Д.Сумъяабазар: Нүүрсний экспортын тээвэрт квот тогтоох асуудлыг хэлэлцэнэ

2020-03-04 23:57

- Хил гаалийн асуудлаар Хятадын талтай ярилцана -

БНХАУ-д дэгдсэн коронавирусын улмаас Монгол Улсын боомтуудын түүхий эдийн экспортын тээвэр гуравдугаар сарын 15-ныг хүртэл зогссон билээ. Шадар сайд Ө.Энхтүвшин, түүхий газрын тосны экспортын тээврийн асуудлаар Дорноговь аймагт ажиллах бол өнөөдөр (2020.03.04) Зам тээврийн хөгжлийн сайд Б.Энх-Амгалан Замын-Үүдэд ажиллаж байгааг Уул уурхай, хүнд үйлдвэрийн сайд Д.Сумъяабазар мэдээлэв. Тэрээр ойрын өдрүүдэд Гашуунсухайт, Шивээхүрэн боомтод ажиллахаар төлөвлөж байна. Нүүрсний экспортын тээврийг үргэлжлүүлэх талаар Уул уурхай, хүнд үйлдвэрийн сайд өнөөдөр сэтгүүлчдэд мэдээлэл хийлээ.

Тэрээр “Экспортын тээвэр, боомтод шаардлагатай халдваргүйжүүлэлт, ариутгал, жолооч нарын эрүүл ахуйтай холбоотой асуудлаар Улсын онцгой комиссоос үүрэг чиглэл өгсөн. Үүний дагуу миний бие энэ долоо хоногт Гашуунсухайт, Шивээхүрэн боомтуудын нөхцөл байдалтай газар дээр нь танилцана. Мөн хил гаалийн асуудлаар Хятадын талтай ярилцах зэрэг ажлууд бий. “Эрдэнэс Тавантолгой”, “Энержи Ресурс”, орон нутгийн “Тавантолгой” компанийн удирдлагуудтай ярилцаж, нүүрсний тээвэр болон олборлолт хийж  байгаа аж ахуйн нэгжүүд, Цагаанхаднаас цааш тээвэр хийж байгаа хэчнээн компани байгааг давхар нягтлаад Хятадын талтай ярилцах юм.  Монгол Улс, БНХАУ аль аль талдаа боомтын тээвэр тэг зогсолт хийж байна. Худалдан авалт, нийлүүлэлт зогссон анхны тохиолдол гэж хэлж болно. Энэ механик зогсолтыг зөв урагшлуулах үүднээс нүүрсний тээврийн квотын хэмжээг өдөрт 200-400 юм уу, үүнээс илүү байхаар бэлтгэл ажил хангах, холбогдох зардал өртгийг тооцох талаар манай тал хоорондоо хэлэлцэж шийдэнэ. Ер нь улсын төсөв 1 их наяд төгрөгөөр тасраад буй тооцоо бий. Төсөвт тодотгол хийх нь хараахан тодорхойгүй байна.

Тавантолгойн ордоор битгий улс төржөөч ээ. Улсын эрх ашгийн асуудал нэгдүгээрт тавигдах ёстой. Аль нэг намын эрх ашгаас илүүтэйгээр Монголын ард иргэдийн эрх ашиг тэргүүнд тавигдана. Тавантолгойн ордой холбоотой Засгийн газрын 10 гаруй тогтоол, олон улсын хөрөнгийн бирж дээр IPO гаргахыг дэмжсэн УИХ-ын 73 дугаар тогтоол болоод Үндэсний аюулгүй байдлын зөвлөлийн зөвлөмжүүд гарсан. Энэ дагуу улс орны эдийн засагт чухал ач холбогдолтой олон төсөл байгаа. “Эрдэнэс Тавантолгой” компанийн 2018 оны ногдол ашгийн 750 тэрбум төгрөгийн хөрөнгийг Тавантолгой-Зүүнбаян чиглэлийн төмөр замын бүтээн байгуулалтад зарцуулж байна. Түүнчлэн, Тавантолгой-Гашуусухайт чиглэлийн төмөр замын төслийг угтуулан тавих нөхцөлөөр урьдчилгаа төлбөрөөр хөрөнгө босгож хэрэгжүүлэхээр “Бодь” групп шалгарсан. Тус компани эрсдэлээ үүрч 2020 онд багтаан төмөр замыг барьж дуусгах төлөвлөгөөтэй. Энэ хоёр төмөр зам зэрэг ашиглалтад орсноор 50 сая тонн, авто замаар Гашуунсухайт болон Ханги боомтоор 20 сая тонн нийт 70 сая тонн нүүрс жилдээ экспортлох тооцоотой. Энэ эрчээр боловсруулах үйлдвэрийн асуудлыг яаралтай шийдвэрлэж, дотооддоо нэмүү өртөг шингээх, ажлын байр бий болгох  учиртай. Тус бүр 10 сая тонн нүүрс баяжуулах хоёр үйлдвэрийг эхний ээлжинд барих шаардлагатай гэсэн мэргэжлийн байгууллагуудын судалгаа, саналууд байгаа. Мөн 2-4 сая тонн хүчин чадалтай Коксын үйлдвэр зайлшгүй байгуулах хэрэгтэй. Үүнтэй уялдуулан УУХҮЯ-наас Хүнд үйлдвэрийн хөгжлийн хөтөлбөрийг гаргалаа. Залгуулаад Үйлдвэр технологийн паркийн тухай хуулийн төслийг УИХ-д өргөн барьсан. Тавантолгой, Эрдэнэт, Сайншанд гэсэн гурван цэгт Үйлдвэр технологийн паркийг байгуулахдаа Хүнд үйлдвэрийн хөгжлийн хөтөлбөртэй уялдуулан харах нь зүйтэй гэсэн концепц байгаа юм. ”

Э.Од

Сэтгэгдэл байхгүй байна

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 1 цаг 11 минутын өмнө
    Дэлхийн улс орнуудын Засгийн газрын зээлжих зэрэглэл тогтоодог “Fitch” агентлаг нь шинэ коронавирусээс үүдэн Европ, АНУ болон дэлхийн бусад улс оронд хөл хорио тогтоосны нөлөөгөөр эрдэс түүхий эдийн хэрэглээнд багагүй хэмжээний бууралт тохиохыг онцоллоо. Тус агентлаг энэ онд дэлхийн эдийн засаг 1.9%-иар буурна гэж таамаглажээ. Улмаар дэлхийн зэсийн эрэлт хэрэгцээ 6%-иар буурахаар байна. Хэдийгээр энэ онд Чили, Перу, Мексик, Канадын зэсийн нийлүүлэлт буурах хандлагатай ч дэлхийн зэсийн зах зээлд нийлүүлэлт эрэлтээсээ давна гэж тооцоолж байна. 
  • 22 цаг 14 минутын өмнө
    Улсын Их Хурлын 2020 оны хаврын ээлжит чуулганы нээлтийн ажиллагаа түүхэндээ анх удаа цахим технологийг ашиглаж, өнөөдөр (2020.04.06) 12 цаг 00 минутад гишүүдийн 70 хувийн ирцтэйгээр эхэллээ. Дэлхий нийтээр коронавирусийн аюул цар тахлын хэмжээнд хүрээд байгаа үед Улсын онцгой комисс болон Дэлхийн эрүүл мэндийн байгууллагаас өгч буй зөвлөмжийн хүрээнд УИХ-ын 2020 оны хаврын ээлжит чуулганыг цахимаар хуралдуулахаар УИХ-ын даргын дэргэдэх Зөвлөл шийдвэрлэсний дагуу УИХ-ын Тамгын газар цахим хуралдааныг бэлтгэлийг бүрэн хангасан байна. Дэлхий нийтээр коронавирусийн аюул цар тахлын хэмжээнд хүрээд байгаа үед Улсын онцгой комисс болон Дэлхийн эрүүл мэндийн байгууллагаас өгч буй зөвлөмжийн хүрээнд УИХ-ын 2020 оны хаврын ээлжит чуулганыг цахимаар хуралдуулахаар УИХ-ын даргын дэргэдэх Зөвлөл шийдвэрлэсний дагуу УИХ-ын Тамгын газар цахим хуралдааныг бэлтгэлийг бүрэн хангасан байна.
  • 2020-04-02 10:42
    Гадаад харилцааны сайд Д.Цогтбаатар, Зам тээврийн хөгжлийн сайд Б.Энх-Амгалан нар (2020.04.01) БНХАУ-аас суугаа Элчин сайд Чай Вэньруйг хүлээн авч уулзжээ. Уулзалтын эхэнд сайд нар шинэ коронавирусын тархалтыг хязгаарлах чиглэлээр хоёр улсын Засгийн газраас авч хэрэгжүүлж байгаа арга хэмжээнүүдийн талаар харилцан мэдээлэл солилцов.  Мөн “Covid-19” мэт цар тахлын үед улс орнууд шуурхай хамтран ажиллах нөхцөлийг бүрдүүлэх зорилготой бүс нутгийн хэмжээний механизм байгуулах санаачилгыг хоёр тал хамтран урагшлуулах талаар ч санал солилцсон байна.  Шинэ төрлийн вирусийн тархалтын улмаас Монгол, Хятадын худалдаа, эдийн засгийн хамтын ажиллагаанд тулгарч буй сөрөг нөлөөг бууруулах үүднээс хоёр тал илүү идэвхтэй хамтран ажиллах шаардлагатай гэж талууд үзжээ.
  • 2020-04-01 10:17
    Монгол Улсын Ерөнхийлөгч Х.Баттулга, УИХ-ын гишүүн, Зам, тээврийн хөгжлийн сайд Б.Энх-Амгалан, УИХ-ын гишүүн, УУХҮ-ийн сайд Д.Сумъяабазар нар өнгөрөгч амралтын өдрүүдэд холбогдох албаны хүмүүсийн хамт Дорноговь, Өмнөговь аймгуудад ажиллаж, үндэсний их бүтээн байгуулалт Тавантолгой-Зүүнбаян чиглэлийн 414.6 километр төмөр замын трассын дагуу барилгын ажлын явцтай танилцан, үүрэг чиглэл өглөө.
  • 2020-03-31 14:50
    Дараалсан сонгууль  болон улс төрийн зорилго агуулсан шийдвэрүүдээ Засгийн газар үргэлжлүүлэх боломжгүй болсныг эдийн засгийн гинжин хямрал  харуулж байна. Эдийн засгийн шинэ сорилтын эсрэг төр засгаас оновчтой эрэмбэлсэн, өргөн цар хүрээтэй, ард иргэддээ хүрсэн бодлогыг хурдтай хэрэгжүүлэхийг энэ цаг үе тулгаж байна.   Улс орнуудыг дамнасан гинжин эдийн засгийн хямралын эхний чичиргээ Монголын эдийн засагт мэдрэгдэж эхэлснийг нэгдүгээр улирлын урьдчилсан  үзүүлэлт харуулж байна. Эрчээрээ эхний хоёр сар ялимгүй өссөн гадаад худалдааны үзүүлэлт гуравдугаар сарын дундаас уруудав. Дотоодод доллар оруулдаг экспорт  44.2%-иар буурчээ. Үүнд шууд нөлөөлсөн эрдсийн экспорт, тэр дундаа нүүрсний нийлүүлэлт хоёр сар тэг зогсолт хийж энэ оны төсөвт төлөвлөсөн 42 сая тоннд хүрэх магадлал бага боллоо. Нүүрсний нийлүүлэлт буурснаар экспортын тэргүүлэгч эрдсээр зэс тодроод байна. Хэдийгээр Оюутолгойн зэсийн баяжмалын тээвэр тасралтгүй үргэлжилж байгаа ч  экспорт 13%-иар буурчээ.