PDAC 2020: Коронавирус уул уурхайн төлөвийг хүндрүүлж байна

2020-03-03 18:22

Жил бүрийн гуравдугаар сард Торонто хотод болдог PDAC чуулганы үеэр суудал олох нь ихэвчлэн хэцүү байдаг. Гэсэн ч энэ жилийн чуулганаар өмнөх жилүүдээс харьцангуй цөөн зочид цугларчээ. “CRU” группийн захирал Пол Робинсон, метал олборлолтын төлөв байдлын талаарх илтгэлээ чуулганы сийрэг ирцийн талаар эхлүүлсэн байна. Тэрээр “Бид коронавирусын талаар ярихгүй байж болохгүй. Одоогоор дэлхий дахинд эрдэс, түүхий эдийн эрэлтэд төдийлөн өөрчлөлт гараагүй. Гэвч аялал жуулчлалын салбар,  гадаадад зорчиход бэрхшээлтэй байгааг чуулганы энгийн үе болон одоогийн ирцийг хараад та бүхэн ойлгох байх. Гэхдээ бидэнд БНХАУ, БНСУ-д тохиолдсон шиг цохилт хараахан тохиолдоогүй байгаа” гэлээ. 

Лондон хотод төвтэй, зах зээлийн судалгааны чиглэлийн компанийн удирдлагын хувьд Пол Робинсон уул уурхай, металын салбарт үүсээд байгаа өөрчлөлт, эргэлзээний талаар илтгэлдээ хуваалцсан байна. Коронавирусын дэгдэлтийн улмаас Бээжин хот дахь “CRU” группийн ажилчид өнгөрсөн сарын турш гэрээсээ ажиллаж, захиалгын хоол  идэж, өргөн хэрэглээний бараа бүтээгдэхүүний худалдан авалт хийгээгүйг өгүүлжээ. 

“Хэрэв нөхцөл байдал энэ хэвээр үргэлжилвэл Хятадын эдийн засагт үзүүлэх нөлөөлөл нэмэгдэж, цаашлаад дэлхийн эдийн засагт ч тусна. Нөлөөллийг тодорхойлох хэд хэдэн чухал хүчин зүйлүүд бий. Үүнд, ирэх 3-4 долоо хоногийн хугацаанд вирусыг дарах ажилд хэр ахиц гарах, хэрэглэгчдийн хариу үйлдэл, мөн Хятадын Засгийн газар эдийн засаг дахь коронавирусын сөрөг нөлөөллийг арилгахад чиглэсэн арга хэмжээ зэрэг багтах юм. Мэдээж хэрэг, Хятадын эдийн засгийг эрчимжүүлэх хөтөлбөрөөс оны хоёрдугаар хагасын маш олон зүйлс хамаарна. Ийм хөтөлбөр Хятад хэрэгжүүлэх нь гарцаагүй. Хэрэв тус улсын Засгийн газрын арга хэмжээ нь хэрэглээг дэмжих, ногоон эдийн засагт татаас олгох байдлаар хэрэгжвэл зэс, кобальт, никелийн эрэлт өсч, жилийн хоёрдугаар хагаст нөхцөл байдал сайжрах магадлалтай. Гэхдээ өөр хувилбар буюу Хятадын Засгийн газар хуучны аргаар дэд бүтцийн бүтээн байгуулалтад хөрөнгө оруулалт хийж мэдэх юм. Энэ тохиолдолд төмрийн хүдэр, ган, зэсийн зах зээлд сайнаар нөлөөлөх ч төдийлөн тогтвортой биш байх болно” гэж Робинсон тайлбарлав.

CRU группийн дэвшүүлж буй таамаглалаар, 2020 онд 38 төрлийн түүхий эдийн үнэ үндсэндээ 5%-иар буурахаар байна. Тэр дунд палладий хамгийн өсөлттэй байх төлөвтэй. Энэ онд палладийн үнэ дор хаяж 15%-иар өсөх хандлагатай бол хамгийн муу төлөвтэй литийн үнэ багадаа 15%-иар буурч мэдэх аж. Гэхдээ энэхүү төсөөлөл улам бүр дордох эрсдэл бас бий. Хятад улс коронавирусын тархалтыг зогсоож, эдийн засгийг эрчимжүүлэх арга хэмжээ авна гэсэн таамагт үндэслэсэн ханшийн тооцооллыг хийсэн гэдгийг Робинсон онцлов.  2019 оны арванхоёрдугаар сард CRU-ийн мэдээлэлд түүхий эдийн үнэ “ёроол”-ын түвшинд хүрсэн гэж үзэж байсан. Гэвч одоо металын эрэлтийн тухайд тодорхойгүй байдал үүсээд байгааг тэрээр тэмдэглэж байна. “Энэ жил вирусын халдвар дэлхий даяар нэмэгдэхгүй бол эдийн засаг эргээд өсөлттэй байх болно. 2013-2018 онд олборлолтын зардлаа танаж чадсанаар уул уурхайн томоохон компаниудын мөнгөн хөрөнгийн хэмжээ тун сайн байгаа тул өөрсдийн үйл ажиллагаагаа хянах, хөрөнгө оруулалтын олон хувилбарыг (хувьцаа эргүүлэн авах, нэгдэх/худалдан авах хэлцэл болон бусад хөрөнгө оруулалт) авч үзэх боломжтой байгаа. Гэсэн хэдий ч урт хугацааны туршид "илүү цэвэр" хүлэмжийн хийн ялгаруулалт багатай хувилбарыг хайж буй хөрөнгө оруулагчид уул уурхайн салбарыг бүхэлд нь “орхиж” мэдэх эрсдэл бий. Хэрэв одоо энэ сорилтыг шийдвэрлэж эхлэхгүй бол нүүрсхүчлийн хийн ялгаруулалт багатай эдийн засгийг бүтээх үндсэн металуудын олборлолт хийгдэхгүй, үүнд шаардлагатай хөрөнгө олдохгүй болно гэсэн үг” гэжээ. 

Робинсон чуулганы үеэр бас нэг зүйлийг дурдсан нь уул уурхайн баялгийг шударга хуваарилах талаар байлаа. “Бид баялгийг шударга хуваарилах хэрэгтэй. Мөн энд технологийн хоёр төрлийн сорилтыг ярих хэрэгтэй. Үүний нэг нь автоматжуулалт болон  алсын зайнаас ажиллах байдал нь уул уурхайн явагдаж буй орон нутгийн ажлын байрыг хэрхэн өөрчлөх тухай явдал юм. Үүнд муу зүйл байхгүй ч одоогийн уурхайн загварчлалаар үйл ажиллагаагаа явуулбал хүлээлтэд зөрүүтэй байдал үүснэ. Жишээ нь тухайн уурхайн ажилчдын тал хувь нь алсаас буюу 500 км зайнаас ажлаа хийх тохиолдолд орон нутгийн үр өгөөжийн тухай асуудал гарч ирнэ гэдгийг тэрбээр тайлбарлажээ. 

Б. Золоо

Сэтгэгдэл (1)

  • dores
    Сайн уу Бид Францын санхүүжилтийн бүлэг тул санхүүгийн бэрхшээлтэй хүмүүст хувь хүмүүсийн хоорондох зээлийг санал болгодог. Та сайн зан чанартай, шударга, өгөөмөр нэгэн юм. Өр төлбөрөө барагдуулах, төлбөрөө төлөх эсвэл агуу бизнес эхлүүлэхэд танд зээл хэрэгтэй юу? Бид 5,000-1,000,000 еврогийн хоорондох зээлийг санал болгодог бөгөөд хүссэн дүнгийн хувьд жилийн 3% -ийн хүүтэй жилийн хүүтэй байдаг. Хэрэв та хувийн зээл хайж байгаа бол Бидэнтэй холбоо бариарай: doresrodriguez17@gmail.com Бид танд талархаж байна
    2020 оны 06 сарын 03 | Хариулах
Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 13 цаг 41 минутын өмнө
    Манай компани нь газрын тос, хийн салбарт инженерийн иж бүрэн үйлчилгээг үзүүлэх зорилгоор 2000 онд байгуулагдан 20 дахь жилдээ үйл ажиллагаа явуулж байна. Бид газрын тосны бүтээгдэхүүнийг хүлээн авах, хадгалах, түгээх, тээвэрлэх технологид байгаль орчин, галын аюулгүй байдал, цаг уурын онцлог, олон улсын стандарт, техник технологийн хөгжлийн чиг хандлагад нийцсэн орчин үеийн шилдэг технологиудыг нэвтрүүлэх, газрын тосны бизнес эрхлэгчид үр ашиг, бүтээмжээ дээшлүүлж зардлаа бууруулах, нөгөө талаас шатахуун хэрэглэгчид аюулгүй, тохилог орчинд үйлчлүүлэх бололцоог бий болгоход чиглэсэн судалгаа хөгжил, инженерийн иж бүрэн үйлчилгээг үзүүлж ирсэн. Мөн дэлхийн 10 гаруй улсын 60 гаруй тэ‎ргүүл‎эгч үйлдвэрлэгчээс тоног төхөөрөмж, хэрэгсэл нийлүүлж засвар үйлчилгээг үзүүлдэг. 100 м3 хүртэлх багтаамжтай дан болон давхар ханатай савыг олон улсын стандарт, лицензийн дагуу олон улсын UL (Underwriters Laboratories) лабораторийн сертификаттай үйлдвэрлэж байна.
  • Уржигдар 17 цаг 24 минутад
    Монгол Улсын Ерөнхий сайд У.Хүрэлсүх шинээр байгуулсан Засгийн газрын гишүүдийг өнөөдөр Монгол Улсын Ерөнхийлөгч Х.Баттулгад танилцуулав. Энэ үеэр Монгол Улсын Ерөнхийлөгч Х.Баттулга “Миний бие Засгийн газрын гишүүдийн анкет, ажилласан байдалтай танилцлаа. Цаашид Засгийн газартай хамтран ажиллахдаа сайд нартай нүүр тулан уулзаж, санал бодлоо илэрхийлж ажиллана” гээд зарим сайд нараас тухайлсан асуулт асууж, ярилцсан байна. Ерөнхийлөгч "Уул уурхай, хүнд үйлдвэрийн сайд Г.Ёндон уул уурхайн салбар, төмөр замынхаа уялдааг ойлгож байгаа юу. Төмөр зам барьж, ложистикийг нь улс шийдээд өгөхөөр олборлолтыг нь хийж, нэмүү өртөг шингээж, экспортод гаргах боломж бүрдэж байгаа. Үүнийг ойлгож ажиллана гэдэгт итгэж байна" гэдгээ илэрхийлжээ.  
  • Уржигдар 16 цаг 45 минутад
    Үндсэн хуулийн нэмэлт өөрчлөлтийн дагуу 3.1 “Монгол Улсад засгийн бүх эрх ард түмний мэдэлд байна. Монголын ард түмэн төрийн үйл хэрэгт шууд оролцож, мөн сонгож байгуулсан төрийн эрх барих төлөөлөгчдийн байгууллагаараа уламжлан энэхүү эрхээ эдэлнэ” гэсэн заалт “амилж” Монгол Улс анх удаа Ерөнхий сайдаа шууд бусаар ард түмэн сонгож, Ерөнхий сайд багаа өөрөө бүрдүүлэн Засгийн газрын гишүүд сайд нар өнөөдөр тодорч байна. Үндсэн хуулийн өөрчлөлт, шинэчлэлээр УИХ-ын томилгооны эрх, улсын нэгдсэн төсвийн эрх мэдэл хязгаарлагдана. Ингээд шинээр бүрдэж буй Засгийн газраас Уул уурхай, хүнд үйлдвэрийн сайдаар Г.Ёндон томилогдож тангараг өргөлөө. Монгол Улсын зөвлөх инженер тэрээр ОХУ-ын Эрхүү хотын Политехникийн сургуульд уулын инженер, маркшейдер мэргэжил эзэмшжээ. УИХ-ын нэгдсэн чуулганаар (2020.07.08) сайд нарт нэр дэвшигчдээс асуусан Парламентын гишүүдийн асуулгын уул уурхайн салбартай холбогдолтой асуудлыг тоймлон хүргэж байна.
  • Уржигдар 10 цаг 54 минутад
    Австрали улс нь Хятадын   хамгийн том түүхий эд нийлүүлэгч. Гэхдээ цаашид Хятад улс энэхүү томоохон нийлүүлэгч улстайгаа эвтэй байх уу гэдэг асуудал уул уурхайн салбарт хэн бүхний анхаарлыг татсан сэдэв болоод байна. Австралийн хувьд өнгөрсөн 2019 оны байдлаар Хятад руу нийт 153 тэрбум австрали долларын бараа, үйлчилгээ экспортолжээ. Энэ нь Австралийн дотоодын нийт бүтээгдэхүүний 7.7%-тай тэнцэнэ.  Гэвч шинэ коронавирусын өвчний эх үүсвэрийг эрэн сурвалжилж олж тогтоох талаар Австралийн Засгийн газар улс орнуудад уриалга гаргасан нь худалдааны томоохон түншид нь тун эмзэг тусжээ. Хятадын Засгийн газар Австралийн уриалгыг ихээхэн эмзэг хүлээн авч буйгаа огтхон ч нуусангүй.
  • Уржигдар 10 цаг 47 минутад
    Монголбанк 2020 оны зургадугаар сард 2.3 тонн үнэт метал худалдан авч, оны эхнээс өссөн дүнгээр нийт 10.8 тонн үнэт метал худалдан аваад байна. Энэ нь өмнөх оны мөн үетэй харьцуулбал 4.8 тонноор өссөн үзүүлэлт юм.  Монголбанкны нийт худалдан авсан 10.8 тонн үнэт металын 9.1 тонн нь алт, 1.7 тонн нь цагаан мөнгө байна. 2020 оны зургадугаар сарын хувьд Дархан-Уул аймаг дахь Монголбанкны хэлтэс 63.9 кг,  Баянхонгор аймаг дахь Монголбанкны салбар 81.9 кг үнэт метал худалдан аваад байна. Он гарснаас хойш орон нутаг дахь Монголбанкны 2 хэлтэс нийт 565 кг үнэт метал худалдан авлаа.