Төмрийн хүдрийн экспорт 113%-ийн өсөлтөөр оныг эхлүүллээ

2020-02-21 12:25

Үндэсний статистикийн хорооны мэдээллээр, 2020 оны эхний сарын байдлаар гадаад худалдааны нийт эргэлт 932 сая ам.долларт хүрсний дотор экспорт 459 сая ам.доллар, импорт 473 сая ам.доллартай тэнцлээ. Өнгөрсөн оны мөн үетэй харьцуулахад нийт бараа эргэлт 16.1%-иар, экспорт 24.4%-иар, импорт 6.1%-иар тус тус буурсан байна.

Гадаад худалдааны тэнцэл энэ оны нэгдүгээр сард 14.3 сая ам.долларын алдагдалтай гарлаа. Өнгөрсөн оны мөн үед 103.3 сая ам.долларын ашигтай гарч байжээ. Энэ онд гадаад худалдаа ашиггүй гарсан нь экспорт өмнөх оны мөн үеэс 148 сая ам.доллараар буурсантай холбоотой. Тодруулбал, өнгөрсөн нэгдүгээр сард алтны экспорт огт хийгдээгүйн зэрэгцээ зэсийн баяжмалын нийлүүлэлт 43.2 сая ам.доллараар буурсан нь голлон нөлөөлсөн байна.

Оны эхний сард эрдэс бүтээгдэхүүний экспорт 431 сая ам.долларт хүрч, нийт экспортын 94 орчим хувийг бүрдүүллээ.

Нүүрсний экспорт оны эхний сарын байдлаар биет хэмжээгээр 2.4 сая тонн, үнийн дүнгийн хувьд 203 сая ам.доллараар хэмжигдсэн байна. Өөрөөр хэлбэл нүүрсний экспорт биет хэмжээгээр өнгөрсөн оны мөн үетэй харьцуулахад 14%-иар, үнийн дүнгээр 20%-иар тус тус өслөө.

Зэсийн баяжмалын экспортын тухайд мөн сард 101.6 мянган тонн, харин үнийн дүнгийн хувьд 114 сая ам.доллараар илэрхийлэгдэж байна. Энэ нь жингийн хувьд 13.5%-иар, орлогын дүнгээр 27.5%-иар тус тус буурсныг илтгэнэ. Харин тунгаасан цэвэр зэсийн экспортын дүн өсөлтийг харууллаа. Тодруулбал жингээр 960.7 тоннд хүрч, өмнөх оны мөн үетэй харьцуулахад 26%-иар, орлогын тухайд 5.7 сая ам.долларт хүрч 30%-иар тус тус өсчээ.

Орлогын дүнгээр төмрийн хүдрийн экспорт гуравдугаарт эрэмбэлэгдэж, өсөлтөөрөө тэргүүлэх түүхий эд болж байна. Төмрийн хүдрийн экспорт оны эхний сарын байдлаар 815.5 мянган тоннд хүрснээр өнгөрсөн оны мөн үеэс 34%-иар нэмэгджээ. Төмрийн хүдрийн экспортын орлогын тухайд 55.5 сая орчим ам.долларт хүрсэн нь даруй 2.1 дахин өссөн үзүүлэлт боллоо.

Цайрын хүдэр, баяжмалын экспорт оны эхний сард 12.8 мянган тоннд хүрч 6%-иар өссөн бол орлогын тухайд 18 сая ам.доллартай тэнцэж 5%-ийн өссөн байна.

Түүхий газрын тосны экспорт оны эхний сард биет хэмжээгээр 287.7 мянган баррельд хүрсэн нь 46%-иар, орлогын дүнгээр 16.9 сая ам.долларт хүрч 37%-иар тус тус буурав.

Жоншны хүдэр, баяжмалын экспорт биет хэмжээгээр 47.5 мянган тоннд хүрч 11.5%-иар, орлогын дүнгээр 12.9 сая ам.доллар хүрч 27%-иар тус тус буурлаа.

Молибденийн баяжмал 0.5 мянган тоннд хүрч, орлогын дүнгээр 3.8 сая ам.доллартай тэнцсэн нь жингээр өмнөх оны мөн үеийн түвшинд, орлогын хувьд 9.8%-иар буурсан дүнтэй гарлаа.

Дээр дурдсанчлан оны эхний сард алтны экспорт хийгдээгүй ч Монголбанкны алт худалдан авалтын хэмжээ 1.8 тоннд хүрсэн байна. Мөн сард нүүрс, төмрийн хүдэр, цайрын экспорт өссөн ч зэс, жоншных буурсан.

Гэвч хоёрдугаар сард Хятадад шинэ төрлийн коронавирусын (COVID-19) халдварын хэмжээ эрчимтэй нэмэгдсэнээс үүдэн нүүрсний экспортыг гуравдугаар сарын 2-ныг хүртэл зогсоохоор Улсын онцгой комисс (2020.02.10) шийдвэрлэсэн. Үндэсний статистикийн хорооны мэдээлснээр, энэ оны хоёрдугаар сард нүүрсний экспорт зогсох хүртэлх хугацаанд нийтдээ 213 мянган тонн нүүрс экспортолж 16.2 сая ам.долларын орлого олжээ. Өнгөрсөн 2019 оны хоёрдугаар сарын байдлаар Монгол Улсын хэмжээнд нийтдээ 1.9 сая тонн нүүрс экспортолж, 163 сая ам.долларын орлого олж байсан юм.

Хоёрдугаар сарын эхний хагаст газрын тосны экспорт огт хийгдээгүй бөгөөд гуравдугаар сарын 2-ноос нүүрс, газрын тосны экспорт сэргэх төлөвтэй байна. 2019 оны хоёрдугаар сард газрын тосны экспорт 477.6 мянган баррель буюу 25.9 сая ам.долларт хүрч байсан юм.

 

Б.Төгс

Сэтгэгдэл байхгүй байна

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 14 цаг 59 минутын өмнө
    Манай компани нь газрын тос, хийн салбарт инженерийн иж бүрэн үйлчилгээг үзүүлэх зорилгоор 2000 онд байгуулагдан 20 дахь жилдээ үйл ажиллагаа явуулж байна. Бид газрын тосны бүтээгдэхүүнийг хүлээн авах, хадгалах, түгээх, тээвэрлэх технологид байгаль орчин, галын аюулгүй байдал, цаг уурын онцлог, олон улсын стандарт, техник технологийн хөгжлийн чиг хандлагад нийцсэн орчин үеийн шилдэг технологиудыг нэвтрүүлэх, газрын тосны бизнес эрхлэгчид үр ашиг, бүтээмжээ дээшлүүлж зардлаа бууруулах, нөгөө талаас шатахуун хэрэглэгчид аюулгүй, тохилог орчинд үйлчлүүлэх бололцоог бий болгоход чиглэсэн судалгаа хөгжил, инженерийн иж бүрэн үйлчилгээг үзүүлж ирсэн. Мөн дэлхийн 10 гаруй улсын 60 гаруй тэ‎ргүүл‎эгч үйлдвэрлэгчээс тоног төхөөрөмж, хэрэгсэл нийлүүлж засвар үйлчилгээг үзүүлдэг. 100 м3 хүртэлх багтаамжтай дан болон давхар ханатай савыг олон улсын стандарт, лицензийн дагуу олон улсын UL (Underwriters Laboratories) лабораторийн сертификаттай үйлдвэрлэж байна.
  • Уржигдар 17 цаг 24 минутад
    Монгол Улсын Ерөнхий сайд У.Хүрэлсүх шинээр байгуулсан Засгийн газрын гишүүдийг өнөөдөр Монгол Улсын Ерөнхийлөгч Х.Баттулгад танилцуулав. Энэ үеэр Монгол Улсын Ерөнхийлөгч Х.Баттулга “Миний бие Засгийн газрын гишүүдийн анкет, ажилласан байдалтай танилцлаа. Цаашид Засгийн газартай хамтран ажиллахдаа сайд нартай нүүр тулан уулзаж, санал бодлоо илэрхийлж ажиллана” гээд зарим сайд нараас тухайлсан асуулт асууж, ярилцсан байна. Ерөнхийлөгч "Уул уурхай, хүнд үйлдвэрийн сайд Г.Ёндон уул уурхайн салбар, төмөр замынхаа уялдааг ойлгож байгаа юу. Төмөр зам барьж, ложистикийг нь улс шийдээд өгөхөөр олборлолтыг нь хийж, нэмүү өртөг шингээж, экспортод гаргах боломж бүрдэж байгаа. Үүнийг ойлгож ажиллана гэдэгт итгэж байна" гэдгээ илэрхийлжээ.  
  • Уржигдар 16 цаг 45 минутад
    Үндсэн хуулийн нэмэлт өөрчлөлтийн дагуу 3.1 “Монгол Улсад засгийн бүх эрх ард түмний мэдэлд байна. Монголын ард түмэн төрийн үйл хэрэгт шууд оролцож, мөн сонгож байгуулсан төрийн эрх барих төлөөлөгчдийн байгууллагаараа уламжлан энэхүү эрхээ эдэлнэ” гэсэн заалт “амилж” Монгол Улс анх удаа Ерөнхий сайдаа шууд бусаар ард түмэн сонгож, Ерөнхий сайд багаа өөрөө бүрдүүлэн Засгийн газрын гишүүд сайд нар өнөөдөр тодорч байна. Үндсэн хуулийн өөрчлөлт, шинэчлэлээр УИХ-ын томилгооны эрх, улсын нэгдсэн төсвийн эрх мэдэл хязгаарлагдана. Ингээд шинээр бүрдэж буй Засгийн газраас Уул уурхай, хүнд үйлдвэрийн сайдаар Г.Ёндон томилогдож тангараг өргөлөө. Монгол Улсын зөвлөх инженер тэрээр ОХУ-ын Эрхүү хотын Политехникийн сургуульд уулын инженер, маркшейдер мэргэжил эзэмшжээ. УИХ-ын нэгдсэн чуулганаар (2020.07.08) сайд нарт нэр дэвшигчдээс асуусан Парламентын гишүүдийн асуулгын уул уурхайн салбартай холбогдолтой асуудлыг тоймлон хүргэж байна.
  • Уржигдар 10 цаг 54 минутад
    Австрали улс нь Хятадын   хамгийн том түүхий эд нийлүүлэгч. Гэхдээ цаашид Хятад улс энэхүү томоохон нийлүүлэгч улстайгаа эвтэй байх уу гэдэг асуудал уул уурхайн салбарт хэн бүхний анхаарлыг татсан сэдэв болоод байна. Австралийн хувьд өнгөрсөн 2019 оны байдлаар Хятад руу нийт 153 тэрбум австрали долларын бараа, үйлчилгээ экспортолжээ. Энэ нь Австралийн дотоодын нийт бүтээгдэхүүний 7.7%-тай тэнцэнэ.  Гэвч шинэ коронавирусын өвчний эх үүсвэрийг эрэн сурвалжилж олж тогтоох талаар Австралийн Засгийн газар улс орнуудад уриалга гаргасан нь худалдааны томоохон түншид нь тун эмзэг тусжээ. Хятадын Засгийн газар Австралийн уриалгыг ихээхэн эмзэг хүлээн авч буйгаа огтхон ч нуусангүй.
  • Уржигдар 10 цаг 47 минутад
    Монголбанк 2020 оны зургадугаар сард 2.3 тонн үнэт метал худалдан авч, оны эхнээс өссөн дүнгээр нийт 10.8 тонн үнэт метал худалдан аваад байна. Энэ нь өмнөх оны мөн үетэй харьцуулбал 4.8 тонноор өссөн үзүүлэлт юм.  Монголбанкны нийт худалдан авсан 10.8 тонн үнэт металын 9.1 тонн нь алт, 1.7 тонн нь цагаан мөнгө байна. 2020 оны зургадугаар сарын хувьд Дархан-Уул аймаг дахь Монголбанкны хэлтэс 63.9 кг,  Баянхонгор аймаг дахь Монголбанкны салбар 81.9 кг үнэт метал худалдан аваад байна. Он гарснаас хойш орон нутаг дахь Монголбанкны 2 хэлтэс нийт 565 кг үнэт метал худалдан авлаа.