Шилдэгүүдээ тодруулсан “LOCAL MINING JOURNALISTS AWARDS-2019

2019-11-05 15:18

Монголын уул уурхай, эдийн засгийн мэргэшсэн сэтгүүл The Mongolian Mining Journal сэтгүүлийн  дэргэдэх “Хөгжлийн төлөө сэтгүүл зүй” ТББ төв, орон нутгийн сэтгүүлчдийг уул уурхайн сэтгүүл зүйгээр мэргэшүүлэх сургалтыг 2010 онд Өмнөговь аймагт эхлүүлэн 2015 оноос “Орон нутгийн сэтгүүлчдийн сүлжээ” төсөл болгон өргөжүүлсэн юм. Өнөөг хүртэлх хугацаанд энэхүү төсөлд 21 аймгийн 35 сэтгүүлч тогтмол хамрагдан нийтдээ 13  удаагийн цуврал сургалтыг зохион байгуулаад байна. Тав дахь жилийн ойгоо тэмдэглэж буй уг төслийн үнэ цэнийг өргөх үүднээс анх удаа уул уурхайн мэргэшсэн сэтгүүл зүйн шилдэг бүтээл шалгаруулах LOCAL MINING JOURNALISTS AWARDS-2019 ёслолын ажиллагааг арваннэгдүгээр сарын 2-нд “Кемпински” зочид буудалд зохион байгууллаа.

“Орон нутгийн сэтгүүлчдийн сүлжээ” төслийн 2019 оны  сургалтын  онцлог  нь  The Mongolian Mining Journal сэтгүүл 21 аймгийг хамарсан төслийн мэдээллийн сүлжээндээ тулгуурлан, бие даан “Редакцын зарчим”-аар буюу менторшип хэлбэрээр  “Орон нутаг ба уул уурхай” төсөл хэрэгжүүллээ.  Мөн  “Оюутолгой” ХХК-тай хамтран “Уул уурхайн эдийн засагт үзүүлж буй нөлөөлөл” сэдэвт сургалтыг амжилттай хэрэгжүүлсэн юм. Энэхүү хоёр төслийн үйл ажиллагаанд Монгол Улсын Их Сургуулийн Сэтгүүл зүй, олон нийтийн харилцааны тэнхим болон Канадын Бритиш Колумбын Их сургуулийн Сэтгүүл зүйн тэнхим (The University of British Columbia’s Graduate School of Journalism), олон улсын сэтгүүл зүйн салбарт бие даасан мэдээллийн судалгаа явуулдаг Global Reporting Centre  (GRC) байгууллагууд сэтгүүл зүйн арга зүйн  дэмжлэг үзүүллээ. 

Орон нутгийн сэтгүүлчид “Хөгжлийн төлөө сэтгүүл зүй” ТББ-аас зарласан сэтгүүл зүйн бүтээлийн удирдамжийн дагуу, редакцын шалгуур үзүүлэлтээр The Mongolian Mining Journal сэтгүүл болон www.mongolianminingjournal.com сайтад 2019 оны гуравдугаар сарын 25-наас бүтээлээ нийтлүүлж эхэлсэн бөгөөд аравдугаар сарын 15-ныг хүртэлх хугацаанд нийт 80 гаруй нийтлэл, нэвтрүүлэг, мэдээ мэдээлэл бэлтгэн ирүүлэв.  Бүтээлүүд сонин, телевиз, сайтын төрлөөр нийт 6 номинацид нэр дэвшин өрсөлдөж,  Шилдэг сэтгүүлч, бүтээлийг тодруулсан юм.
“Уул уурхайн эдийн засагт үзүүлж буй нөлөөлөл” сэдэвт төслийн сургалтын сэтгүүл зүйн бүтээлийн уралдаанд аравдугаар сарын 2-ныг хүртэлх хугацаанд нийт 20 сэтгүүлч 32 бүтээл (нийтлэл, нэвтрүүлэг) ирүүлснийг Мэргэжлийн шүүгчдийн зөвлөл шалгарууллаа. Мэргэжлийн шүүгчдийн зөвлөлд МУИС-ийн Сэтгүүл зүй, олон нийтийн харилцааны тэнхимийн доктор, профессор, уул уурхайн салбарын хараат бус шинжээч, “Оюутолгой” ХХК-ийн хэвлэл мэдээллийн баг, The Mongolian Mining Journal сэтгүүлийн редакцын төлөөлөл багтсан.

Сэтгүүл зүйн шилдэг бүтээл шалгаруулах LOCAL MINING JOURNALISTS AWARDS-2019 ёслолын ажиллагаанд хүрэлцэн ирсэн нийт зочид, орон нутгийн сэтгүүлчдэд хандан  Монгол Улсын анхны Ерөнхийлөгч, академич П.Очирбат үг хэллээ. Ёслолын ажиллагаанд мөн Монгол Улсын Аж үйлдвэрийн гавьяат ажилтан, Шинжлэх ухаан, технологийн их сургуулийн Хүндэт профессор, шинжлэх ухааны доктор Д.Дондов, Шинжлэх ухаан технологийн их сургуулийн харьяа Уул уурхайн хүрээлэнгийн Дэд захирал, шинжлэх ухааны доктор, профессор Б.Пүрэвтогтох, Монголын экспортлогчдын холбооны Ерөнхийлөгч, Техникийн ухааны доктор Д.Галсандорж, Монгол Улсын Аж үйлдвэрийн гавьяат ажилтан, Уул уурхай, хүнд үйлдвэрийн сайдын зөвлөх, доктор Д.Бат-Эрдэнэ, “Дат консалтинг” ХХК-ийн Гүйцэтгэх захирал Н.Алгаа, Монголын Өрөмдлөгийн холбооны Гүйцэтгэх захирал, доктор профессор Ж,Цэвээнжав, Монголын Уул Уурхайн Үндэсний Ассоциацийн Гүйцэтгэх захирал Д.Энхболд, “Оюутолгой” ХХК-ийн Хэвлэл мэдээлэл, байгууллагын харилцаа хариуцсан Тэргүүн зөвлөх Э.Лхагва, МУИС-ийн Сэтгүүл зүйн тэнхимийн эрхлэгч Б.Наранбаатар, Германы олон улсын хамтын ажиллагааны нийгэмлэг (GIZ)-ийн ЭТИС хөтөлбөрийн төлөөлөл зэрэг нэр хүндтэй зочид уригдан оролцлоо.

“Хөгжлийн төлөө сэтгүүл зүй” ТББ-ын  2010 онд эхлүүлсэн сэтгүүлчдийг чадавхжуулах сургалтын ач холбогдлыг үнэлэн дүгнэж,  2015-2018 онд Германы Олон улсын хамтын ажиллагааны нийгэмлэгийн Эрдэс баялаг, түүхийн  эдийн иж бүрэн санаачлага хөтөлбөр, МУИС-ийн Сэтгүүл зүйн тэнхим, Олборлох үйлдвэрлэлийн ил тод байдлын санаачлагын Ажлын алба, “Оюутолгой” компани зэрэг байгууллагууд хамтран хэрэгжүүлэхийн зэрэгцээ сэтгүүлчдийг уурхайн бодит үйл ажиллагаатай танилцах аяллыг “Энержи Ресурс”, “Эрдэнэс Тавантолгой”, “Бороо гоулд” зэрэг компаниуд нийгмийн хариуцлагын хүрээнд дэмжин ажилласан юм. Мөн ХБНГУ-ын сэтгүүл зүйн шилдэг туршлагатай доктор багш нар  сонирхолтой, үр өгөөжтэй сургалт явуулж ирсэн билээ.

"УУЛ УУРХАЙН ЭДИЙН ЗАСАГТ ҮЗҮҮЛЖ БУЙ НӨЛӨӨЛӨЛ" төслийн ШИЛДЭГҮҮД:

ГРАН ПРИ-ШИЛДЭГИЙН ШИЛДЭГ БҮТЭЭЛ-ээр Өмнөговь аймгийн www.melmii.mn видео сайтын эрхлэгч С.Сумьяагийн “Уул уурхайн салбар дахь төрийн бодлого-орон нутгийн хөгжилд” нэвтрүүлгээр,

НЭГДҮГЭЭР БАЙР-т Дорнод аймгийн “Агар” студийн сэтгүүлч Э.Отгонтуяа “Хууль хэрэгжихийг хүлээх зуур” нийтлэлээр,

ХОЁРДУГААР БАЙР-т Дархан-Уул аймгийн “Дархан” телевизийн сэтгүүлч Л.Отгонбаатар “Бичил уурхай бидэнд хэрэгтэй байна” нэвтрүүлгээр,


ГУРАВДУГААР БАЙР-т Ховд аймгийн khovdtimes.mn cайтын эрхлэгч Ж.Саруул “Хөшөөтийн уурхайн ил ба далд асуудлыг хөндөхүй” нийтлэлээр,


 

ТУСГАЙ БАЙР-т Баянхонгор аймгийн khongor.mn сайтын эрхлэгч Б.Чинбат “Хар дагуулсан алтны мөрөөр” цуврал сурвалжлагаар,

- Өмнөговь аймгийн “Алтанговь” телевизийн сэтгүүлч Н.Энхцэцэг “Зам дагасан тарчлаан” нэвтрүүлгээр,

- Ховд аймгийн “Ховд” телевизийн сэтгүүлч С.Жавзандуламын “Хөгжилд тэмүүлсэн он жилүүд” нэвтрүүлгээр тус тус шалгарсан тул  Өргөмжлөл, мөнгөн шагналаар шагнав.




 
 "ОРОН НУТАГ БА УУЛ УУРХАЙ" мэдээллийн сүлжээ төслийн ШИЛДЭГҮҮД:

ГРАН ПРИ-ШИЛДЭГИЙН ШИЛДЭГ БҮТЭЭЛ-ээр Сүхбаатар аймгийн “Сүхбаатарын өнгө” сонины эрхлэгч Д.Улаанхүүхэн “Сүхбаатар аймаг хариуцлагатай уул уурхайг дэмжиж ажиллана”, “Уул уурхайн орлогоор баялгийн санг бүрдүүлэх нь зүйтэй” зэрэг ярилцлага, сурвалжлага, бэлтгэсэн мэдээгээр,

Сонины ШИЛДЭГ БҮТЭЭЛ-ээр Баянхонгор аймгийн “Өнөөгийн Баянхонгор” сонины эрхлэгч П.Санаадагва “Хариуцлагатай уул уурхай мэргэжлийн байхаас эхэлнэ”, “Уул уурхайд ус агаар мэт хэрэгтэй зүйл бол ил тод, нээлттэй байдал” зэрэг нийтлэл, ярилцлагаар,

Сайтын ШИЛДЭГ БҮТЭЭЛ-ээр Дорноговь аймгийн “Д” медиа группын “Өнөөгийн Дорноговь” сонины сэтгүүлч П.Нямцэцэг “Урссан устай холбоотой “урсгаж” болохгүй сургамж”, “Эко хэлхээ” компанийн жонш баяжуулах үйлдвэрийн хүнцэлийн агууламж стандартаас их гарчээ” зэрэг нийтлэл, ярилцлагаар,

 

Сайтын “ШИЛДЭГ СЭТГҮҮЛЧ”-ээр Өмнөговь аймгийн gobimedia.mn сайтын эрхлэгч Ч.Сумъяа “Метан хийн эрин зуун айсуй”, “Метан хийг олборлох нь Монгол улс, тэр дундаа Өмнөговь аймгийн хувьд чухал”, “Говьчуудад усгүй болох аюул ойрхон ирсэн” зэрэг нийтлэл, ярилцлагаар,

 

Сонины “ШИЛДЭГ СЭТГҮҮЛЧ”-ээр Архангай аймгийн “Архангайн толь” сонины сэтгүүлч Х.Цэвэгмид “Нуклер Энержи Монголиа” компани ураны хайгуулын үйл ажиллагаагаа сэргээх үү?”, “Засгийн газраас хайгуул хийх саналууд ирдэг ч бид зөвшөөрдөггүй” зэрэг , сурвалжлага, ярилцлагаар,

 

Телевизийн “ШИЛДЭГ СЭТГҮҮЛЧ-ээр -Орхон аймгийн Эрдэнэт хотын ETV HD телевизийн сэтгүүлч Б.Гантуяа “Цагаан тоосны дэгдэлт, сөрөг нөлөөллийг бууруулах дэд хөтөлбөртэй болов”, “Эрдэнэт үйлдвэр”-ийн усны алдагдлын асуудлыг хэлэлцэв” зэрэг мэдээ, сурвалжлагаар тус тус шалгарсан тул Өргөмжлөл мөнгөн шагналаар шагнасан юм.


 

Сэтгэгдэл байхгүй байна

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 2020-05-29 14:56
    Монгол Улс Санхүүгийн хориг арга хэмжээ авах байгууллага (ФАТФ)-ын мөнгө угаах, терроризмыг санхүүжүүлэхтэй тэмцэх стратегийн дутагдалтай орнуудын жагсаалтад 2019 оны аравдугаар сард орсноор нийт 4 шууд хэрэгжилтийн зөвлөмж дээр 6 үүрэг даалгавар авсан. Монгол Улсын Засгийн газраас байгуулагдсан ажлын хэсэг, Үндэсний зөвлөл, Хамтын ажиллагааны зөвлөлийн гишүүн байгууллагууд, хувийн хэвшил болон мэргэжлийн холбоодын хамтарсан ажлын хэсгүүд ФАТФ-ын стратегийн дутагдалтай орнуудын жагсаалтаас гарах чиглэлээр эрчимтэй ажиллаж, төлөвлөгөөнд тусгасан ажлуудтай холбоотой тайланг ФАТФ-ын Ази, Номхон Далай бүс хариуцсан хамтарсан бүлэгт цаг тухайд нь хүргүүлж ажиллалаа.
  • 2020-05-25 13:53
    Цар тахлын тархалтаас урьдчилан сэргийлэх үүднээс Засгийн газраас хөл хорио тогтоох арга хэмжээ авч хэрэгжүүлж байна. Өвчний тархалтаас сэргийлэх талаар амжилттай боловч хөл хорионы сөрөг нөлөөнөөс уул уурхайн салбарын үйлдвэрлэл, экспорт буурах, худалдааны салбарын идэвх сулрах, аялал жуулчлал, тээвэр, үйлчилгээний салбар орлогогүй болоход хүрч, улмаар бусад салбаруудад нөлөөлж байна. Энэ  гинжин холбоогоор банкны салбарт ч тодорхойгүй байдал, эрсдэл, сөрөг нөлөөг үзүүлж байгаа. Монголбанкны судалгаагаар коронавирусын нөлөөлөлд 54 мянган зээлдэгчийн 3.5 их наяд төгрөгийн зээл өртөж байгаа гэсэн тооцоо бий. Манай улсын хувьд санхүүгийн зах зээлийн 90 орчим хувийг банкны систем бүрдүүлдэг. Иргэд, аж ахуйн нэгж хямралд өртөн орлогогүй болж, зээлээ эргэн төлөхөд хүндрэл үүссэнээр банкуудын өөрийн хөрөнгө, ашигт ажиллагаа буурч, эрсдэлийн сангаа нэмэгдүүлэх шаардлагатай тулгарна.
  • 2020-05-25 13:52
    Монгол Улсын парламент  2019 оны арваннэгдүгээр сарын 14-ний пүрэв гарагийн хуралдаанаараа Үндсэн хуульдаа нэмэлт өөрчлөлт оруулсан. 1992 оны нэгдүгээр сарын 13-нд ардчилсан тодотголтой Үндсэн хуулиа баталснаас хойш 2000 онд анх удаа “гар хүрч”, “дордох”-ын хэмээгддэг 7 заалтад оруулсан нь цаг хугацааны эрхээр багагүй маргаан дагуулж ирсэн юм. Энэхүү 7 заалтаас зургаад нь нэмэлт, өөрчлөлт хийснээр Үндсэн хуулийн өнгө төрх багагүй сайжирсан юм. Хоёр удаа нийгмээрээ хэлэлцэж, гурав дахь удаагийн хэлэлцүүлгээ парламентын хуралдаанд гуравхан цагийн дотор хийсэн Үндсэн хуулийн нэмэлт өөрчлөлтийг өнөөдөр /2020 оны тавдугаар сарын 25/ 12.00 цагт буюу 17-р жарны төмөр хулгана жилийн зуны тэргүүн сарын шинийн 3-ны морин цагаас эхлэн улс орон даяар мөрдөж эхэлж байна.
  • 2020-05-25 13:00
    “Шивээ-Овоо” ХК-ийн Төлөөлөн удирдах зөвлөлийн ээлжит хурлыг тус уурхай дээр зохион байгуулж, үйл ажиллагаанд тулгамдаж буй асуудалтай танилцан, хэд хэдэн чиглэлээр үүрэг өглөө. Төлөөлөн удирдах зөвлөлийн дарга Э.Дөлгөөн уурхайн олборлолтын зардлыг бууруулах чиглэлээр тооцоо судалгаа хийж, танилцуулах, компанийн худалдан авалтын сонгон шалгаруулалтыг хуулийн хүрээнд нээлттэй зарлахыг компанийн удирдлагуудад чиглэл болгосон байна. Мөн 2020-2021 оны өвөлжилтийн бэлтгэл ажлыг хангах хүрээнд нарийвчилсан төлөвлөгөө боловсруулж, шаардлагатай арга хэмжээг ирэх саруудад авахаар болжээ. 
  • 2020-05-22 14:01
    Монгол улсын Засгийн газар, МҮХАҮТ хамтран Монгол Улсын ТОП-100 аж ахуйн нэгжийг эрэмбэлэн өргөмжлөх үйл ажиллагааг 19 дахь жилдээ анх удаа /тавдугаар сарын 20/ цахим хэлбэрээр зохион байгууллаа. Цахим арга хэмжээг нээж МҮХАҮТ-ын Ерөнхийлөгч О.Амартүвшин  “2020 он бол бид бүхний хувьд туйлын өндөр сорилттой жил болж байна. Монголын эдийн засгийг нуруун дээрээ үүрч, Монголын хөгжлийг  түүчээлж байгаа та бүхэнд ТОП 100 ААН-д эрэмбэлэгдсэнд МҮХАҮТ-ын зүгээс халуун баяр хүргэж, эдийн засгийн сорилыг төр засагтай хамтран хамтдаа даван туулъя” хэмээн уриалав. ТОП-100 аж ахуйг эрэмбэлэхдээ Сангийн яам, Гааль болон Татварын ерөнхий газар, НДЕГ, Улсын бүртгэл, Үндэсний статистикийн хороо болон МҮХАҮТ-ын төлөөллүүд хамтарсан Ажлын хэсгийн албан ёсны мэдээ, тайлан, тоон үзүүлэлтэд тулгуурлан ААН-ийн тухайн жилийн орлого, улсын төсөвт оруулсан татвар, нийгмийн даатгал төлсөн ажиллагсдын тоо, ашиг, хөрөнгийн  хэмжээ гэсэн үндсэн 5 үзүүлэлтийг чухалчилжээ.