“Монгол-Хятадын экспо-2019” эхэллээ

2019-09-06 13:22

“Монгол-Хятадын экспо-2019” гурав дахь удаагийн арга хэмжээ есдүгээр сарын 06-10-ны өдрүүдэд Өвөр Монголын Өөртөө Засах Орны нийслэл Хөх хот,  Улаанцав, Тунгляо хотуудад зохион байгуулагдаж байна. Энэхүү арга хэмжээ нь  “Бүс ба Зам” санаачлагын хүрээнд Хятад-Монгол-Оросын “Эдийн засгийн коридор”-ыг  байгуулж Зүүн хойд Азийн бүс нутгийн хамтын ажиллагааг урагшлуулъя” уриан дор болж байгаа юм. Монгол Улс, БНХАУ-ын хооронд дипломат харилцаа тогтоосны 70 жилийн ой тохиож байгаатай холбогдуулан хоёр тал энэ удаагийн Экспод чухал ач холбогдол өгч ажиллаж буйг зохион байгуулагчид тодотгон хэлж байв.

Энэ удаагийн экспод  Хятадын талаас Бүх Хятадын Ардын Их Хурлын дэд дарга Бай Ма Чилин, Монголын талаас Шадар сайд Ө.Энхтүвшин нар тэргүүлж оролцож, мөн үйл ажиллагааг Монголын талаас ХХААХҮ-ийн Сайд Ч.Улаан, Хятадын талаас ӨМӨЗО-ны Засгийн ордны дэд тэргүүлэгч хатагтай Ай Ли Хуа нар удирдан зохион байгуулж байна.

Экспо нь үзэсгэлэн яармаг, соёлын солилцоо, хурал форум, хөрөнгө оруулалтын чуулга уулзалт гэсэн үндсэн 4 хөтөлбөрийн хүрээнд зохион байгуулагдаж, Монгол Улсаас 450 аж ахуй нэгж Хөх Хот, Улаанцав хотуудад болох үзэсгэлэн худалдаанд өөрсдийн үйлдвэрлэсэн бараа бүтээгдэхүүнийг борлуулах, үйл ажиллагаагаа сурталчилж буй. Тус экспо нь хоёр жилд нэг удаа болдог бөгөөд энэ жилийнх нь гурав дахь удаагийн гэдгээрээ ихээхэн онцлогтой юм. Анхны арга хэмжээнд Монгол Улсаас 251 аж ахуйн нэгж нийт 1.2 сая юанийн борлуулалт хийсэн бол хоёр дахь удаагийнхд 400 аж ахуйн нэгж оролцон нийт 6.2 сая юанийн борлуулалт хийжээ. Харин гуравдахь удаагийн экспод 450 аж ахуйн нэгж,  1200 орчим зочид төлөөлөгч оролцож буй нь өмнөх жилээс давсан борлуулалт хийх боломжтой хэмээн зохион байгуулагчид хэллээ. Экспод Монголын  төр засгийн удирдах албан тушаалтнуудаас гадна аймгийн Засаг дарга нар, холбогдох албаны хүмүүс аж ахуйн нэгж, иргэдээ дэмжин оролцож байгаа нь экспог илүү өргөн хүрээнд болох нөхцлийг бүрдүүлжээ.

Монголын талын зочид төлөөлөгчид Улаанцав хотноо есдүгээр сарын 6-ны өдөр зохион байгуулагдсан “Монгол Улсын дүр төрхийн үзэсгэлэн” болон бусад 5 орны дүр төрхийн үзэсгэлэнтэй танилцлаа. Монгол улсын дүр төрхийг харуулахдаа Гурван тулгуурт хөгжлийн бодлоготой уялдуулсан байдлаар зохиомжилжээ.Үүний дараа “Зүүн хойд Азийн бүс нутгуудын хамтын ажиллагааны дээд хэмжээний форум Улаанцав хотын хурлын төв ордонд эхэлж, ӨМӨЗО-ны намын хорооны ерөнхий нарийн бичгийн дарга, Ардын Төлөөлөгчдийн Их Хурлын Байнгын Хорооны дарга Ли Жихөн нээлтийн үг хэлэх юм. Мөн БНХАУ-ын Худалдааны Яамны туслах сайд Рэнь Хунбин, Монгол Улсын ХХААХҮ-ийн Сайд Ч.Улаан, Монгол Улсын Шадар сайд Ө.Энхтүвшин  зэрэг төр засгийн өндөр албан тушаалтнууд төлөөлөгчдөд хандан товч үг хэлнэ. Зүүн Хойд Азийн бүс нутгуудын хамтын ажиллагааны дээд форумын энэ хэсэгт Японы Ёс зүйн хүрээлэнгийн тэргүүн Маруяма Тошияки“Геополитик-ёс зүй” сэдвээр сонирхолтой илтгэл тавих аж.

“Монгол-Хятадын эскпо-2019” арга хэмжээ нь  Бүс нутгийн хамтын ажиллагаа, эдийн засаг, худалдаа, хөрөнгө оруулалт”, Төслүүдийн хамтын ажиллагааны уулзалт, Монгол-Хонгконг-Макао-ӨМӨЗО-ны эдийн засаг, худалдаа, хамтын ажиллагааны хурал, Монгол-Хятадын стандартчиллын форум, Монгол-Хятадын худалдаа-эдийн засгийн салбар дахь хууль зүйн үйлчилгээний хамтын ажиллагааны форум, Монгол-Хятадын хамтарсан технологи дамжуулалт ба инновацийн хамтын ажиллагааны хоёр дахь удаагийн форум зэрэг олон салбар хуралдаанд хуваагдан зохион байгуулагдана.

Тухайлбал,   Бүс нутгийн хамтын ажиллагаа, эдийн засаг, худалдаа, хөрөнгө оруулалт” чуулга уулзалтаар эдийн засаг, худалдааны хамтын ажиллагааны томоохон төсөл танилцуулж, төсөлд гарын үсэг зурах ёслол болсон юм. Уг арга хэмжээнд Монголын талаас Үндэсний хөгжлийн газрын дарга Б.Баярсайхан, Хятадын талаас Хөгжил шинэтгэлийн хорооны дарга Гүн Минжу нар оролцон хоёр орны эдийн засаг, нийгмийн байдал, хөрөнгө оруулалтын орчин, хөгжлийн гол чиглэл, төрийн бодлого ба авч хэрэгжүүлж буй ажлуудын талаар мэдээлэл өгөх юм. Мөн ӨМӨЗО-ны Байгаль орчны танхимын дэд дарга Ду Жюньфөн хөрөнгө оруулалтын орчин болон хамтын ажиллагааны гол төслүүд, ӨМӨЗО-ны Хөдөө аж ахуйн танхимын дэд дарга Юнь Айхоу хөрөнгө оруулалтын орчин болон хамтын ажиллагааны гол төслүүдээ тус тус танилцуулах юм.

“Монгол-Хятадын экспо” нь мөн Хөх хотын Олон улсын үзэсгэлэнгийн танхимд  Монголын бараа, бүтээгдэхүүний үзэсгэлэн, худалдаагаар үргэлжилж байна.  Монголын бараа бүтээгдэхүүний үзэсгэлэнгийн зохион байгуулалтыг Хятадын талаас Худалдааг дэмжих хороо, Монголын талаас Хүнс, хөдөө аж ахуй хөнгөн үйлдвэрийн яам, Монголын үндэсний худалдаа аж үйлдвэрийн танхим, Мишээл экспо ХХК, Монголын үйлдвэрлэгчдийг дэмжих холбоо ТББ нар хамтран зохион байгуулж байна.  

 

                                                                                                                     Г.Идэрхангай  

                                                                                                             ӨМӨЗО-ны Улаанцав хот

Сэтгэгдэл байхгүй байна

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 2020-05-29 14:56
    Монгол Улс Санхүүгийн хориг арга хэмжээ авах байгууллага (ФАТФ)-ын мөнгө угаах, терроризмыг санхүүжүүлэхтэй тэмцэх стратегийн дутагдалтай орнуудын жагсаалтад 2019 оны аравдугаар сард орсноор нийт 4 шууд хэрэгжилтийн зөвлөмж дээр 6 үүрэг даалгавар авсан. Монгол Улсын Засгийн газраас байгуулагдсан ажлын хэсэг, Үндэсний зөвлөл, Хамтын ажиллагааны зөвлөлийн гишүүн байгууллагууд, хувийн хэвшил болон мэргэжлийн холбоодын хамтарсан ажлын хэсгүүд ФАТФ-ын стратегийн дутагдалтай орнуудын жагсаалтаас гарах чиглэлээр эрчимтэй ажиллаж, төлөвлөгөөнд тусгасан ажлуудтай холбоотой тайланг ФАТФ-ын Ази, Номхон Далай бүс хариуцсан хамтарсан бүлэгт цаг тухайд нь хүргүүлж ажиллалаа.
  • 2020-05-25 13:53
    Цар тахлын тархалтаас урьдчилан сэргийлэх үүднээс Засгийн газраас хөл хорио тогтоох арга хэмжээ авч хэрэгжүүлж байна. Өвчний тархалтаас сэргийлэх талаар амжилттай боловч хөл хорионы сөрөг нөлөөнөөс уул уурхайн салбарын үйлдвэрлэл, экспорт буурах, худалдааны салбарын идэвх сулрах, аялал жуулчлал, тээвэр, үйлчилгээний салбар орлогогүй болоход хүрч, улмаар бусад салбаруудад нөлөөлж байна. Энэ  гинжин холбоогоор банкны салбарт ч тодорхойгүй байдал, эрсдэл, сөрөг нөлөөг үзүүлж байгаа. Монголбанкны судалгаагаар коронавирусын нөлөөлөлд 54 мянган зээлдэгчийн 3.5 их наяд төгрөгийн зээл өртөж байгаа гэсэн тооцоо бий. Манай улсын хувьд санхүүгийн зах зээлийн 90 орчим хувийг банкны систем бүрдүүлдэг. Иргэд, аж ахуйн нэгж хямралд өртөн орлогогүй болж, зээлээ эргэн төлөхөд хүндрэл үүссэнээр банкуудын өөрийн хөрөнгө, ашигт ажиллагаа буурч, эрсдэлийн сангаа нэмэгдүүлэх шаардлагатай тулгарна.
  • 2020-05-25 13:52
    Монгол Улсын парламент  2019 оны арваннэгдүгээр сарын 14-ний пүрэв гарагийн хуралдаанаараа Үндсэн хуульдаа нэмэлт өөрчлөлт оруулсан. 1992 оны нэгдүгээр сарын 13-нд ардчилсан тодотголтой Үндсэн хуулиа баталснаас хойш 2000 онд анх удаа “гар хүрч”, “дордох”-ын хэмээгддэг 7 заалтад оруулсан нь цаг хугацааны эрхээр багагүй маргаан дагуулж ирсэн юм. Энэхүү 7 заалтаас зургаад нь нэмэлт, өөрчлөлт хийснээр Үндсэн хуулийн өнгө төрх багагүй сайжирсан юм. Хоёр удаа нийгмээрээ хэлэлцэж, гурав дахь удаагийн хэлэлцүүлгээ парламентын хуралдаанд гуравхан цагийн дотор хийсэн Үндсэн хуулийн нэмэлт өөрчлөлтийг өнөөдөр /2020 оны тавдугаар сарын 25/ 12.00 цагт буюу 17-р жарны төмөр хулгана жилийн зуны тэргүүн сарын шинийн 3-ны морин цагаас эхлэн улс орон даяар мөрдөж эхэлж байна.
  • 2020-05-25 13:00
    “Шивээ-Овоо” ХК-ийн Төлөөлөн удирдах зөвлөлийн ээлжит хурлыг тус уурхай дээр зохион байгуулж, үйл ажиллагаанд тулгамдаж буй асуудалтай танилцан, хэд хэдэн чиглэлээр үүрэг өглөө. Төлөөлөн удирдах зөвлөлийн дарга Э.Дөлгөөн уурхайн олборлолтын зардлыг бууруулах чиглэлээр тооцоо судалгаа хийж, танилцуулах, компанийн худалдан авалтын сонгон шалгаруулалтыг хуулийн хүрээнд нээлттэй зарлахыг компанийн удирдлагуудад чиглэл болгосон байна. Мөн 2020-2021 оны өвөлжилтийн бэлтгэл ажлыг хангах хүрээнд нарийвчилсан төлөвлөгөө боловсруулж, шаардлагатай арга хэмжээг ирэх саруудад авахаар болжээ. 
  • 2020-05-22 14:01
    Монгол улсын Засгийн газар, МҮХАҮТ хамтран Монгол Улсын ТОП-100 аж ахуйн нэгжийг эрэмбэлэн өргөмжлөх үйл ажиллагааг 19 дахь жилдээ анх удаа /тавдугаар сарын 20/ цахим хэлбэрээр зохион байгууллаа. Цахим арга хэмжээг нээж МҮХАҮТ-ын Ерөнхийлөгч О.Амартүвшин  “2020 он бол бид бүхний хувьд туйлын өндөр сорилттой жил болж байна. Монголын эдийн засгийг нуруун дээрээ үүрч, Монголын хөгжлийг  түүчээлж байгаа та бүхэнд ТОП 100 ААН-д эрэмбэлэгдсэнд МҮХАҮТ-ын зүгээс халуун баяр хүргэж, эдийн засгийн сорилыг төр засагтай хамтран хамтдаа даван туулъя” хэмээн уриалав. ТОП-100 аж ахуйг эрэмбэлэхдээ Сангийн яам, Гааль болон Татварын ерөнхий газар, НДЕГ, Улсын бүртгэл, Үндэсний статистикийн хороо болон МҮХАҮТ-ын төлөөллүүд хамтарсан Ажлын хэсгийн албан ёсны мэдээ, тайлан, тоон үзүүлэлтэд тулгуурлан ААН-ийн тухайн жилийн орлого, улсын төсөвт оруулсан татвар, нийгмийн даатгал төлсөн ажиллагсдын тоо, ашиг, хөрөнгийн  хэмжээ гэсэн үндсэн 5 үзүүлэлтийг чухалчилжээ.