Далд уурхайн бүтээн байгуулалт удаашрав

2020-03-17 14:42

Оюутолгой төслийг хэрэгжүүлэгч “Рио Тинто” болон “Туркойз Хилл Ресурс” компани өчигдөр (2020.03.16) далд уурхайн бүтээн байгуулалтын явц COVID-19-ийн улмаас удааширч эхэлснийг мэдэгдсэн байна. “Рио Тинто” болон “Оюутолгой”-н багийн хувьд нийт ажилтнуудын аюулгүй байдлыг хангах нь хамгийн чухал бөгөөд Монгол Улсын Засгийн газрын авч хэрэгжүүлж буй коронавирусээс сэргийлэх арга хэмжээг бүх талаар дэмжин ажиллахаа илэрхийлжээ.

Вирусын дэгдэлттэй холбоотойгоор Монгол Улсад гадаадын гэрээт ажилтнууд, бараа материалыг хилээр нэвтрүүлэхэд өнгөрсөн нэгдүгээр сараас эхлэн хязгаарлагдмал болсон юм. Улмаар гуравдугаар сарын 10-нд Монгол Улсад COVID-19-ийн анхны тохиолдол бүртгэгдэж хөл хорио тогтоогоод байгаа юм.

Уг нөхцөл байдалд  Оюутолгойн далд уурхайн бүтээн байгуулалт үргэлжилж байгаа боловч ажлын явц удааширч буйг компани онцолжээ. Тодруулбал “Рио Тинто”, “Оюутолгой” болон хамтрагч барилгын компаниудын техникийн ажилтнуудын хөдөлгөөн хязгаарлагдсан аж. Уурхайн талбарт шаардлагатай техникийн ажилтнуудыг томилж ажиллуулах нь далд уурхайн бүтээн байгуулалт, тэр дундаа агааржуулалтын урд болон хойд амны цамхагийг ашиглалтад оруулах зэрэг ажилд суурь чухал үүрэгтэй юм.

Гэхдээ Оюутолгойн ил уурхайн олборлолт болон экспорт хэвийн үргэлжилж байгааг компани мэдээллээ. “Туркойз Хилл Ресурс” нь уурхайн ажилтнуудад халуун хэмжих болон эрүүл мэндийн хяналт шинжилгээг тогтмол хийж ажиллаж байгааг тэмдэглэжээ.

Далд уурхайн ажлын явцтай холбоотой уг мэдээлэл цацагдсаны дараа өчигдрийн (2020.03.16) байдлаар Оюутолгой төслийн 66%-ийг эзэмшдэг “Туркойз Хилл Ресурс” компанийн хувьцааны үнэ Нью-Йоркийн хөрөнгийн бирж дээр нэг өдрийн дотор 7%-иар буурч түүхэн доод хэмжээндээ буюу 0.38 ам.долларт хүрлээ. Ингэснээр одоо Туркойз Хилл-ийн зах зээлийн нийт үнэлгээ ердөө 805 сая ам.доллартай тэнцлээ.

“Рио Тинто” компанийн хувьцааны үнэлгээ Лондоны хөрөнгийн бирж дээр 5.8%-иар буурч 3082 пенстэй тэнцсэн байна.

Өнгөрсөн оны долдугаар сард “Рио Тинто” компани уурхайн геологийн нөхцөл тооцоолж байснаас хүндэрсэнтэй холбоотойгоор Оюутолгойн далд уурхайн ашиглалтад оруулах хугацаа хойшилсон талаар мэдээлсэн билээ. Тэгвэл одоо дээрх мэдээлэл цацагдсанаар төслийн хугацаа улам бүр хойшлох уур амьсгал бий болоод байна. “Рио Тинто” компанийн Зэс, очир эрдэнийн группийн Гүйцэтгэх захирал Арнауд Суарат “Үүсээд буй нөлөөллийг тооцож хэлэхэд одоохондоо хэтэрхий эрт байгаа бөгөөд бид асуудлыг аль болох зохицуулан ажиллахаар хичээж байна” гэж тайлбарлажээ.

Далд уурхайн шинэчилсэн судалгааг оны эхний хагаст багтаан боловсруулах зорилт хэвээрээ байгаа ажээ. Уг судалгаа бэлэн болсноор уурхайн хөрөнгө оруулалтын зардлын нарийвчилсан хэмжээ болон ашиглалтад оруулах хугацааны тов тодорхой болох юм.

Дашрамд дурдахад “Оюутолгой” компанийн зүгээс Монгол Улсын Засгийн газарт COVID-19-тэй тэмцэх, сэргийлэх ажилд зориулж 100 сая төгрөг хандивласан бол Оюутолгойн хөрөнгө оруулалттай “Говийн Оюу хөгжлийн дэмжих сан”-аас Өмнөговь аймагт 200 сая төгрөг, Ханбогд суманд 10 сая төгрөгийг тус тус хандивласан байна.

Б.Төгс

 

Сэтгэгдэл байхгүй байна

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 1 цаг 29 минутын өмнө
    Дэлхийн улс орнуудын Засгийн газрын зээлжих зэрэглэл тогтоодог “Fitch” агентлаг нь шинэ коронавирусээс үүдэн Европ, АНУ болон дэлхийн бусад улс оронд хөл хорио тогтоосны нөлөөгөөр эрдэс түүхий эдийн хэрэглээнд багагүй хэмжээний бууралт тохиохыг онцоллоо. Тус агентлаг энэ онд дэлхийн эдийн засаг 1.9%-иар буурна гэж таамаглажээ. Улмаар дэлхийн зэсийн эрэлт хэрэгцээ 6%-иар буурахаар байна. Хэдийгээр энэ онд Чили, Перу, Мексик, Канадын зэсийн нийлүүлэлт буурах хандлагатай ч дэлхийн зэсийн зах зээлд нийлүүлэлт эрэлтээсээ давна гэж тооцоолж байна. 
  • 22 цаг 31 минутын өмнө
    Улсын Их Хурлын 2020 оны хаврын ээлжит чуулганы нээлтийн ажиллагаа түүхэндээ анх удаа цахим технологийг ашиглаж, өнөөдөр (2020.04.06) 12 цаг 00 минутад гишүүдийн 70 хувийн ирцтэйгээр эхэллээ. Дэлхий нийтээр коронавирусийн аюул цар тахлын хэмжээнд хүрээд байгаа үед Улсын онцгой комисс болон Дэлхийн эрүүл мэндийн байгууллагаас өгч буй зөвлөмжийн хүрээнд УИХ-ын 2020 оны хаврын ээлжит чуулганыг цахимаар хуралдуулахаар УИХ-ын даргын дэргэдэх Зөвлөл шийдвэрлэсний дагуу УИХ-ын Тамгын газар цахим хуралдааныг бэлтгэлийг бүрэн хангасан байна. Дэлхий нийтээр коронавирусийн аюул цар тахлын хэмжээнд хүрээд байгаа үед Улсын онцгой комисс болон Дэлхийн эрүүл мэндийн байгууллагаас өгч буй зөвлөмжийн хүрээнд УИХ-ын 2020 оны хаврын ээлжит чуулганыг цахимаар хуралдуулахаар УИХ-ын даргын дэргэдэх Зөвлөл шийдвэрлэсний дагуу УИХ-ын Тамгын газар цахим хуралдааныг бэлтгэлийг бүрэн хангасан байна.
  • 2020-04-02 10:42
    Гадаад харилцааны сайд Д.Цогтбаатар, Зам тээврийн хөгжлийн сайд Б.Энх-Амгалан нар (2020.04.01) БНХАУ-аас суугаа Элчин сайд Чай Вэньруйг хүлээн авч уулзжээ. Уулзалтын эхэнд сайд нар шинэ коронавирусын тархалтыг хязгаарлах чиглэлээр хоёр улсын Засгийн газраас авч хэрэгжүүлж байгаа арга хэмжээнүүдийн талаар харилцан мэдээлэл солилцов.  Мөн “Covid-19” мэт цар тахлын үед улс орнууд шуурхай хамтран ажиллах нөхцөлийг бүрдүүлэх зорилготой бүс нутгийн хэмжээний механизм байгуулах санаачилгыг хоёр тал хамтран урагшлуулах талаар ч санал солилцсон байна.  Шинэ төрлийн вирусийн тархалтын улмаас Монгол, Хятадын худалдаа, эдийн засгийн хамтын ажиллагаанд тулгарч буй сөрөг нөлөөг бууруулах үүднээс хоёр тал илүү идэвхтэй хамтран ажиллах шаардлагатай гэж талууд үзжээ.
  • 2020-04-01 10:17
    Монгол Улсын Ерөнхийлөгч Х.Баттулга, УИХ-ын гишүүн, Зам, тээврийн хөгжлийн сайд Б.Энх-Амгалан, УИХ-ын гишүүн, УУХҮ-ийн сайд Д.Сумъяабазар нар өнгөрөгч амралтын өдрүүдэд холбогдох албаны хүмүүсийн хамт Дорноговь, Өмнөговь аймгуудад ажиллаж, үндэсний их бүтээн байгуулалт Тавантолгой-Зүүнбаян чиглэлийн 414.6 километр төмөр замын трассын дагуу барилгын ажлын явцтай танилцан, үүрэг чиглэл өглөө.
  • 2020-03-31 14:50
    Дараалсан сонгууль  болон улс төрийн зорилго агуулсан шийдвэрүүдээ Засгийн газар үргэлжлүүлэх боломжгүй болсныг эдийн засгийн гинжин хямрал  харуулж байна. Эдийн засгийн шинэ сорилтын эсрэг төр засгаас оновчтой эрэмбэлсэн, өргөн цар хүрээтэй, ард иргэддээ хүрсэн бодлогыг хурдтай хэрэгжүүлэхийг энэ цаг үе тулгаж байна.   Улс орнуудыг дамнасан гинжин эдийн засгийн хямралын эхний чичиргээ Монголын эдийн засагт мэдрэгдэж эхэлснийг нэгдүгээр улирлын урьдчилсан  үзүүлэлт харуулж байна. Эрчээрээ эхний хоёр сар ялимгүй өссөн гадаад худалдааны үзүүлэлт гуравдугаар сарын дундаас уруудав. Дотоодод доллар оруулдаг экспорт  44.2%-иар буурчээ. Үүнд шууд нөлөөлсөн эрдсийн экспорт, тэр дундаа нүүрсний нийлүүлэлт хоёр сар тэг зогсолт хийж энэ оны төсөвт төлөвлөсөн 42 сая тоннд хүрэх магадлал бага боллоо. Нүүрсний нийлүүлэлт буурснаар экспортын тэргүүлэгч эрдсээр зэс тодроод байна. Хэдийгээр Оюутолгойн зэсийн баяжмалын тээвэр тасралтгүй үргэлжилж байгаа ч  экспорт 13%-иар буурчээ.