Канадын “Тогтвортой уул уурхай” санаачлагыг танилцууллаа

2019-09-25 15:27

Уул уурхайн хөгжлөөр дэлхийд тэргүүлдэг Канадын хариуцлагатай уул уурхайн чиглэлээр “Тогтвортой уул уурхай” сургалт, семинар Улаанбаатар хотноо (09.24-25) болж байна. Энэхүү сургалтад Канадын Уул уурхайн ассоциациас хэрэгжүүлж буй “Тогтвортой уул уурхай” санаачлагын (Towards Sustainable Mining) талаар танилцуулж байгаагаараа онцлогтой. Уг сургалтыг салбарын яам болон Монголын уул уурхайн үндэсний ассоциаци Канадын SESMIM төслийн дэмжлэгтэйгээр зохион байгуулж байгаа юм.

Төр, хувийн хэвшлийн төлөөлөл оролцож буй энэхүү сургалтад Канадын Уул уурхайн ассоциацийн Тэргүүн дэд ерөнхийлөгч Бен Чалмерс “Тогтвортой уул уурхай” санаачлагын талаар танилцууллаа. Түүний тайлбарласнаар, уг санаачилга нь уул уурхайн компаниудын хувьд тогтвортой, хариуцлагатай уул уурхайн үйл ажиллагааны гүйцэтгэлийг сайжруулдгаараа онцлог гэдгийг тодотгов. Санаачлагад найман чиглэлээр протокол гаргасан байдаг. Үүнд, Олон нийт, уугуул иргэдийн оролцоог хангах, Онцгой байдлын үеийн менежмент, Биологийн олон янз байдлыг хамгаалах менежмент, Эрчим хүч, хүлэмжийн хийн ялгарлын менежмент, Хөдөлмөрийн аюулгүй байдал, эрүүл ахуй, Усны менежмент, Хаягдлын далангийн менежмент зэрэг чиглэл багтжээ. Үндсэндээ 15 жил тус санаачлага хэрэгжиж байгаа бөгөөд Финлянд, Ботсвана, Аргентин, Филиппин гэх мэт долоон орон элссэн байна.

Монгол Улсын хувьд олон нийтийн дунд уул уурхайн салбарын нэр хүнд тааруу, үл ойлголцол байсаар байгаа цагт ийм төрлийн санаачлагыг авч хэрэгжүүлэх нь ихээхэн нүдээ олсон хэрэг болно гэж салбарын мэргэжилтнүүд үзэж байна.  

Бен Чалмерс энэхүү санаачлагыг хэрэгжүүлснээр нь уул уурхайн компаниудын үйл ажиллагааг тогтвортой хөгжлийн зарчимд нийцүүлээд зогсохгүй зардлын хувьд ч бууруулах боломжтой болохыг тодотгосон юм.

SESMIM төслийн Монгол дахь захирал Вит Сименюк “Сургалтад олон сонирхолтой чиглэл багтсан. Тухайлбал санаачлагын нэг протокол болох “Эрчим хүч, хүлэмжийн хийн менежмент”-ийн танилцуулга нь Монгол Улс уур амьсгалын өөрчлөлтийн эсрэг Парисын гэрээнд нэгдээд буй үед цагаа олсон мэдээлэл болж байна” хэмээлээ.

Сүүлд, өнгөрсөн зургадугаар сард Монгол Улсын уул уурхайн салбарын зарим томоохон компани  “Хариуцлагатай уул уурхайн сайн дурын кодекс”-т нэгдсэн. Харин Канадын “Тогтвортой уул уурхайн санаачлага” нь  зөвхөн дотоод төдийгүй хөндлөнгийн үнэлгээ хийж, гүйцэтгэлийг бодит түвшинд сайжруулдгаараа онцлогтой ажээ. Энэ чиглэлд Канадын туршлагаас суралцах зүйлс олон байгааг SESMIM төслийн зөвлөхүүд тайлбарлаж байна.  

Санаачлагад нэгдсэн орнуудын компаниудын жишээнээс харахад санаачлагын шалгуурт өндөр үнэлгээ авахад амаргүй бөгөөд “боломжийн” гэсэн үнэлгээний эзэн болоход гурван жил, түүнээс ч илүү хугацаа зарцуулах тохиолдол байх ажээ.  

Энэхүү сайн дураар мөрдөх санаачлагын үндсэн шаардлагууд нь тухайн улсын хууль эрх зүй, дүрэм журмын үүрэг заалттай давхцаж болох боловч олон нийтэд нээлттэйгээр тайлагнах, үйл ажиллагааны болзошгүй эрсдлийг урьдчилан илрүүлэхэд дөхөмтэй байдаг байна. Санаачлагад нэгдэх тохиолдолд юун түрүүнд тухайн улсын уул уурхайн холбооноос хүсэлтээ илэрхийлж, санаачлагыг өөрийн улсын шаардлагад нийцүүлэн боловсруулна. Энэ удаагийн сургалтаар талуудад зөвхөн танилцуулга хийж, цаашид элсэх эсэх нь тухайн улсын уул уурхайн холбоо, компаниудын хүсэл сонирхол, идэвхи зүтгэлээс хамаарах юм.

Канадын Уул уурхайн ассоциаци нь 1935 онд байгуулагдсан бөгөөд тус холбооны гишүүд нь өнгөт болон үнэт метал, уран, очир эрдэнэ, коксжих нүүрс, битум болон бусад төрлийн ашигт малтмал олборлолтын компаниудыг хамарна. 2016 оноос эхлүүлсэн SESMIM төслийн хувьд Канадын Засгийн газрын дэмжлэгтэйгээр тогтвортой уул уурхайн засаглалыг бэхжүүлэх чиглэлээр Монголд хэрэгжүүлж буй төсөл юм.

 

 

Б.Төгс

Сэтгэгдэл (1)

  • dores (197.234.221.206)
    Сайн уу Бид Францын санхүүжилтийн бүлэг тул санхүүгийн бэрхшээлтэй хүмүүст хувь хүмүүсийн хоорондох зээлийг санал болгодог. Та сайн зан чанартай, шударга, өгөөмөр нэгэн юм. Өр төлбөрөө барагдуулах, төлбөрөө төлөх эсвэл агуу бизнес эхлүүлэхэд танд зээл хэрэгтэй юу? Бид 5,000-1,000,000 еврогийн хоорондох зээлийг санал болгодог бөгөөд хүссэн дүнгийн хувьд жилийн 3% -ийн хүүтэй жилийн хүүтэй байдаг. Хэрэв та хувийн зээл хайж байгаа бол Бидэнтэй холбоо бариарай: doresrodriguez17@gmail.com Бид танд талархаж байна
    2020 оны 06 сарын 03 | Хариулах
Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 45 минутын өмнө
    Сүүлийн нэг жилийн хугацаанд КОВИД-19-ийн улмаас нөхцөл байдал амаргүй байсан хэдий ч Австралийн хөрөнгийн бирж дээр уул уурхайн 42 компани IPO хийсэн үзүүлэлтээр бусад биржүүдийг тэргүүлжээ. Тухайлбал, мөн хугацаанд уул уурхайн компаниуд Торонтогийн хөрөнгийн бирж дээр 28, Лондоны бирж дээр 2 удаагийн анхдагч хувьцааны арилжаа хийсэн байна. Тухайн бирж дээр бүртгэлтэй уул уухайн компаниудын 1% нь зэс, 17% нь алтны чиглэлийнх аж. Австрали, Монгол Улсад зэс-алтны төсөл хэрэгжүүлдэг “Kincora Copper” компани IPO-оор босгох зорилтот хөрөнгийн хэмжээгээ хоёр дахин нэмэгдүүлсэн байна. 
  • 2 цаг 5 минутын өмнө
    Монгол Улсын ашигт малтмалын худалдаанаас алт нь 1-2 тэрбум ам.долларын эргэлттэй салбар болно гэж бодлого тодорхойлогчид олонтаа мэдэгдэх болов. Энэ нь өөдрөг төсөөлөл бус бодит болохыг өнгөрсөн онд алтны салбарын орлого тод харуулж бараг 2 тэрбум ам.долларт дөхлөө. Гэхдээ амжилтаа хадгалж, цаашдаа энэ хэмжээнд тогтвортой явах эсэх нь улсын алтны сан хөмрөг хэр байхаас шалтгаална. Өөрөөр хэлбэл, шинээр алтны орд нээх, нөөц илрүүлэх, бүрдүүлэх мэтчилэн геологийн судалгаа болоод хайгуулын тусгай зөвшөөрлийн олголтыг эрчимжүүлэхээс шууд хамаарна гэсэн үг. Манай улсын нийт алтны нөөц 2000 тонн бөгөөд үүний 1000 нь Оюутолгойн буюу зэсийг дагалдсан алт гэсэн албан бус мэдээлэл байдаг. Тэгвэл УУХҮЯ-ны мэдээлснээр, Оюутолгойн ордыг тооцохгүй нийт бүртгэгдсэн 489.5 тонн алтны нөөцийн 90 орчим хувь нь үндсэн орд, үлдсэн хувьд шороон ордынх аж.
  • 3 цаг 25 минутын өмнө
    Төмөр замын тээврийн тухай хуулийн шинэчилсэн найруулгын төслийг УИХ-ын хаврын чуулганаар хэлэлцэх тухай "Зүүнбаян төмөр зам" ХХК-ийн Ахлах мэргэжилтэн Э.Удвал мэдээлэл өгчээ. Тус хуулийн төслийг Зам тээвэр хөгжлийн яамнаас өнгөрсөн оны тавдугаар сард Засгийн газарт өргөн барьсан байна. Нийт 11 бүлэг бүхий энэхүү хуулийн төсөл батлагдснаар төмөр замын тээврийн сүлжээ, дэд бүтцийн бүтээн байгуулалт, хөдлөх бүрэлдэхүүн чингэлэгтэй холбоотой харилцаа болон бусад олон асуудал хуульчлагдах аж. 
  • 3 цаг 47 минутын өмнө
    “Улаанбаатар төмөр зам” хувь нийлүүлсэн нийгэмлэгээс “Төмөр замын тээврийн аюулгүй-асуудал, шийдэл” онол практикийн бага хурлыг тавдугаар сарын эхээр цахимаар зохион байгуулахаар болжээ. Энэхүү хурлаар төмөр замын тээврийн аюулгүй байдлыг хангах талаар авч хэрэгжүүлж буй ажлууд, үр дүнтэй санал, санаачлагыг дэмжих, сурталчлах, тээвэрлэлтийн үйл ажиллагаа явуулахтай холбогдсон хууль тогтоомж, төмөр замын тээврийн аюулгүй байдлын стандартыг хэрэгжүүлэх үйл ажиллагаанд тулгамдаж буй асуудлыг шийдвэрлэх арга замыг тодорхойлоход чиглэж байгаа аж. 
  • 23 цаг 27 минутын өмнө
    Энэ сарын 16-17-ны өдрийн байдлаар, Гашуунсухайт боомтоор нийт 201 тээврийн хэрэгсэл  нэвтэрч байгааг УУХҮЯ-наас мэдээлжээ. Ашигт малтмалын экспортын тухайд, нүүрсний 114, зэсийн баяжмалын 64 машин тус тус боомтоор нэвтэрсэн байна. Тээвэр хийж буй жолооч нар өдөрт 5 автобусаар Хятад руу гарч PCR шинжилгээнд хамрагдаж буй аж. КОВИД-19-ийн халдвар Монгол Улсад нэмэгдсэнтэй холбоотойгоор Хятадын талаас ариутгал халдваргүйжилтийг өндөр түвшинд хийх шинэ журам мөрдөгдөж байгаа юм. Шинэ журмаар, тээврийн жолооч нар өдөртөө шинжилгээ өгч, сөрөг гарсан тохиолдолд улсын хилийг давж ачаагаа авч орно.