Алс Дорнодын хуурай  боомтууд  хаагджээ 

2020-03-10 10:40

Э.Оджаргал

Коронавирусын дэгдэлтийн улмаас ОХУ-ын Ерөнхий сайд Сергей Мишустин Алс Дорнодын бүс нутгийн Хятадтай хиллэх хуурай боомтын 16 цэгийг нэгдүгээр сарын 30-наас гуравдугаар сар хүртэл хаах шийдвэрийг гаргасан юм.

Тэр дунд төмөр болон авто замын Забайкальск-Манжур, Благовещенск -Хэйхэ, Нижнеленинское-Тунзян, Пограничный–Суйфэнхэ, Гродеково–Суйфэньхэ болон Махалино–Хуньчунь   багтаж байна. Оросын хувьд Хятад, цаашлаад Азийн нутгийн орнуудын зах зээлд Монголын нүүрсний томоохон өрсөлдөгч орон юм. Хуурай боомтын тээврийн хөдөлгөөнийг түр хугацаанд хорьсноор Оросын нүүрсний экспортод   нөлөөлж эхэлжээ. Тухайлбал, коксжих нүүрсний “Колмар” компанийн экспорт зогссон байна. Тус компанийн гол нийлүүлэгчид нь Хятадын төрийн “Baowu” корпораци, “Baosteel” компани юм. “Колмар” нь 2021 онд коксжих нүүрсний экспортын хэмжээгээ 22 сая тоннд хүргэж, Алс Дорнодын хуурай болон далайн боомтоор Ази-Номхон далайн бүс, Хятад, Япон, Энэтхэг, Өмнөд Солонгос, Вьетнамын зах зээлд экспортлох зорилттой.  Тэгвэл сүүлийн нэг сарын хугацаанд Якутын бүс нутгийн экспортын нүүрсний төмөр замын тээвэр 40%-иар огцом буурчээ. Энэ нь Гродеково–Суйфэнхэ боомтын  нэвтрэлт удааширсантай холбоотой аж. 
 

Мөн Якутын нутагт Тавантолгойтой адил чанарын коксжих нүүрсний 2.2 тэрбум тонн нөөцтэй Элгагийн ордоос “Мечел” компани Хятадын “Baosteel Resources”, “Jiangsu Sha Steel” компаниудад нийлүүлдэг. Далайн боомтоор нүүрсээ экспортолдог тул худалдаанд төдийлөн нөлөөлөөгүй байгаа. Хамгийн сүүлийн үеийн мэдээллээр, “Мечел” компани Элга ордын 51%-ийг худалдахаар болжээ. Энэхүү хэлэлцээрийн өртөг 2 тэрбум ам.долларт хүрч мэдэх аж. Түүнчлэн, тус хоёр компаниас гадна “Эльгауголь” Энэтхэг рүү коксжих нүүрс экспортлох хэлэлцээрийг энэ өдрүүдэд Шинэ Дели хотноо хийж байна. Өнөөгийн байдлаар Энэтхэгийн нүүрсний импортын 1%-ийг Орос  хангаж байгаа юм. 
 

Коронавирусын нөхцөл байдлаас Хятадын зах зээлд Оросын нүүрсний эрэлт буурахгүй, харин ч нэмэгдэх боломж үүсч байна гэж ОХУ-ын Эрчим хүчний орлогч сайд Анатолий Яновский мэдэгджээ. Оросын зах зээлийн шинжээчид, Хятадын нүүрсний зах зээлийн нийлүүлэгчид Австралийн дайлан тээвэр, Монголын нүүрсний тээвэр зогссон нөхцөл байдал Оросын нүүрсний экспортод боломж гарч буй гэж үзэж байна.


 

2019 онд Орос улс нийт 193.6 сая тонн нүүрс экспортолжээ. Үүнээс 27 сая тонн нь коксжих нүүрс бөгөөд гол зах зээл Хятад, Япон, Өмнөд Солонгос улс руу Алс Дорнодын нутгаар нийлүүлдэг.
Хятадын эдийн засгийн өсөлт саарч буйгаас газрын тосны хэрэглээ буурч, зах зээл дэх үнэд нөлөөлж буй нь ОХУ-ын төсөвт шууд тусч байна. Нэгдүгээр сарын 15-наас хойш Хятадын газрын тосны нийт хэрэглээ 20%-иар буурчээ. Өнгөрсөн онд нийт 506 сая тонн баррель газрын тос импортолсон гэж үзвэл тус улсын хэрэглээ огцом танагдаж байгаа юм. Хятад газрын тосны нийт импортынхоо 12%-ийг Оросоос хангадаг. ОХУ-ын төсвийн орлогын 35-40%-ийг газрын тосны салбар дангаараа бүрдүүлж байна. Энэ онд Орос газрын тос, байгалийн хийн худалдаанаас 7.4 их наяд рублийн орлого бүрдүүлэхээр улсын төсөвтөө тооцжээ. Он гарснаас хойш тус улсын экспортын Urals маркийн газрын тосны үнэ 20 орчим хувиар буурч 52 ам.долларт хүрчээ. Энэ нь ОХУ-ын төсөвт тооцсон үнээс 9%-иар бага бөгөөд сүүлийн хоёр жилийн хамгийн доод ханшид хүрч буй үзүүлэлт болж байна. Тэгвэл Brent маркийн газрын тосны үнэ 55-57 ам.долларт хэлбэлзэж байгаа юм. Дэлхийн зах зээл дэх газрын тосны үнэ цаашид буурахаас зайлсхийхийн үүднээс ОПЕК-ийн гишүүн орнууд нефтийн өдрийн олборлолтоо 500-600 мянган баррелиар танах нь зүйтэй гэж Саудын Араб үзэж байна. Харин Оросын хувьд газрын тосны олборлолтоо танах шаардлагагүй гэсэн байр суурьтай байгаа юм. 

Сэтгэгдэл (1)

  • dores
    Сайн уу Бид Францын санхүүжилтийн бүлэг тул санхүүгийн бэрхшээлтэй хүмүүст хувь хүмүүсийн хоорондох зээлийг санал болгодог. Та сайн зан чанартай, шударга, өгөөмөр нэгэн юм. Өр төлбөрөө барагдуулах, төлбөрөө төлөх эсвэл агуу бизнес эхлүүлэхэд танд зээл хэрэгтэй юу? Бид 5,000-1,000,000 еврогийн хоорондох зээлийг санал болгодог бөгөөд хүссэн дүнгийн хувьд жилийн 3% -ийн хүүтэй жилийн хүүтэй байдаг. Хэрэв та хувийн зээл хайж байгаа бол Бидэнтэй холбоо бариарай: doresrodriguez17@gmail.com Бид танд талархаж байна
    2020 оны 06 сарын 03 | Хариулах
Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 13 цаг 28 минутын өмнө
    Манай компани нь газрын тос, хийн салбарт инженерийн иж бүрэн үйлчилгээг үзүүлэх зорилгоор 2000 онд байгуулагдан 20 дахь жилдээ үйл ажиллагаа явуулж байна. Бид газрын тосны бүтээгдэхүүнийг хүлээн авах, хадгалах, түгээх, тээвэрлэх технологид байгаль орчин, галын аюулгүй байдал, цаг уурын онцлог, олон улсын стандарт, техник технологийн хөгжлийн чиг хандлагад нийцсэн орчин үеийн шилдэг технологиудыг нэвтрүүлэх, газрын тосны бизнес эрхлэгчид үр ашиг, бүтээмжээ дээшлүүлж зардлаа бууруулах, нөгөө талаас шатахуун хэрэглэгчид аюулгүй, тохилог орчинд үйлчлүүлэх бололцоог бий болгоход чиглэсэн судалгаа хөгжил, инженерийн иж бүрэн үйлчилгээг үзүүлж ирсэн. Мөн дэлхийн 10 гаруй улсын 60 гаруй тэ‎ргүүл‎эгч үйлдвэрлэгчээс тоног төхөөрөмж, хэрэгсэл нийлүүлж засвар үйлчилгээг үзүүлдэг. 100 м3 хүртэлх багтаамжтай дан болон давхар ханатай савыг олон улсын стандарт, лицензийн дагуу олон улсын UL (Underwriters Laboratories) лабораторийн сертификаттай үйлдвэрлэж байна.
  • Уржигдар 17 цаг 24 минутад
    Монгол Улсын Ерөнхий сайд У.Хүрэлсүх шинээр байгуулсан Засгийн газрын гишүүдийг өнөөдөр Монгол Улсын Ерөнхийлөгч Х.Баттулгад танилцуулав. Энэ үеэр Монгол Улсын Ерөнхийлөгч Х.Баттулга “Миний бие Засгийн газрын гишүүдийн анкет, ажилласан байдалтай танилцлаа. Цаашид Засгийн газартай хамтран ажиллахдаа сайд нартай нүүр тулан уулзаж, санал бодлоо илэрхийлж ажиллана” гээд зарим сайд нараас тухайлсан асуулт асууж, ярилцсан байна. Ерөнхийлөгч "Уул уурхай, хүнд үйлдвэрийн сайд Г.Ёндон уул уурхайн салбар, төмөр замынхаа уялдааг ойлгож байгаа юу. Төмөр зам барьж, ложистикийг нь улс шийдээд өгөхөөр олборлолтыг нь хийж, нэмүү өртөг шингээж, экспортод гаргах боломж бүрдэж байгаа. Үүнийг ойлгож ажиллана гэдэгт итгэж байна" гэдгээ илэрхийлжээ.  
  • Уржигдар 16 цаг 45 минутад
    Үндсэн хуулийн нэмэлт өөрчлөлтийн дагуу 3.1 “Монгол Улсад засгийн бүх эрх ард түмний мэдэлд байна. Монголын ард түмэн төрийн үйл хэрэгт шууд оролцож, мөн сонгож байгуулсан төрийн эрх барих төлөөлөгчдийн байгууллагаараа уламжлан энэхүү эрхээ эдэлнэ” гэсэн заалт “амилж” Монгол Улс анх удаа Ерөнхий сайдаа шууд бусаар ард түмэн сонгож, Ерөнхий сайд багаа өөрөө бүрдүүлэн Засгийн газрын гишүүд сайд нар өнөөдөр тодорч байна. Үндсэн хуулийн өөрчлөлт, шинэчлэлээр УИХ-ын томилгооны эрх, улсын нэгдсэн төсвийн эрх мэдэл хязгаарлагдана. Ингээд шинээр бүрдэж буй Засгийн газраас Уул уурхай, хүнд үйлдвэрийн сайдаар Г.Ёндон томилогдож тангараг өргөлөө. Монгол Улсын зөвлөх инженер тэрээр ОХУ-ын Эрхүү хотын Политехникийн сургуульд уулын инженер, маркшейдер мэргэжил эзэмшжээ. УИХ-ын нэгдсэн чуулганаар (2020.07.08) сайд нарт нэр дэвшигчдээс асуусан Парламентын гишүүдийн асуулгын уул уурхайн салбартай холбогдолтой асуудлыг тоймлон хүргэж байна.
  • Уржигдар 10 цаг 54 минутад
    Австрали улс нь Хятадын   хамгийн том түүхий эд нийлүүлэгч. Гэхдээ цаашид Хятад улс энэхүү томоохон нийлүүлэгч улстайгаа эвтэй байх уу гэдэг асуудал уул уурхайн салбарт хэн бүхний анхаарлыг татсан сэдэв болоод байна. Австралийн хувьд өнгөрсөн 2019 оны байдлаар Хятад руу нийт 153 тэрбум австрали долларын бараа, үйлчилгээ экспортолжээ. Энэ нь Австралийн дотоодын нийт бүтээгдэхүүний 7.7%-тай тэнцэнэ.  Гэвч шинэ коронавирусын өвчний эх үүсвэрийг эрэн сурвалжилж олж тогтоох талаар Австралийн Засгийн газар улс орнуудад уриалга гаргасан нь худалдааны томоохон түншид нь тун эмзэг тусжээ. Хятадын Засгийн газар Австралийн уриалгыг ихээхэн эмзэг хүлээн авч буйгаа огтхон ч нуусангүй.
  • Уржигдар 10 цаг 47 минутад
    Монголбанк 2020 оны зургадугаар сард 2.3 тонн үнэт метал худалдан авч, оны эхнээс өссөн дүнгээр нийт 10.8 тонн үнэт метал худалдан аваад байна. Энэ нь өмнөх оны мөн үетэй харьцуулбал 4.8 тонноор өссөн үзүүлэлт юм.  Монголбанкны нийт худалдан авсан 10.8 тонн үнэт металын 9.1 тонн нь алт, 1.7 тонн нь цагаан мөнгө байна. 2020 оны зургадугаар сарын хувьд Дархан-Уул аймаг дахь Монголбанкны хэлтэс 63.9 кг,  Баянхонгор аймаг дахь Монголбанкны салбар 81.9 кг үнэт метал худалдан аваад байна. Он гарснаас хойш орон нутаг дахь Монголбанкны 2 хэлтэс нийт 565 кг үнэт метал худалдан авлаа.