цайрын хүдэр, баяжмалын экспорт бага зэргийн өсөлттэй байна. Жоншны экспорт жингээр өссөн ч, орлогын дүн бууралттай гарлаа.

Эрдсийн экспорт (2020.03.15-ны байдлаар)

Экспортын эрдэс бүтээгдэхүүн

Нэгж

Биет хэмжээ

Өсөлт бууралт 2020.03.15/

2019.03.15 (%)

Орлого

(сая ам.доллар)

Өсөлт бууралт 2020.03.15/

2019.03.15 (%)

Зэсийн баяжмал

мян.тн

250.2

-13%

288.7

-27.6

Нүүрс

мян.тн

2905.8

-47%

237

-47.7%

Төмрийн хүдэр

мян.тн

1732.5

+10%

119.6

+61%

Алт

тн

1.6

-54%

80.4

-44%

Цайрын хүдэр, баяжмал

мян.тн

32.9

+9%

43.6

+3%

Жоншны хүдэр, баяжмал

мян.тн

97

+8%

24.9

-22%

Цэвэр зэс

мян.тн

3.08

+48%

17.3

+39%

Газрын тос

мян.баррель

287.7

-78%

16.9

-75.4%

Молибденийн баяжмал

мян.тн

1.3

+5.6%

9.34

-12.4%

 

Эх сурвалж: Үндэсний статистикийн хороо

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 15 цаг 57 минутын өмнө
    Монголбанкны алт худалдан авалт 2019 онд 15.2 тонн болж буурсан ч  он гарсаар есдүгээр сарын 22-ны байдлаар 15 тоннд хүрээд байна. Энэ онд алт худалдан авалт 2018 оны хэмжээнд хүрэх эсвэл давах хүлээлттэй байгаа юм. Өнгөрсөн 2018 онд төв банкны алт худалдан авалт 22 тонн хүрч дээд амжилт тогтоосон. Харин нүүрсний экспорт долдугаар сараас эхлэн өсч цаашид тогтворжих хандлагатай байна. Монголын эдийн засаг оны эхний хагаст маш хүнд байдлыг даван туулсан бол долдугаар сараас эхлэн эерэг өөрчлөлтүүд ажиглагдаж эхэлсэн байна. Энэ тухай Монголбанк (2020.09.23) “Ханшийн тогтвортой байдал” сэдэвт уулзалтын үеэр мэдээллээ. Америк долларын ханш долдугаар сард 20.81 төгрөгөөр чангарсан нь сарын дүнгээр энэ оны хамгийн их өсөлт болсон ч төгрөгийн ам.доллартай харьцах ханш найм, есдүгээр сараас харьцангуй тогтворжиж эхэллээ. Монголбанкнаас зарласан ханшаар нэг ам.доллар (2020.09.22-нд) 2,854 төгрөгтэй тэнцэж байна.
  • 18 цаг 50 минутын өмнө
    Засгийн газрын ээлжит хуралдаанаар Тавантолгой-Гашуунсухайт чиглэлийн төмөр замыг Тавантолгой-Зүүнбаян чиглэлтэй холбох 22 км төмөр замын суурь бүтцийн барилгын ажлын зөвшөөрлийг “Тавантолгой төмөр зам” компанид олгохоор шийдвэрлэв. Инженерийн нарийвчилсан зураг төсөл, байгаль орчны нөлөөллийн үнэлгээ хийлгэж, ажлаа энэ онд багтаан эхлүүлэхийг холбогдох сайд нарт даалгалаа. Шаардагдах хөрөнгийг зураг төслийн магадлал хийсэн дүнгээр “Эрдэнэс Тавантолгой” компани санхүүжүүлэх юм. Дээрх хоёр чиглэлийг холбосноор төмөр замын гол магистраль шугамтай шууд холбогдоно. Үүний зэрэгцээ Тавантолгойн нүүрсний бүлэг орд, Цагаан суварга, Адуунчулуун, Чандгана, Талбулаг, Хөөт зэрэг зэс, нүүрс, вольфрам, цайр, жоншны ордыг ашигласнаар экспортод гаргах бүтээгдэхүүний хэмжээ жилд дунджаар 50 орчим сая тонн болж, төмөр замаар тээвэрлэх ачаа 3.5 дахин нэмэгдэнэ гэж тооцоолж байна.
  • 23 цаг 54 минутын өмнө
    Монголын нутгаар дайруулан байгуулахаар “Сибирийн хүч 2” хоолойн төслийн яриа хэлэлцээр хоёр улсын Засгийн газрын түвшинд өрнөж байна. 2019 онд Монгол Улсын Ерөнхий сайд Москвад хийсэн айлчлалаар Засгийн газар Оросын “Газпром” компанитай харилцан ойлголцлын санамж бичиг үзэглэж байсан бол үүнээс хойш талуудын төлөөлөл багтсан Ажлын хэсэг гарч, төслийн ТЭЗҮ-ийг боловсруулах Монгол, Оросын хамтарсан компанийг байгуулав. Дараагийн шатанд “Эрдэнэс Монгол” болон “Газпром” компани хооронд нууцлалын гэрээ байгуулж, харилцан мэдээлэл солилцох, холбогдох бичиг баримтаа бүрдүүлэн ажиллана гэдгийг Монголын төрийн өмчит компанийн Гүйцэтгэх захирал П.Ганхүү (2020.09.02) мэдэгдлээ.
  • 2020-09-21 11:03
    Заамарын хөндийд үйл ажиллагаа явуулж байгаа Тосонгийн үйлдвэрийн нөхөн сэргээлт Монголдоо жишиг гэдэгтэй маргах хүн гарахгүй биз ээ. Хүний гараар бүтээгдсэн анхны цэнгэг устай хиймэл нуурыг 16 га талбайд байгуулж, 5.5 км урттай дөрвөн тусдаа ойн төгөл энд бий болжээ. Тосон Заамар шороон Заамар боллоо хэмээн яригддаг байсан үе бий. Тэгвэл “Ногоон Заамар” болох цаг айсуй гэдгийг Тосонгийн уурхайн нөхөн сэргээлтээс бэлхнээ харж болно. Уурхайн үйлдвэрлэлийн хамгийн том үр дүн нь  нөхөн сэргээлт.  Тиймдээ ч “Монполимет” групп нөхөн сэргээлтийг  олон улсын жишиг стандартын дагуу бодит утгаар нь хийж буйг газар дээр нь очиж танилцсан хүмүүс  үнэлдэг.  Энэ удаагийн зочид нь “Вагнер Ази”-ийхан байлаа. Учир нь, “Монполимет”, “Вагнер Ази” компанийн хамтын ажиллагааны  20 жилийн ой тохиож байна.
  • 2020-09-18 17:13
    “Дэлхийн эдийн засгийн чуулган”-аас (World Economic Forum /WEF/) Бүгд Найрамдах Ардчилсан Конго улс дахь кобальтын олборлолтод хөдөлмөрийн нөхцөл, хүний эрхийг сайжруулах шаардлагатай тухай “Уул уурхайг аюулгүй, шударга болгох нь: БНАКонго дахь гар аргаар кобальт олборлолт” тайлан гаргажээ. Кобальт нь цахилгаан машин болон ухаалаг гар утас, зөөврийн компьютерын зай хураагуурын үйлдвэрлэлд үндсэн чухал түүхий эд болдог. Энэхүү тайланд дурдсанаар дэлхийн кобальтын хэрэглээ 2030 он гэхэд одоогийнхоос 4 дахин нэмэгдэх хандлагатай ажээ. Одоогийн байдлаар дэлхийн нийт кобальтийн нийлүүлэлтийн 70% нь БНАКонго улсад ногдож байна. Харин тус улсын нийт олборлолтын 30 хүртэлх хувь нь бичил уурхайгаас эх үүсвэртэй юм. Гэвч Конго дахь кобальтын бичил уурхайнуудад хөдөлмөрийн аюулгүй байдал, хөдөлмөрийн шударга үнэлэмж орхигдох байдал түгээмэл байна. Ийм нөхцөлд дэлхийн кобальтийн нийлүүлэлтийн сүлжээнд олборлолтыг хариуцлагатай болгоход бэрхшээл учрах нь гарцаагүй юм.