Coal Mongolia: Хятадын коксжих нүүрсний импортын хэмжээ тогтвортой хадгалагдана

2019-09-06 12:47

Нүүрсний худалдаа, хөрөнгө оруулалтын чиглэлийн олон улсын хурал болох “Coal Mongolia ес дэх жилдээ “Өрсөлдөөнд манлайлъя” уриан дор болж (09.05-06) байна. Хурлын үеэр “Монгол нүүрс ассоциаци”-ийн Гүйцэтгэх захирал Ж.Золжаргал манай улсын нүүрсний экспорт цаашид хэмжээнээс илүүтэй чанарт анхаарах цаг болсныг санууллаа.

Одоогийн байдлаар Монголын нүүрсний экспортын дийлэнхийг түүхий буюу боловсруулаагүй бүтээгдэхүүн эзэлж байгаа нь үнэ өрсөлдөхүйц хэмжээнд очихгүй байгаа нэг шалтгаан болж байна. Ашигт малтмал, газрын тосны газрын мэдээлснээр энэ оны эхний долоон сарын байдлаар боловсруулсан нүүрсний экспорт нийт нүүрсний экспортын 17%-ийг эзэлсэн байна.

Монголын нүүрсний салбарын тэргүүлэх тоглогчдын нэг “Энержи Ресурс” компанийн Гүйцэтгэх захирал Г.Батцэнгэл хурлын үеэр Монголын нүүрсний салбар Хятад болон барууны орнуудтай харьцуулахад олборлолтын өртөг багатай нь давуу тал ч гэлээ бүтээгдэхүүнээ зах зээлд хүргэж өгөх зардал нь харин хавьгүй илүү байгаа нь сул тал болж байгааг тэмдэглэлээ. Мөн тэрбээр гуравдагч зах зээлд хүрэхэд хүндрэлтэй нь манай сул тал болдог ч энэ сул талаа хэрхэн давуу тал болгох тухайд анхаарч ажиллах. Өөрөөр хэлбэл Хятадын хойд хэсгийн зах зээлд байр сууриа бататгах нь эхний чухал зорилт болохыг онцоллоо. Үүний дараагаар гуравдагч зах зээлд хүрэх ажилдаа анхаарах нь илүү зохистой ажээ.

Транзит тээврийн хувьд хоёр хөрш манай улсад хөнгөлөлт санал болгож байгаа ч хоёр улсын дотоодын төмөр замын тээвэр ихээхэн ачаалал өндөртэй байгаа юм. Мөн транзит хөнгөлөлттэйгөөр манай улсын нүүрс гуравдагч зах зээлд хүрэх мөрөөдөл нь зөвхөн коксжих нүүрсний зах зээлийн оргил үед л боломжтой ажээ. Мэдээж зах зээл үргэлж оргил түвшинд хадгалагдаад байхгүйг хүн бүр мэднэ. Тэгэхээр илүү бодитой зах зээл нь Хятад гэдэг нь яриангүй болж байна. Гэвч Хятад руу чиглэсэн нүүрсний төмөр зам одоог хэр нь үгүйлэгдсэн хэвээр. Энэ тухай салбарын сайд Д.Сумъяабазар хурлын нээлтийн үеэр “Тавантолгой-Гашуунсухайт, Тавантолгой-Зүүнбаян чиглэлийн төмөр замын төслийг хэрэгжүүлэх “Тавантолгой төмөр зам” компанийг төрийн өмчийн оролцоотой байгуулахаар Засгийн газраас шийдвэрлэсэн... Энэхүү ажлын эхний ээлжийн санхүүжилтийн асуудал шийдэгдээд байгаа бөгөөд зам барилгын ажил төлөвлөгөөний дагуу өрнөж эхлээд байна.” гэж мэдэгдсэн юм.

Хурлын хоёр дахь өдөр дэд бүтцийн асуудлыг дэлгэрэнгүй хэлэлцэнэ. “Coal Mongolia хурлын бас нэг сонирхолтой хэсэг нь бодлого шийдвэр, дэд бүтцийн асуудлаас гадна нүүрсний зах зээлийн төлөв байдлын талаарх хэлэлцүүлэг байдаг. Энэ удаагийн хуралд Хятадын “Today Think Tank Energy байгууллага (хамтран зохион байгуулагч) болон “S&P Global Platts”-ын төлөөлөл хүрэлцэн ирж оролцлоо.

Today Think Tank Energy”-ийн Ерөнхийлөгч Xue Wenlin “Хятадын коксжих нүүрсний зах зээлийн шинжилгээ, 2019-2020 оны төлөв” сэдэвт илтгэлдээ тус улсын коксжих нүүрсний импорт ойрын хугацаанд 70 сая тонноос хэтрэхгүй болов уу гэж үзэж байгаагаа тэмдэглэлээ. АНУ-Хятадын худалдааны дайны нөлөөгөөр голлох түүхий эдийн импорт буурч магадгүйг анхаарууллаа. Хятад улс нь Австралийн коксжих нүүрсийг худалдан авах хэмжээгээ бууруулж буй нь улс төрийн шинжтэй байж болох юм. Одоогоор Австралийн нүүрсний импортын хувьд хязгаарлах бодлого хэвээр үргэлжилж байгааг хэллээ. Харин Монголын нүүрсний импортын хувьд ямар нэг хязгаарлах бодлого ажиглагдаагүй байна. Мөн тэрбээр Хятадын Засгийн газрын хувьд тус улсын нүүрсний экспортод квот тавьдаг ч импортод квот тавьдаггүй. Харин оны эхний хагаст импорт багагүй өссөн дүн гарвал оны хоёрдугаар хагаст тодорхой хязгаарлалт хийдэг болохыг тайлбарлалаа.

Энэ оны эхний хагасын байдлаар Хятадын коксжих нүүрсний импорт 36.3 сая тоннд хүрсэн нь өнгөрсөн оны мөн үеийнхээс 20 гаруй хувиар нэмэгдчихээд байгаа юм. Үүнтэй холбоотойгоор зарим нэг далайн боомтуудад нүүрсний импортыг хязгаарлах бодлого долдугаар сараас эхлэн хэрэгжиж эхлээд байгаа юм. Гэхдээ энэхүү бодлого газрын боомтуудад ажиглагдаагүй ч он дуусах хүртэл худалдан авалт буурч болзошгүйг салбарын төлөөллүүд үгүйсгэхгүй байна.

Монгол улсын хувьд энэ онд Хятадын коксжих нүүрсний импортод тэргүүлэх улсын байранд зогсоод байгаа нь Австралийн нүүрсний импорт буурах болсонтой холбоотой. Өөрөөр хэлбэл Монголын нүүрсний салбарын өрсөлдөх чадвар дээшлээгүй хэвээр бөгөөд хүчтэй өрсөлдөгчидтэй нүүр тулахад ямар ч бэлтгэлгүй байгааг салбарынхан илэрхийлэв. Цаашид Хятадын коксжих нүүрсний импорт тогтвортой хадгалагдах нөхцөлд манай улс илүү байгальд ээлтэй, өртөг багатай тээврийн шийдэл болох төмөр замаа цаг алдалгүй ашиглалтад оруулах шаардлагатай байгаа юм. Нөгөөтэйгүүр хил гаалийн зохицуулалт болон худалдааны бусад олон асуудлыг дээд түвшинд шийдвэрлэх шаардлагатай байгааг Монголын нүүрсний салбарын гол төлөөллүүд анхааруулж байна.

 

Б.Төгс

 

Сэтгэгдэл байхгүй байна

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • Өчигдөр 13 цаг 53 минутад
    Цар тахлын тархалтаас урьдчилан сэргийлэх үүднээс Засгийн газраас хөл хорио тогтоох арга хэмжээ авч хэрэгжүүлж байна. Өвчний тархалтаас сэргийлэх талаар амжилттай боловч хөл хорионы сөрөг нөлөөнөөс уул уурхайн салбарын үйлдвэрлэл, экспорт буурах, худалдааны салбарын идэвх сулрах, аялал жуулчлал, тээвэр, үйлчилгээний салбар орлогогүй болоход хүрч, улмаар бусад салбаруудад нөлөөлж байна. Энэ  гинжин холбоогоор банкны салбарт ч тодорхойгүй байдал, эрсдэл, сөрөг нөлөөг үзүүлж байгаа. Монголбанкны судалгаагаар коронавирусын нөлөөлөлд 54 мянган зээлдэгчийн 3.5 их наяд төгрөгийн зээл өртөж байгаа гэсэн тооцоо бий. Манай улсын хувьд санхүүгийн зах зээлийн 90 орчим хувийг банкны систем бүрдүүлдэг. Иргэд, аж ахуйн нэгж хямралд өртөн орлогогүй болж, зээлээ эргэн төлөхөд хүндрэл үүссэнээр банкуудын өөрийн хөрөнгө, ашигт ажиллагаа буурч, эрсдэлийн сангаа нэмэгдүүлэх шаардлагатай тулгарна.
  • Өчигдөр 13 цаг 52 минутад
    Монгол Улсын парламент  2019 оны арваннэгдүгээр сарын 14-ний пүрэв гарагийн хуралдаанаараа Үндсэн хуульдаа нэмэлт өөрчлөлт оруулсан. 1992 оны нэгдүгээр сарын 13-нд ардчилсан тодотголтой Үндсэн хуулиа баталснаас хойш 2000 онд анх удаа “гар хүрч”, “дордох”-ын хэмээгддэг 7 заалтад оруулсан нь цаг хугацааны эрхээр багагүй маргаан дагуулж ирсэн юм. Энэхүү 7 заалтаас зургаад нь нэмэлт, өөрчлөлт хийснээр Үндсэн хуулийн өнгө төрх багагүй сайжирсан юм. Хоёр удаа нийгмээрээ хэлэлцэж, гурав дахь удаагийн хэлэлцүүлгээ парламентын хуралдаанд гуравхан цагийн дотор хийсэн Үндсэн хуулийн нэмэлт өөрчлөлтийг өнөөдөр /2020 оны тавдугаар сарын 25/ 12.00 цагт буюу 17-р жарны төмөр хулгана жилийн зуны тэргүүн сарын шинийн 3-ны морин цагаас эхлэн улс орон даяар мөрдөж эхэлж байна.
  • Өчигдөр 13 цаг 00 минутад
    “Шивээ-Овоо” ХК-ийн Төлөөлөн удирдах зөвлөлийн ээлжит хурлыг тус уурхай дээр зохион байгуулж, үйл ажиллагаанд тулгамдаж буй асуудалтай танилцан, хэд хэдэн чиглэлээр үүрэг өглөө. Төлөөлөн удирдах зөвлөлийн дарга Э.Дөлгөөн уурхайн олборлолтын зардлыг бууруулах чиглэлээр тооцоо судалгаа хийж, танилцуулах, компанийн худалдан авалтын сонгон шалгаруулалтыг хуулийн хүрээнд нээлттэй зарлахыг компанийн удирдлагуудад чиглэл болгосон байна. Мөн 2020-2021 оны өвөлжилтийн бэлтгэл ажлыг хангах хүрээнд нарийвчилсан төлөвлөгөө боловсруулж, шаардлагатай арга хэмжээг ирэх саруудад авахаар болжээ. 
  • 2020-05-22 14:01
    Монгол улсын Засгийн газар, МҮХАҮТ хамтран Монгол Улсын ТОП-100 аж ахуйн нэгжийг эрэмбэлэн өргөмжлөх үйл ажиллагааг 19 дахь жилдээ анх удаа /тавдугаар сарын 20/ цахим хэлбэрээр зохион байгууллаа. Цахим арга хэмжээг нээж МҮХАҮТ-ын Ерөнхийлөгч О.Амартүвшин  “2020 он бол бид бүхний хувьд туйлын өндөр сорилттой жил болж байна. Монголын эдийн засгийг нуруун дээрээ үүрч, Монголын хөгжлийг  түүчээлж байгаа та бүхэнд ТОП 100 ААН-д эрэмбэлэгдсэнд МҮХАҮТ-ын зүгээс халуун баяр хүргэж, эдийн засгийн сорилыг төр засагтай хамтран хамтдаа даван туулъя” хэмээн уриалав. ТОП-100 аж ахуйг эрэмбэлэхдээ Сангийн яам, Гааль болон Татварын ерөнхий газар, НДЕГ, Улсын бүртгэл, Үндэсний статистикийн хороо болон МҮХАҮТ-ын төлөөллүүд хамтарсан Ажлын хэсгийн албан ёсны мэдээ, тайлан, тоон үзүүлэлтэд тулгуурлан ААН-ийн тухайн жилийн орлого, улсын төсөвт оруулсан татвар, нийгмийн даатгал төлсөн ажиллагсдын тоо, ашиг, хөрөнгийн  хэмжээ гэсэн үндсэн 5 үзүүлэлтийг чухалчилжээ.
  • 2020-05-21 14:53
    Засгийн газар шинэ коронавирусээс үүдэн эрсдэлд орсон  эдийн засгийг аврахаар гуравдугаар сарын сүүлээр дуугарч эхэлсэн нь 5.1 их наяд төгрөгийн багц хөтөлбөр байв. Үүнийг нь дөрөвдүгээр сарын 9-нд УИХ-ын чуулганаар “амь оруулан” баталлаа. 5.1 их наяд төгрөгийн   хөтөлбөр   яг хэрхэн эдийн засгийг аврах эсэх нь одоо ч тодорхой биш байгаа юм. Үүнээс хавьгүй эрт буюу гуравдугаар сарын 11-нд Монголбанк бодлогын хүүгээ буулгаж, төд удалгүй арилжааны банкуудыг “захиргаадаж”  хэрэглээний зээл  төлөлтийн  хугацааг сунгахыг хүчлэх болсон. Улмаар дөрөвдүгээр сарын 13-нд төв банк бодлогын хүүгээ дахин бууруулав. Гол асуулт нь эдийн засгийн төлөв бүрхэг байгаа нь иргэдийн сэтгэл зүйд сөргөөр нөлөөлж,  улмаар худалдаа, үйлчилгээний салбарын борлуулалтад шууд нөлөөлнө.  Энэхүү нөхцөл байдал эдийн засгаа сэргээхээр оролдож байгаа Хятадад ихээхэн тод илэрч байна.