Ч.Хүрэлбаатар: Арилжааны банкууд зээлийн хүүг буулгах талаар ярилцаж байгаа

2020-03-11 18:41

Засгийн газрын хуралдаанаар (2020.03.11) эдийн засагт авч хэрэгжүүлэх арга хэмжээг хэлэлцсэн талаар Сангийн сайд Ч. Хүрэлбаатар мэдээлэл хийлээ.

Тэрээр “У.Хүрэлсүхийн Засгийн газар байгуулагдсанаас хойш эдийн засгийн бодлогыг зөв явуулах тал дээр анхаарч ажилласан гэдгийг онцлох нь зүйтэй. Тухайлбал 2018 онд Монголын эдийн засаг 7.3%-иар өсөхөд төсөв ашигтай гарч байсан. Харин 2019 онд эдийн засгийн өсөлт 5.3%-тай байхад төсвийн алдагдал 600 орчим тэрбум буюу ДНБ-ний 1.7%-тай тэнцсэн. Энэ нь нөөц, хуримтлал бий болгох чиглэлд ажилласныг илтгэж байгаа юм. Үүнтэй холбоотойгоор “Ирээдүй өв сан”-гийн хөрөнгө 2019 онд 538 тэрбум төгрөг байсан бол өнөөдөр 620 орчим тэрбум болж нэмэгдсэн. Мөн өмнө нь Засгийн газар 8.2 их наяд төгрөгийн өр төлсөн. Энэ нь эдийн засгийн ямар нэг хүндрэл үүсэхэд үүнийг даван туулах, зарцуулах хуримтлалыг бий болгох бодлого бөгөөд коронавирусын энэ цаг үед хэрэг болж байгаа гэдгийг хэлмээр байна.

Өнөөдөр Монголбанкны Мөнгөний бодлогын хороо хуралдаж тодорхой шийдвэрүүдийг гаргасан нь Засгийн газрын явуулж байгаа эдийн засгийн бодлоготой нийцэж байгаа. Мөнгөний бодлогын хүүг 11% байсныг нэг пунктээр буулгаж 10% болгож өөрчилсөн. Үүнээс гадна арилжааны банкууд өөрсдийн заавал байлгах нөөцийг 10.5%-аас 8.5% болгож хоёр пунктээр буулгасан байна.  

Түүнчлэн, өнөөдрийн Засгийн газрын хуралдаан дээр Монголбанкны Ерөнхийлөгчөөс гадна Монголын банкны холбооны тэргүүн Б.Мэдрээ оролцсон. Засгийн газар, Монголбанкнаас авч хэрэгжүүлж байгаа бодлогуудтай уялдуулан  арилжааны банкууд зээлийн хүүг буулгах, төлбөр хураамж, шимтгэл, алданги нэмэгдүүлсэн хүүг тэглэх, тооцохгүй байх зэрэг арга хэмжээ авах талаар ярилцаж байгаа гэдгээ тэрээр хэлж байна. Энэ нь удахгүй албажиж, шийдвэр болж гарах байх. Энэ шийдвэр нь аж ахуйн нэгжүүд,  бизнес эрхлэгчдэд банкны зээлийн хүүтэй холбоотой тодорхой хэмжээний дэмжлэг болох болов уу гэж найдаж байна.  

Төр засгийн хувьд арилжааны банкуудын үйл ажиллагааг уян хатан болгох орон зайг бий болгож өгч байгаа. Тухайлбал  татвар, зохицуулалтын журам, заавал байлгах нөөц,  бодлогын хүүгээ өөрчлөх зэрэг  боломжийг бий болгож өгсөн. Арилжааны банкуудын бизнесийн зарчмаар явуулж байгаа үйл ажиллагаанд нь оролцох эрх төрд байхгүй.

Үүнээс гадна Санхүүгийн зохицуулах хорооноос тодорхой хэмжээний шийдвэрүүд гаргаж байгаа. Арилжааны банкуудаас гадна ББСБ-ууд зээл бас олгодог. Тэгэхээр энэ байгууллагууд төрөл бүрийн төлбөр, хураамж, шимтгэл авахгүй байх, нэмэгдүүлсэн хүүг тэглэх, алданги тооцохгүй байх зэрэг арга хэмжээг авах асуудлаар томоохон ББСБ-уудтай Санхүүгийн зохицуулах хороо ярилцаж байна.
Мөн бусад орнууд эдийн засгаа тэтгэх хэмжээгээр төсвийн зардлыг нэмэх чиглэлийн бодлогууд авч хэрэгжүүлж байна. Монголд зардлаа хасна гэж зарим хүмүүс ярьдаг. Сангийн сайдын хувьд би ийм алхам хийхгүй гэдгээ хэлж байсан. Өөрөөр хэлбэл агшилтыг улам танах юм бол эдийн засгийн үйл ажиллагаа  хумигдах эрсдэлтэй. Тиймээс өндөржүүлсэн бэлэн байдлын үед танах, хасах нь хэрэгжүүлж болохгүй бодлого гэдгийг би давтан хэлье.

ОУВС-аас саяхан гаргасан коронавирусын үед улс орнуудын авч хэрэгжүүлж буй эдийн засгийн бодлогыг хооронд нь харьцуулсан тайланг Сангийн яам  судалж байгаа. Үүнээс үзэхэд коронавирусын үед авч хэрэгжүүлж байгаа Монгол Улсын эдийн засгийн бодлого бол цаг үедээ таарсан зөв явж байна” гэв.  

Б.Золоо
 

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 1 цаг 1 минутын өмнө
    “Бүтээн байгуулалт 2020” буюу “Build Mongolia” олон улсын барилга, зам тээвэр, эрчим хүч, хүнд үйлдвэр гэсэн дөрвөн том салбарыг нэгтгэсэн үзэсгэлэн өнөөдөр “Мишээл Экспо” төвд зохион байгуулагдаж байна. Хоёр өдөр үргэлжлэх тус үзэсгэлэн нь бүтээн байгуулалтын салбаруудад дэлхийн шилдэг техник, технологи нэвтрүүлэх, техник технологи, материал түүхий эд нийлүүлэгчдэд бүтээгдэхүүн, үйлчилгээгээ сурталчлах нэгдсэн маркетингийн орчин болно гэдгийг зохион байгуулагчид онцолж байна. Үзэсгэлэнг нээж Барилга, хот байгуулалтын яамны дэд сайд Ж.Бат-Эрдэнэ, “Build Mongolia 2020” үзэсгэлэнгийн зохион байгуулах хорооны дарга Т.Баттулга, Монгол дахь Германы Олон улсын хамтын ажиллагааны нийгэмлэгийн суурин төлөөлөгч, ноён Даниэл Пассон нар оролцож, үг хэллээ.
  • 1 цаг 13 минутын өмнө
    “Бүтээн байгуулалт 2020”  буюу “Build Mongolia” олон улсын барилга, зам тээвэр, эрчим хүч, хүнд үйлдвэр гэсэн дөрвөн том салбарыг нэгтгэсэн үзэсгэлэн өнөөдөр “Мишээл Экспо” төвд зохион байгуулагдаж байна. Хоёр өдөр үргэлжлэх тус үзэсгэлэн нь бүтээн байгуулалтын салбаруудад дэлхийн шилдэг техник, технологи нэвтрүүлэх, техник технологи, материал түүхий эд нийлүүлэгчдэд бүтээгдэхүүн, үйлчилгээгээ сурталчлах нэгдсэн маркетингийн орчин болно гэдгийг зохион байгуулагчид онцолж байна. Үзэсгэлэнг нээж Барилга, хот байгуулалтын яамны дэд сайд Ж.Бат-Эрдэнэ, “Build Mongolia 2020” үзэсгэлэнгийн зохион байгуулах хорооны дарга Т.Баттулга, Монгол дахь Германы Олон улсын хамтын ажиллагааны нийгэмлэгийн суурин төлөөлөгч, ноён Даниэл Пассон нар  оролцож, үг хэллээ.
  • Өчигдөр 10 цаг 13 минутад
    Build Mongolia 2020 үзэсгэлэн нь манай улсын бүтээн байгуулалтад бодит хувь нэмрээ оруулдаг, гадаад дотоодын бүхий л байгууллагууд нэгдэн цуглаж, технологийн дэвшил, шилдэг шийдэл, шинэлэг бүхэнтэй танилцаж, цаашид харилцан хамтран ажиллах боломжийг бүрдүүлэх мэргэжлийнхэнд зориулсан арга хэмжээ болж байгаагаараа онцлог юм. Тиймээс Юнитра ХХК энэхүү үзэсгэлэнд  GOLD SPONSOR-оор  оролцож  байна. Манай компанийн хувьд барилга, уул уурхай, эрчим хүч, орон сууц Нийтийн аж ахуйн зориулалттай дэлхийд тэргүүлэгч Toyota, Wilo, Husqvarna, Puma, Panasonic зэрэг 30 гаруй брэндийн 1300-гаад төрлийн багаж тоног төхөөрөмжүүдээр энэхүү үзэсгэлэнд оролцож энэ жилийн хамгийн сүүлийн, хамгийн супер, хамгийн том хямдарлаа зарлаж байна. Сонгогдсон багаж, тоног төхөөрөмжүүд 60 хүртэл хувь хямдарна.
  • Уржигдар 11 цаг 21 минутад
    Хувьцааг хямд үед нь худалдан авч буцаагаад үнэ хүргэж  зарах байдлаар дэлхийн тэргүүн баян болсон гэгддэг Уоррэн Баффет-ын үйл хөдлөл эрдсийн захын шинжээчдийн анхаарлын төвд байна. Түүний хөрөнгө оруулалтын томоохон компани   “Berkshire Hathaway” сүүлийн саруудад авиа компани болон банк санхүүгийн байгууллагуудад эзэмшдэг хувьцаагаа зарж оронд нь эрчим хүч, үнэт металын чиглэлийн хувьцааны эзэмшлээ тэлэх бодлого барих болжээ. Өөрөөр хэлбэл тэрбээр түүхий эдийн хувьцаанд хөрөнгө оруулах нь нэмэгдэв. Тухайлбал   байгалийн хий дамжуулах хоолой эзэмшдэг АНУ-ын “Dominion Energy” компанийг худалдаж авахаар долдугаар сарын эхээр тохиролцсон нь байгалийн хийн үнэ 1995 оноос хойш байгаагүй хэмжээнд унасан үетэй яг давхцаж байгаа ажээ. Мөн алтны чиглэлийн “Barrick Gold” компанийн хувьцааг наймдугаар сарын дундуур худалдаж авсан байна.
  • 2020-10-20 11:59
    Хятадын Гаалийн ерөнхий газрын мэдээлснээр, есдүгээр сард тус улс нийт 18.7 сая тонн нүүрс импортолсон бөгөөд өмнөх оны мөн үетэй харьцуулахад 38.34%-иар буурчээ. 2019 оны есдүгээр сард Хятад улс нийт 30.29 сая тонн нүүрс импортолсон байна. Өнгөрсөн есдүгээр сарын нүүрсний импортын үзүүлэлт нь өмнөх наймдугаар сарын үзүүлэлтээс 9.6%-иар буурсан дүн юм. Ийнхүү сүүлийн саруудад нүүрсний импорт буурч буй нь Хятадын далайн боомтуудын нүүрсний импортын энэ оны квот дуусч байгаатай холбоотой гэж шинжээчид тайлбарлаж байна. Хятадын нүүрсний эрэлт буурч байгаа тул нүүрсний ханш ч буурах хандлагатай байгаа аж.