Роберт Фрийдланд: Зэсийн ханш огцом өсөх нь гарцаагүй

2020-03-05 16:34

Алдарт “Оддын Дайн” киноны ая эгшиглэхэд дэлгэцнээ “Уурхайчдын өшөө авалт” гэх бичвэр дээш урсан тодров. Уул уурхайн магнат Роберт Фрийдланд өөрийн  илтгэлээ ийн өвөрмөцөөр эхлүүлжээ. Даваа гаригт (2020.03.02)Торонто хотноо эхэлсэн “PDAC 2020“ чуулганаар “Айвенхоу Майнз” компанийн үүсгэн байгуулагч тэрээр илтгэлдээ зэсийн болон платинумын бүлгийн металын ирээдүй хэрхэн өнгөтэй байгааг тодорхой танилцуулсан байна.

Дэлхийн улс орнуудын удирдагчид уур амьсгалын өөрчлөлт, агаарын бохирдолтой тэмцэхэд чиглэсэн асар их хөрөнгө оруулалт хийж байгаа нь үндсэн металууд болох зэс, платинумын бүлгийн металууд, никель, цайрын олборлогчдод ихээхэн дэмжлэг болж байна гэдгийг Фрийдланд тэмдэглэжээ. “АНУ-ын Ерөнхийлөгчийн сонгуульд нэр дэвшигч Берни Сандерс болон Конгрессын гишүүн Александриа Окасио Кортез нарын "Шинэ Ногоон хэлэлцээр" -ийн төсөлд нийтдээ 20-90 их наяд ам.долларын хөрөнгө оруулалт яригдаж буйг  Засгийн газрууд байгаль орчинтой холбоотой ажлуудад хөрөнгө оруулж эхэлсний жишээ болгов.

Фрийдланд “2020 оны  нэгдүгээр сар нь сүүлийн 141 жилийн хамгийн “дулаан сард” тооцогдсон бөгөөд агаарын бохирдол нэмэгдсээр байгаа нь дэлхий нийтийн тулгамдсан асуудал хэвээр байна. Хэрэв дараагийн зуун жилд дэлхийн дундаж хэм гурван хэмээр дулаарвал Орос эсвэл Канадад амьдардаг хүмүүст тийм ч муугүй сонсогдож мэднэ. Гэхдээ агаарын бохирдол бол яг одоо танд тулгарч буй бэрхшээл мөн. Үүнээс болж дэлхийн эдийн засагт жилд 5 их наяд ам.долларын зардал гарч, 7 сая хүн эндэж байна. Энэ бол коронавирусээс илүү ноцтой зүйл. Таны амьдрах хугацаанд дэлхийн нийт хүн амын 68% нь буюу 6.8 тэрбум хүн хот суурин газарт амьдардаг болно” гэж ярьжээ.

Хүлэмжийн хий ихээр ялгаруулж, хотын агаарыг бохирдуулж буй дотоод шаталтат хөдөлгүүр бүхий автомашиныг цахилгаан машинаар солих үйл явц нь уул уурхайн компаниудын хувьд ихээхэн боломж гэж тэрээр үзэж байна. Газрын тос бол хүн төрөлхтний хамгийн том бизнес бас хамгийн том төсөл.  Дотоод шаталт хөдөлгүүр бүхий автомашины үйлдвэрлэл ид хүчээ авч байх үед үүнээс хамгийн их ашиг хүртсэн нь машин үйлдвэрлэгчид бус газрын тосны Жон Дэйвисон Рокфеллер тэргүүтэй магнатууд байсныг ч сануулжээ. 

“Ирэх арван жилийн сүүлээр Европд цахилгаан машины борлуулалт жилд 7.7 саяд хүрэхээр байна. Харин үйлдвэрлэлд шаардлагатай гол металуудын эрэлтийн өсөлт хараахан эхлээгүй. Засгийн газрууд дэлхий даяар цахилгаан машины хэрэглээг хэрхэн нэвтрүүлж байгааг илтгэлдээ онцоллоо. Тухайлбал, Их Британид автобус, галт тэрэг, харин Нью-Йорк хотод хог тээвэрлэдэг машиныг хүртэл цахилгаан горимд шилжүүлсэн нь маш том дэвшил. Коронавирусын дэгдэлтийн нөхцөл байдлаас зэс үйлдвэрлэгчдэд ирэх тодорхой боломжийг Фрийдланд олж харжээ.Зэс гадаргуу нь бактерийн эсрэг шинж чанартай тул яваандаа бүхий л эмнэлгийн эд хэрэглэлийг зэс болгох боломжтой ажээ. АНУ-ын цэргийн эмнэлгүүдэд ийм шаардлага тавигдаад буй. Цаашлаад хөлөг онгоц, нисэх онгоцны буудал, фитнесс зэрэг газарт ийм төрлийн хэрэглээний эрэлт нэмэгдэх магадлалтай байна.  

Зэсийн хэрэглээ өсөх дүр зураг тодорч байгаа ч одоогоор зэсийн ордуудын хүдрийн агуулга буурч, ордын нээлт ч цөөрч буйг “Бид нийлүүлэлтийн бууралттай тулгарах гэж байна. Хүн төрөлхтөн түүхийн туршид нийт 600 орчим сая тонн зэс олборлосон байдаг. Хэрэв бид дэлхийн ДНБ-ийн өсөлтийг ирэх 20 жилд жил бүр 3%-иар өснө гэж харвал энэ хугацаанд 600 сая тонноос ч их зэс олборлох шаардлагатай болно” гэж ярив.

Эдүгээ зэс нь цахилгаанжуулалт, хүрээлэн буй орчны асуудлыг шийдвэрлэхэд чухал үүрэг гүйцэтгэж байна. Платинумын бүлгийн металуудын ач холбогдол ч мөн үүнээс дутахгүй. Ялангуяа платинумын оролцоогүйгээр устөрөгчийн түлш үйлдвэрлэх технологи одоохондоо байхгүй учир тухайн түүхий эдийн эрэлт өндөр байгаа юм.

Хятад улс иргэдийн эрүүл мэндийг хамгаалах үүднээс агаарын чанарын хатуу стандарт баримталж байна. Энэ нь дэлхийн зах зээл дээр палладийн үнэ тэнгэрт хадахад хүргэжээ. Учир нь палладийг автомашины хөдөлгүүрийг цэвэрлэхэд ашигладаг. Палладийн ханш өсөлтөөрөө родиг (цагаан алтны бүлгийн метал) эс тооцвол бусад бүх металыг тэргүүлж байна.

Хүний эрүүл мэндэд ээлтэй зүйл зах зээлийн үнэнхүү өсөлтийг авчирдгийг Фрийдланд цохон тэмдэглэв. Жишээ нь, “Volkswagen” компани дизель хөдөлгүүртэй машины хорт утаа саармагжуулагч тус бүрт роди ашигладаг байна. Өнөөдөр тус түүхий эдийн шууд худалдааны үнэ нь унц тутамд 12 мянган ам.доллараас давжээ. Фрийдланд “Хэрэв би жилийн өмнө танд хандан “Роди худалдаж ав, ирэх жил гэхэд үнэ нь арав дахин өснө” гэж хэлсэн бол намайг галзуурсан гэж бодох байсан биз. Гэхдээ бид өмнө нь молибидений үнэ нэг фунт нь 1 ам.доллараас 30 ам.доллар болж өссөнийг харсан. Зарим өөдрөг шинжээчид зэсийн үнэ фунт тутамд 2 ам.доллараас 4 ам.доллар болж өсөх  магадлалтай гэж ярьж байгаа нь өнөөгийн нөхцөл байдлыг ойлгохгүй байгаагийн шинж. Дэлхий дахин коронавирусээс үүдэлтэй эдийн засгийн удаашралаас гарах үед, улс орнуудын Засгийн газар бидний амьсгалж буй агаарыг илүү цэвэр болгох, цахилгаан үйлдвэрлэх арга замыг өөрчлөхөд томоохон хөрөнгө оруулалт хийх үед зэсийн ханш өөдрөг төсөөллөөс ч хол давахыг та харах болно” гэж илтгэлээ төгсгөсөн юм.

Роберт Фрийдландын үүсгэн байгуулсан “Айвенхоу Майнз” компани нь Конго дахь зэсийн “Камоа-Какула”, цайр, зэсийн “Кипуши”, Өмнөд Африк дахь платинумын бүлгийн металын “Plantreef” зэрэг төслийг хэрэгжүүлж байна.

Б.Золцагаан

Сэтгэгдэл (1)

  • dores
    Сайн уу Бид Францын санхүүжилтийн бүлэг тул санхүүгийн бэрхшээлтэй хүмүүст хувь хүмүүсийн хоорондох зээлийг санал болгодог. Та сайн зан чанартай, шударга, өгөөмөр нэгэн юм. Өр төлбөрөө барагдуулах, төлбөрөө төлөх эсвэл агуу бизнес эхлүүлэхэд танд зээл хэрэгтэй юу? Бид 5,000-1,000,000 еврогийн хоорондох зээлийг санал болгодог бөгөөд хүссэн дүнгийн хувьд жилийн 3% -ийн хүүтэй жилийн хүүтэй байдаг. Хэрэв та хувийн зээл хайж байгаа бол Бидэнтэй холбоо бариарай: doresrodriguez17@gmail.com Бид танд талархаж байна
    2020 оны 06 сарын 03 | Хариулах
Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 15 цаг 11 минутын өмнө
    Манай компани нь газрын тос, хийн салбарт инженерийн иж бүрэн үйлчилгээг үзүүлэх зорилгоор 2000 онд байгуулагдан 20 дахь жилдээ үйл ажиллагаа явуулж байна. Бид газрын тосны бүтээгдэхүүнийг хүлээн авах, хадгалах, түгээх, тээвэрлэх технологид байгаль орчин, галын аюулгүй байдал, цаг уурын онцлог, олон улсын стандарт, техник технологийн хөгжлийн чиг хандлагад нийцсэн орчин үеийн шилдэг технологиудыг нэвтрүүлэх, газрын тосны бизнес эрхлэгчид үр ашиг, бүтээмжээ дээшлүүлж зардлаа бууруулах, нөгөө талаас шатахуун хэрэглэгчид аюулгүй, тохилог орчинд үйлчлүүлэх бололцоог бий болгоход чиглэсэн судалгаа хөгжил, инженерийн иж бүрэн үйлчилгээг үзүүлж ирсэн. Мөн дэлхийн 10 гаруй улсын 60 гаруй тэ‎ргүүл‎эгч үйлдвэрлэгчээс тоног төхөөрөмж, хэрэгсэл нийлүүлж засвар үйлчилгээг үзүүлдэг. 100 м3 хүртэлх багтаамжтай дан болон давхар ханатай савыг олон улсын стандарт, лицензийн дагуу олон улсын UL (Underwriters Laboratories) лабораторийн сертификаттай үйлдвэрлэж байна.
  • Уржигдар 17 цаг 24 минутад
    Монгол Улсын Ерөнхий сайд У.Хүрэлсүх шинээр байгуулсан Засгийн газрын гишүүдийг өнөөдөр Монгол Улсын Ерөнхийлөгч Х.Баттулгад танилцуулав. Энэ үеэр Монгол Улсын Ерөнхийлөгч Х.Баттулга “Миний бие Засгийн газрын гишүүдийн анкет, ажилласан байдалтай танилцлаа. Цаашид Засгийн газартай хамтран ажиллахдаа сайд нартай нүүр тулан уулзаж, санал бодлоо илэрхийлж ажиллана” гээд зарим сайд нараас тухайлсан асуулт асууж, ярилцсан байна. Ерөнхийлөгч "Уул уурхай, хүнд үйлдвэрийн сайд Г.Ёндон уул уурхайн салбар, төмөр замынхаа уялдааг ойлгож байгаа юу. Төмөр зам барьж, ложистикийг нь улс шийдээд өгөхөөр олборлолтыг нь хийж, нэмүү өртөг шингээж, экспортод гаргах боломж бүрдэж байгаа. Үүнийг ойлгож ажиллана гэдэгт итгэж байна" гэдгээ илэрхийлжээ.  
  • Уржигдар 16 цаг 45 минутад
    Үндсэн хуулийн нэмэлт өөрчлөлтийн дагуу 3.1 “Монгол Улсад засгийн бүх эрх ард түмний мэдэлд байна. Монголын ард түмэн төрийн үйл хэрэгт шууд оролцож, мөн сонгож байгуулсан төрийн эрх барих төлөөлөгчдийн байгууллагаараа уламжлан энэхүү эрхээ эдэлнэ” гэсэн заалт “амилж” Монгол Улс анх удаа Ерөнхий сайдаа шууд бусаар ард түмэн сонгож, Ерөнхий сайд багаа өөрөө бүрдүүлэн Засгийн газрын гишүүд сайд нар өнөөдөр тодорч байна. Үндсэн хуулийн өөрчлөлт, шинэчлэлээр УИХ-ын томилгооны эрх, улсын нэгдсэн төсвийн эрх мэдэл хязгаарлагдана. Ингээд шинээр бүрдэж буй Засгийн газраас Уул уурхай, хүнд үйлдвэрийн сайдаар Г.Ёндон томилогдож тангараг өргөлөө. Монгол Улсын зөвлөх инженер тэрээр ОХУ-ын Эрхүү хотын Политехникийн сургуульд уулын инженер, маркшейдер мэргэжил эзэмшжээ. УИХ-ын нэгдсэн чуулганаар (2020.07.08) сайд нарт нэр дэвшигчдээс асуусан Парламентын гишүүдийн асуулгын уул уурхайн салбартай холбогдолтой асуудлыг тоймлон хүргэж байна.
  • Уржигдар 10 цаг 54 минутад
    Австрали улс нь Хятадын   хамгийн том түүхий эд нийлүүлэгч. Гэхдээ цаашид Хятад улс энэхүү томоохон нийлүүлэгч улстайгаа эвтэй байх уу гэдэг асуудал уул уурхайн салбарт хэн бүхний анхаарлыг татсан сэдэв болоод байна. Австралийн хувьд өнгөрсөн 2019 оны байдлаар Хятад руу нийт 153 тэрбум австрали долларын бараа, үйлчилгээ экспортолжээ. Энэ нь Австралийн дотоодын нийт бүтээгдэхүүний 7.7%-тай тэнцэнэ.  Гэвч шинэ коронавирусын өвчний эх үүсвэрийг эрэн сурвалжилж олж тогтоох талаар Австралийн Засгийн газар улс орнуудад уриалга гаргасан нь худалдааны томоохон түншид нь тун эмзэг тусжээ. Хятадын Засгийн газар Австралийн уриалгыг ихээхэн эмзэг хүлээн авч буйгаа огтхон ч нуусангүй.
  • Уржигдар 10 цаг 47 минутад
    Монголбанк 2020 оны зургадугаар сард 2.3 тонн үнэт метал худалдан авч, оны эхнээс өссөн дүнгээр нийт 10.8 тонн үнэт метал худалдан аваад байна. Энэ нь өмнөх оны мөн үетэй харьцуулбал 4.8 тонноор өссөн үзүүлэлт юм.  Монголбанкны нийт худалдан авсан 10.8 тонн үнэт металын 9.1 тонн нь алт, 1.7 тонн нь цагаан мөнгө байна. 2020 оны зургадугаар сарын хувьд Дархан-Уул аймаг дахь Монголбанкны хэлтэс 63.9 кг,  Баянхонгор аймаг дахь Монголбанкны салбар 81.9 кг үнэт метал худалдан аваад байна. Он гарснаас хойш орон нутаг дахь Монголбанкны 2 хэлтэс нийт 565 кг үнэт метал худалдан авлаа.