С.Энхтуяа: Тулгамдсан олон асуудлыг шийдвэрлэх хүчтэй дуу хоолой болж чадна

2019-12-30 11:47

Уул уурхайн салбарт үйл ажиллагаагаа явуулж байгаа томоохон компаниуд энэхүү сайн дурын санаачилга, кодекст нэгдсэнээр бусад аж ахуйн нэгжүүдээ хариуцлагын төлөө нэгдэх дуу хоолой нь болж цаашлаад  эх орныхоо эдийн засгийг нуруундаа үүрч байгаа уул уурхайн салбарт ажиллаж, амьдардаг иргэдийнхээ ажил үүргээрээ бахархах бахархлыг бий болгох, салбарын үйл ажиллагаа, нэр хүндийг олон нийтэд эерэгээр таниулах чухал ач холбогдолтой юм.

Түүнчлэн хариуцлагатай аж ахуйн нэгжүүдийн туршлага, сайн жишээг өөрийн компанидаа нэвтрүүлэх, хамтын ажиллагааг өргөжүүлэх зэрэг олон эерэг үр дүн, боломжуудыг бий болгох давуу талтай. Хамгийн чухал нь уул уурхайн салбарт зайлшгүй шаардлагатай хууль, журам, тогтоол, шийдвэрүүдийн өөрчлөлтүүдэд саналаа өгөхөд зөвхөн нэг компанийн эрх ашгийн төлөө бус хариуцлагаараа нэгдсэн олон аж ахуй нэгжүүдийн төлөөлөл хамтарч салбар дахь олон тулгамдсан асуудлуудыг шийдвэрлэхэд хүчтэй дуу хоолой болж чадна гэж харж байна.  
Бид “Хариуцлагатай уул уурхайн үндсэн шалгуур бол нөхөн сэргээлт мөн” гэсэн зарчмыг баримтлан ажиллахаас гадна хариуцлагатай уул уурхайн үндсэн шалгуурууд болох нөхөн сэргээлт, хөдөлмөрийн аюулгүй ажиллагаа, мэдээллийн ил тод байдал, орон нутгийн иргэдийн оролцоог өөрсдийн хэрэгжүүлж буй бүхий л төсөл, үйл ажиллагаандаа хангаж ажиллаж байна.

“Монполимет” ХХК  уул уурхайн салбарт үйл ажиллагаа явуулж эхэлсэн үеэсээ уурхайн олборлолт, төлөвлөлтийг байгаль орчныг хамгаалах, нөхөн сэргээлтийн үйл ажиллагаатай уялдуулан бүс нутгийн онцлог, экологийн олон жилийн судалгаа, туршлага дээр тулгуурлан гүйцэтгэснээр Монгол Улсдаа үлгэр жишээ болохуйц хэмжээнд хийж ирлээ. 

Байгаль орчны нөхөн сэргээлтийн ажлыг төрийн болон төрийн бус байгууллагууд, ижил төстэй үйл ажиллагаа явуулдаг аж ахуй нэгж, орон нутгийн иргэдэд танилцуулах, сурталчлах, арга зүйн зөвлөгөө өгөх зорилгоор дотоодын болоод олон улсын нийт 4 удаагийн нөхөн сэргээлтийн үзүүлэх сургалтыг Тосон үйлдвэртээ хийсэн. Өнөөдөр Тосон үйлдвэр нь Заамарын бүс нутагт төдийгүй Монгол Улсын уул уурхайн салбарын нөхөн сэргээлтийн жишиг бааз болоод байна.

Бид тэртээ 20 жилийн өмнө Монгол Улсад CAT, Komatsu-ийн техникүүдийг иж бүрдлээр нь ажиллуулсан анхдагч компаниудын нэг бөгөөд өнөөдрийн уул уурхайн салбарт үр өгөөжөө өгч буй техник, технологийг нутагшуулахад болон тус техникүүдэд ажиллах боловсон хүчнийг бэлтгэхэд өөрсдийн хувь нэмрээ оруулсан байдаг. Манай уурхайд ажиллаж байсан CAT, Komatsu-ийн чадварлаг операторууд нь Монгол Улсын өнцөг булан бүрт ажиллаж, төрөл бүрийн уурхай дахь боловсон хүчинг бүрдүүлэн ажиллаж байна. 
Хариуцлагагүй үйл ажилла­гаа явуулж байгаа аж ахуйн нэгжүүд, хуульд тэр болгон хамаарагддаггүй бичил уурхайч­дын үйл ажиллагаанаас үүдэлтэйгээр салбарын нэр хүнд олон нийтэд ихээхэн унасан. 

Монгол Улсын экспортын орлогын дийлэнхийг бүрдүүлж буй энэ салбарт хууль эрхзүйн хүрээнд үйл ажиллагаа явуулдаг, олон зуун хүнийг ажлын байраар хангадаг, нийгмийн хариуцлагаа ухамсарладаг томоохон аж ахуйн нэгжүүдээ төрийн зүгээс тусгайлан дэмжсэн, олон нийтэд зөвөөр сурталчилсан бодлого, арга хэмжээг тэр болгон авдаггүй.
Мөн энэ салбарт шантааж хийдэг, худал мэдээллийг олон нийтэд дэлгэж нэр хүн­дийг нь унагаадаг төрийн бус байгууллагуудын үйлдэл компанийн үйл ажиллагаанд үргэлж саад учруулж байна. Өнөөдрийн төрийн байгуул­лагуудын олон үе шаттай шалгал­туудыг  уул уурхайн салбарт үйл ажиллагаа явуулж байгаа тусгай зөвшөөрөл бүхий компани болон бичил уурхайчид, нинжа гэх бүлэг хүмүүст тэгш шалгуураар явуулах нь зүйтэй.  

Салбарын бодлогыг тодор­хойлж, хэрэгжүүлж буй төрийн захиргааны байгууллагууд, орон нутгийн удирдлага, төлөөллүүд, мэргэжлийн холбоодтой хамтарч ажиллахын зэрэгцээ судалгаа, шинжилгээний байгууллагууд, их сургуулиудтай хамтарч ажилладаг.  

Сэтгэгдэл (1)

  • Зочин (202.9.40.32)
    сайн байна уу? таньд эрүүл энх ,аз жаргал ,ажлын өндөр амжилт хүсье сайн үйлс дэлгэрэх болтугай
    2020 оны 02 сарын 21 | Хариулах
Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 18 цаг 51 минутын өмнө
    Орд, уурхай бүрийн нүүрсний шинж чанар   харилцан адилгүй бөгөөд нүүрс баяжуулах үйлдвэрийг байгуулахад технологийн сонголт хамгийн чухал. Тэр дундаа ус зарцуулалт багатай технологийг нэвтрүүлэх нь манай улсад нэн ач холбогдолтой. Манай уул уурхайн салбарт нүүрс баяжуулах 30 орчим үйлдвэр үйл ажиллагаа явуулж байна. Үүнээс 20 орчим нь нойтон аргаар, үлдсэн нь хуурай аргаар баяжуулах технологитой.  “Эрдэнэс Тавантолгой” компани жилдээ 20 сая тонн нүүрс боловсруулах хүчин чадалтай баяжуулах үйлдвэрийн төслийг ТЭЗҮ-дээ тусгажээ. Тус үйлдвэр нүүрс хүлээн авах, бутлах, баяжуулах, усгүйжүүлэх, эргэлтийн ус хангамж болон хаягдлын аж ахуй зэрэг хэсгүүдээс бүрдэх юм. 
  • 2020-11-24 15:46
    Ковид-19 цар тахлын шинээр үүссэн нөхцөл байдалтай холбогдуулан УУХҮ-ийн сайд Г.Ёндон уул уурхайн бүтээгдэхүүн экспортлогч компаниудын төлөөлөл, газрын тосны бүтээгдэхүүний худалдаа эрхлэгч, аж ахуйн нэгжүүдтэй зургаан удаагийн шуурхай цахим хуралдааныг хийсэн. Уг хурлаар аж ахуйн нэгжүүдэд тулгарч буй хүндрэл, бэрхшээлийг сонсож, асуудлыг шийдвэрлэх арга замын талаар санал солилцож, албан даалгавар зөвлөмжийг өгсөн. Уул уурхайн компаниудын зүгээс үйл ажиллагаа хэвийн үргэлжилж байгаа, шатахуун, түлш, хүнсний нөөц хангалттай хэмжээнд байгаа боловч хөл хориотой холбоотойгоор компаниудын үйл ажиллагаа хаагдсан учир сэлбэг хэрэгсэл, тоног төхөөрөмж татан авах асуудал хүндэрч болзошгүйг илэрхийлсэн.
  • 2020-11-24 15:31
    УОК-ийн даргын арваннэгдүгээр сарын 21-ний өдрийн 30 дугаар тушаалын дагуу Өмнөговь аймгийн Оюутолгой, Тавантолгой, Нарийнсухайтын ордод үйл ажиллагаа явуулж буй уул уурхайн компаниуд болон Гашуунсухайт, Шивээхүрэнгийн боомт, хилийн хяналтын бүсэд ажиллаж буй иргэдийг цар тахлаас урьдчилан сэргийлэх, компаниудын хэвийн үйл ажиллагааг хангах, шаардлагатай арга хэмжээг тодорхойлж нэгдсэн удирдлагаар хангах зорилгоор Уул уурхай, хүнд үйлдвэрийн дэд сайдаар ахлуулсан ажлын хэсэг Гашуунсухайт боомтод ажиллаж байна. 
  • 2020-11-24 15:22
    Гашуунсухайт дахь Гаалийн газрын мэдээлснээр, одоогоор Хятадын тал Монголын нүүрсийг өдрийн гурван цаг хүртэл нэвтрүүлж байгаа ажээ. Өнгөрсөн бямба гаригт (2020.11.21) ердөө 20 машин хилээр нэвтэрч байсан бол өнөөдрийн байдлаар 300 нүүрсний машин хилээр нэвтэрсэн байна. Энэ нь өчигдөр 211 машин Гашуунсухайт боомтын хилээр нэвтэрсэнтэй харьцуулахад өссөн дүн юм. Ийнхүү нүүрсний тээврийн жолооч нар шинжилгээнд хамрагдаж, тэр хэрээр нэвтрэлт шат дараатайгаар нэмэгдэх төлөвтэй байна. Гэвч нүүрс тээврийн жолооч нар Хятадын талд хонох боломжгүй болсон учир Гашуунсухайт боомтоор өдөрт нэвтрэх машины тоо дээд тал нь 500 хүрэх боломжтой ажээ.
  • 2020-11-23 15:42
    Монголбанкны Мөнгөний бодлогын хороо КОВИД-19 цар тахал дотоодод тархаж, бүх нийтийн бэлэн байдлын зэрэгт шилжиж хөл хорио тогтоосонтой холбоотойгоор 2020 оны арваннэгдүгээр сарын 23-ны өдөр ээлжит бусаар хуралдлаа. Улмаар бодлогын хүүг 2 нэгж хувиар бууруулж 6%-д хүргэх; банкны тѳгрѳгийн заавал байлгах нѳѳцийн хувь хэмжээг 2.5 нэгж хувиар бууруулж 6%-д тогтоох; эргэн тѳлѳлт нь доголдсон хэрэглээний зээлд бүтцийн ѳѳрчлѳлт хийж, хугацааг сунгах арга хэмжээг 2021 оны долдугаар сарын 1-ний өдрийг хүртэл үргэлжлүүлэн хэрэгжүүлэх; жижиг, дунд үйлдвэрлэл, уул уурхайн бус экспортыг дэмжихэд зориулсан урт хугацаат дахин санхүүжилтийн хэрэгслийг нэвтрүүлэх зэрэг багц шийдвэрийг гаргалаа.